Chapter 11: गोष्ट अरुणिमाची Balbharati solutions for Marathi - Kumarbharati 10th Standard SSC Maharashtra State Board [मराठी - कुमारभारती इयत्ता १० वी]

Chapter 11: गोष्ट अरुणिमाची

आकृती पूर्ण करा.

SOLUTION

अरुणिमाचा ध्येयवादी दृष्टिकोन स्पष्ट करणाऱ्या कृती :

(१) फुटबॉल व व्हॉलीबॉल या खेळांची नॅशनल चॅम्पियनशिप मिळवली.

(२) खेळाशी जोडलेली राहण्यासाठी CISF मध्ये नोकरी मिळवण्याचा प्रयत्न केला.

खालील कृतीतून अभिव्यक्त होणारे अरुणिमाचे गुण लिहा.

भाईसाब यांनी दिलेला सल्ला शिरोधार्य मानला.

SOLUTION

भाईसाब यांनी दिलेला सल्ला शिरोधार्य मानला - वडीलधाऱ्या व्यक्तीचा आदर

चोरांना लाथाबुक्क्यांचा प्रसाद दिला.

SOLUTION

चोरांना लाथाबुक्क्यांचा प्रसाद दिला - चपळता

उठता-बसता, खाता-पिता केवळ एव्हरेस्टचाच विचार ती करू लागली होती.

SOLUTION

उठता-बसता, खाता-पिता केवळ एव्हरेस्टचाच विचार ती करू लागली होती - ध्येयवादी

ब्रिटिश माणसाने ओझे होते म्हणून फेकून दिलेला ऑक्सिजन सिलेंडर अरुणिमाने वापरला.

SOLUTION

ब्रिटिश माणसाने ओझे होते म्हणून फेकून दिलेला ऑक्सिजन सिलेंडर अरुणिमाने वापरला - व्यवहारी

कोण ते लिहा.

एव्हरेस्ट सर करणारी पहिली महिला - ______ 

SOLUTION

एव्हरेस्ट सर करणारी पहिली महिला - बचेंद्री पाल 

सर्वांत मोठा मोटिव्हेटर - ______ 

SOLUTION

सर्वांत मोठा मोटिव्हेटर - स्वतःच 

अरुणिमाच्या कुटुंबातील महत्त्वाचे निर्णय घेणारे - ______ 

SOLUTION

अरुणिमाच्या कुटुंबातील महत्त्वाचे निर्णय घेणारे - भाईसाब

फुटबॉल आणि व्हॉलीबॉलची नॅशनल चॅम्पियन - ______

SOLUTION

फुटबॉल आणि व्हॉलीबॉलची नॅशनल चॅम्पियन - अरुणिमा

अरुणिमाच्या कणखर/धाडसी मनाची साक्ष देणारी वाक्ये पाठातून शोधून लिहा.

SOLUTION

(१) ध्येयापासून विचलित करू पाहणारे कष्टदायी प्रशिक्षण यांतून मी तावून-सुलाखून निघत होते.

(२) उजव्या पायाची हाडे एकत्रित राहण्यासाठी त्यात स्टीलचा रॉड घातलेला होता, त्यावर थोडा जरी दाब दिला तरी तीव्र वेदनांचे झटके बसत.

(३) मी अपंग, त्यात मुलगी, म्हणून कसल्याही प्रकारची सवलत किंवा सहानुभूती नको होती मला.

(४) आपलं मन जसं सांगतं, तसंच, अगदी तसंच आपलं शरीर वागतं.

(५) मी अशी नि तशी मरणारच होते; तर मग माझ्या यशाचे पुरावे असणे अत्यावश्यकच होते.

अरुणिमाविषयी उठलेल्या खालील अफवाबाबत तुमची प्रतिक्रिया लिहा.

शरीराला जखमा झाल्यामुळे बहुधा अरुणिमाच्या डोक्यावरही परिणाम झालेला दिसतोय.

