Tamil Poem Comprehension Questions and Answers (TN Board)

பாடலைப் படித்து பின்வரும் வினாக்களுக்கு விடையளி

தென்னன் மகளே! திருக்குறளின் மாண்புகழே! இன்னறும் பாப்பத்தே! எண்தொகையே! நற்கணக்கே! மன்னுஞ்சிலம்பே ! மணிமே கலைவடிவே! முன்னும் நினைவால் முடிதாழ வாழ்த்துவமே!

1. இப்பாடலின் ஆசிரியர் யார்?

• அ) பாரதியார்
• ஆ) பாரதிதாசன்
• இ) முடியரசன்
• ஈ) பெருஞ்சித்திரனார் ✓ Correct

2. இப்பாடல் இடம் பெற்றுள்ள கவிதைத் தொகுப்பின் பெயர் யாது?

• அ) மலரும் மாலையும்
• ஆ) பாஞ்சாலி சபதம்
• இ) கனிச்சாறு ✓ Correct
• ஈ) கொடி முல்லை

3. 'தென்னன் மகள்' என்பதன் பொருள் யாது?

• அ) சேரன் மகள்
• ஆ) சோழன் மகள்
• இ) பல்லவன் மகள்
• ஈ) பாண்டியன் மகள் ✓ Correct

4. பாடலில் இடம்பெற்றுள்ள அடிஎதுகைச் சொற்களை குறிப்பிடுக.

• அ) தென்னன், இன்னறும் ✓ Correct
• ஆ) மன்னுஞ், மணிமேகலை
• இ) முன்னும், முடிதாழ
• ஈ) தென்னன், திருக்குறளின்

மாற்றம் எனது மானிடத் தத்துவம் மாறும் உலகின் மகத்துவம் அறிவேன்! எவ்வெவை தீமை எவ்வெவை நன்மை என்பதறிந்து ஏகுமென் சாலை! தலைவர் மாறுவர்; தர்பார் மாறும்! தத்துவம் மட்டுமே அட்சயப் பாத்திரம்!

1. இப்பாடல் வரிகளின் ஆசிரியர் யார்?

• அ) வாணிதாசன்
• ஆ) கண்ணதாசன் ✓ Correct
• இ) வண்ணதாசன்
• ஈ) முடியரசன்

2. இப்பாடலின் தலைப்பு யாது?

• அ) இயேசு காவியம்
• ஆ) சேரமான் காதலி
• இ) தைப்பாவை
• ஈ) காலக்கணிதம் ✓ Correct

3. மானிடத்துவம் என்று எதனை ஆசிரியர் குறிப்பிடுகிறார்?

• அ) வளர்ச்சி
• ஆ) ஏற்றத்தாழ்வு
• இ) புகழ்
• ஈ) மாற்றம் ✓ Correct

4. பாடலில் அமைந்துள்ள அடி மோனைச் சொற்களை எழுதுக.

• அ) மாற்றம், மாறும் ✓ Correct
• ஆ) மானிடம், மகத்துவம்
• இ) எவ்வெவை, ஏகுமென்
• ஈ) மாறுவர், மாறும்

மேகங்கள் ரொம்ப அற்புதமானவை தண்ணீரும் இல்லாமல் தன்னுயிரும் போகாமல் வான் வெளியில் மிதந்து செல்லும் போது மேகங்கள் மிகவும் மென்மையானவை.

1. இப்பாடல் வரிகள் இடம்பெற்ற கவிதைத் தலைப்பு

• அ) சித்தாளு
• ஆ) தேம்பாவணி
• இ) அக்கறை
• ஈ) மேகம் ✓ Correct

2. இப்பாடலின் ஆசிரியர் யார்?

• அ) வீரமாமுனிவர்
• ஆ) பாரதியார்
• இ) நாகூர்ரூமி ✓ Correct
• ஈ) கல்யாண்ஜி

3. இப்பாடலின் அடிமோனைச் சொற்கள்

• அ) தண்ணீரும், தன்னுயிரும் ✓ Correct
• ஆ) வான்வெளி, மிதந்து
• இ) மேகங்கள், தண்ணீரும்
• ஈ) மிதந்து, மேகங்கள்

4. தண்ணீரும் தன்னுயிரும் - இலக்கணக்குறிப்பு

• அ) உம்மைத்தொகை
• ஆ) எண்ணும்மை ✓ Correct
• இ) உவமைத்தொகை
• ஈ) பண்புத்தொகை

விருந்தினனாக ஒருவன் வந்து எதிரின் வியத்தல் நன்மொழி இனிது உரைத்தல் திருந்துற நோக்கல் வருக என உரைத்தல் எழுதல் முன் மகிழ்வன செப்பல் பொருந்து மற்றுஅவன் தன்அருகுற இருத்தல் போமெனில் பின் செல்வதாதல் பரிந்துநன் முகமன் வழங்கல் இவ்வொன்பான் ஒழுக்கமும் வழிபடும் பண்பே

1. இப்பாடலின் ஆசிரியர் யார்?

• அ) கீரந்தையார்
• ஆ) பரஞ்சோதி முனிவர்
• இ) மோசிகீரனார்
• ஈ) அதிவீரராம பாண்டியர் ✓ Correct

2. இப்பாடல் இடம் பெற்ற நூல் எது?

• அ) கலித்தொகை
• ஆ) நீதிவெண்பா
• இ) பெரியபுராணம்
• ஈ) காசிக்காண்டம் ✓ Correct

3. 'முகமன்' - சொல்லின் பொருள்

• அ) விருந்தோம்பல் சொல் ✓ Correct
• ஆ) கடுஞ்சொல்
• இ) பழிச்சொல்
• ஈ) தீயசொல்

4. இப்பாடலில் பயின்றுவரும் அடியெதுகைகளை எழுதுக.

• அ) இனிது, இருத்தல், இவ்வொன்பான்
• ஆ) விருந்து, வியத்தல், உறைத்தல், இருத்தல்
• இ) மகிழ்வன, மற்று, முகமன், போமெனில்
• ஈ) விருந்து, திருந்து, பொருந்து ✓ Correct

அள்ளல் பழனத்து அரக்காம்பல் வாயவிழ வெள்ளம் தீப்பட்ட(து) எனவெரீஇப்பு ள்ளினம்தம் கைச்சிறகால் பார்ப்பொடுக்கும் கவ்வை உடைத்தரோ நச்சிலைவேல் கோக்கோதை நாடு.

1. இப்பாடல் இடம்பெற்றுள்ள நூல் யாது?

• அ) நளவெண்பா
• ஆ) முத்தொள்ளாயிரம் ✓ Correct
• இ) ஏலாதி
• ஈ) இன்னிலை

2. இப்பாடலில் பயின்று வந்துள்ள அணி யாது?

• அ) உவமையணி
• ஆ) எடுத்துக்காட்டு உவமையணி
• இ) வஞ்சப்புகழ்ச்சி அணி
• ஈ) தற்குறிப்பேற்ற அணி ✓ Correct

3. அள்ளல் என்பதன் பொருள்

• அ) இசை
• ஆ) சேறு ✓ Correct
• இ) அஞ்சுதல்
• ஈ) கூவுதல்

4. இப்பாடலில் இடம் பெற்றுள்ள அடிஎதுகைச் சொற்களை எடுத்தெழுதுக.

• அ) அள்ளல் - அரக்காம்பல்
• ஆ) அள்ளல் - வெள்ளம் ✓ Correct
• இ) நச்சிலை - கோக்கோதை
• ஈ) கைச்சிறகால் - கவ்வை

பழுதுஇல் செய்வினைப் பால்கெழு மாக்களும்; குழலினும் யாழினும் குரல்முதல் ஏழும் வழுவின்றி இசைத்து வழித்திறம் காட்டும் அரும்பெறல் மரபின் பெரும்பாண் இருக்கையும்.

1. 'பெரும்பாண்' என்பதன் பொருள்

• அ) புலவர்
• ஆ) பாணர் ✓ Correct
• இ) அமைச்சர்
• ஈ) அந்தணர்

2. பாடலில் இடம்பெறும் அடிஎதுகைகள்

• அ) பழுதுஇல், வழுவின்றி ✓ Correct
• ஆ) வழுவின்றி, வழித்திறம்
• இ) குழலினும், குரல்முதல்
• ஈ) அரும்பெறல், பெரும்பாண்

3. 'வழு' என்பதன் பொருள்

• அ) குற்றம் ✓ Correct
• ஆ) சரி
• இ) பொய்
• ஈ) ஏமாற்றுதல்

4. இப்பாடலின் ஆசிரியர்

• அ) திருத்தக்க தேவர்
• ஆ) சீத்தலைச் சாத்தனார்
• இ) கம்பர்
• ஈ) இளங்கோவடிகள் ✓ Correct

விரிந்தன கொம்பில் கொய்த வீயென உள்ளம் வாட எரிந்தன நுதிநச்சு அம்புண்டு இரும்புழைப் புண்போல் நோகப் பிரிந்தன புள்ளின் கானில் பெரிதழுது இரங்கித் தேம்பச் சரிந்தன அசும்பில் செல்லும் தடவிலா தனித்தேன் அந்தோ!

