Iterative Patterns: Class 2 Maths Term 3 Unit 2 | Samacheer Kalvi

தொடர் அமைப்புகள்

பயணம் செய்வோம்

வில்லைகளின் எண்ணிக்கைக்கு ஏற்ப தொடர்ந்து மாறும் பொம்மைகளின் எண்ணிக்கையை உற்று நோக்குக.

பின்வரும் வினாக்களுக்கு விடையளிக்க.

i) வில்லைகளின் எண்ணிக்கையில் உள்ள அமைப்பு என்ன?

விடை : வரிசையாக அதிகரித்து, ஒரு முறை வடிவ எண்ணினால் தவிர்க்கவும்

ii) பொம்மைகளின் எண்ணிக்கையில் காணும் அமைப்பு என்ன?

விடை : சம எண்கள், இரண்டால் தவிர்க்கவும்

iii) வில்லைகளின் எண்ணிக்கையும் பொம்மைகளின் எண்ணிக்கையும் எவ்வாறு தொடர்பு பெற்றுள்ளன?

விடை : பொம்மைகளின் எண்ணிக்கை = டோக்கனின் எண்ணிக்கையை விட 2 மடங்கு

iv) வில்லைகளின் எண்ணிக்கை 5 ஆக இருந்தால் எத்தனை பொம்மைகள் இருக்கும்?

விடை : 1௦ பொம்மைகள்

கற்றல்

அமைப்புகளை உற்றுநோக்கி இரு படிகளுக்குத் தொடரவும்.

முயற்சி செய்

கொடுக்கப்பட்டுள்ள அமைப்புகளில் மாறுபட்டுள்ளவற்றை கோடிட்டு நீக்கவும். கொடுக்கப்பட்டுள்ள இடத்தில் அதனை மாற்ற சரியான படத்தை வரையவும்.

மகிழ்ச்சி நேரம்

சர்க்கரையும் மிளகாயும்

i) முதலில் உள்ள பொருள் என்ன?

விடை : சர்க்கரை

ii) அதன் இயல்பு என்ன?

விடை : இனிப்பு

iii) இரண்டாவதாக உள்ள பொருள் என்ன?

விடை : மிளகாய்

iv) அதன் இயல்பு என்ன?

விடை : காரம்

v) மூன்றாவதாக உள்ள பொருள் என்ன?

விடை : வெல்லம்

vi) அதன் இயல்பு என்ன?

விடை : இனிப்பு

vii) இந்தப் பொருள்கள் எவ்வாறு அடுக்கப்பட்டு வரிசைப்படுத்தப்பட்டுள்ளன எனக் கூறுங்கள்.

விடை : இனிப்பு மற்றும் காரம்

viii) இந்த வரிசையில் அடுத்து என்ன பொருள் வரும் என ஊகியுங்கள்?

விடை : இனிப்பு

நீயும் மேதை தான்

உங்கள் வகுப்பில் உள்ள மேசைகளும் நாற்காலிகளும் எவ்வாறு அடுக்கப்பட்டுள்ளன?

அடுக்கப்பட்டுள்ள விதத்தில் ஏதேனும் அமைப்புகள் உள்ளதா? நண்பர்களுடன் கலந்துரையாடவும்.

Subtraction with Regrouping up to 99 | Class 2 Maths Term 2 Unit 2

99 வரை உள்ள எண்களை மறுகுழுவாக்கம் செய்து கழித்தல்

கலைச் சொற்கள் : கழித்தல், வேறுபாடு, மீதி, வித்தியாசம்

நினைவு கூர்தல்

(i) கீழே உள்ள ஈரிலக்க எண்களைக் கழிக்க.

(ii) 2 அணில்கள் மரப்பொந்தில் கொட்டைகளைச் சேர்த்துவைத்தன. அவற்றின் உரையாடலைக் கவனிக்கவும்.

நாம் 58 கொட்டைகள் சேர்த்து வைத்துள்ளோம்.

ஆனால், முதல் நாளில் நாம் 12 கொட்டைகளைச் சாப்பிட்டோமே.

இரண்டாம் நாள் 10 கொட்டைகளைச் சாப்பிட்டோம்.