SOLUTION

समाजातील बहुसंख्य लोक मनाने दुबळे असतात. त्यामुळे अरुणिमाच्या अपार धाडसावर विश्वास बसत नाही. शरीरावर झालेल्या आघातामुळे तिचा मानसिक तोल ढळून वेडाच्या भरात तिच्या हातून असे कृत्य घडले असावे, अशी शंकाही अनेकांच्या मनात आली असणार.

अरुणिमाकडे प्रवासाचे तिकीट नव्हते म्हणून तिने रेल्वेतून उडी मारली.

SOLUTION

अरुणिमाने तिकीट काढले नसणार. त्यामुळे टी.सी.च्या नजरेतून सुटण्याच्या प्रयत्नात तिने गाडीतून उडी मारली असावी, अशी शंका काही जणांना येते. अलीकडे प्रामाणिकपणावरील, सज्जनपणावरील समाजाचा विश्वास डळमळीत झाला आहे. त्यामुळे कोणाच्याही चांगल्या कृतीतून वाईट अर्थ काढण्याची सवय समाजाला लागली आहे, हेच या प्रतिक्रियेवरून दिसून येते.

पाठातून (गोष्ट अरुणिमाची) तुम्हांला जाणवलेली अरुणिमाची स्वभाव वैशिष्ट्ये लिहा.

SOLUTION

(१) पराकोटीचे धैर्य

(२) अमाप सहनशक्ती असणारी

(३) जबरदस्त आत्मविश्वास असलेली

(४) अन्यायाविरुद्ध लढणारी

(५) ध्येयवादी

(६) जिद्दी.

 

पाठात (गोष्ट अरुणिमाची) आलेल्या इंग्रजी शब्दाला प्रचलित मराठी शब्द लिहा.

नॅशनल

SOLUTION

नॅशनल - राष्ट्रीय

स्पॉन्सरशिप

SOLUTION

स्पॉन्सरशिप - प्रायोजकत्व

डेस्टिनी

SOLUTION

डेस्टिनी - नियती

कॅम्प

SOLUTION

कॅम्प - छावणी

डिस्चार्ज

SOLUTION

डिस्चार्ज - मोकळीक, पाठवणी

हॉस्पिटल

SOLUTION

हॉस्पिटल - रुग्णालय

पाठात (गोष्ट अरुणिमाची) आलेल्या खालील वाक्याचे मराठीत भाषांतर करा.

Now or never!

SOLUTION

आता नाही तर कधीच नाही!

Fortune favours the braves

SOLUTION

शूर माणसाला नशीब नेहमी साथ देते.

‘नेहरू गिरिभ्रमण प्रशिक्षण केंद्रा’ तील अरुणिमाचे खडतर अनुभव लिहा.

(अ) ______

(आ) ______ 

(इ) ______

(ई) ______

SOLUTION

(अ) अपंगत्व

(आ) अतिशय कठीण प्रशिक्षण

(इ) जीवघेणे आणि कठीण गिर्यारोहण

(ई) मरणप्राय यातना

खालील वाक्यातील अधोरेखित शब्दाचे विरुद्धार्थी शब्द लिहून, अर्थ न बदलता वाक्य पुन्हा लिहा.

प्रत्येक व्यक्तीत काही ना काही गुण असतोच.

SOLUTION

प्रत्येक व्यक्तीत काही ना काही अवगुण असतोच, असे नाही.

सूर्योदयाचे वेळी सूर्याची विविध रूपे अनुभवता येतात.

SOLUTION

सूर्यास्ताच्या वेळीही सूर्याची विविध रूपे अनुभवता येतात.

खालील प्रश्नांची उत्तरे संक्षिप्त असावीत.

SOLUTION

खालील प्रश्नांची सविस्तर उत्तरे लिहू नका.

प्रयत्नाने बिकट वाट पार करता येते.

SOLUTION

प्रयत्नाने सोपी वाटही पार करता येते.

खालील वाक्यातील क्रियापद ओळखा.

सायरा आज खूप खूश होती.

SOLUTION

सायरा आज खूप खूश होती - होती

अनुजाने सुटकेचा नि:श्वास टाकला.