1. இப்பாடல் இடம்பெற்ற நூல்

• அ) இரட்சணிய யாத்திரிகம்
• ஆ) பெத்லகேம் குறவஞ்சி
• இ) தேம்பாவணி ✓ Correct
• ஈ) சீறாப்புராணம்

2. இப்பாடலில் இடம்பெறும் அடியெதுகைகள்

• அ) விரிந்தன, எரிந்தன, பிரிந்தன, சரிந்தன ✓ Correct
• ஆ) விரிந்தன, வீயென
• இ) பிரிந்தன, புண்போல்
• ஈ) பிரிந்தன, புள்ளின்

3. "அசும்பு" என்பதன் பொருள்

• அ) நிலம் ✓ Correct
• ஆ) வானம்
• இ) கடல்
• ஈ) மேகம்

4. "கொம்பு" என்பதன் பொருள்

• அ) கிளை ✓ Correct
• ஆ) கொடி
• இ) தண்டு
• ஈ) வேர்

செந்தீச் சுடரிய ஊழியும்; பனியொடு தண்பெயல் தலைஇய ஊழியும்; அவையிற்று உள் முறை வெள்ளம் மூழ்கி ஆர்தருபு, மீண்டும் பீடு உயர்பு ஈண்டி, அவற்றிற்கும் உள்ளீடு ஆகிய இருநிலத்து ஊழியும்.......

1. இப்பாடல் வரிகள் இடம்பெற்றுள்ள நூல்

• அ) கலித்தொகை
• ஆ) பெரியபுராணம்
• இ) பரிபாடல் ✓ Correct
• ஈ) முல்லைப்பாட்டு

2. 'செந்தீ' என்பதன் இலக்கணக் குறிப்பு

• அ) பண்புத் தொகை ✓ Correct
• ஆ) உவமைத் தொகை
• இ) உம்மைத் தொகை
• ஈ) வேற்றுமைத் தொகை

3. 'தண்பெயல்' என்பதன் பொருள்

• அ) இனிய ஓசை
• ஆ) வறண்ட வயல்
• இ) குளிர்ந்த மழை ✓ Correct
• ஈ) தணிந்த குடை

4. இப்பாடலின் ஆசிரியர்

• அ) ஓதலாந்தையார்
• ஆ) அம்மூவனார்
• இ) கபிலர்
• ஈ) கீரந்தையார் ✓ Correct

விசும்பில் ஊழி ஊழ் ஊழ் செல்லக் கரு வளர் வானத்து இசையில் தோன்றி, உரு அறிவாரா ஒன்றன் ஊழியும்; உந்து வளி கிளர்ந்த ஊழி ஊழ் ஊழியும்

1. 'ஊழ் ஊழ்' என்பதன் இலக்கணக்குறிப்பு

• அ) இரட்டைக்கிளவி
• ஆ) பண்புத்தொகை
• இ) அடுக்குத்தொடர் ✓ Correct
• ஈ) வினைத்தொகை

2. இப்பாடலின் ஆசிரியர்

• அ) ஓதலாந்தையார்
• ஆ) அம்மூவனார்
• இ) கபிலர்
• ஈ) கீரந்தையார் ✓ Correct

3. பாடலில் உணர்த்தப்படும் கருத்து

• அ) தத்துவக்கருத்து
• ஆ) அறிவியல் செய்தி ✓ Correct
• இ) நிலையாமை
• ஈ) அரசியல் அறம்

4. விசும்பு, இசை, ஊழி - பாடலில் இச்சொற்கள் உணர்த்தும் பொருள்கள் முறையே

• அ) காற்று, ஓசை, கடல்
• ஆ) மேகம், இடி, ஆழம்
• இ) வானம், பேரொலி, யுகம் ✓ Correct
• ஈ) வானம், காற்று, கலம்

The Art of Translation Enriching Classical Tamil - Essay நெடுவினா: செம்மொழித் தமிழுக்கு வளம் சேர்க்கும் மொழிபெயர்ப்புக் கலை

பத்தாம் வகுப்புப் பொதுத்தேர்வில் எளிதாகப் படித்து, அதிக மதிப்பெண்கள் பெறும் வகையில், கடினமான வரிகளை நீக்கி, முக்கிய வார்த்தைகள் (Key words) மற்றும் தலைப்புகளை உள்ளடக்கி எளிமைப்படுத்தப்பட்ட விடை இதோ:

நெடுவினா: 'புயலிலே ஒரு தோணி' கதையில் இடம் பெற்றுள்ள வருணனைகளும் அடுக்குத் தொடர்களும் ஒலிக்குறிப்புச் சொற்களும் புயலில், தோணி படும் பாட்டை எவ்வாறு விவரிக்கின்றன?

குறிப்புச் சட்டம்

• முன்னுரை
• மங்கலான இருட்டு
• இடிமுழக்கம், மழை
• மீண்டும் இடி, மழை, காற்று
• எங்கும் வெள்ளம், இருட்டு
• சூரிய வெளிச்சம்
• பாண்டியனின் மலைப்பு
• கரையை நோக்கி
• முடிவுரை

முன்னுரை:

'புயலிலே ஒரு தோணி' என்பது புலம் பெயர்ந்த தமிழர்கள் பற்றிய முதல் புதினம். இதன் ஆசிரியர் ப.சிங்காரம். இரண்டாம் உலகப்போர் நிகழ்ந்த சூழலில், மலேசியா, இந்தோனேசியப் பகுதிகளில் நடப்பதாக அமைந்த கற்பனைப் படைப்பே இப்புதினம். இதன் 'கடற்கூத்து' பகுதியைக் காண்போம்.

மங்கலான இருட்டு:

வெயில் இமை நேரத்தில் மறைந்து கும்மிருட்டு சூழ்ந்தது. புழுக்கம் அதிகரித்தது. அலைகள் எண்ணெய் பூசியது போல் மொழுமொழுவென (ஒலிக்குறிப்பு) நெளிந்தன. காற்றே இல்லாமல் ஒரே இறுக்கமாக இருந்தது.

இடிமுழக்கம், மழை:

கிடுகிடுக்கும் இடியுடன் மின்னல் வானைப் பிளந்தது. வானம் உடைந்து கொட்டுகொட்டென்று (அடுக்குத்தொடர்) மழை கொட்டியது. சூறாவளிக்காற்றும் மழையும் சேர்ந்து ஆடிக் குதித்தன.

மீண்டும் இடி, மழை, காற்று:

தொங்கான் (கப்பல்) தள்ளாடியது. மலை போன்ற அலைகள் கப்பலைத் தாக்கின. வான், கடல், காற்று, மழை ஆகிய நான்கும் சேர்ந்து கப்பலை நொறுநொறுவென (அடுக்குத்தொடர்) நொறுக்கும்படி கடல் வெறிக் கூத்தாடியது.

எங்கும் வெள்ளம், இருட்டு:

உடலெங்கும் வெள்ளம். ஈர உடை உடலை ரம்பமாய் அறுத்தது. கப்பல் மூழ்கியும் தாவியும் நீந்தியது. எங்கும் இருட்டிருட்டு, கும்மிருட்டு, குருட்டிருட்டு (அடுக்குத்தொடர்). உடம்பில் சிலுசிலுப்பான மரமரப்பு ஏற்பட்டது.

சூரிய வெளிச்சம்:

லேசான சூரிய வெளிச்சம் தெரிந்ததும், மாலுமிகள் கப்பலில் இருந்த நீரை இறைத்து வெளியே ஊற்றினர். மரத்தை வெட்டி, கப்பலின் ஓட்டையை அடைத்து ஆப்பு அடித்தனர்.

பாண்டியனின் மலைப்பு:

புயல் எவ்வளவு நேரம் நீடித்தது என்று பாண்டியனுக்குத் தெரியவில்லை. புயலின் போது மாலுமிகளால் கடலில் வீசப்பட்ட பெட்டிகளும் மூட்டைகளும் கப்பலோடு மிதந்து வந்தன.

கரையை நோக்கி:

இனிமேல் பயமில்லை, இரண்டு நாளில் கரையை அடையலாம் என நம்பினர். மறுநாள் சூரியன் உதித்தது; கடல் அலைகள் இயல்பாக வீசின. கப்பல் சீராக மிதந்து சென்றது.

முடிவுரை:

புயலில் சிக்கிய கப்பலின் போராட்டம், அழகான வருணனைகள், அடுக்குத் தொடர்கள் மற்றும் ஒலிக்குறிப்புச் சொற்களால் இக்கதையில் மிகச் சிறப்பாகப் படம் பிடித்துக் காட்டப்பட்டுள்ளது.

