3rd Class Tamil Term 3 Chapter 8 | Arivutum Tholaikatchi Seithigal | Questions and Answers

3 ஆம் வகுப்பு தமிழ் : பருவம் 3 இயல் 8 : அறிவூட்டும் தொலைக்காட்சிச் செய்திகள்

கேள்விகள் மற்றும் பதில்கள்

பயிற்சி

வாங்க பேசலாம்

தொலைக்காட்சி, நம் கண்ணுக்கும் காதுக்கும் மட்டுமல்ல, அறிவுக்கும் விருந்தளிக்கும் என்பதைப் பிறருக்கு நீங்கள் எப்படி உணர்த்துவீர்கள்?

* தொலைக்காட்சியில் பொழுதுபோக்கு நிகழ்ச்சிகளான திரைப்படம், திரையிசைப் பாடல்கள், தொடர் நாடகங்கள், விளம்பரங்கள் போன்றவற்றை மட்டும் நாம் காண்பதில்லை.

* நம் அறிவை வளர்க்கக்கூடிய கல்வி, வேளாண்மை, விளையாட்டு, மருத்துவம், பொறியியல், தகவல் தொழில்நுட்பம் மற்றும் சமையல் போன்றவற்றைப் பற்றிய அறிவையும் தொலைக்காட்சியின் மூலம் நாம் பெறலாம்.

* வெளிநாட்டில் நடைபெறும் நிகழ்வுகளையும் செய்திகள் மூலம் உடனுக்குடன் தெரிந்துகொள்ள தொலைக்காட்சிகள் பெரிதும் உதவுகின்றது.

படிப்போம்! சிந்திப்போம்! எழுதுவோம்!

சரியான விடையைத் தெரிவு செய்வோமா?

1. விமானம் பறப்பது பற்றிய செய்தியை __________ வாயிலாக இளவரசி அறிந்து கொண்டாள்.

அ) கணினி

ஆ) தொலைக்காட்சி

இ) வானொலி

ஈ) அலைபேசி

விடை : ஆ) தொலைக்காட்சி

2. ஆர்வம் - இச்சொல்லின் பொருள் _____________.

அ) வெறுப்பு

ஆ) மறுப்பு

இ) மகிழ்ச்சி

ஈ) விருப்பம்

விடை : ஈ) விருப்பம்

3. உயரம் என்ற சொல்லின் எதிர்ச்சொல் ______________.

அ) குட்டை

ஆ) நீளம்

இ) நெட்டை

ஈ) நீண்ட

விடை : அ) குட்டை

4. தொலைக்காட்சி – இச்சொல்லைப் பிரித்து எழுதக் கிடைப்பது __________.

அ) தொலை + காட்சி

ஆ) தொல்லை + காட்சி

இ) தொலைக் + காட்சி

ஈ) தொல் + காட்சி

விடை : அ) தொலை + காட்சி

5. குறுமை + படம் - இச்சொற்களைச் சேர்த்து எழுதக் கிடைப்பது _________.

அ) குறுபடம்

ஆ) குறுமை + படம்

இ) குறும்படம்

ஈ) குறுகியபடம்

விடை : இ) குறும்படம்

வினாக்களுக்கு விடையளிக்க.

1. பூங்குழலியும் இளவரசியும் வானத்தில் எதைக் கண்டனர்?

பூங்குழலியும், இளவரசியும் வானத்தில் விமானத்தைக் கண்டனர்.

2. வானில் பறக்கும் விமானம் எதனால் பாதிக்கப்படாது என்று இளவரசி கூறினாள்?

வானில் பறக்கும் விமானம் புயல், மேகமூட்டம், இடி, மழை போன்றவற்றால் பாதிக்கப்படாது என்று இளவரசி கூறினாள்.

3. இளவரசி தொலைக்காட்சியில் என்னவெல்லாம் பார்த்ததாகக் கூறினாள்?

இளவரசி தொலைக்காட்சியில் பொம்மைப் படங்கள், விளையாட்டு நிகழ்ச்சிகள் செய்து பார்ப்போம் போன்ற ஏராளமான நிகழ்ச்சிகளை இளவரசி பார்த்ததாகக் கூறினாள்.

பறவைகளின் ஒலிகளை அறிந்து கோடிட்ட இடங்களை நிரப்புவோம்.

கொடுக்கப்பட்ட சொற்கள்: கரையும், அகவும், பேசும், அலறும், கூவும்

1) காகம் __________

2) மயில் __________

3) கிளி __________

4) ஆந்தை __________

5) சேவல் __________

பதில்களைக் காண்க

1) காகம் கரையும்

2) மயில் அகவும்

3) கிளி பேசும்

4) ஆந்தை அலறும்

5) சேவல் கூவும்

பொருத்தமான சொல்லால் நிரப்புவோம்.

ஒளிர்மதி தோட்டத்தில் பூ பறித்துக்கொண்டு இருந்தாள். கையில் ஒரு பூக்கூடை இருந்தது. அப்போது அங்குப் பரணி வந்தான். கையில் இரண்டு பொம்மைகள் இருந்தன. பார்ப்பதற்கு அழகாக இருந்தன. ஒளிர்மதி, பொம்மையின் தலையில் செம்பருத்திப் பூ வைத்தாள். சிவப்பு வண்ணத்தில் அழகாக இருந்தது. பிறகு, மாமர ஊஞ்சலில் விளையாடினார்கள்.

கதையைப் படித்து கேட்கப்படும் வினாக்களுக்கு விடையளிக்க.

தவளை ஒன்று மிகவும் உடல்நலம் குன்றியிருந்தது. அதன் குட்டித் தவளை தன் தாயைக் காப்பாற்ற நினைத்தது. மாலைநேரம் முடிவதற்குள் மலைமேல் ஏறி, மூலிகை கொண்டு வர நினைத்தது. அந்த மலையில் ஏராளமான பாம்புகள் வாழ்ந்து வந்தன. பாம்புகளால் தனக்குத் தீங்கு நேரிடும் என்று நினைத்தது குட்டித் தவளை. தன் அறிவைப் பயன்படுத்திச் சென்றால்தான் மாலைக்குள் திரும்ப முடியும் என்று நினைத்தது. மலையில் ஏறத் தொடங்கியதும், அந்தக் குட்டித் தவளை பேசத் தொடங்கியது. “முன்னே செல்லும் பருந்தாரே! பின்னே பெரிய கீரியார் மெள்ள வருகிறார், சற்றுப் பொறுத்தே செல்லுங்கள்" என்று திரும்பத் திரும்பக் கூறிக்கொண்டே சென்றது. பாம்புகள் குட்டித்தவளை கூறுவதைக் கேட்டு ஓடி ஒளிந்துகொண்டன. குட்டித்தவளை, தன் கூர் சிந்தனைத்திறனால் காலம் கடத்தாமல் விரைந்து சென்று, மூலிகை கொண்டு வந்து தன் தாயைக் காப்பாற்றியது.