SOLUTION

अनुजाने सुटकेचा नि:श्वास टाकला - टाकला

मित्राने दिलेले गोष्टींचे पुस्तक अब्दुलला खूप आवडले.

SOLUTION

मित्राने दिलेले गोष्टींचे पुस्तक अब्दुलला खूप आवडले - आवडले

जॉनला नवीन कल्पना सुचली.

SOLUTION

जॉनला नवीन कल्पना सुचली - सुचली

खालील तक्ता पूर्ण करा.  

शब्द	मूळ शब्द	लिंग	वचन	सामान्य रूप	विभक्ती प्रत्यय	विभक्ती
(१) कागदपत्रांचे	______	______	______	______	______	______
(२) गळ्यात	______	______	______	______	______	______
(३) प्रसारमाध्यमांनी	______	______	______	______	______	______
(४) गिर्यारोहणाने	______	______	______	______	______	______

SOLUTION

शब्द	मूळ शब्द	लिंग	वचन	सामान्य रूप	विभक्ती प्रत्यय	विभक्ती
(१) कागदपत्रांचे	कागदपत्र	नपुंसक लिंग	अनेक वचन	कागद पत्रां	चे	षष्ठी
(२) गळ्यात	गळा	पुल्लिंग	एकवचन	गळ्या	त	सप्तमी
(३) प्रसारमाध्यमांनी	प्रसारमाध्यमे	नपुंसक लिंग	अनेक वचन	प्रसार माध्यमे	नी	तृतीया
(४) गिर्यारोहणाने	गिर्यारोहण	नपुंसक लिंग	एकवचन	गिर्यारोहण	ने	तृतीया

स्वमत.

‘आपलं ध्येय साध्य करताना प्रयत्न निष्फळ ठरणे म्हणजे अपयश नसतं’, या वाक्याचा तुम्हांला समजलेला अर्थ स्पष्ट करा.

SOLUTION

आपले ध्येय साध्य करताना प्रयत्न निष्फळ ठरणे म्हणजे अपयश नसते, हा अरुणिमाचा संदेश आहे. याचा अर्थ समजावून सांगण्यासाठी एडिसन चे उदाहरण उत्तम ठरेल. या एडिसनने विजेच्या दिव्याचा शोध लावला. त्याला आपण बल्ब म्हणतो. या बल्बचा शोध लावण्यासाठी त्याने हजारापेक्षा जास्त प्रयोग केले. शेवटी तो यशस्वी झाला. म्हणजे यशस्वी प्रयोगाच्या आधीचे त्याचे हजारापेक्षाही जास्त प्रयोग फसले, वाया गेले, असे म्हटले पाहिजे. पण हे असे म्हणणे चूक आहे. कारण आपण निष्फळ समजतो, त्या प्रयोगांमधून एडिसनला एक भक्कम ज्ञान मिळाले होते. त्या निष्फळ प्रयत्नांच्या पद्धतींनी बल्ब निश्चितपणे तयार करता येत नाही, हे ते ज्ञान होते. हे नीट समजून घेतले, तर भविष्यात योग्य दिशेने वाटचाल करता येते आणि यश निश्चितपणे मिळवता येते. म्हणून अपयशाने खचून जाता कामा नये. अपयशाचा अर्थ नीट समजून घेतला पाहिजे. अपयश हे भावी यशाचा पाया असते.

दहावी-बारावीच्या परीक्षांमध्ये अपयश मिळाले की अनेकजण खचून जातात. हे योग्य नाही. निकालानंतर शांत चित्ताने बसून आपल्या परीक्षेतील अपयशाचे विश्लेषण केले पाहिजे. आपल्या कोणत्या चुका झाल्या, अभ्यासातला कोणता भाग आपल्याला कळला नाही, तो आपण नीट समजावून घेतला होता का, समजावून घेताना कोणत्या अडचणी आल्या या व अशा प्रश्नांची उत्तरे शोधली पाहिजे. हे आपण प्रामाणिकपणे केले, तर भविष्यात आपण कधीही नापास होणार नाही.