மூன்றாம் நாள் 16 கொட்டைகளைச் சாப்பிட்டோம்.

இப்போது மீதம் எத்தனை உள்ளன எனத் தெரியவில்லையே!

மீதம் எத்தனை கொட்டைகள் உள்ளன என்பதைக் கண்டறிய நீங்கள் உதவ முடியுமா?

மொத்தக் கொட்டைகள் .......... 58

முதல் நாளிற்குப் பிறகு மீதம் உள்ள கொட்டைகளின் எண்ணிக்கையை அறிய நாம் 58 இலிருந்து 12 ஐக் கழிக்கவேண்டும்.

இரண்டாம் நாள் மற்றும் மூன்றாம் நாளில் மீதமுள்ள கொட்டைகளின் எண்ணிக்கையை அறிய நாம் ஒன்றன் பின் ஒன்றாகக் கழித்தல் வழிமுறைப்படிக் கழித்துக் கண்டறியலாம்.

பயணம் செய்வோம்

கவின், கவினி, திருமகன் மற்றும் சுடர் ஆகிய 4 நண்பர்களும் புளியங்கொட்டைகளைச் சேகரித்து வந்து வடிவியல் உருவங்கள் மீது வைத்து உருவங்களை உருவாக்கினர்.

கலைச் சொற்கள் : கழித்தல், வேறுபாடு, மீதி, வித்தியாசம்

அவர்கள் பயன்படுத்திய கொட்டைகள் அட்டவணைப்படுத்தப்பட்டுள்ளன.

கவின் 22 புளியங்கொட்டைகளை எடுத்து முக்கோணம் செய்வதற்கு 9 புளியங்கொட்டைகளைப் பயன்படுத்தினான் எனில் அவனிடம் மீதமுள்ள புளியங்கொட்டைகளின் எண்ணிக்கையைக் கண்டறிக? 13 புளியங்கொட்டைகள் மீதமுள்ளன

சுடர் 54 புளியங்கொட்டைகளை எடுத்து 38 புளியங்கொட்டைகளைச் செவ்வகம் செய்வதற்குப் பயன்படுத்தினாள் எனில், அவளிடம் மீதமுள்ள புளியங்கொட்டைகளின் எண்ணிக்கை எண்ணிக்கையைக் கண்டுபிடி? 16 புளியங்கொட்டைகள் மீதமுள்ளன

ஆசிரியருக்கான குறிப்பு

ஆசிரியர் நிறைய வினாக்களை வினவி மேலே அட்டவணையில் கொடுக்கப்பட்டுள்ள தகவலைக் கொண்டு விடைகாண உதவ வேண்டும்.

கற்றல்

மணிகளைக் கொண்டு கழித்தல்

கவின் தான் திரட்டிய புளியங்கொட்டைகளைக் கொண்டு முக்கோணம் அமைத்தான். அட்டவணையை உற்றுநோக்கிக் கழித்தல் கூற்றினை எழுதி அவனிடம் மீதமுள்ள புளியங்கொட்டைகளின் எண்ணிக்கையைக் கண்டறியவும்.

கவினிடம் மீதமுள்ள புளியங்கொட்டைகளின் எண்ணிக்கையை அறிய அவன் திரட்டிய புளியங்கொட்டைகளிலிருந்து அவன் பயன்படுத்திய புளியங்கொட்டைகளின் எண்ணிக்கையைக் கழிக்கவேண்டும்.

புளியங்கொட்டைகளைப் பயன்படுத்திக் கழிக்கவும் பின்பு கணிதக் கழித்தல் முறையிலும் 22 இலிருந்து 9 ஐக் கழிக்கலாம். 22 புளியங்கொட்டைகளைப் பத்துகளாகவும், ஒன்றுகளாகவும் பிரிக்கலாம்.

படி 1: ஒன்றுகளைக் கழித்தல் : 22 என்பதை 2 பத்துகள் மற்றும் 2 ஒன்றுகளாகக் குறிப்பிடலாம். ஒன்றுகளில் 9 மணிகளை நீக்க வேண்டும்.