1. உடல்நலம் குன்றிய நிலையில் எது இருந்தது?

தவளை ஒன்று உடல்நலம் குன்றிய நிலையில் இருந்தது.

2. குட்டித்தவளை, தனக்கு யாரால் தீங்கு ஏற்படும் என நினைத்தது?

பாம்புகளால் தனக்கு தீங்கு நேரிடும் என்று குட்டித்தவளை நினைத்தது.

3. குட்டித்தவளை தன்னைக் காப்பாற்றிக் கொள்ள, எந்தெந்தப் பெயர்களைக் கூறியது?

குட்டித்தவளை தன்னைக் காப்பாற்றிக் கொள்ள கீரி, பருந்து போன்ற பெயர்களைக் கூறியது.

4. குறித்த நேரத்திற்குள் ஒரு செயலைச் செய்து முடிப்பது எதைக் குறிக்கும்?

அ) பணிவு

ஆ) காலந் தவிர்க்காமை

இ) நேர்மை

விடை : ஆ) காலந் தவிர்க்காமை.

அறிந்து கொள்வோம்

தொலைக்காட்சியைக் கண்டறிந்தவர் ஜான் லெகி பெயர்டு

விமானத்தைக் கண்டறிந்தவர்கள் ஆல்பர்ட் ரைட், வில்பர்ட் ரைட்

வானொலியைக் கண்டறிந்தவர் மார்க்கோனி

உன்னை அறிந்துகொள்.

1. தொலைக்காட்சியைக் கண்டறிந்தவர் யார்?

தொலைக்காட்சியைக் கண்டறிந்தவர் ஜான் லோக் போர்டு.

2. விமானத்தைக் கண்டறிந்தவர்கள் யார்?

விமானத்தைக் கண்டறிந்தவர்கள் ஆல்பர்ட்ரைட், வில்பர்ட்ரைட் சகோதரர்கள் (ரைட் சகோதரர்கள்).

3. வானொலியைக் கண்டறிந்தவர் யார்?

வானொலியைக் கண்டறிந்தவர் மார்க்கோனி.

கீழ்வரும் சொற்றொடர்களை சரியா? தவறா?

1. தொலைக்காட்சி நிகழ்ச்சிகளை அருகே அமர்ந்து பார்க்கலாம்.

2. வெண்மேகங்களால் மழை பொழியும்.

3. இடிமின்னலின் போது மரத்தடியில் நிற்கக்கூடாது.

4. புயல் அடிக்கும் போது மீனவர்கள் கடலுக்குள் செல்லலாம்.

பதில்களைக் காண்க

1. தொலைக்காட்சி நிகழ்ச்சிகளை அருகே அமர்ந்து பார்க்கலாம். தவறு

2. வெண்மேகங்களால் மழை பொழியும். தவறு

3. இடிமின்னலின் போது மரத்தடியில் நிற்கக்கூடாது. சரி

4. புயல் அடிக்கும் போது மீனவர்கள் கடலுக்குள் செல்லலாம். தவறு

சிந்திக்கலாமா?

பாவழகி அவளுடைய எழுதுகோலைக் கையிலேயே வைத்திருப்பதால் தவறித் தொலைத்து விடுவாள்... பாத்திமா தன் எழுதுகோலைப் பெட்டியில் வைத்துப் புத்தகப் பைக்குள் வைத்திருப்பாள் எனவே, அது பாதுகாப்பாக இருக்கிறது. உன் பொருள்களை நீ எவ்வாறு பாதுகாப்பாய்?

நீ எவ்வாறு உன் பொருள்களைப் பாதுகாப்பாய்?

நான் என் பொருள்களைப் பெட்டியில் வைத்து புத்தகப் பைக்குள் வைத்திருப்பேன்; தேவையான நேரத்தில் எடுத்துப் பயன்படுத்திவிட்டு மீண்டும் பத்திரமாக பைக்குள் வைத்துவிடுவேன்.

கலையும் கைவண்ணமும்

மின்அட்டையில் வாழ்த்து அட்டை உருவாக்குதல்

தேவையான பொருள்கள்

மின் அட்டை

பசை

வண்ண நூல்கள்

❖ மின் அட்டையின் ஓரங்களில் வண்ண நூல்களை ஒட்டி அலங்காரம் செய்யவேண்டும்.

❖ நாம் விரும்பும் படம் வரைந்து அதன் மேல் வண்ண நூல்களை ஒட்ட வேண்டும்.

❖ தேவையான வாழ்த்துச்செய்தியை அட்டையின் நடுப்பகுதியில் எழுதி, வாழ்த்து அட்டையை உருவாக்கவேண்டும்.

சொந்த நடையில் கூறுக.

தொலைக்காட்சியின் நன்மைகளைப் பற்றி உம் சொந்த நடையில் கூறுக.

* சொற்பொழிவு, இசை, நாடகம் போன்றவற்றை நேரில் கண்டுகளிக்கலாம்.

* வீட்டில் இருந்து கொண்டே பல வேலைகளின் நுணுக்கங்களையும் அறிந்துகொள்ள முடியும்.

* பல நாடுகளின் இயற்கைக் காட்சிகள், மிருகங்கள், பறவைகள் ஆகியவற்றை நேரில் பார்ப்பது போன்று கண்டு மகிழலாம்.

* வெகுதொலையில் நடக்கும் விளையாட்டுகளை வீட்டிலிருந்தே கண்டு மகிழலாம்.

* குடும்ப நலத்திட்டம், குழந்தை வளர்ப்பு, நோய் தடுப்பு முறைகள் ஆகியவற்றை நேரில் காட்டுவதால் மக்களுக்கு நன்றாக விளங்குகிறது.

செயல் திட்டம்

தொலைக்காட்சியில் இடம்பெறும் கல்வி பற்றிய செய்திகளைத் தொகுத்து வருக.

உம் சுற்றுப்புறத்திலுள்ள பொருள்களை வரைந்து அவற்றின் பெயர்களை எழுதி வருக.