குறிப்பு (தேர்வில் அதிக மதிப்பெண் பெற):

விடைத்தாளினைத் திருத்தும் ஆசிரியர்கள் 'மொழுமொழுவென', 'கொட்டுகொட்டென்று', 'நொறுநொறுவென', 'இருட்டிருட்டு' போன்ற முக்கிய வார்த்தைகளை (Keywords) எதிர்பார்த்து தான் மதிப்பெண் வழங்குவார்கள். எனவே, தேர்வில் அவற்றை அடிக்கோடிட்டோ அல்லது தனித்துக் காட்டியோ எழுதுவது முழு மதிப்பெண் (8/8) பெற உதவும்.

பாய்ச்சல் - சா. கந்தசாமி சிறுகதை கட்டுரை (Paaychal Short Story Essay)

குறிப்புச் சட்டகம்

​முன்னுரை

​வேடிக்கை

​அனுமன் ஆட்டம்

​அழகின் ஆர்வம்

​புதுக்கலைஞன்

​முடிவுரை

​முன்னுரை

​உண்மைக் கலைஞன் தன் கலையில் முழு ஈடுபாட்டைக் காட்டித் தனித்தன்மையுடன் விளங்குவான். தன் கலையைப் பின்பற்ற ஒரு தகுந்த வாரிசு உருவாகும்போது அவன் அளவில்லா மகிழ்ச்சி அடைகிறான். இதனைச் சா. கந்தசாமி 'பாய்ச்சல்' கதையின் மூலம் விளக்குகிறார்.

​வேடிக்கை

​நாதசுரமும் மேளமும் கொட்டும் ஒலியைக் கேட்டவுடன் சிறுவர்கள் அங்கே ஓடினர். அழகும் அவர்களுடன் ஓடினான். அங்கே மரத்திலிருந்து ஒரு குரங்கு இறங்குவதைக் கண்டான். அனுமன் வேடமிட்ட கலைஞர் தன் வாலைச் சுழற்றி ஆடியபோது எங்கும் புழுதி பறந்தது. மக்கள் கூட்டமே அங்கே திரண்டிருந்தது.

​அனுமன் ஆட்டம்

​அனுமன் வேடமிட்டவர் 'கீச் கீச்' என்று கத்திக்கொண்டே பந்தல் காலைப் பற்றிக் கொண்டு மேலே ஏறி மறைந்தார். பின்னர் எரியும் வாலோடு கீழே குதித்து கரணமடித்து ஆடினார். தீயின் வெப்பம் தணிந்ததும், அழகு அவரிடம் சென்றான். அனுமன் ஆட்டத்தின் வேகத்திற்கு ஈடுகொடுக்க முடியாமல் மேளக்காரர்களே திணறினர். இறுதியில் ஆட்டம் ஓய்ந்தது.

​அழகின் ஆர்வம்

​ஆட்டம் முடிந்ததும் அழகு கலைஞரைப் பின்தொடர்ந்து கோவிலுக்குச் சென்றார். கலைஞர் தன் அலங்காரங்களை நீக்கினார். அழகு அவரிடம் சென்று, "எனக்கும் உங்களைப் போல் ஆட வேண்டும்" என்று தன் விருப்பத்தைக் கூறினான். கலைஞர் சம்மதிக்க, அழகு அங்கிருந்த அனுமன் வாலைக் கட்டிக்கொண்டு, முகமூடியை மாட்டிக்கொண்டு தனக்குத் தெரிந்தபடி ஆடிப் பார்த்தான்.

​புதுக்கலைஞன்

​அழகு ஆடுவதைக் கண்ட அந்தப் பழைய கலைஞர், உற்சாகமடைந்து அவனுக்கு மீண்டும் ஆடிக் காட்டினார். அழகும் அவரைப் போலவே துள்ளிக் குதித்து (பாய்ச்சல்) ஆடினான். இதைப் பார்த்த கலைஞர், "தனக்குப் பின் இக்கலை அழிந்துவிடாது, வளர்க்க ஆள் கிடைத்துவிட்டான்" என்ற பெருமிதத்தில் நெகிழ்ந்து போனார்.

​முடிவுரை

​கலை என்பது ஒருவருடன் மட்டும் நின்றுவிடக் கூடாது. அது அடுத்த தலைமுறைக்குக் கடத்தப்படும் போதே அதன் பெருமை நிலைக்கும். அழகு எனும் புதுக்கலைஞனின் பாய்ச்சல், அத்தெருக்கூத்துக் கலை வாழும் என்பதை உறுதிப்படுத்தியது.

4th Tamil Term 2 Chapter 2 Elurum eppadiye irundhuVittal Questions Answers

பருவம் 2 இயல் 2 | 4 ஆம் வகுப்பு தமிழ்

எல்லாரும் இப்படியே இருந்துவிட்டால்:
கேள்விகள் மற்றும் பதில்கள்

4th Tamil : Term 2 Chapter 2

வாங்க பேசலாம்

● "பணத்தையா சாப்பிடமுடியும்?" என்ற இளமாறனுக்கு நீங்களாக இருந்தால் என்ன விடை சொல்வீர்கள்?

விடை:
நான் கூறும் விடை :
பணத்தைச் சாப்பிட முடியாது. ஆனால் விவசாயத்தை மேம்படுத்த முடியும். உழவுத்தொழில் சிறப்பதற்கான பணியைச் செய்வேன். வீட்டில் கால்நடைகளை வளர்த்து இயற்கை உரத்தைப் பயன்படுத்துவேன். செயற்கை உரம், பூச்சிக்கொல்லிகள் போன்றவற்றைப் பயன்படுத்தமாட்டேன் என்று உறுதிமொழியேற்பேன்.

சிந்திக்கலாமா?

● நம் நாட்டில் பல தொழில்கள் நடைபெறுகின்றன. உழவுத்தொழில் செய்ய யாரும் விரும்பவில்லையெனில் உலகம் என்னவாகும்?

விடை:
சுழன்றும் ஏர்ப்பின்னது உலகம்’ என்று திருவள்ளுவரே கூறியுள்ளார். பல தொழில்களைச் செய்து சுழன்று கொண்டிருக்கும் இந்த உலகம், ஏர்த்தொழிலின் பின்னேதான் சுற்ற வேண்டியிருக்கிறது. எனவே எவ்வளவுதான் துன்பம் இருப்பினும், உழவுத்தொழிலே சிறந்தது. அத்தகைய உழவுத்தொழில் நடைபெறவில்லையெனில் நம் அனைவருக்கும் உண்ண உணவு இருக்காது. உணவுக்குப் பதிலாக காலை, மாலை, இரவு என மூன்று வேளைகளுக்கும் மாத்திரையை விழுங்கி உயிர் வாழ வேண்டிய நிலைதான் ஏற்படும்.

படிப்போம்! சிந்திப்போம்! எழுதுவோம்!

சரியான சொல்லைத் தெரிவு செய்து எழுதுவோமா?

1. 'பாய்ந்தோடும்' இச்சொல்லைப் பிரித்து எழுதக் கிடைப்பது

(அ) பாய் + தோடும்
(ஆ) பயந்து + ஓடும்.
(இ) பாய்ந்து + ஓடும்
(ஈ) பாய் + ஓடும்

[விடை : இ) பாய்ந்து + ஓடும்]

2. காலை + பொழுது இச்சொற்களைச் சேர்த்து எழுதினால் கிடைப்பது

(அ) காலைப்பொழுது
(ஆ) காலைபொழுது
(இ) காலபொழுது
(ஈ) காலப்பொழுது

[விடை : அ) காலைப்பொழுது]

3. பின்வருவனவற்றுள் எது இயற்கை இல்லை?

(அ) மலை
(ஆ) காடு
(இ) நெகிழி
(ஈ) நிலம்

[விடை : இ) நெகிழி]

4. குனிந்து- இச்சொல் குறிக்கும் பொருள்

(அ) வியந்து
(ஆ) விரைந்து
(இ) துணிந்து
(ஈ) வளைந்து

[விடை : ஈ) வளைந்து]

5. தன்+ உடைய இச்சொற்களைச் சேர்த்து எழுதக் கிடைப்பது.

(அ) தன்னுடைய
(ஆ) தன்உடைய
(இ) தன்னுடைய
(ஈ) தன்உடையை

[விடை : அ) தன்னுடைய]

வினாக்களுக்கு விடையளிக்க

1. செயற்கை உரங்களைப் பயன்படுத்துவதால் ஏற்படும் விளைவுகள் யாவை?

விடை:
● நோய் எதிர்ப்புச்சக்தி குறைந்து நோய்கள் வருகின்றன.
● உணவுகள் உயிர்ச்சத்தின்றி இருக்கின்றன.
● மண் வளம் அழிக்கப்படுகிறது.

2. நிலத்தைத் தெய்வமாக வணங்கவேண்டும் எனத் தாத்தா கூறக் காரணம் என்ன?