படி 2: பத்துகளை ஒன்றுகளாகக் குழு பிரித்தல் : 9 புளியங்கொட்டைகளை எடுக்கவேண்டும். எனவே ஒன்றுகளைக் கழிப்போம். 2 ஒன்றுகளிலிருந்து 9 ஒன்றுகளைக் கழிக்க இயலாது. எனவே புளியங்கொட்டைகள் குறைவதைச் சரி செய்ய மறு குழுவாக்கம் செய்வோம். அதற்குப் பத்துகளில் ஒரு சரத்தை எடுத்து ஒன்றுகளாக மறுகுழுவாக்கம் செய்வோம்.

படி 3 : ஒன்றுகளைக் கழித்தல் : 12 ஒன்றுகளில் இருந்து 9 ஒன்றுகளை நீக்குக.

படி 4 : பத்துகளைக் கழித்தல் : பத்துகளின் குழுவைக் கழிக்க பத்துகள் இடத்தில் கழிப்பதற்கு எண்கள் இல்லை என்பதால் பத்து என்பதை அப்படியே எழுதலாம்.

எனவே, கவினிடம் மீதமுள்ள புளியங்கொட்டைகளின் எண்ணிக்கை 13.

கற்றல்

ஆணி மணிச் சட்டத்தைக் கொண்டு கழித்தல்

செவ்வகம் அமைக்கச் சுடர் எடுத்த 54 கொட்டைகளில் 38 கொட்டைகளைப் பயன்படுத்தினால் மீதம் உள்ள கொட்டைகள் எத்தனை?

சுடரிடம் மீதமுள்ள புளியங்கொட்டைகளின் எண்ணிக்கையை அறிய 54 இலிருந்து 38 ஐக் கழிப்போம். 54 இலிருந்து 38 ஐ ஆணி மணிச் சட்டத்தைக் கொண்டும் கழித்தல் முறைமையைப் பயன்படுத்தியும் கழிப்போம். 54 இல் 5 பத்துகளும் 4 ஒன்றுகளும் உள்ளன. எனவே பத்துகளின் இடத்தில் 5 பச்சை மணிகளையும் ஒன்றுகளின் இடத்தில் 4 சிவப்பு மணிகளையும் போடுவோம்.

38 ஐ 54 இலிருந்து கழிப்பதற்கு 5 பத்துகள் மற்றும் 3 ஒன்றுகளிலிருந்து 3 பத்துக்கள் 8 ஒன்றுகளைக் கழிப்போம்.

ஆணி மணிச் சட்டத்தைப் பயன்படுத்தி 54 - 38 ஐக் கழிக்கலாம்.

படி 1: ஒன்றுகளைக் கழிக்க.

4 ஒன்றுகளில் இருந்து 8 ஒன்றுகளைக் கழிக்க இயலாது. எனவே பத்தை எடுத்து 10 ஒன்றுகளாக மறுகுழுவாக்கம் செய்வோம்.

படி 2: 14 ஒன்றுகளில் 8 ஒன்றுகளை நீக்குக.

இப்போது நாம் 14 ஒன்றுகளிலிருந்து 8 ஒன்றுகளை நீக்கலாம்.

படி 3 : பத்துகளைக் கழிக்க.

4 பத்துகளில் 3 பத்துகளைக் கழிக்க.

எனவே, சுடரிடம் மீதமுள்ள புளியங்கொட்டைகளின் எண்ணிக்கை 16 ஆகும்.

பயிற்சி

1. செவ்வகம் மற்றும் முக்கோணத்திற்குப் பயன்படுத்தப்பட்ட கொட்டைகளின் வித்தியாசம் என்ன?

2. திருமகன் 24 கொட்டைகளை எடுத்து அவற்றில் 16 ஐப் பயன்படுத்தினான். அவனிடம் மீதம் உள்ளவை எத்தனை?

24 – 16 = 8

3. கவினி 30 கொட்டைகளில் 18 ஐப் பயன்படுத்தினாள் எனில், என்ன வித்தியாசம்?

30 – 18 = 12

4. கவின் மற்றும் கவினி பயன்படுத்திய கொட்டைகளின் வித்தியாசம் எத்தனை?