‘प्रत्येकामध्ये एक जिद्दी अरुणिमा असते’, याबाबत तुमचे विचार स्पष्ट करा.

SOLUTION

कोणतीही व्यक्ती दुसऱ्या व्यक्ती सारखी नसते. एखादयाला नृत्य आवडते. एखाद्या खायला आवडते. एखाद्याला दुसऱ्याला मदत करायला आवडते. तर कोणाला समाजातील घडामोडींशी दोस्ती करणे आवडते. आपल्यातला असा वैशिष्ट्यपूर्ण गुण कोणता आहे, हे आपण शोधले पाहिजे. या गुणाची जोपासना केली पाहिजे. मग आपल्या हातून आपोआपच लोकोत्तर कामगिरी पार पडेल. अरुणिमाने नेमके हेच केले. खरे तर अपंग बनलेली अरुणिमा आयुष्यात काहीच करू शकली नसती. पण तिने जिद्दीने स्वत:मधला वेगळा गुण ओळखला. स्वत:चे सामर्थ्य शोधले आणि अशक्य वाटणारी कामगिरी पार पाडली. प्रत्येक व्यक्तीमध्ये अशी अरुणिमा असतेच. फक्त त्या अरुणिमाचा आपण शोध घेतला पाहिजे. जीवनाचा हाच महामंत्र आहे.

तुमच्या मनातील एव्हरेस्ट शोधा आणि शब्दबद्ध करा.

SOLUTION

आपण दिवसभर कोणती ना कोणती कृती करीत असतो, त्या वेळी आपल्या मनात कोणता तरी हेतू असतो, हेतूशिवाय कोणतीही कृती अशक्य असते. आपला हेतू म्हणजेच आपले ध्येय होय. खूप पैसे मिळवणे हे ज्याचे आयुष्यातले सर्वोच्च ध्येय असते, तो माणूस सतत पैसे मिळवण्याचाच विचार करीत राहील. कळत नकळत सतत पैसे मिळवून देण्याच्या कृतीकडेच ओढला जाईल. म्हणजे आपले आपल्या मनातले ध्येयच खूप महत्त्वाचे असते. तेच आपल्या जीवनाची दिशा ठरवीत असते. म्हणून आपण आपले ध्येय निश्चित केले पाहिजे. ते नीट समजून घेतले पाहिजे. पर्वतांमध्ये एव्हरेस्ट जसा सर्वांत जास्त उंच आहे, तसेच आपले ध्येय आयुष्यातील सर्वांत जास्त उंच, सर्वांत जास्त महत्त्वाची गोष्ट आहे. ती गोष्ट आपल्या मनातील एव्हरेस्टच होय. या एव्हरेस्टचा आपण शोध घेतला पाहिजे. तो सर करण्याचा प्रयत्न केला पाहिजे.

उतारा वाचून दिलेली कृती करा. 

खालील भाव व्यक्त करणारे वाक्य उताऱ्यातून शोधून लिहा.

वृक्ष बहरू लागले आहेत. ____________ 

वर्षाऋतूचा काळ आहे. आभाळ ढगांनी व्याप्त आहे. दिशा पाणावलेल्या आहेत. अधूनमधून पावसाच्या सरी कोसळताहेत. वृक्ष-पर्णांनी अंग धरले आहे. करंगळीची सोंड झाली आहे. उसळत घुसळत नवे पाणी फेसाळत चालले आहे. कुठे काठाला भिडले आहे, कुठे काठावर चढले आहे, कुठे संथ-गंभीर राहून दबदबा दाखवत आहे. भव्य, स्तब्ध पुलाच्या कमानीखालून जाणारे पाणी समजूतदार वाटते, शहाण्यासारखे वागते; पण तेच पुढे जाऊन काठावरची गरीब बिचारी खोपटी उद्ध्वस्त करून आपल्याबरोबर घेऊन जाताना क्रूर, अडाणी आणि उद्दाम वाटते. पुढे जाता जाता कुठे झाडावर चढते, कुठे गच्चीवर लोळते, कुठे घाट बुडवते तर कुठे वाट तुडवते. पाणी येते आणि जाते. एवढे उदंड येणारे पाणी लांब समुद्राच्या पोटात गुडुप्प होते. पाणी किती शहाणे असते! जोवर कोणी अडवत नाही, शेतमळे, बागा फुलवत नाही, रान-रान हसवत नाही तोवर पाण्याने तरी काय करावे? दरवर्षी वर्षाऋतूत यावे अन् वाहून जावे. पाण्याला जाता जाता कृतार्थ होऊन जावे, फुलवत-खुलवत, पिकवत जावे असे वाटल्याशिवाय का राहत असेल? पण पाण्याचे मन कोण जाणणार?  - राजा मंगळवेढेकर