3rd Standard Tamil - Term 3 Chapter 7: The Pride of the Tamil Language - Questions & Answers

3 ஆம் வகுப்பு தமிழ் : பருவம் 3 இயல் 7

தமிழ்மொழியின் பெருமை: கேள்விகள் மற்றும் பதில்கள்

பயிற்சி

வாங்க பேசலாம்

தமிழின் இனிமையைப் பாரதியார் எப்படியெல்லாம் புகழ்கிறார்? கலந்துரையாடுக.

“செந்தமிழ் நாடெனும் போதினிலே இன்பத் தேன் வந்து பாயுது காதினிலே” என்றும், மேலும்

“யாமறிந்த மொழிகளிலே தமிழ்மொழிபோல் இனிதாவது எங்கும் காணோம்”

என்று தமிழைப் போற்றிப் புகழ்கிறார் பாரதியார்.

படிப்போம்! சிந்திப்போம்! எழுதுவோம்!

சரியான விடையைத் தெரிவு செய்வோமா?

1. தமிழுக்கு அமுது என்று பேர் என்று பாடியவர்_________.

அ) பாரதியார்

ஆ) கண்ணதாசன்

இ) கவிமணி

ஈ) பாரதிதாசன்

விடை : ஈ) பாரதிதாசன்

---

2. ‘செம்மை + மொழி' இச்சொற்களைச் சேர்த்து எழுதக் கிடைப்பது ______________.

அ) செம்மொழி

ஆ) செம்மொலி

இ) செம்மொளி

ஈ) செமொழி

விடை : அ) செம்மொழி

---

3. 'கீழடி' அகழாய்வு நடந்த மாவட்டம் ______________.

அ) புதுக்கோட்டை

ஆ) தருமபுரி

இ) சிவகங்கை

ஈ) திருச்சி

விடை : இ) சிவகங்கை

---

4. 'ஆதித்தமிழர்' இச்சொல்லைப் பிரித்து எழுதக் கிடைப்பது __________.

அ) ஆதி + தமிழர்

ஆ) ஆதி + தமிளர்

இ) அதி + தமிழர்

ஈ) ஆதி + தமிழர்

விடை : அ) ஆதி + தமிழர்

---

5. பொலிவு - இச்சொல்லுக்குரிய பொருள்__________.

அ) மெலிவு

ஆ) அழகு

இ) துணிவு

ஈ) சிறப்பு

விடை : ஆ) அழகு

கீழ்க்காணும் சொற்றொடர்களைப் படித்துச் சரி ✓ தவறு X எனக் குறியிடுக.

1. இயல், இசை, நாடகம் ஆகியன தமிழின் பெருமையை வெளிப்படுத்தின. ( ✓ )

2. தமிழ்மொழி ஆதித்தமிழர் மொழி' இல்லை. ( X )

3. 'வீரம்' தமிழரின் பண்புகளுள் ஒன்று. ( ✓ )

4. “யாதும் ஊரே யாவரும் கேளிர்” என்னும் தொடர் ஆத்திசூடியில் உள்ளது. ( X )

5. சிவகங்கையிலுள்ள கீழடியில் அகழாய்வு நடைபெறவில்லை. ( X )

அகர முதலியைப் பார்த்துப் பொருள் எழுதுக.

• தொன்மை -பழமை
• அகழாய்வு -நிலத்தைத் தோண்டி ஆராய்தல்
• ஆபரணம் -அணிகலன்
• கேளிர் -உறவினர்
• பொலிவு -அழகு

மொழியோடு விளையாடு

சரியான எழுத்தைத் தேர்ந்தெடுத்துச் சொல்லை முழுமையடையச் செய்க.

வினாக்களுக்கு விடையளிக்க.

1. தமிழ்மொழியின் பெருமைகளுள் இரண்டு எழுதுக.

(i) உலகில் உள்ள மொழிகளுள் மிகவும் தொன்மை வாய்ந்தது தமிழ் மொழி.

(ii) இயல், இசை, நாடகம் என்னும் முத்தமிழாய் விளங்கி மனித வாழ்விற்கு இலக்கணம் கண்ட மொழி.

---

2. 'கீழடி' அகழாய்வில் கண்டுபிடிக்கப்பட்ட பொருள்கள் யாவை?

பழங்காலத்தில் தமிழர்கள் பயன்படுத்திய மண்பாண்டங்கள், அணிகலன்கள், நமது பண்பாட்டை வெளிப்படுத்தும் ஆடைகள் ஆகியவை ‘கீழடி' அகழாய்வில் கண்டுபிடிக்கப்பட்ட பொருள்கள் ஆகும்.

---

3. தமிழரின் பெருமையைக் கணியன் பூங்குன்றனார் எவ்வாறு வெளிப்படுத்துகிறார்?

கணியன் பூங்குன்றனார் எழுதிய 'யாதும் ஊரே, யாவரும் கேளிர்' என்னும் புறநானூற்றுப் பாடல் தொடர் இன்றளவிலும் ஐக்கிய நாடுகள் அவையில் தமிழ்மொழியின் பெருமையை உலகிற்கு உணர்த்தும் வகையில் அமைந்துள்ளது.

---

4. தமிழ்மொழி ‘செம்மொழி' என்று ஏன் அழைக்கப்படுகிறது?

தமிழ்மொழியானது பிறமொழிகளின் துணையின்றித் தனித்து இயங்கும் திறனுள்ளதால் செம்மொழி என அழைக்கப்படுகிறது.

---

5. தமிழ்மொழி பற்றி நீவிர் அறிந்த கருத்தை எழுதுக.

(i) நம் தாய்மொழியான தமிழ், ஈராயிரம் ஆண்டுக்குமேல் பேச்சிலும் எழுத்திலும் பயன்பாட்டில் இருந்து வருகிறது.

(ii) நாளும் பொலிவுடன் வளர்தமிழாய் தன் பெருமையை உலக அரங்கில் நிலைநிறுத்தி வருகிறது.

சொல் விளையாட்டு.

பழத்திற்குள் உள்ள சரியான சொல்லைத் தெரிவு செய்து, சொற்றொடர் உருவாக்குக.

1. இயல் என்பது நடை.

இயல் என்பது, எழுத்து நடை

---

2. பாறை ஓவியங்களில் தமிழர்களின் விளையாட்டுகள் பற்றிய செய்திகள் உள்ளன.

பாறை ஓவியங்களில் தமிழர்களின் வீரம் சார்ந்த விளையாட்டுகள் பற்றிய செய்திகள் உள்ளன.

---

3. பிறமொழி உதவி இல்லாமல் தனித்து இயங்குவதால், தமிழ்மொழி ஆகும்.