கவினி: 18 கொட்டைகள்

கவின்: 9

வித்தியாசம் : 18 – 9 = 9

பயிற்சி

கீழே உள்ள ஈரிலக்க எண்களைக் கழிக்க.

32 – 28 = 4

94 – 59 = 35

72 – 46 = 26

46 – 17 = 29

50 – 36 = 14

85 – 67 = 18

நீயும் கணிதமேதை தான்

கீழே உள்ள கட்டங்களில் விடுபட்ட கட்டங்களை நிரப்புக.

29 + 0 = 29,

29 − 0 = 29

முயற்சி செய்க

ஒவ்வொரு கழித்தல் கூற்றிலும் விடுபட்ட எண்களைக் கண்டறிக.

மேலும் அறிக

(i) கழித்தல் வழிமுறையை இரு வழிகளில் சரிபார்க்கலாம். 53 - 36 = 17 என்ற கழித்தல் கூற்றினைக் கருத்தில் கொள்வோம்.

(1) கூட்டல் வழியாக 36 + 17 = 53

(2) கழித்தல் வழியாக 53 - 17 = 36

53 மற்றும் 36 என இரு எண்கள் கொடுக்கப்பட்டுள்ளன. 54 இலிருந்து 36 ஐக் கழித்தால் விடை 17 கிடைக்கும். இந்த விடையைச் சரிபார்க்க 36 மற்றும் 17 ஐக் கூட்டி 53 ஐப் பெறலாம். அல்லது 54 இலிருந்து 17 ஐக் கழித்து 36 ஐப் பெறலாம்.

ii) எந்த ஓர் எண்ணிலிருந்து 0 ஐக் கழித்தாலும் நமக்கு அதே எண்தான் விடையாகக் கிடைக்கும்.

அதாவது நாம் அந்த எண்ணிக்கையிலிருந்து எதையும் எடுக்கவில்லை என்று பொருள்.

(iii) எந்த ஓர் எண்ணிலிருந்து அதே எண்ணைக் கழித்தாலும் நமக்கு விடையாக நமக்கு 0 கிடைக்கும்.

அதாவது நாம் அந்த எண்ணிக்கையிலிருந்து முழுமையையும் எடுத்துவிட்டோம் என்று பொருள்.

மனக்கணக்கு

1. கமல் ஒருவிழா நிகழ்விடத்தில் 56 குழல் விளக்குகளைப் பொருத்தினார். அவற்றில் 18 விளக்குகள் எரியவில்லை எனில் எத்தனை விளக்குகள் பயன்பாட்டில் உள்ளன?

விடை :

56 – 18 = 38 குழல் விளக்குகள்

2. ஒரு தொழிற்சாலையில் 1 நாளில் 95 மகிழுந்துகள் உற்பத்தி செய்யப்பட்டன. அவற்றில் 37 விற்பனையாகிவிட்டால் மீதம் உள்ள மகிழுந்துகள் எத்தனை?

95 – 37 = 58 மகிழுந்துகள்

3. கருணா, ஓர் அங்காடியில் உள்ள 90 படிகளில் 23 படிகள் ஏறிவிட்டான். இன்னும் எத்தனை படிகள் உள்ளன?

90 – 23 = 67 படிகள்

4. கமலி, தன்னிடம் 31 ரூபாய் வைத்திருந்தாள். அவள் ரூபாய் 15 க்கு ஒரு எழுதுகோல் வாங்கிவிட்டு மீதமுள்ள பணத்தை சேமித்தாள். எனில், அவள் சேமித்த பணம் எவ்வளவு?

31 – 15 = 16 ரூபாய்கள்

5. ஒரு வகுப்பில் 42 மாணவர்கள் உள்ளனர். அவர்களில் 26 பேர் பெண்கள் எனில், ஆண்கள் எத்தனை பேர்?

42 – 26 = 16 மாணவர்கள்

Standard Units of Measuring Length | Class 2 Maths Term 1 Unit 4 | Samacheer Kalvi

நீளத்தை அளப்பதற்கான திட்ட அலகுகள்

2வது கணக்கு : பருவம்-1 | அலகு 4 : அளவைகள்

ஆசிரியருக்கான குறிப்பு

மாணவர்களுக்குத் திட்ட அலகுகள் கொண்டு அளப்பதன் பயன்பாட்டை அறிய ஆசிரியர் வழிவகை செய்யவும்.