SOLUTION

वृक्ष बहरू लागले आहेत - वृक्ष-पर्णांनी अंग धरले आहे. 

नदी, नाल्यात भरपूर पाणी आहे. ____________  

वर्षाऋतूचा काळ आहे. आभाळ ढगांनी व्याप्त आहे. दिशा पाणावलेल्या आहेत. अधूनमधून पावसाच्या सरी कोसळताहेत. वृक्ष-पर्णांनी अंग धरले आहे. करंगळीची सोंड झाली आहे. उसळत घुसळت नवे पाणी फेसाळत चालले आहे. कुठे काठाला भिडले आहे, कुठे काठावर चढले आहे, कुठे संथ-गंभीर राहून दबदबा दाखवत आहे. भव्य, स्तब्ध पुलाच्या कमानीखालून जाणारे पाणी समजूतदार वाटते, शहाण्यासारखे वागते; पण तेच पुढे जाऊन काठावरची गरीब बिचारी खोपटी उद्ध्वस्त करून आपल्याबरोबर घेऊन जाताना क्रूर, अडाणी आणि उद्दाम वाटते. पुढे जाता जाता कुठे झाडावर चढते, कुठे गच्चीवर लोळते, कुठे घाट बुडवते तर कुठे वाट तुडवते. पाणी येते आणि जाते. एवढे उदंड येणारे पाणी लांब समुद्राच्या पोटात गुडुप्प होते. पाणी किती शहाणे असते! जोवर कोणी अडवत नाही, शेतमळे, बागा फुलवत नाही, रान-रान हसवत नाही तोवर पाण्याने तरी काय करावे? दरवर्षी वर्षाऋतूत यावे अन् वाहून जावे. पाण्याला जाता जाता कृतार्थ होऊन जावे, फुलवत-खुलवत, पिकवत जावे असे वाटल्याशिवाय का राहत असेल? पण पाण्याचे मन कोण जाणणार?  - राजा मंगळवेढेकर

SOLUTION

नदी, नाल्यात भरपूर पाणी आहे - करंगळीची सोंड झाली आहे.  

पाणी समजूतदार वाटते ______

वर्षाऋतूचा काळ आहे. आभाळ ढगांनी व्याप्त आहे. दिशा पाणावलेल्या आहेत. अधूनमधून पावसाच्या सरी कोसळताहेत. वृक्ष-पर्णांनी अंग धरले आहे. करंगळीची सोंड झाली आहे. उसळत घुसळत नवे पाणी फेसाळत चालले आहे. कुठे काठाला भिडले आहे, कुठे काठावर चढले आहे, कुठे संथ-गंभीर राहून दबदबा दाखवत आहे. भव्य, स्तब्ध पुलाच्या कमानीखालून जाणारे पाणी समजूतदार वाटते, शहाण्यासारखे वागते; पण तेच पुढे जाऊन काठावरची गरीब बिचारी खोपटी उद्ध्वस्त करून आपल्याबरोबर घेऊन जाताना क्रूर, अडाणी आणि उद्दाम वाटते. पुढे जाता जाता कुठे झाडावर चढते, कुठे गच्चीवर लोळते, कुठे घाट बुडवते तर कुठे वाट तुडवते. पाणी येते आणि जाते. एवढे उदंड येणारे पाणी लांब समुद्राच्या पोटात गुडुप्प होते. पाणी किती शहाणे असते! जोवर कोणी अडवत नाही, शेतमळे, बागा फुलवत नाही, रान-रान हसवत नाही तोवर पाण्याने तरी काय करावे? दरवर्षी वर्षाऋतूत यावे अन् वाहून जावे. पाण्याला जाता जाता कृतार्थ होऊन जावे, फुलवत-खुलवत, पिकवत जावे असे वाटल्याशिवाय का राहत असेल? पण पाण्याचे मन कोण जाणणार?  - राजा मंगळवेढेकर