பிறமொழி உதவி இல்லாமல் தனித்து இயங்குவதால், தமிழ்மொழி செம்மொழி ஆகும்

---

4. நடுவண் அரசு ஆம் ஆண்டு தமிழைச் 'செம்மொழி' என அறிவித்தது.

நடுவண் அரசு 2004 ஆம் ஆண்டு தமிழைச் 'செம்மொழி' என அறிவித்தது.

சிந்திக்கலாமா?

இனியன் தன் நண்பர்களிடம் பிறமொழிகள் கற்பதிலேயே, ஆர்வம் காட்டுவேன் என்று கூறுகிறான்

வீணா தன் தோழிகளிடம் பிறமொழிகளையும் கற்பேன் தமிழ்மொழிக்கு முதலிடம் தருவேன். ஏனெனில் தாய்மொழியே சிந்திக்கும் திறனை வளர்க்கும் என்கிறாள்

இனியன், வீணா இவர்களின் பேச்சிலிருந்து நீங்கள் அறிந்து கொள்வது என்ன?

இனியன் பிறமொழியில் காட்டும் ஆர்வத்தை தமிழ் மொழியில் காட்டுவதாகத் தெரியவில்லை.

வீணா பிறமொழியையும் கற்கிறாள், அதே சமயம் தமிழுக்கு முதலிடம் தருகிறாள். ஏனெனில், தாய்மொழிதான் சிந்திக்கும் திறனை வளர்க்கும் என்பதை வீணா அறிந்திருந்தாள்.

உன்னை அறிந்துகொள்.

'லாங்குவேஜ்' என்ற சொல் எவ்வாறு தோன்றியது?

லிங்குவா என்பது இலத்தின் மொழிச்சொல் இச்சொல் மூலம் லாங்குவேஜ் என்ற சொல் தோன்றியது. இதனைத் தமிழில் நாம் ‘மொழி' என அழைக்கிறோம்.

3rd Std Tamil - Term 3 Chapter 5 | Kagamum Nagamum Book Back Answers

3 ஆம் வகுப்பு தமிழ் : பருவம் 3 இயல் 5 : காகமும் நாகமும்

காகமும் நாகமும்: கேள்விகள் மற்றும் பதில்கள்

பயிற்சி

வாங்க பேசலாம்

பாம்பு காகத்தின் முட்டைகளை உடைத்தது சரியா? கலந்துரையாடுக.

பாம்பு காகத்தின் முட்டையை உடைத்தது சரியன்று. ஏனெனில், காகம் தன் இனத்தைப் பெருக்க எண்ணியது.

காகமும் நாகமும் கதையை உமது சொந்த நடையில் கூறுக.

காகம் ஒன்று ஆலமரத்தில் கூடுக்கட்டி வாழ்ந்து வந்தது. அந்த கூட்டில் தான் இடும் முட்டைகளை பாம்பு ஒன்று தின்று செல்வதை அறிந்து கவலை அடைந்தது. தன்னுடைய கவலையை தன் நண்பன் நரியிடம் கூறியது. அதற்கு நரி .ஒரு வழிமுறையைக் கூறியது. அதன்படி குளத்தில் குளித்துக் கொண்டிருந்த இளவரசியின் முத்துமாலையைத் தூக்கி வந்து தன் கூட்டருகே வைத்தது. காகத்தைத் துரத்தி வந்த வீரர்களைப் பாம்பு தீண்ட முயன்றது. வீரர்கள் தங்கள் வேல் கம்பால் அந்த பாம்பைக் கொன்று முத்துமாலையை எடுத்துச் சென்றனர். காகம் அன்று முதல் மகிழ்வுடன் வாழ்ந்தது.

படிப்போம்! சிந்திப்போம்! எழுதுவோம்!

சரியான விடையைத் தெரிவு செய்வோமா?

1. காகம் ___________ வாழும்.

அ) கூட்டில்

ஆ) வீட்டில்

இ) புற்றில்

ஈ) மண்ணில்

விடை : அ) கூட்டில்

2. நண்பர்கள் இச்சொல்லின் எதிர்ச்சொல்

அ) அன்பானவர்கள்

ஆ) உறவினர்கள்

இ) பகைவர்கள்

ஈ) நெருங்கியவர்கள்

விடை : இ) பகைவர்கள்

3. முத்துமாலை இச்சொல்லைப் பிரித்து எழுதக் கிடைப்பது

அ) முத்து + மாலை

ஆ) முத்தும் + மாலை

இ) முத்தும் + ஆலை

ஈ) முத்து + மலை

விடை : அ) முத்து + மாலை

4. மரம் + பொந்து இதனைச் சேர்த்து எழுதக் கிடைப்பது

அ) மரம்பொந்து

ஆ) மரப்பொந்து

இ) மரப்பந்து

ஈ) மரபொந்து

விடை : ஆ) மரப்பொந்து

வினாக்களுக்கு விடையளிக்க.

1. காகத்தின் முட்டைகளைப் பாம்பு என்ன செய்தது?

காகத்தின் முட்டையைப் பாம்பு தினமும் உடைத்தது.

2. பாம்பை அழிப்பதற்காகக் காகம் யாரிடம் ஆலோசனை கேட்டது?

பாம்பை அழிப்பதற்காக காகம் நரியிடம் ஆலோசனை கேட்டது.

3. 'காகமும் நாகமும்' கதை உணர்த்தும் நீதி என்ன?

பிறருக்குத் தீங்கு செய்யாமல் வாழ்வதே நல்லது.

புதிருக்குப் பொருத்தமான படத்தைப் பொருத்துக.

நான் ஒரு வீட்டு விலங்கு; இலை, தழைகளை உண்பேன். நான் யார்?

ஆடு

மரத்திற்கு மரம் தாவுவேன்; வாழைப்பழம் விரும்பி உண்பேன். நான் யார்?

குரங்கு

கரும்பே எனக்கு உணவாகும் கருமை எனது நிறமாகும். - நான் யார்?

யானை

முறைமாறியுள்ள சொற்களை முறைப்படுத்தித் தொடர் உருவாக்குக.

1. ஒன்று கொக்கு இருந்தது குளக்கரையில்

குளக்கரையில் கொக்கு ஒன்று இருந்தது.

2. எண்ணியது சாப்பிட மீன்களைச்

மீன்களைச் சாப்பிட எண்ணியது.

3. அனைத்தும் சென்றன விளையாடிச்

அனைத்தும் விளையாடச் சென்றன.