விடை:
நெல், கம்பு, கேழ்வரகு, உளுந்து, துவரம்பருப்பு, எண்ணெய் வித்துகள், காய்கள், பழங்கள் எனப் பலவகையான உணவுப் பொருள்களை நிலம் கொடுப்பதால், நிலத்தைத் தெய்வமாக வணங்க வேண்டும்.

3. 'எல்லாரும் இப்படியே இருந்துவிட்டால்' என இளமாறன் ஏன் கூறினான்?

விடை:
இளமாறன் தன் தாத்தா கூறியவற்றைச் சிந்தித்துக் கொண்டிருந்தான். அப்போது அவனுடைய அப்பா ”வயலுக்குச் சென்று வந்தாயா? உன் தாத்தாவை வயலுக்குப் போக வேண்டாம் என்று சொன்னால் அவர் எங்கே கேட்கிறார்?” என்று கூறினார்.

சொந்த நடையில் கூறுக

உமக்குப் பிடித்த காய்கள், பழங்கள் எவை? ஏன்?

விடை:
எனக்குப் பிடித்த காய்கள், பழங்கள் : கத்தரிக்காய், வெண்டைக்காய், அவரைக்காய், பாகற்காய், முள்ளங்கி, காரட், பீன்ஸ், உருளைக்கிழங்கு, பீட்ரூட், பூசணிக்காய், எல்லா வகையான கீரைகள், அன்னாசிப்பழம், கொய்யாப்பழம், மாம்பழம், திராட்சைப்பழம், பப்பாளிப்பழம் ஆகிய அனைத்தும் எனக்குப் பிடித்தவை.

இவற்றை உண்பதற்கான தனித்தனிக் காரணங்கள் ஏதும் இல்லை. காய்கறிகளிலும் பழங்களிலும் தனித்தனி மருத்துவக்குணம் உள்ளது.

பொதுவாகக் காய்கறிகளையும் பழங்களையும் உண்பதால் நம் உடலுக்குத் தேவையான ஊட்டச்சத்து கிடைக்கிறது. உயிர்ச்சத்து மற்றும் தாது உப்புகள் கிடைக்கும். நோய் எதிர்ப்புச் சக்தி கூடுகிறது. அதனால் நோயற்ற வாழ்வு வாழ இயலும்.

அகரமுதலி பார்த்துப் பொருளறிக

மாசு – அழுக்கு, குற்றம், மாறுபாடு
வேளாண்மை – உழவு

சொற்களை இணைத்துத் தொடரை நீட்டித்து எழுதுக

படித்தேன்

நான் படித்தேன்
நான் நேற்று படித்தேன்
நான் நேற்று பாடம் படித்தேன்
நான் நேற்று தமிழ்ப்பாடம் படித்தேன்

வரைந்தாள்

கமலா வரைந்தாள்
கமலா படம் வரைந்தாள்
கமலா கிருஷ்ணர் படம் வரைந்தாள்
கமலா அழகாக கிருஷ்ணர் படம் வரைந்தாள்

நிறுத்தக் குறியீடுக

1. நெல் கம்பு கேழ்வரகு போன்றவை தானியங்கள்

விடை:
நெல், கம்பு, கேழ்வரகு போன்றவை தானியங்கள்.

2. வெண்டைக்காய் உடலுக்கு நல்லது

விடை:
‘வெண்டைக்காய் உடலுக்கு நல்லது.

3. ஆகா பயிர் அழகாக உள்ளதே

விடை:
ஆகா, பயிர் அழகாக உள்ளதே!

4. அடப்பாவமே அப்படின்னா நாம எதைத்தான் சாப்பிடுவது

விடை:
அடப்பாவமே! அப்படின்னா, நாம எதைத்தான் சாப்பிடுவது?

புதிய சொற்களை உருவாக்கலாமா?

விடை:

பல், ஊர், பால், வாய், நாடு, பாடு, ஏடு,
தலை, காலை, கலை, கண், காண், ஊண்,
பார், காய், தண், வாள், வாடு, தடு, காடு,
ஓடு, நாய், நார், நாள், நாகம், காகம்,
பாகம், பாகல், வாள், ஊற்று, காற்று, பற்று.

படத்தைப் பார்த்து விடுகதைகள் உருவாக்குக

விடுகதை 1:

ஒரு வீட்டுக்கு இரண்டு வாசற்படி. அது என்ன? மூக்கு

விடுகதை 2:

பெட்டியை திறந்தால் வெள்ளை முத்துகள் அது என்ன? வெண்டைக்காய்

அகர வரிசைப்படுத்துக

தேன், தாளம், தௌவை, துடுப்பு, தென்னை, தையல், தோழமை, தீ, தூய்மை, தொகை, திட்டம், தளிர்

விடை:

தளிர், தாளம், திட்டம், தீ, துடுப்பு, தூய்மை, தென்னை, தேன், தையல், தொகை, தோழமை, தௌவை

சொல்லக்கேட்டு எழுதுக

1. இயற்கை வேளாண்மை
2. உயிர்ச்சத்துகள்
3. செயற்கை உரங்கள்
4. நெல் மணிகள்
5. நண்டுகள்

கலையும் கைவண்ணமும்

வண்ணம் தீட்டுவோமா!

செயல் திட்டம்

● உங்கள் வீட்டில் உருவாகும் காய்கறிக்கழிவுகளையும் மட்கும் குப்பைகளையும் பயன்படுத்தி, இயற்கை உரம் தயார் செய்க. அந்த உரத்தை வீட்டிலோ பள்ளியிலோ உள்ள தாவரங்களுக்குப் பயன்படுத்துக.

குழுவாக விளையாடலாமா?

❖ படத்தில் உள்ளதுபோல் அட்டைகளைத் தயார் செய்து கொள்க.
❖ முதல் அட்டையை அசையாமல் இருக்குமாறு வைத்துக்கொள்க.
❖ இரண்டாவது அட்டை மட்டும் சுழலுவதற்கு ஏற்ற வகையில் இருக்க வேண்டும். மேல் பக்கமாகக் கடிகார முள் போன்று செய்துவைத்துக் கொள்க.
❖ மாணவர் ஒருவரை அழைத்து, முதல் அட்டையிலிருந்து ஏதாவது ஒரு படத்தின் பெயரைக் கூறச் சொல்லவேண்டும், அந்த மாணவரையே இரண்டாவது அட்டையையும் சுழற்றச் சொல்ல வேண்டும். கடிகார முள்ளிற்கு நேராக முதல் அட்டையில் கூறிய படத்திற்குப் பொருத்தமான படம் வந்தால் அவர் வெற்றி பெற்றதாகவும், இல்லையெனில் அடுத்தடுத்த சுற்றுக்கு வாய்ப்பு வழங்கியும் விளையாட்டைத் தொடரலாம்.

அறிந்து கொள்வோம்

திருக்குறள்

உழுதுண்டு வாழ்வாரே வாழ்வார்மற் றெல்லாம்
தொழுதுண்டு பின்செல் பவர்.

- உழவு, குறள் 1033

3rd Grade Maths Term 2 Unit 1: Multiplication Explained | Samacheer Kalvi

பெருக்கல்

3 ஆம் வகுப்பு கணக்கு | இரண்டாம் பருவம் | அலகு 1: எண்கள்

அலகு 1: எண்கள்

பெருக்கல்

பெருக்கல் என்பது ஒரே எண்ணை குறிப்பிட்ட முறை கூட்டுவது ஆகும்.

எடுத்துக்காட்டு:

4 + 4 + 4 = 12

இங்கு நாம் 3 முறை 4 ஐ கூட்டுகிறோம். அதன் விடை 12.

இதை நாம் 4 × 3 = 12 என எழுதலாம்.

பல முறை வரும் ஒரே எண்ணை கூட்டுவதற்கு எளிதான வழி பெருக்கல் ஆகும்.

Class 1st standard, Tamil, Term 1, Chapter 4, Mei Ezhuthukkal, (ய், ர், ல்), Samacheer Kalvi,

1 ஆம் வகுப்பு தமிழ் : பருவம் 1 இயல் 4 : கொக்கு நிற்கும் குளக்கரை

மெய்யெழுத்துகள் : ய், ர், ல்

மெய் எழுத்துக்கள்

ய், ர், ல்

எழுத்துகளை அறிவோம்

ய் – நாய், பாய்

ர் – ஏர், வேர்

ல் – முயல், மயில்

வ் – சவ்வரிசி, செவ்வந்தி

ழ் – கேழ்வரகு, யாழ்

ள் – தேள், வாள்

எழுத்தை உரிய படத்தோடு இணைப்போம்

கீழே உள்ள படத்தில், சரியான எழுத்தை அதனுடன் தொடர்புடைய படத்துடன் இணைக்கவும்.