பயணம் செய்வோம்

கலைச் சொற்கள்

அளவுகோல், சென்டிமீட்டர், மீட்டர்

ஆசிரியருக்கான குறிப்பு

மாணவர்களுக்குத் திட்ட அலகுகள் கொண்டு அளப்பதன் பயன்பாட்டை அறிய ஆசிரியர் வழிவகை செய்யவும்.

கற்றல்

திட்ட அலகுகள் கொண்டு அளத்தல்

அதிக நீளம் கொண்ட பொருள்கள் மீட்டரிலும் (மீ) குறைந்த நீளம் கொண்ட பொருள்கள் சென்டிமீட்டரிலும் (செ.மீ) அளக்கப்படுகின்றன.

படச் சட்டம் சென்டிமீட்டரில் அளக்கப்படுகிறது (செ.மீ)

புடவை மீட்டரில் (மீ) அளக்கப்படுகிறது

செய்து பார்

கொடுக்கப்பட்டுள்ள பொருள்களை அளவிடப் பயன்படும் சரியான அலகுகளைக் (✔) குறியிடுக.

கற்றல்

நீளத்தினை அளத்தல்

அளவுகோலைக் கொண்டு பொருள்களின் நீளத்தை அளப்பதற்கு அறிவோம்.

செய்து பார்

முன் பக்கத்தில் கொடுக்கப்பட்டுள்ள படத்தை உற்று நோக்கிப் பொருள்களின் நீளத்தை எழுதுக.

1. சீப்பின் நீளம் 12 செ.மீ

2. உறிஞ்சு குழாயின் நீளம் 10 செ.மீ

3. கரிக்கோல் நீளம் 14 செ.மீ

4. வண்ண மெழுகின் நீளம் 7 செ.மீ

செயல்பாடு

கொடுக்கப்பட்ட அளவுகளால் பொருள்களின் நீளத்தை அளந்து கட்டங்களில் எழுதுக.

ஆசிரியருக்கான குறிப்பு

i. அளவீடுகளை ஊகித்த பின்பு அதனை அளந்து சரிபார்க்க ஊக்கப்படுத்தவும். மேலும் சரியாக ஊகம் செய்வதற்குப் பல்வேறு பொருள்களை அளப்பதற்கான வாய்ப்புகளை ஏற்படுத்தவும்.

ii. நீளத்தை அளப்பதற்கான திட்டக்கருவிகளின் பயன்பாட்டை அறிய மாணவர்களை ஊக்கப்படுத்தவும்.

2nd Grade Maths: Measurements | Term 1 Unit 4 | Samacheer Kalvi

2வது கணக்கு | பருவம்-1 அலகு 4 | அளவைகள் | 2nd Maths : Term 1 Unit 4 : Measurement

அளவைகள்

அலகு 4 : அளவைகள்

நினைவு கூர்க

நீளத்தை அளத்தல்

கொடுக்கப்பட்டுள்ள அளவைகளால் படத்தில் குறிப்பிடப்பட்டுள்ள பொருள்களின் நீளத்தை அளந்து எழுதுக.

Class 2 Maths: Subtraction | Term 1 Unit 2 | Samacheer Kalvi Guide

எண்கள் | பருவம்-1 அலகு 2 | 2வது கணக்கு - கழித்தல் | 2nd Maths : Term 1 Unit 2 : Numbers

கழித்தல்

ஆசிரியருக்கான குறிப்பு : மாணவர்கள் கழித்தலைப் புரிந்து விடையளிக்க ஆசிரியர் உதவுக.

நினைவு கூர்க

படத்தினை உற்றுநோக்கி, பொருள்களைக் கோடிட்டு அடித்துக் கழித்தல் கூற்றினை எழுதவும் எழுத்துக்காட்டில் உள்ளதைப்போல்

1. விடை 2 பெறுவதற்கான கழித்தல் கூற்றினைக் கட்டத்தில் எழுதவும்.

2. விடை 6 பெறுவதற்கான எண் கூற்றினை எழுதவும்.