எந்த உயிரினத்திற்கு என்ன பண்பு?

உயிரினங்களையும் அவற்றின் பண்புகளையும் பொருத்திப் பார்க்கவும். விடையைக் காண பொத்தானை அழுத்தவும்.

விடையைக் காண இங்கே கிளிக் செய்யவும்

மொழி விளையாட்டு

1. தா - தாய் - தாய்மை

2. வா - வாய் - வாய்மை

3. தூ - தூய் - தூய்மை

4. கா - காய் - காய்மை

பெயர் எது? செயல் எது?

வாக்கியம்

பெயர்

செயல்

1. குதிரை வேகமாக ஓடியது

குதிரை

ஓடியது

2. ஆசிரியர் பாடம் நடத்தினார்

ஆசிரியர்

பாடம் நடத்தினார்

3. குழந்தை சிரித்தது

குழந்தை

சிரித்தது

கலையும் கைவண்ணமும்

செயல் திட்டம்

பறவை இறகுகளைச் சேகரித்து வருக.

முத்துமாலை படம் வரைந்து வண்ணம் தீட்டி வருக.

3rd Standard Tamil Term 3 Chapter 4: Malainir - Questions and Answers

பருவம் 3 இயல் 4: மழைநீர்

3 ஆம் வகுப்பு தமிழ்

மழைநீர்: கேள்விகள் மற்றும் பதில்கள்

3 ஆம் வகுப்பு தமிழ் : பருவம் 3 இயல் 4 : மழைநீர்: புத்தக கேள்விகள் மற்றும் பதில்கள், தமிழ் முக்கியமான கேள்விகள்

பயிற்சி

வாங்க பேசலாம்

1. பாடலை ஓசை நயத்துடன் பாடி மகிழ்க

2. மழை பற்றி ஏற்கெனவே நீ அறிந்த பாடலைப் பாடி மகிழ்க.

துளி துளி மழை துளி - அது

விழும் போது என் முகம் மலர்ந்ததே!

மழை மழை அடை மழை

மனமெல்லாம் உனக்குக் குடை

மானாட மயிலாட என்

மார்போடு மழையே நீயும் கவிபாடிட

சாரலாய் வந்து, நீயும் நனைக்கிறாய்

தென்றலாய்ச் சில்லிட்டு சிலிர்க்கிறாய்

இடியோடும், மின்னலோடும் தாலாட்டி

என் இதயத்திற்கு இன்பம் பொழிகிறாய்

வா மழையே! இயற்கைத் தந்த வரமே!

உன்னை நான் காண்பேன் தினமுமே!

இசையமுது

மழையே மழையே வா வா - நல்ல

வானப் புனலே வா வா – இவ்

வையத் தமுதே வா வா

தகரப் பந்தல் தணதண வென்ன

தாழும் கூரை சளசள வென்ன

நகரப் பெண்கள் செப்புக் குடங்கள்

நன்றெங் கும்கண கணகண வென்ன (மழையே மழையே)

ஏரிகுளங்கள் வழியும்படி, நாடு

எங்கும் இன்பம் பொழியும்படி, பொடி

வாரித்தூவும் பூவும் காயும்

மரமும் தழையும் நனைந்திடும்படி (மழையே மழையே)

- பாரதிதாசன்

3. மழை உனக்கு எவ்வளவு பிடிக்கும் என்று உம் சொந்த நடையில் பேசுக.

“விண்ணின் மழைநீர் மண்ணின் உயிர்நீர்” என்பர். மழை பெய்யும் போது இயற்கையான மரம் செடிகொடிகள் மட்டுமல்ல பறவை, விலங்குகள் மற்றும் மனிதர்கள் கூட மகிழ்கின்றனர்.

எனக்கும் மழையை அதிகம் பிடிக்கும், அதில் நனையவும் பிடிக்கும். மழைநீரில் காகிதக் கப்பல் செய்து விளையாடவும் பிடிக்கும்.

மழைபெய்யும் போது மண்ணிலிருந்து எழும் புழுதியின் மணம் எனக்கு அதிகம் பிடிக்கும். இதமான குளிர்ந்த காற்றுடன் மழைபெய்தால், அது மனதிற்கும் மகிழ்வைத் தரக்கூடியதாக இருக்கும். எனவே, எப்பொழுதெல்லாம் மழை பெய்கிறதோ, அப்பொழுதெல்லாம் என் மனதில் மகிழ்ச்சி என்னும் நீரூற்றுப் பாய்ந்தோடும்.

ஒரே ஓசையில் முடியும் சொற்களைப் பாடலிலிருந்து எழுதுக.

செல்லுதே, சேமித்தே

ஓடியே, இல்லையே, தேவையே

போலவே, செழிக்கவே, ஓங்கவே

வேண்டுமே, தீர்ப்பமே, செய்வமே

முதலெழுத்து ஒன்றி வரும் சொற்களை எழுதுக.

பொன்னும், பொழியும்

விண்ணின், வியப்பு

குளங்கள், குருவி

மழைநீர், மண்ணில்

வானின், வாழ்வைச்

உழைப்பின், உயர்வாய்

உழவும், உற்ற

இரண்டாவது எழுத்து ஒன்றி வரும் சொற்களை எழுதுக.

மனிதர், இனிவரும்

மழைநீர், உழைப்பின்

நாடும், வீடும்

அகரமுதலியைப் பார்த்துப் பொருள் எழுதுக.

பொழியும் - பெய்தல், நிறைந்துவழி

செம்மை - சிவப்பு, நேர்மை, பெருமை

ஓங்குதல் - வளர்தல், பெருமையடைதல்

இல்லம் - வீடு, தேற்றாமரம்

படிப்போம்! சிந்திப்போம்! எழுதுவோம்!

சரியான விடையைத் தெரிவு செய்வோமா?

1. தேக்குதல் - என்ற சொல்லின் எதிர்ச்சொல் ___________.

அ) நீக்குதல்

ஆ) தெளிதல்

இ) சேமித்தல்

ஈ) பாதுகாத்தல்

விடை : அ) நீக்குதல்

2. வானின் அமுதம் – இச்சொல் குறிப்பது ____________.