விடை (Answer)

ய் - பாய்

ர் - தேர்

ல் - மயில்

எழுதும் முறை அறிவோம்

எழுதிப் பழகுவேன்

படத்திற்கு உரிய மெய்யெழுத்தை வட்டமிடுவேன்; எழுதுவேன்

1st standard, Tamil, Chapter 4, Mei Ezhutukkal, க், ச், ட், Samacheer Kalvi,

1 ஆம் வகுப்பு தமிழ்

பருவம் 1 இயல் 4 : கொக்கு நிற்கும் குளக்கரை (மகிழ்வோடு கற்போம்: மெய்யெழுத்துகள்)

மெய்யெழுத்துகள் : க், ச், ட்

மெய் எழுத்துக்கள்

க், ச், ட்

எழுத்தை உரிய படத்தோடு இணைப்போம்

எழுதும் முறை அறிவோம்

எழுதிப் பழகுவேன்

படத்திற்கு உரிய மெய்யெழுத்தை வட்டமிடுவேன்; எழுதுவேன்

Tags: Term 1 Chapter 4 | 1st Tamil பருவம் 1 இயல் 4 | 1 ஆம் வகுப்பு தமிழ். 1st Tamil : Term 1 Chapter 4 : Kokku nirkum kulakkarai(Magzhilvodu karpom: Mei Eluthu) : Mei Eluthu Term 1 Chapter 4 | 1st Tamil in Tamil : 1st Standard TN Tamil Medium School Samacheer Book Back Questions and answers, Important Question with Answer. 1 ஆம் வகுப்பு தமிழ் : பருவம் 1 இயல் 4 : கொக்கு நிற்கும் குளக்கரை (மகிழ்வோடு கற்போம்: மெய்யெழுத்துகள்) : மெய்யெழுத்துகள் : க், ச், ட் - பருவம் 1 இயல் 4 | 1 ஆம் வகுப்பு தமிழ் : 1 ஆம் வகுப்பு தமிழ்நாடு பள்ளி சமசீர் புத்தகம் கேள்விகள் மற்றும் பதில்கள்.

Amma inge vaa vaa, 1st Standard, Tamil Poem, Chapter 3, Term 1, Tamil, Samacheer Kalvi,

1 ஆம் வகுப்பு தமிழ் : பருவம் 1 இயல் 3 : அருவியின் ஆட்டுக்குட்டி (மகிழ்வோடு கற்போம்: உயிரெழுத்துகள்)

அம்மா இங்கே வா வா

அம்மா இங்கே வா வா

அம்மா இங்கே வா வா

ஆசை முத்தம் தா தா

இலையில் சோறு போட்டு

ஈயைத் தூர ஓட்டு

உன்னைப் போன்ற நல்லார்

ஊரில் யாவர் உள்ளார்?

என்னால் உனக்குத் தொல்லை

ஏதும் இங்கே இல்லை

ஐயமின்றிச் சொல்வேன்

ஒற்றுமை என்றும் பலமாம்

ஓதும் செயலே நலமாம்

ஔவை சொன்ன மொழியாம்

அஃதே எனக்கு வழியாம்

- மே. வீ. வேணுகோபாலனார்

Tags : Term 1 Chapter 3 | 1st Tamil பருவம் 1 இயல் 3 | 1 ஆம் வகுப்பு தமிழ்.

1st Tamil : Term 1 Chapter 3 : Aruviyil Aatukutty (Magzhilvodu karpom: Uyir Eluthu) : Amma inge va va Song Term 1 Chapter 3 | 1st Tamil in Tamil : 1st Standard TN Tamil Medium School Samacheer Book Back Questions and answers, Important Question with Answer. 1 ஆம் வகுப்பு தமிழ் : பருவம் 1 இயல் 3 : அருவியின் ஆட்டுக்குட்டி (மகிழ்வோடு கற்போம்: உயிரெழுத்துகள்) : அம்மா இங்கே வா வா - பருவம் 1 இயல் 3 | 1 ஆம் வகுப்பு தமிழ் : 1 ஆம் வகுப்பு தமிழ்நாடு பள்ளி சமசீர் புத்தகம் கேள்விகள் மற்றும் பதில்கள்.

7th Standard Tamil Quarterly Exam Question Paper with Answers 2024 | Virudhunagar District Term 1

7th Standard Tamil Quarterly Exam Paper with Solutions 2024

விருதுநகர் மாவட்டம்

தொகுத்தறி தேர்வு - செப்டம்பர் 2024

வகுப்பு 7 - தமிழ்

நேரம்: 2.00 மணி மதிப்பெண்கள்: 60

பகுதி - 1

I. சரியான விடையைத் தேர்ந்தெடுத்து எழுதுக: (4x1=4)

1) பகைவரை வெற்றி கொண்டவரைப் பாடும் இலக்கியம் ________.

அ) கலம்பகம்

ஆ) பரிபாடல்

இ) பரணி

ஈ) அந்தாதி

விடை: இ) பரணி

2) சொல்லின் முதலில் மட்டுமே இடம்பெறுவது ________.

அ) ஐகாரக் குறுக்கம்

ஆ) ஔகாரக் குறுக்கம்

இ) மகரக் குறுக்கம்

ஈ) ஆய்தக் குறுக்கம்

விடை: ஆ) ஔகாரக் குறுக்கம்

3) 'தோரண மேடை' என்னும் சொல்லைப் பிரித்து எழுதக் கிடைப்பது ________.

அ) தோரணம் + மேடை

ஆ) தோரண + மேடை

இ) தோரணம் + ஓடை

ஈ) தோரணம் + ஓடை

விடை: அ) தோரணம் + மேடை

4) தேசியம் காத்த செம்மல் எனப் பசும்பொன் முத்துராமலிங்கத் தேவரைப் பாராட்டியவர் ________.

அ) இராஜாஜி

ஆ) பெரியார்

இ) திரு.வி.க

ஈ) நேதாஜி

விடை: இ) திரு.வி.க

II. கோடிட்ட இடத்தை நிரப்புக: (2×1=2)

5) ‘காட்டின் வளத்தைக் குறிக்கும் குறியீடு' என்று அழைக்கப்படும் விலங்கு புலி.

6) யானைக் கூட்டத்திற்கு ஒரு பெண் யானை தான் தலைமை தாங்கும்.

III. பொருத்துக: (4x1=4)

7) சாஸ்தி - மிகுதி

8) சிங்காரம் - அழகு

9) மைஞ்சு - முதற்போலி

10) அரையர் - இடைப்போலி

பகுதி - 2

IV. எவையேனும் ஐந்து வினாக்களுக்கு மட்டும் விடையளி: (5×2=10)

11) தமிழ்மொழியைக் கற்றவரின் இயல்புகளை எழுதுக.

தமிழ்மொழியைக் கற்றவர், பொருள் பெறுவதற்காக யாரையும் புகழ்ந்து பேசமாட்டார். தம்மைப் போற்றாதவர்களையும் இகழ்ந்து பேசமாட்டார்.

12) மொழியின் இரு வடிவங்கள் யாவை?

மொழியின் இரு வடிவங்கள்: 1. பேச்சுமொழி, 2. எழுத்துமொழி.

13) காட்டின் பயன்களாகக் கவிஞர் சுரதா கூறுவன யாவை?

காடு, காய் கனிகளையும், எல்லாக் குடிமக்களும் விரும்பும் பொருள்களையும், நல்ல மரங்களையும் தருகிறது. மேலும், அது விலங்குகளுக்கு உறைவிடமாகவும், குளிர்ச்சி தரும் நிழலாகவும் விளங்குகிறது.

14) மானின் வகைகள் சிலவற்றின் பெயர்களை எழுதுக.

மானின் வகைகளுள் சில: சருகுமான், மிளாமான், வெளிமான், புள்ளிமான்.

15) முத்துராமலிங்கத்தேவர் பெற்றிருந்த பல்துறை ஆற்றலைப் பற்றி எழுதுக.

முத்துராமலிங்கத்தேவர் தமிழ், ஆங்கிலம் ஆகிய இரு மொழிகளிலும் வல்லமை பெற்றிருந்தார். சிலம்பம், குதிரையேற்றம், துப்பாக்கி சுடுதல், சோதிடம், மருத்துவம் போன்ற பலதுறைகளிலும் ஆற்றல் உடையவராக விளங்கினார்.

16) வழக்கு என்றால் என்ன?

எழுத்திலும் பேச்சிலும் சொற்களைப் பயன்படுத்தும் முறை ‘வழக்கு’ எனப்படும். இது இயல்பு வழக்கு, தகுதி வழக்கு என இரு வகைப்படும்.

17) எப்போது தன்நெஞ்சே தன்னை வருத்தும்?

ஒருவர் தன் மனமறியப் பொய் கூறக்கூடாது. அவ்வாறு கூறினால், அவர் மனமே அவரை வருத்தித் துன்புறுத்தும்.

V. எவையேனும் மூன்று வினாக்களுக்கு மட்டும் விடையளி: (3x4=12)

18) தமிழுக்கு வளம் சேர்க்கும் இலக்கிய வகைகளாகக் கவிஞர் கூறுவன யாவை?