SOLUTION

पाणी समजूतदार वाटते, कारण भव्य, स्तब्ध पुलाच्या कमानीखालून जाताना ते शहाण्यासारखे वागते.

पाणी क्रूर वाटते ______ 

वर्षाऋतूचा काळ आहे. आभाळ ढगांनी व्याप्त आहे. दिशा पाणावलेल्या आहेत. अधूनमधून पावसाच्या सरी कोसळताहेत. वृक्ष-पर्णांनी अंग धरले आहे. करंगळीची सोंड झाली आहे. उसळत घुसळत नवे पाणी फेसाळत चालले आहे. कुठे काठाला भिडले आहे, कुठे काठावर चढले आहे, कुठे संथ-गंभीर राहून दबदबा दाखवत आहे. भव्य, स्तब्ध पुलाच्या कमानीखालून जाणारे पाणी समजूतदार वाटते, शहाण्यासारखे वागते; पण तेच पुढे जाऊन काठावरची गरीब बिचारी खोपटी उद्ध्वस्त करून आपल्याबरोबर घेऊन जाताना क्रूर, अडाणी आणि उद्दाम वाटते. पुढे जाता जाता कुठे झाडावर चढते, कुठे गच्चीवर लोळते, कुठे घाट बुडवते तर कुठे वाट तुडवते. पाणी येते आणि जाते. एवढे उदंड येणारे पाणी लांब समुद्राच्या पोटात गुडुप्प होते. पाणी किती शहाणे असते! जोवर कोणी अडवत नाही, शेतमळे, बागा फुलवत नाही, रान-रान हसवत नाही तोवर पाण्याने तरी काय करावे? दरवर्षी वर्षाऋतूत यावे अन् वाहून जावे. पाण्याला जाता जाता कृतार्थ होऊन जावे, फुलवत-खुलवत, पिकवत जावे असे वाटल्याशिवाय का राहत असेल? पण पाण्याचे मन कोण जाणणार?  - राजा मंगळवेढेकर

SOLUTION

पाणी क्रूर वाटते, कारण ते काठावरची गरीब बिचारी खोपटी उद्ध्वस्त करून आपल्याबरोबर घेऊन जाते.

खालील आकृती पूर्ण करा.

(1) SOLUTION

वर्षाऋतूतील निसर्गाचे रूप :

• आकाश ढगांनी पूर्णपणे झाकून गेलेले असते.
• संपूर्ण अवकाश पाणावलेला असतो.
• अधूनमधून पाऊस कोसळत असतो.
• सगळीकडे हिरवीगार वनराजी पसरलेली असते.
• नदी नाल्यांतून पाणी ओसंडून वाहत असते.
• नवे पाणी उसळत, घुसळत व फेसाळत वाहते.

(2) SOLUTION

पुढे वाहता वाहता पाण्याकडून होणाऱ्या विविध क्रिया :

• उसळत, घुसळत, फेसाळत धावणे.
• काठ ओलांडून ओसंडून वाहणे.
• संथपणे, धीरगंभीरपणे वाहणे.
• बेफाम होऊन सगळे बुडवत धावणे.

तक्ता पूर्ण करा. खालील वाक्यांतील अव्यये ओळखा व त्यांचा प्रकार लिहा.