அ) அமிழ்தம்

ஆ) அமிர்தம்

இ) சோறு

ஈ) மழைநீர்

விடை : ஈ) மழைநீர்

3. மழையாகுமே - இச்சொல்லைப் பிரிக்கக் கிடைப்பது

அ) மழை + யாகுமே

ஆ) மழையாய் + யாகுமே

இ) மழை + ஆகுமே

ஈ) மழையாய் + ஆகுமே

விடை : இ) மழை + ஆகுமே

4. நினைத்தல் - இச்சொல்லுக்குரிய எதிர்ச்சொல்

அ) கூறுதல்

ஆ) எண்ணுதல்

இ) மறத்தல்

ஈ) நனைத்தல்

விடை : இ) மறத்தல்

'பொன்னும் பொருளும்' இதுபோன்ற சொற்களைப் பாடலிலிருந்து எழுதுக.

உழவும் தொழிலும்

நாடும் வீடும்

வளமும் நலமும்

பொழியும் நீரும்

இணைந்து செய்வோம்.

பொருத்துவோமா?

முதலில் நீங்களாகப் பொருத்திப் பாருங்கள், பிறகு சரியான விடையைச் சரிபார்க்கவும்.

1. நாடும் வீடும்

2. வளமும் நலமும்

3. இல்லத்தில் நீரை

4. உற்ற துணை

5. உயிராய் எண்ண

- வேண்டும்

- சேர்ப்போம்

- மழையாகுமே

- செழிக்கவே

- நிறைத்திட

சரியான விடை

1. நாடும் வீடும் - செழிக்கவே

2. வளமும் நலமும் - நிறைத்திட

3. இல்லத்தில் நீரை - சேர்ப்போம்

4. உற்ற துணை - மழையாகுமே

5. உயிராய் எண்ண - வேண்டும்

சிந்திக்கலாமா?

மழை பொழியும் போது மழைநீரைப் பாத்திரங்களில் பிடித்து வைக்கச் சொல்வார் மான்விழியின் அம்மா. ஆனால், மான்விழியோ ஓடும் நீரில் கப்பல் செய்து விளையாடியபடியே இருப்பாள். மழைநீரைச் சேமிக்கச் சொல்லி, மான்விழியின் அம்மா ஏன் கூறுகிறார்?

கலையும் கைவண்ணமும்

தேவையான பொருள்கள்

மண் குவளை அல்லது மின்னட்டை

வண்ணக்குழம்பு - பல நிறம்

தண்ணீர் வாளி

முக்கால் பாகம் நீர் நிரம்பிய வாளியில் வண்ணக் குழம்புகளைத் தேவையான அளவு சேர்க்க வேண்டும். (விரும்பிய வண்ணங்கள் ஒவ்வொரு மூடி) அந்த வண்ணக் குழம்பை, ஒரு குச்சியால் கலக்கவேண்டும். அதில், குவளை அல்லது மின்னட்டையை மூழ்கச் செய்து எடுக்கவேண்டும். இப்போது, அழகான வண்ணங்களுடன் கூடிய குவளை அல்லது மின்னட்டையைக் கண்டு மகிழலாம்.

சொல்லக் கேட்டு எழுதுக

1) மழைநீர்

2) வெள்ளம்

3) குளங்கள்

4) தண்ணீர்

5) கொடை

6) வியர்வை

7) ஓங்குதல்

8) போற்றுவோம்

இடமிருந்து வலமாகவும் வலமிருந்து இடமாகவும் படித்துப் பார்ப்போம். விடுபட்ட இடத்தை நிரப்பி மகிழ்வோம்.

செயல் திட்டம்

மழைநீர் சேமிப்புத் தொட்டியுடன் கூடிய படத்தை வரைந்து வண்ணம் தீட்டுக.

3rd Grade Tamil - Term 3 Chapter 3: Veempal Vantha Vilaivu - Questions & Answers

3 ஆம் வகுப்பு தமிழ் : பருவம் 3 இயல் 3 : வீம்பால் வந்த விளைவு

பயிற்சி

வாங்க பேசலாம்

“வீம்பால் வந்த விளைவு” கதையை உமது சொந்த நடையில் கூறுக.

வணிகன் ஒருவன் தன் குதிரையின் மீது ஏறி வாணிகம் செய்து வந்தான். களைப்பாக இருந்ததால், சற்றுநேரம் ஓய்வெடுக்க எண்ணி மரத்தடியில் குதிரையைக் கட்டிவிட்டு ஓய்வெடுத்தான். அச்சமயம் வீரன் ஒருவன், தன் குதிரையுடன் அதே மரத்தடியில் ஒய்வெடுக்க வந்தான்.

வணிகன், அந்த வீரனிடம், “தன் குதிரை முரட்டுத்தனமானது, அதனால் உனது குதிரையைச் சற்று தள்ளிக் கட்டு” என்று கூறினான். சற்று நேரம் கழித்து வணிகனின் குதிரை வீரனின் குதிரையை எட்டி உதைத்ததால் அதன் கால் உடைந்தது. வீரனும் தூங்கிக் கொண்டிருந்த வணிகனை எழுப்பி நடந்ததைக் கூறி நஷ்டஈடு கேட்டான். வணிகனோ நஷ்டஈடு தர மறுத்து விட்டான்.

இருவரும் நீதிபதியிடம் சென்றனர். வணிகன் நீதிபதிகேட்ட கேள்விக்குப் பதில் கூறாமல் மௌனமாக நின்றான். வீரன் நடந்ததை அப்படியே கூற. நீதிபதி, வீரனிடம் நீ கூறிய பதிலிலே தீர்ப்பு அமைந்துள்ளது. வணிகன் முன்பே கூறினாலும் வீம்புக்காகச் செய்தவன் நீ. எனவே, வணிகன் உனக்கு நஷ்டஈடு தரமாட்டான் என்று தீர்ப்பு வழங்கினார் நீதிபதி. வணிகன் தான் அமைதியாக இருந்ததற்கு மன்னிப்பும், சரியான தீர்ப்பு வழங்கியதற்கு நன்றியும் கூறிச் சென்றான்.

பால் பண்ணையில் வரிசையில் நின்று, பால் வாங்கும்போது ஒருவன் இடையில் குறுக்கே வந்து பால் வாங்கினால் நீ என்ன செய்வாய்?

அவனை வரிசையில் வந்து மற்றவர்களைப்போல் அமைதியாக பால் வாங்கிச் செல்லுமாறு அறிவுறுத்துவேன்.

படிப்போம்! சிந்திப்போம்! எழுதுவோம்!

வினாக்களுக்கு விடையளிக்க.

1. வணிகன் எதில் சென்று வாணிகம் செய்தான்?

வணிகன் குதிரையில் சென்று வாணிகம் செய்தான்.

2. வணிகன், வீரனிடம் என்ன கூறினான்?