3. விடை 1 பெறுவதற்கான கழித்தல் கூற்றினை எழுதவும்.

4. பின்வருவனவற்றைக் கழிக்க

பயணம் செய்வோம்

பிறந்த நாள் கொண்டாட்டம்

சதிஷ் தன் பிறந்த நாளில் 20 கடலை மிட்டாய்களைத் தன் நண்பர்களுக்கு வழங்கினான்.

கழித்தல் கூற்றினை நிறைவு செய்க.

20 – 4 = 16

16 – 3 = 13

13 – 5 = 8

8 – 2 = 6

6 – 3 = 3

3 – 3 = 0

கலைச் சொற்கள் :

நீக்க, வேறுபாடு, மீதி

ஆசிரியருக்கான குறிப்பு

ஆசிரியர் மேலே கொடுக்கப்பட்ட சூழலில் குழந்தைகள் எடுத்த கடலை மிட்டாய்களின் எண்ணிக்கையை வேறுபடுத்திப் பல்வேறு கழித்தல் கூற்றினை உருவாக்கலாம்

கற்றல்

1. கமலியிடம் 25 வெள்ளரிக் காய்கள் உள்ளன. அவற்றில் 3ஐ தன் நண்பர்களுக்கு வழங்கினாள். அவளிடம் மீதமுள்ள காய்களின் எண்ணிக்கை எவ்வளவு?

2. ஒரு கடையில் 56 இளநீர்கள் உள்ளன. அவற்றில் 30 விற்பனையாகிவிட்டன. கடையில் மீதமுள்ள இளநீர்களின் எண்ணிக்கை என்ன?

செய்து பார்

1. லீலா 28 எலுமிச்சைகளைப் பறித்தாள். அவற்றில் 5 எலுமிச்சைகளைப் பழச்சாறு எடுக்கப் பயன்படுத்தினாள். மீதம் உள்ள எலுமிச்சைகளின் எண்ணிக்கை என்ன?

28 − 5 = 23

விடை : 23

2. பாலா 26 காகிதக் கப்பல்களும் கலா 6 காகிதக் கப்பல்களும் செய்தனர். கலாவை விட பாலா எத்தனை கப்பல்கள் அதிகமாகச் செய்தான்?

26 − 6 = 20

விடை : 20

3. சிவா 36 வேர்க்கடலைகள் வைத்திருந்தான். அதில் விளையாட்டு நேரத்தில் 14 வேர்க்கடலைகளை உண்டுவிட்டான் எனில், அவனிடம் மீதம் உள்ள வேர்க்கடலைகளின் எண்ணிக்கை என்ன?

36 − 14 = 22

விடை : 22

4. காவியாவின் அம்மா 57 எள்ளுருண்டைகள் செய்தார். அவற்றுள் 13 எள்ளுருண்டைகளைக் காவியாதன் நண்பர்களுடன் உண்டாள். தற்போது மீதமுள்ள எள்ளுருண்டைகளின் எண்ணிக்கை யாது?

57 − 13 = 44

விடை : 44

கற்றல்

பல்வேறு வழிகளில் கழித்தல்

1. விரல்களைக் கொண்டு கழித்தல் : 38 - 5

38 – 5 = 33

2. எண்கோட்டில் கழித்தல் 38 – 5

38 – 5 = 33

3. மணிகளைக் கொண்டு கழித்தல் 38 – 25

38 – 25 = 13

4. ஆணிமணிச் சட்டத்தைக் கொண்டு கழித்தல் 98 – 25

98 – 25 = 73

செய்து பார்

மணிகளை அடித்துக் கழிக்க

48 – 5

விடை : 43

78 – 35

விடை : 43

ஆணிமணிச் சட்டத்தைக் கொண்டு கழிக்க

36 – 3 = 33

விடை : 33

69 – 47 = 22

விடை : 22

மதிப்பு காண்க.

கூடுதலாக அறிவோம்

கொடுக்கப்பட்ட கூட்டல் கூற்றிலிருந்து 2 கழித்தல் கூற்றுகளை நாம் உருவாக்கலாம்.