वाक्य	अव्यय	अव्ययाचा प्रकार
(१) पाणी कुठे गच्चीवर लोळते.	______	______
(२) पाणी येते आणि जाते.	______	______

SOLUTION

वाक्य	अव्यय	अव्ययाचा प्रकार
(१) पाणी कुठे गच्चीवर लोळते.	कुठे, वर	क्रियाविशेषण व, शब्दयोगी अव्यये
(२) पाणी येते आणि जाते.	आणि	उभयान्वयी अव्यय

उताऱ्यातून कळलेला ‘पाण्याचा स्वभाव’ तुमच्या शब्दांत लिहा.

SOLUTION

पावसाळ्यात सर्वत्र पाण्याचे साम्राज्य असते. जिकडे तिकडे पाणीच पाणी असते. अधूनमधून पाऊस कोसळत असतो. त्यामुळे नदीनाल्यांतून पाणी ओसंडून वाहत असते. वाहताना ते कधी काठाला धडकते, तर कधी काठावर चढते. यावरून पाण्याचा धसमुसळेपणा जाणवतो. काही काही ठिकाणी ते इतके संथपणे वाहते कि वाटावे जणू काही ते आपला दरारा दाखवत आहे. मोठ्या पुलांखालून पाणी वाहत जाते, तेव्हा ते समजूतदार, शहाण्या मुलासारखे वाटते. कधी कधी ते काठावरच्या गरिबांच्या झोपडया उध्वस्त करते. अशा वेळी ते स्वभावाने खूप क्रूर असावे, असे मनात येते. कधी कधी ते झाडावर चढते, गच्चीवर लोळते, घाटाला बुडवते, वाटेला तुडवत. अशा वेळी त्याच्या स्वभावातला अवखळपणा जाणवत राहतो. असे पाण्याच्या स्वभावाचे अनेक पैलू या उताऱ्यातून जाणवत राहतात.

वर्षाऋतूतील पाणी निष्फळ वाहून जाऊ नये म्हणून माणसाने काय काय करायला हवे, याबाबत तुमचे विचार लिहा.

SOLUTION

आपल्याकडे अनेक ठिकाणी धो-धो पाऊस कोसळतो. पावसाचे सर्व पाणी समुद्रात वाहून जाते. पावसाचे हे वाहून जाणारे पाणी अडवून ठेवण्याचे व साठवून ठेवण्याचे काही उपाय आहेत. ते आपण अमलात आणले पाहिजेत. खूप महत्वाचा आणि सोपा उपाय म्हणजे जमिनीच्या उतारावर आडवे चार खोदणे. त्या चरांमध्येच वाढणारी झाडे लावावीत. पाणी थबकत थबकत वाहत राहिल्यामुळे ते जमिनीत भरपूर मूरते. पाझर तलाव खोदल्यावरसुद्धा पाणी जमिनीत भरपूर मुरते. जिथे जिथे शक्य आहे तिथे तिथे झाडे लावल्यास झाडांची मुले जमिनीत पाणी धरून ठेवतात. अशा उपायांनी जमिनीखालील पाण्याची पातळी वाढते. विहिरींमध्ये वर्षभर पाणी राहते. पाणी साठवण्यासाठी जमिनीत खड्डेसुद्धा खोदतात. या खड्ड्यांतील पाणी जमिनीत मुरून जाऊ नये म्हणून उपाययोजना करतात. त्यामुळे पावसाळ्यानंतर जवळपासच्या झाडझाडोऱ्याला व गुरांना पाणी देता येते. अशा प्रकारचे वेगवेगळे उपाय योजून पाण्याची गरज भागवत येते.