வணிகன் அந்த வீரனிடம், “உங்கள் குதிரையை சற்றுத் தள்ளி கட்டுங்கள். ஏனெனில், எனது குதிரை முரட்டுத்தனமானது” என்றான்.

3. வணிகனின் குதிரை, வீரனின் குதிரையை என்ன செய்தது?

வணிகனின் குதிரை, வீரனின் குதிரையை எட்டி உதைத்துவிட்டது.

4. ‘வீம்பால் வந்த விளைவு' இக்கதையிலிருந்து நீ உணர்ந்து கொண்ட கருத்து யாது?

‘வீம்பால் வந்த விளைவு’ இக்கதையிலிருந்து நான் உணர்ந்து கொண்ட கருத்து, 'வீம்பு செய்தால் துன்பம் உண்டாகும்' என்பதே ஆகும்.

புதிருக்குப் பொருத்தமான படத்தைப் பொருத்துக.

புதிர்கள்:

(i) எதிரிகளை வீழ்த்துவான்; நாட்டைக் காப்பான். - அவன் யார்?

(ii) பந்தயத்தில் வேகமாய் ஓடிடுவான்; பரிசுகள் பல வென்றிடுவான். - அவன் யார்?

(iii) நான் இல்லையென்றால், நீங்கள் யாரையும் பார்க்க முடியாது. நான் யார்?

(iv) பெரிய தேரைத்தாங்கும், ஒரு சிறிய பையன்

விடைகள்:

(i) எதிரிகளை வீழ்த்துவான்; நாட்டைக் காப்பான். - அவன் யார்? படைவீரன்

(ii) பந்தயத்தில் வேகமாய் ஓடிடுவான்; பரிசுகள் பல வென்றிடுவான். - அவன் யார்? குதிரை

(iii) நான் இல்லையென்றால், நீங்கள் யாரையும் பார்க்க முடியாது. நான் யார்? கண்

(iv) பெரிய தேரைத்தாங்கும், ஒரு சிறிய பையன் - அச்சாணி

மொழி விளையாட்டு

கட்டங்களில் உள்ள சொற்களைக் கண்டுபிடித்து, வட்டமிட்டுப் பழங்களுக்குள் எழுதுக.

மீண்டும் மீண்டும் ஒலிப்போமா?

1. மலையில் பழுத்த பழம் குலை குலையாய்த் தொங்குது

2. வாழைப்பழத்தோலில் நடந்து வழுக்கி விழுந்தேன். கீழே பார்த்தேன் ‘வழவழ’ன்னு தரை இருந்தது

3. அழுத குழந்தை புரளுது. ஆளுக பார்த்தால் விழுதப் பிடிச்சு ஊஞ்சலாடுது

விடுபட்ட சொற்களைப் படத்திலுள்ள எழுத்துகளைக் கொண்டு நிரப்புக.

1. வணிகன் _________ அயர்ந்துவிட்டான்.

விடை : கண்

2. ___________ குணம் படைத்த உனக்கு நஷ்டஈடு தரத் தேவையில்லை

விடை : வீம்புக்

3. வணிகனின் குதிரை, வீரனின் குதிரையை ____________ உதைத்து தள்ளிவிட்டது.

விடை : எட்டி

4. வணிகன், வாணிகம் செய்துவிட்டு __________ எடுக்க நினைத்தான்.

விடை : ஓய்வு

5. வீரனுடைய குதிரையின் ____________ உடைந்துவிட்டது.

விடை : கால்

கலையும் கைவண்ணமும்

வண்ணமிட்டு மகிழ்க

கட்டத்தில் உள்ள மூலிகைச் செடிகளின் பெயர்களை வட்டமிட்டு எடுத்து எழுதுக.

1. துளசி

2. பிரண்டை

3. வல்லாரை

4. கற்றாழை

5. வெற்றிலை

6. மணத்தக்காளி

7. தூதுவளை

எதிலிருந்து எதைப் பெறுவோம் என்பதை விடுபட்ட இடத்தில் நிரப்புக.

மரம்

தென்னைமரம்

வாழைமரம்

பலா மரம்

கொடி

வெற்றிலைக்கொடி

அவரைக்கொடி

பூசணிக்கொடி

செடி

தக்காளிச்செடி

வெண்டைச்செடி

கத்திரிச்செடி

உயர்திணையும் அஃறிணையும்

எழிலி: "அப்பா, அப்பா, இங்கே வாங்க, இந்தப் பூனையைப் பாருங்க. காலெல்லாம் ஒரே சேறு. அந்தச் சேற்றுக் காலோட நம்ம வீட்டுக்குள்ளும் வந்திருக்கு".

அப்பா: "அட, ஆமா! எங்கேயிருந்து சேற்றைப் பூசிக்கொண்டு வந்ததுன்னு தெரியலேயே?"

எழிலி: "என்னப்பா, இது? தரையில என்ன இருக்குன்னு இந்தப் பூனைக்குத் தெரியாதா? பார்த்து நடக்கலாம்ல."

அப்பா: "அது சரி, எழிலி, நீயா இருந்தா என்ன செய்வே?"

எழிலி: ஐ! நானா இருந்தா, கால்ல சேறு படாம ஒரே தாண்டா தாண்டி ஓடி வந்திருப்பேனே"

அப்பா: அதைத்தான் நானும் சொல்ல வர்றேன். சேற்றில் கால் பட்டால் அழுக்காகும்னு உனக்குத் தெரியுது. ஆனால், பூனைக்குத் தெரியலே. ஏன் தெரியுமா?

எழிலி: தெரியலயே, நீங்களே சொல்லுங்கப்பா.

அப்பா: ஏன்னா, நாமெல்லாம் உயர்திணை. விலங்கு, பறவையெல்லாம் அஃறிணை. அதனாலதான், என்ன நடக்கப்போகுதுன்னு நமக்குத் தெரியுது. ஆனா, விலங்கு, பறவைக்கு நாம என்ன செய்றோம்? செய்தா என்னாகும்னு புரிந்துகொள்ள முடியல.

எழிலி: ஓ! அதுதானா? அது சரிப்பா, உயர்திணை, அஃறிணைன்னு சொன்னீர்களே, அப்படின்னா என்னப்பா?

அப்பா: நான் கேட்கிறதுக்கு முதல்ல விடை சொல்லு, உன்னைச் சுற்றி யாரெல்லாம் இருக்காங்க?