செயல்பாடு

* மாணவர்கள் இருவர் கொண்ட குழுக்களாகப் பிரிக்கவும். பத்து குச்சிகளாகக் கொண்ட கட்டுகள் ஒன்பதை ஒரு பெட்டியிலும் உதிரிகளாக 9 குச்சிகளை ஒரு பெட்டியிலும் போடவும்.

* ஆசிரியர் ஒரு கழித்தல் கூற்றினைக் கரும்பலகையில் எழுதிவிட்டு ஒரு குழுவினை அழைக்கலாம்.

* கழித்தல் கூற்றிலுள்ள எண்ணிற்குத் தகுந்தாற்போல் குழுவிலுள்ள ஒருவர் பத்து குச்சிகள் கொண்ட கட்டுகளையும் மற்றொருவர் உதிரிக்குச்சிகளையும் எடுக்கவேண்டும்.

* கழித்தல் கூற்றிற்கான விடைகாண அவர்கள் எடுத்த கட்டுகளையும் உதிரிக்குச்சிகளையும் மீண்டும் பெட்டியில் போட்டு விட்டுத் தங்களிடம் மீதமுள்ள குச்சிகளை மற்றவர்களுக்குக் காட்டவும்.

* ஆசிரியர் மற்ற குழுக்களைக் கொண்டு செயல்பாட்டைத் தொடரலாம்.

நீயும் கணித மேதை தான்

கொடுக்கப்பட்டுள்ள அமைப்பினை உற்றுநோக்கிக் கழித்தல் கூற்றினை நிறைவு செய்க.

விடை: 55, 31, 21, 10, 5

மகிழ்ச்சி நேரம்

எடுத்துக்காட்டில் உள்ளதைப்போல் கழித்தல் கூற்றை எழுதி வெளி வட்டத்தினை நிறைவு செய்க.

முயன்று பார்

கீழே கொடுக்கப்பட்டுள்ள கழித்தல் கூற்றுகளுக்கு விடை காண்க.

கழித்தல் கூற்று = தீர்வு

37 – 30 = 7

46 – 41 = 5

68 – 54 = 14

70 – 70 = 0

57 – 42 = 15

21 – 0 = 21

39 – 20 = 19

பின்வரும் எண்களைப் பயன்படுத்திப் பல்வேறு கணிதக் கூற்றுகளை உருவாக்கித் தீர்வு காண்க. 0, 20, 21, 30, 37, 39, 41, 42, 46, 54, 57, 68, 70

0 – 20 = 20 (Note: Should be 20-0=20, but keeping verbatim)

30 – 21 = 9

39 – 37 = 2

46 – 39 = 7

42 – 41 = 1

57 – 54 = 3

70 – 68 = 2

மனக் கணக்கு

1. இலக்கியா 29 பூக்களைக் கொண்டு பூங்கொத்து உருவாக்கினாள். அவற்றில் 12 பூக்கள் விழுந்து விட்டன. பூங்கொத்தில் மீதமுள்ள பூக்களின் எண்ணிக்கை என்ன?

29 – 12 = 17

2. 19 குழந்தைகள் பூங்காவில் இருந்தனர். அவர்களில் 2 பேர் வெளியேறினால் பூங்காவில் மீதமுள்ள குழந்தைகள் எத்தனை பேர்?

19 – 2 = 17

3. தோட்டத்தில் 33 பறவைகள் இருந்தன. அதில் 11 பறவைகள் பறந்து சென்றுவிட்டால் மீதமுள்ள பறவைகளின் எண்ணிக்கை என்ன?

33 – 11 = 22

4. ஒரு பண்ணையில் 64 ஆடுகள் இருந்தன. 11 ஆடுகளை அடுத்த பண்ணைக்கு எடுத்துச்சென்று விட்டால் மீதம் எத்தனை ஆடுகள் இருக்கும்?

64 – 11 = 53

5. ஒருபெட்டியில் 38 வண்ணம் தீட்டும் தூரிகைகள் உள்ளன. 10 தூரிகைகளைப் பயன்படுத்திவிட்டால், பயன்படுத்தப்படாத தூரிகைகள் எத்தனை இருக்கும்?

38 – 10 = 28