• துளிப்பா, புதுக்கவிதை, கவிதை, செய்யுள் போன்றன தமிழின் கவிதை வடிவங்கள்.
• கட்டுரை, புதினம், சிறுகதை போன்றன உரைநடை வடிவங்கள்.
• இவை அனைத்தும் தமிழுக்கு வளம் சேர்க்கும் இலக்கிய வகைகளாகக் கவிஞர் குறிப்பிடுகிறார்.

19) காடுகளை அழிப்பதால் ஏற்படும் விளைவுகளைப் பட்டியலிடுக.

• மழைவளம் குறையும்.
• மண் அரிப்பு ஏற்படும்.
• வெப்பநிலை அதிகரித்து புவி வெப்பமயமாகும்.
• வன விலங்குகள் தங்கள் வாழ்விடங்களை இழந்து ஊருக்குள் புகும்.
• தூய்மையான காற்று கிடைப்பது அரிதாகும்.
• பல்லுயிர்ச்சூழல் (Ecosystem) பாதிக்கப்படும்.

20) பேச்சுமொழிக்கும் எழுத்துமொழிக்கும் இடையே உள்ள வேறுபாடுகளுள் நான்கை விளக்குக.

பேச்சுமொழி	எழுத்துமொழி
உலக வழக்கு எனப்படும்.	இலக்கிய வழக்கு எனப்படும்.
சொற்கள் பெரும்பாலும் குறுகி ஒலிக்கும். (எ.கா: நல்லாச் சாப்பிட்டான்)	சொற்கள் முழுமையாக எழுதப்படும். (எ.கா: நன்றாகச் சாப்பிட்டான்)
உணர்ச்சி வெளிப்பாடு அதிகமாக இருக்கும்.	உணர்ச்சி வெளிப்பாடு குறைவாக இருக்கும்.
உடல்மொழி, குரல் ஏற்றத்தாழ்வு ஆகியவை முக்கியம்.	சிந்தித்து எழுதப்படுவதால் பிழைகள் குறைவாக இருக்கும்.

21) நேதாஜியுடன் முத்துராமலிங்கத்தேவர் கொண்ட தொடர்பு பற்றி எழுதுக.

வங்கச் சிங்கமான நேதாஜி சுபாஷ் சந்திரபோஸைத் தம் அரசியல் வழிகாட்டியாக முத்துராமலிங்கத்தேவர் ஏற்றுக்கொண்டார். நேதாஜியின் இந்திய தேசிய இராணுவத்தில் தமிழர்களைப் பெருமளவில் இணைத்தார். தேவரின் அழைப்பை ஏற்று நேதாஜி மதுரைக்கு வருகை தந்தார்.

22) 'காடு' பாடலில் விலங்குகளின் செயல்களாகக் கவிஞர் கூறுவனவற்றை எழுதுக.

காட்டில் உள்ள யானைகள், கூட்டமாகச் சேர்ந்து நீரோடையில் நீர் பருகும். அதன் மீது தவழும் பச்சை நிறப் பாசியை அவை அசைபோடும். புதியதாக முளைத்த தழைகளையும், மூங்கில்களையும் பசியார உண்ணும். இந்தக் காட்சிகளைக் கண்டு காட்டுப் பன்றிகள் மகிழும்.

பகுதி - 3

VI. எவையேனும் ஐந்து வினாக்களுக்கு மட்டும் விடையளி: (5×2=10)

23) தொகைச் சொற்களை விரித்து எழுதுக:

அ) முக்கனி - மா, பலா, வாழை

ஆ) முத்தமிழ் - இயல், இசை, நாடகம்

24) இரு பொருள் கொண்ட ஒரு சொல்லால் நிரப்புக:

அ) நீதிமன்றத்தில் தொடுப்பது வழக்கு.

ஆ) ‘நீச்சத் தண்ணி குடி’ என்பது பேச்சு வழக்கு.

25) கலைச்சொல் தருக:

அ) Jungle - காடு / வனம்

ஆ) Unity - ஒற்றுமை

26) எதிர்பாலுக்குரிய பெயர்களை எழுதுக:

அ) சிறுவன் x சிறுமி

ஆ) மாணவன் x மாணவி

27) பிழையைத் திருத்திச் சரியாக எழுதுக:

அ) கோவலன் சிலம்பு விற்கப் போனான்.

ஆ) குழலி நடனம் ஆடினாள்.

28) கோடிட்ட இடங்களைத் தமிழ் எண் கொண்டு நிரப்புக:

அ) நான் படிக்கும் வகுப்பு ௭.

ஆ) தமிழ் இலக்கணம் ௫ வகைப்படும்.

29) பொருந்தாத சொற்களை எடுத்து எழுதுக:

அ) ஆறு, மாசு, பாகு, அது - மாசு (மற்றவை குற்றியலுகர வகைகள்)

ஆ) பண்பு, மஞ்சு, கண்டு, எஃகு - கண்டு (மற்றவை ஆய்தத் தொடர்/மென்தொடர் குற்றியலுகரங்கள்)

பகுதி - 4

VII. மனப்பாடப் பாடல்: (4+2=6)

30) ‘சிற்றில்’ எனத் தொடங்கும் ‘புலி தங்கிய குகை’ பாடலை அடிபிறழாமல் எழுதுக.

சிற்றில் நற்றூண் பற்றி நின்மகன்

யாண்டு உளனோ என வினவுதி என்மகன்

யாண்டு உளன் ஆயினும் அறியேன் ஓரும்

புலிசேர்ந்து போகிய கல்அளை போல

ஈன்ற வயிறோ இதுவே

தோன்றுவன் மாதோ போர்க்களத் தானே.

- காவற்பெண்டு

31) ‘வாய்மை’ - எனத் தொடங்கும் திருக்குறளை எழுதுக.

வாய்மை எனப்படுவது யாதெனின் யாதொன்றும்

தீமை இலாத சொலல்.

VIII. ஏதேனும் ஒன்றனுக்கு மட்டும் விடையளி: (1×6=6)

32) ஜாதவ்பயேங் காட்டை எவ்வாறு உருவாக்கினார்?

1979 ஆம் ஆண்டு அசாம் மாநிலத்தின் பிரம்மபுத்திரா ஆற்றில் வெள்ளப்பெருக்கு ஏற்பட்டது. இதனால் ஆயிரக்கணக்கான பாம்புகளும் விலங்குகளும் அடித்து வரப்பட்டு, மரங்கள் இல்லாத மணல் தீவில் கரை ஒதுங்கி இறந்தன. இந்த நிகழ்வு ஜாதவ் பயேங்கை மிகவும் பாதித்தது.

அவர் சமூகக் காடுகள் திட்டத்தினரிடம் சென்று தீவில் மரங்கள் வளர்க்க உதவி கேட்டார். அவர்கள் மூங்கில் மரங்களை நடச் சொன்னார்கள். ஜாதவ் பயேங் அயராமல் அந்த மணல் தீவில் மூங்கில் மரங்களை நட்டுப் பராமரித்தார்.

பின்னர், பல்வேறு வகையான மரக்கன்றுகளையும் நட்டு வளர்க்கத் தொடங்கினார். தினமும் விடாமுயற்சியுடன் மரங்களுக்குத் தண்ணீர் ஊற்றிப் பாதுகாத்தார். அவரின் 30 ஆண்டுகாலக் கடின உழைப்பால் அந்த மணல் தீவு ஒரு மாபெரும் காடாக உருவானது. இன்று அக்காடு யானைகள், புலிகள், காண்டாமிருகங்கள் எனப் பல்வேறு விலங்குகளின் இருப்பிடமாகத் திகழ்கிறது.

IX. ஏதேனும் ஒன்றனுக்கு மட்டும் விடையளி: (1×6=6)

35) கொடுக்கப்பட்டுள்ள குறிப்புகளைக் கொண்டு கட்டுரை எழுதுக: தாய்மொழிப்பற்று

தாய்மொழிப்பற்று

முன்னுரை:

‘தாயிற் சிறந்த கோயிலுமில்லை, தந்தை சொல்மிக்க மந்திரமில்லை’ என்பது ஆன்றோர் வாக்கு. அதற்கு இணையாக தாய்மொழியைக் காப்பதும் நமது தலையாய கடமையாகும். தாய்மொழிப்பற்றின் சிறப்பையும், அதனைப் போற்றி வளர்க்க வேண்டியதன் அவசியத்தையும் இக்கட்டுரையில் காண்போம்.

மொழி பற்றிய விளக்கம்:

மொழி என்பது மனிதன் தன் எண்ணங்களையும் உணர்ச்சிகளையும் பிறருக்கு வெளிப்படுத்த உதவும் ஒரு கருவியாகும். உலகில் ஆயிரக்கணக்கான மொழிகள் பேசப்பட்டாலும், ஒவ்வொருவருக்கும் தாயிடம் இருந்து கற்கும் தாய்மொழியே முதன்மையானது. அதுவே நமது சிந்தனையின் ஆதாரம்.