Marathi - Kumarbharati 10th Standard SSC Maharashtra State Board [मराठी - कुमारभारती इयत्ता १० वी]

• Chapter 1: जय जय हे भारत देशा

• Chapter 2: बोलतो मराठी

• Chapter 3: आजी : कुटुंबाचं आगळ

• Chapter 4: उत्तमलक्षण

• Chapter 5.1: वसंतहृदय चैत्र

• Chapter 5.2: बालसाहित्यिका : गिरिजा कीर

• Chapter 6: वस्तू

• Chapter 7: गवताचे पाते

• Chapter 8: वाट पाहताना

• Chapter 9: आश्वासक चित्र

• Chapter 10.1: आप्पांचे पत्र

• Chapter 10.2: मनक्या पेरेन लागा

• Chapter 11: गोष्ट अरुणिमाची

• Chapter 12: भरतवाक्य

• Chapter 13: कर्ते सुधारक कर्वे

• Chapter 14: काळे केस

• Chapter 15.1: खोद आणखी थोडेसे

• Chapter 15.2: वीरांगना

• Chapter 16: आकाशी झेप घे रे

• Chapter 17: सोनाली

• Chapter 18: निर्णय

• Chapter 19: तू झालास मूक समाजाचा नायक

• Chapter 20.1: सर्व विश्वचि व्हावे सुखी

• Chapter 20.2: व्युत्पत्ती कोश

• Chapter 20.3: उपयोजित लेखन

Author: Balbharati

Publisher: Maharashtra State Bureau of Textbook Production and Curriculum Research

Language: Marathi

कठीण शब्द आणि त्यांचे अर्थ (Difficult Words and their Meanings)

• ध्येयवादी (dhyeyavādī): ध्येय बाळगणारा, विशिष्ट लक्ष्याकडे जाणारा (Goal-oriented, one who has a specific aim)
• शिरोधार्य (shirodhārya): अत्यंत आदराने स्वीकारण्याजोगे (To be accepted with utmost respect, paramount)
• चपळता (chapaḷatā): जलदपणा, वेगळेपणा (Agility, quickness)
• कणखर (kaṇkhar): मजबूत, खंबीर (Strong, resolute, sturdy)
• धाडसी (dhāḍasī): पराक्रमी, हिंमतवान (Courageous, daring)
• तावून-सुलाखून निघणे (tāvūn-sulākhūn nighaṇe): कठीण अनुभवातून अधिक चांगले बनणे (To emerge stronger/refined through difficult experiences)
• सहानुभूती (sahānubhūtī): दुसऱ्याच्या दुःखात सहभागी होण्याची भावना, दया (Sympathy, compassion)
• अत्यावश्यक (atyāvaśyak): अत्यंत गरजेचे (Extremely necessary, essential)
• अफवा (aphavā): खोटी बातमी, निराधार बातमी (Rumor)
• विश्लेषण (viśleṣaṇ): पृथक्करण, सखोल तपासणी (Analysis)
• निष्फळ (niṣphaḷ): फोल, व्यर्थ (Fruitless, futile, unsuccessful)
• लोकोत्तर (lokottar): सामान्य पातळीच्या खूप वरचे, असामान्य (Extraordinary, transcendental)
• सामर्थ्य (sāmarthya): शक्ती, क्षमता (Strength, capability, potential)
• प्रसाद (येथे अर्थ) (prasād): सढळ हातांनी दिलेला मार (Here: a beating given generously - in "लाथाबुक्क्यांचा प्रसाद")
• व्यवहारी (vyavahārī): व्यवहारज्ञान असलेला, चतुर (Practical, worldly-wise)
• संक्षिप्त (saṅkṣipta): थोडक्यात, सारांश रूपाने (Brief, concise)
• बिकट (bikaṭ): कठीण, अवघड (Difficult, arduous)
• कृतार्थ (kr̥tārtha): धन्यता पावलेला, सफल झालेला (Fulfilled, gratified)
• उद्ध्वस्त (uddhvasta): नाश पावलेले, उद्ध्वस्त झालेले (Destroyed, ruined)
• उदंड (udaṇḍa): खूप, भरपूर (Abundant, plentiful)
• उद्दाम (uddāma): उन्मत्त, बेफाम (Arrogant, unrestrained, impetuous)
• प्रायोजकत्व (prāyojakatva): (Sponsorship) खर्चाची जबाबदारी घेणे (Taking responsibility for expenses)
• नियती (niyatī): (Destiny) दैव, नशीब (Fate, destiny)
• जिद्दी (jiddī): हट्टी, चिकाटीचा (Determined, persistent)