தாய்மொழிப்பற்று:

தாய்மொழி என்பது நமது அடையாளம். நமது பண்பாடு, கலாச்சாரம், வரலாறு ஆகியவற்றின் பெட்டகமாகத் தாய்மொழி விளங்குகிறது. எனவே, தாய்மொழியின் மீது பற்றுக்கொண்டு அதனைப் போற்றுவது ஒவ்வொருவரின் கடமையாகும். பிற மொழிகளைக் கற்பது தவறில்லை, ஆனால் தாய்மொழியைப் புறக்கணிப்பது தாயையே புறக்கணிப்பதற்குச் சமம்.

தாய்மொழிப் பற்றுக் கொண்ட சான்றோர்:

பாரதியார், பாரதிதாசன், திரு.வி.க, தேவநேயப் பாவாணர் போன்ற எண்ணற்ற சான்றோர்கள் தமிழ்மொழியின் வளர்ச்சிக்காகத் ತಮ್ಮ வாழ்க்கையையே அர்ப்பணித்தனர். தென்னாப்பிரிக்காவில் గాந்தி அடிகள் தாய்மொழிக் கல்விக்கு முக்கியத்துவம் கொடுத்தார்.

நமது கடமை:

தாய்மொழியில் பேசுவதையும் எழுதுவதையும் பெருமையாகக் கருத வேண்டும். பிறமொழிச் சொற்களைக் கலக்காமல் தூய தமிழில் பேசப் பழக வேண்டும். தமிழ் இலக்கியங்களையும், நூல்களையும் வாசித்து மொழியறிவை வளர்த்துக்கொள்ள வேண்டும். நமது அடுத்த தலைமுறைக்குத் தாய்மொழியின் சிறப்பை எடுத்துரைத்து, அதனைக் காக்க வழிகாட்ட வேண்டும்.

முடிவுரை:

தாய்மொழி நமது உயிர்மூச்சு. அதனைப் பாதுகாப்பதும், அதன் பெருமையை உலகறியச் செய்வதும் நமது கடமையாகும். ‘யாமறிந்த மொழிகளிலே தமிழ்மொழி போல் இனிதாவது எங்கும் காணோம்’ என்ற பாரதியின் வாக்கிற்கேற்ப, நமது தாய்மொழியைப் போற்றி வளர்ப்போம்.

9th Tamil Quarterly Exam 2023 Answer Key

www.Omtexclasses.com

www.Omtex.co.in

காலாண்டுத் தேர்வு - 2023

விடைக் குறிப்புகள்

பாடம் - தமிழ் வகுப்பு-9

பகுதி-1

1. இ) சிற்றிலக்கியம்
2. இ) வளம்
3. ஆ) திருவாரூர்கரிக்கையூர்
4. அ) ஆராயாமை - ஐயப்படுத்துதல்
5. ஈ) சித்தாரா தேவிக்
6. ஆ) ஈறுகெட்ட எதிர்மறைப் பெயரெச்சம்
7. அ) அ இ
8. இ) இரண்டாயிரம்
9. ஆ) ஒன்று கூடி
10. அ) அறை+த்(ந்)+த்+அன்+அன்
11. ஆ) சில உருவகச் சொற்களில் வல்லினம் மிகும்
12. ஆ) எதுகை – இயைபு
13. இ) தென்னை
14. அ) பனை
15. இ) காஞ்சி- மாமரம்

பகுதி-2

எவையேயும் நான்கு வினாக்களுக்கு மட்டும் 4x2=8

16. பழந்தமிழ் இலக்கியங்கள் - அகம், புறம் என இரண்டாக பிரிக்கப்பட்டுள்ளன. இவ்வரிகள் - தமிழர்களின் இல்லற வாழ்வு - அகம், புறம் - இல்லற வாழ்வு - போர் வாழ்வைச் சொல்லும், புற இலக்கியங்களையும் உணர்த்துகின்றன

17. உவர்மண் (களர்மண்) நிலத்தில் தோண்டப்படும் நீர் நிலைக்கு கூவல் என்று பெயர்

18. இடம்- கூலவாணிகள் சீத்தலைச் சாத்தனார் இயற்றிய மணிமேகலை

பொருள்- விழா- தெருக்களில் பழைய மணலை மாற்றி புது மணல் பரப்பு பரப்புங்கள்

விளக்கம் - மணிமேகலை காப்பியத்தில் முதல் கவிதை - விழா வரை காதை - புகாரில் 28 நாட்கள் நடைபெறும் இந்திர விழா தொடக்கம் யானை மீது அமர்ந்து முரசறைவோன் அறிவித்தான் - தெருக்கள் முழுவதும் பழைய மணலை மாற்றி புது மணல் பரப்புங்கள்

19. 1. தொலை நகல் இயந்திரம் (Fax)

2. தானியங்கி பண எந்திரம் (ATM)

3. அட்டை பயன்படுத்துதல் இயந்திரம் (Swiping Machine)

4. நியாய விலைக் கடை திறனாய்வு கருவி (TNCPDS)

5. இந்திய தொடர்வண்டி உணவு வழங்கல் மற்றும் சுற்றுலாக் கழக இணைய வழி (Indian Railway catering and Tourism Corporation )

20. சொல் ஒன்று, செயல் (ஒன்று) வேறு என ஒன்றுக்கொன்று தொடர்பில்லாமல் நடந்து கொள்பவர் நட்பு கனவிலும் துன்பம் தருவதாகும்.

21. ஓஓதல் வேண்டும் ஒளி மாழ்கும் செய்வினை

ஆ அதும் என்னு மவர்

பிரிவு – 2

எவையேனும் ஐந்து வினாக்களுக்கு மட்டும் விடையளிக்க 5 x 2 = 10

22. அருள் புத்தகத்தைப் படிப்பதற்கு பயன்படுத்தினான் செய்வினை

புத்தகம் படிப்பதற்கு அருளால் பயன்படுத்தப்பட்டது செயல்பாட்டு வினை

23. அ) உலகில் மூவாயிரம் மொழிகள் பேசுகின்றனர்.

ஆ) தவறுகளைத் திருத்தினான்

24. பகுபத உறுப்பிலக்கணம்

பாய்வன = பாய் + வ் + அன் + அ

பாய்- பகுதி

வ் - எதிர்கால இடைநிலை

அணி - சாரியை

அ- பலவின்பால் வினைமுற்று விகுதி

25. கலைச்சொல் தருக

அ) குமிழிக்கல் ஆ) வெப்பமண்டலம்

குறிப்பு - செவி மாற்றுத்திறனாளிக்கான மாற்று வினா

அகர வரிசைப்படுத்தி – எழுதுக

அட்டை, அரம், இயற்கை, ஈகை, உலகம், ஊறுதல், எழுது, ஏர், ஐம்பது, ஒரு தலை, ஓடம் ஔடதம்

26. பொருள் எழுதி, தொடர் அமைக்கவும்

கரை, கறை

கரை- ஆற்றின் ஓரம் - ஆற்றங்கரையில் மரங்கள் செழித்து வளர்ந்துள்ளன.

கறை- படிவது கறை சட்டையில் கறை படிந்துள்ளது.

27. இணைச் சொற்கள் தொழில் அமைத்து எழுதுக.

அ) முதலும் முடிவும்- இதுபோன்று தவறுகள் முதலும் முடிவும் ஆக இருக்கட்டும் என்று ஆசிரியர் மாணவர்களிடம் எச்சரித்தார்.

ஆ) கேளிக்கையும் வேடிக்கையும் - எங்கள் ஊர் திருவிழா கேளிக்கை வேடிக்கை நிறைந்ததாக இருந்தது.

28. சொற்பொருள் பின்வருநிலையணி பயின்று வந்துள்ளது.

அணி இலக்கணம்

குறளில் வந்த சொல்லே மீண்டும் மீண்டும் வந்து ஒரே பொருளை உணர்த்துவதால் - இது சொற்பொருள் பின்வருநிலையணி ஆகும்,

இக்குறட்பாவில் செல்வம் என்ற சொல் பலமுறை வந்து கேள்வி என்றும் ஒரே பொருளை உணர்த்துவதால் இது சொற்பொருள் பின்வருநிலை அணி ஆயிற்று.

பகுதி-3

எவையேனும் இரண்டு வினாக்களுக்கு மட்டும் சுருக்கமாக விடையளிக்க

29. ஏறு தழுவுதல், முல்லை நிலத்து மக்களின் அடையாளம் - மருத நிலம் விவசாயம் பாலை நிலத்து மக்களின் தொழில்- வேளாண் உற்பத்தியின் பண்பாட்டு அடையாளம். 30. உரைப் பத்தியைப் படித்து வினாக்களுக்கு விடை அளித்தல்

1. தென்னிந்தியாவின் அடையாள சின்னம்
2. காங்கேயம்
3. ஏர் உழுவதற்கும், வண்டி இழுப்பதற்கும் அதிகம் பயன்படுகின்றன?

31. மூன்று என்னும் எண்ணுப் பெயர்

திராவிட மொழிகள்	-	மாற்றம்
தமிழ்	-	மூன்று
மலையாளம்	-	மூன்று
தெலுங்கு	-	மூடு
கன்னட	-	மூஜி
துளு	-	மூஜி

பிரிவு – 2

எவையேனும் இரண்டு வினாக்களுக்கு மட்டும் விடையளிக்க

32. பட்டமரத்தின் வருத்தங்கள்

தினந்தோறும் மொட்டைக் கிளையோடு பெருமூச்சு விடும் மரமே வெட்டும் நாள் - துன்பம் - நிழலில் அமரவும், வாசத்தோடு மலர்- இலைகள் கூரை - வெம்பு கருகிட வாடி அமைந்தனவோ? கட்டை எனும் பெயர் கொடுத்துள்ளார். கூடுதல் உன் உடை பட்டை கிழிந்து உன் அழகு இழந்து இனிவரும் புயல் கண்டு மனிதன் கலங்குதல் போல துன்பப்பட்டு வருந்தி நிற்கிறாய் என்பதாகும்

33. அறிவியல் வாகனம் நிறுத்துங்கள் - பழங்கால மன்னன் கரிகாலன் பெருமைகள் கூறப் பொறியில் பதிவு செய்து கொள்ளுங்கள் ஏவுகின்ற அம்பைப் போல் மக்களை மாற்றுங்கள் - அனைத்து ஏவுகணையிலும் தமிழை எழுதி ஏற்றிச் செலுத்துங்கள் என கவிஞர் வேண்டுகிறார்

34. அ) அறிவியல் என்னும் வாகனம் மீதில் எல்லா கேலிலும் ஏற்றுங்கள்

அல்லது

ஆ) காலமெல்லாம் கழைக்கும் படி நாடெல்லாம் நீர் நாடு தனைஒவ்வா நலமெல்லாம்

பிரிவு – 3

எவையேனும் இரண்டு வினாக்களுக்கு மட்டும் விடையளி

35. அ) கண்ணன் பாடினான்- எழுவாய்த்தொடர்

ஆ) இசையோடு அமைவது பாடல் - உடன்பாட்டு தொடர்

இ) நீ இதை செய் - கட்டளை தொடர்

36. அ) தாத்தா- அடுக்குத்தொடர்

ஆ) இளங்கோ கணினியை எடுத்துத் தந்தான் - உடன்பாட்டுத் தொடர்

இ) இளங்கோகணினியைத் தருவித்தான்- பிறவினை தொடர்

ஆ) கேள்

1. ஆசிரிய மாணவனிடம் கேள்வி கேட்டார்
2. மாணவன் புதிய புத்தகம் கேட்டான்
3. புத்தகம் கேட்பது ராகுலா-

37 சொற்பொருள் பின்வரும் நிலையனை அமைந்துள்ளது-

பிரிவு-3

அனைத்து வினாக்களுக்கு மட்டும் விடையளி

38. முன்னுரை

நீர்வளம்

இயற்கை வளம்

மீன்வளம்

நெல் வளம்

தாவர வளம்

முடிவுரை

( இந்த தலைப்பின் அடிப்படையில் விடை அமைந்திருந்தால் மதிப்பெண் வழங்கலாம்

அல்லது

ஆ) தூது அனுப்ப தமிழே சிறந்தது தமிழ்விடு தூது

தமிழ், அமுத கானம், கனியாகவும், இயல், இசை, நாடகம் தேனாவும் விளங்குகிறது

தமிழில் குறவஞ்சி, பள்ளு நூல்களின் சிறப்பு - தாழிசை துறை விருத்தம் பாலினம் சிறப்பு

தேவரின் மூன்று குணம் - ஆனால் தமிழ் பத்துக் குணங்கள் பெற்றுள்ளது.

மனிதர்கள் ஐந்து வண்ணங்களை உண்டாக்குகின்றார்கள். ஆனால் தமிழே நூறு வண்ணங்களையும் ஒன்று சுவைகளும் கொண்டு விளங்குகிறது. அழகு - எட்டு பெற்றுத் திகழ்கிறது.

39. அ) எஸ். ராமகிருஷ்ணன் கால் முளைத்த கதைகள் - கருத்துக்கள்- இதில் கடிதக் குறிப்புகள்- அனுப்புதல். பெறுதல், முகவரி, அமைப்புகள் இருந்தால் தகுந்தாற் போல் மதிப்பெண் வழங்கலாம்.

அல்லது

ஆ) கடிதம் - குறிப்புகள் – அனுப்புதல், பெறுதல், பொருள், உறைமேல் முகவரி, இடம், பெற்று இருந்தால் உரிய மதிப்பெண் வழங்கலாம்

40. காட்சியைக் கண்டு கவினுறு எழுதுதல் (மாணவர்கள் காட்சிக்கு ஏற்ற கவிதையை எழுதியிருப்பின் மதிப்பெண் வழங்கலாம்)

41.

1. ஒரு நாட்டின் கலாச்சாரம் மக்களின் இதயங்களிலும் ஆன்மாக்களின் வாழ்கிறது - மகாத்மா காந்தி
2. மக்களின் கலை அவருடைய மனதின் உண்மையான கண்ணாடி - ஜவஹர்லால் நேரு
3. குறைவான அன்பும் தொண்டுமே மிகப்பெரிய பிரச்சனையாகும் அன்னைதெரசா
4. உங்கள் கனவு நிறைவேறும் நீங்கள் கனவு காண வேண்டும் - ஏபிஜே அப்துல் கலாம்
5. வெற்றியாளர்கள் வித்தியாசமான செயல்களை செய்வதில்லை, அவர்கள் செயல்களை வித்தியாசமாக செய்கிறார்கள்- சிவ். கேரா

42. அரசு பொது மருத்துவமனை நலம் எவ்வாறு நடந்து கொள்ள வேண்டும் என்பதை மையமாக வைத்து கருத்து இருந்தால் மதிப்பெண் வழங்கலாம்

1. மயில்சாமி அண்ணாதுரை
2. சந்திராயன்– 3
3. மயில்சாமி அண்ணாதுரை
4. கோதவாடி
5. 1982

பிரிவு – 5

அனைத்து வினாக்களுக்கு விடையளி

43. அ) தமிழ் மொழி - தொன்மையும், இலக்கணம் இலக்கியம் வளம் கொண்டது - உலக நாடுகள் பலவற்றில் பேசப்படும் பெருமை உடைய மொழி - திராவிட மொழிகளை விட தனித்த இலக்கண வளம் என் கொண்டது பிற மொழிகளின் தாக்கம் மிகவும் குறைந்து காணப்படும் மொழி தமிழேயாகும்.

திராவிட மொழிகளில் தாய் மொழி தமிழ் - சொல் வளம் சொல்லாட்சி கொண்டது - மேலும் ஒலியங்கள் ஒலி இடம் பெயர்தல், சுட்டுப் பெயர்கள் மூவிடப்பெயர்கள் குறிப்பிடத்தக்க மாற்றங்கள் பெற்றிருக்கின்றன

அல்லது

ஆ) ஸ்பெயின் நாட்டில் காளை சண்டை தேசிய விளையாட்டு அவ் விளையாட்டில் ஆயுதங்கள் பயன்படுத்துவதுண்டு சில நாடுகளில் இறுதியில் அந்த காளையை கொல்வதும் உண்டு - மேலை நாடுகளில் மனிதனின் வன்மம் போர் / போர் வெறியும்- வெளிபடுத்துகின்றன.

ஆனால் தமிழகத்தில் ஏறுதழுவதலின் போது ஆயுதங்கள் பயன்படுத்தக்கூடாது

நிகழ்வின் தொடக்கத்திலும் முடிவிலும் காளைகளுக்கு வழிபாடு செய்வர்

அடக்க முடியாத காளை வெற்றி பெற்றதாக கருதப்படும்

அன்பையும் வீரத்தையும் ஒருசேர அரவணைத்து அடக்குபவரே வீரராகப் போற்றப்படுவர்.

முடிவுரை இவ்வாறு பணியை வீரவுணர்வை நினைவூட்டும் ஏறுதழுவுதல் தமிழரின் அறச்செயல் என்று போற்றப்படுகின்றது.

44. மாணவர்கள் உரிய (விடையை) விடைகுறிப்பின் அடிப்படையில் மதிப்பெண் வழங்கலாம்

45. அ) பள்ளியில் நடைபெற்ற இலக்கிய மன்ற விழா - நிகழ்ச்சி குறிப்பு இருப்பின் மதிப்பெண் வழங்கலாம்

அல்லது

ஆ) மழைநீர் சேகரிப்பின் அவசியம் முன்னுரை, உட்தலைப்பு, முடிவுரை - தலைப்பை ஒட்டி விடைக் குறிப்புகள் இருந்தால் மதிப்பெண் வழங்கலாம்