எழிலி: இம். இம்... நீங்க, அம்மா, அண்ணா , அக்கா, தம்பி, சிற்றப்பா, பெரியப்பா, அத்தை அப்புறம்...என்கூட விளையாடுவாங்களே மீனா, ரோசி, கம்ரூன், பாபு, சுரேஷ், கௌதம், சீனு, ராதிகா, ரம்யா, ஐசு, சிருஷ்டி, பாரு, வித்யூன்.....

அப்பா: போதும்....போதும். உனக்கு நிறைய நண்பர்கள் இருக்காங்கன்னு எனக்குத் தெரியும். உன்னைச் சுற்றி இருக்கிறவங்கன்னு நீ இப்ப சொன்னேல, இவங்க எல்லாருக்கும் உயிரிருக்கு. அதுமட்டுமா? நல்லது எது? தீயது எதுன்னு பகுத்துப் பார்க்கும் பண்பும் இருக்கு. இவங்க மட்டுமில்லாம நம்மைப்போலவே பண்புகள் இருக்கிற மக்கள், தேவர், நரகர் இவங்களையெல்லாம் உயர்திணைன்னுதான் சொல்றாங்க. அதுசரி, எழிலி. நீ இன்னும் வேறெ என்னல்லாம் உன்னைச் சுற்றி இருக்குன்னு சொல்லலியே?

எழிலி: வேறே என்னப்பா இருக்கு?

அப்பா: இதோ இந்த நாற்காலி, மேசை, குடம், மின்விசிறி, புத்தகம் இதுமட்டுமல்லாம பூனை, நாய், மாடு, ஆடு முதலான விலங்குகள், கோழி, காகம், குயில், மயில், கிளி முதலான பறவைகள் அப்படின்னு நிறைய பார்க்கிறாய் அல்லவா! இவற்றில் பறவை, விலங்குகளுக்கு எல்லாம் உயிர் இருக்கு. ஆனால் நாற்காலி, மின்விசிறி இவை போன்றவற்றிற்கு உயிரில்லை. அதனால, இந்த மாதிரி உயிருள்ள, உயிரற்ற பொருள்களெல்லாம் உயர்திணைல சேர்க்க முடியாது. இவையெல்லாம் உயர்திணை அல்லாத திணை. அதனாலதான் அஃறிணைன்னு சொல்றோம். நிலம், நீர், மலை, மரம், கடல் இவையெல்லாம்கூட அஃறிணைதான்.

எழிலி: ஆனா நான் பார்க்கிற பொருள்ல இதுதான் உயர்திணை, இதுதான் அஃறிணைன்னு எப்படிப்பா கண்டுபிடிக்கறது?

அப்பா: அடடே, நீ நல்லாவே யோசிக்கிற எழிலி. ஒவ்வொரு பொருளுக்கும் ஒரு பேரு இருக்குல்லே, அதை வைத்து நீ எளிதாக் கண்டுபிடிக்கலாம். அந்தப் பெயரை வைத்தே அதற்கு உயிரிருக்கா, நம்மைப்போல அது சிந்திக்குமா? வேலை செய்யுமான்னு கண்டுபிடிக்கலாம்ல. பெயரை வைத்தே என்ன திணை, பால், எண், இடம்னு எல்லாத்தையும் கண்டுபிடிக்கலாம். இதைப்பற்றி இன்னும் விரிவா நாளைக்குச் சொல்றேன். இதுவரைக்கும் சொன்னதில என்ன புரிஞ்சுக்கிட்டன்னு எனக்கும் தெரியணும்ல தென்னை மரம் உயர்திணையா, அஃறிணையா, எங்கே சொல்லு பார்க்கலாம்.

எழிலி: இம்... இம். மரமெல்லாம் அஃறிணைதானே. தென்னைமரம் அஃறிணைதாம்பா. இப்ப நல்லாப் புரிந்துகொண்டேன் அப்பா.

திணை என்பது, ஒழுக்கம். அதன் அடிப்படையில் உயர்திணை, அஃறிணை என இரண்டாகக் கூறுவர்.

எது உயர்திணை - எது அஃறிணை? பிரித்து அறிவோமா?

அஃறிணை

வாளி

கன்று

மீன்

பசு

கழுதை

குருவி

வண்டு

தேனீ

ஒட்டகம்

எறும்பு

மரங்கள்

நாற்காலி

மேசை

மின்விசிறி

விலங்கு

பறவை

உயர்திணை

முருகன்

செல்வி

குழந்தை

சிறுமியர்

சிறுவர்

செயல் திட்டம்

உங்கள் வீட்டில் நீங்கள் காணும் பொருள்களை உயர்திணை, அஃறிணை என்று வகைப்படுத்தி எழுதி வருக.

உயர்திணை

அப்பா

அம்மா

தம்பி

அக்கா

தாத்தா

பாட்டி

அஃறிணை

தொலைக்காட்சி

தொலைபேசி

கட்டில்

கதவு

மின்விசிறி

குவளை

புத்தகம்

நாய்

நாற்காலி

மின்விளக்கு

காய்கறிகள்

குளிரூட்டி

துணி வெளுப்பான்

கத்தரிக்கோல்

எழுதுபொருள்கள்

Class 3 Tamil Term 3 Chapter 3: Veempal Vantha Vilaivu | உயர்திணை அஃறிணை Grammar

வீம்பால் வந்த விளைவு

பாடம் 3: வீம்பால் வந்த விளைவு

ஓர் ஊரில் வணிகன் ஒருவன் இருந்தான். அவன் குதிரையில் சென்று வாணிகம் செய்து வந்தான். ஒருநாள் அன்றைய வேலையை முடித்துவிட்டுக் களைப்புடன் வந்த அவன், சற்றுநேரம் ஓய்வு எடுக்க நினைத்தான். தனது குதிரையை அங்கிருந்த மரத்தடியில் கட்டி வைத்து ஓய்வு எடுத்துக் கொண்டிருந்தான்

அச்சமயம் வீரன் ஒருவன், தனது குதிரையுடன் அதே மரத்தடியில் ஓய்வெடுக்க வந்தான். வணிகன் அந்த வீரனிடம், "உங்கள் குதிரையை சற்றுத் தள்ளி கட்டுங்கள். ஏனெனில், எனது குதிரை முரட்டுத்தனமானது" என்றான். அதற்கு வீரன், "முடியாது நான் இங்குத்தான் கட்டுவேன் என்று சொல்லிக் குதிரையைக் கட்டிவிட்டு உணவு உண்ணச் சென்றான்.

வணிகன் கண் அயர்ந்துவிட்டான். வீரன் உணவு உண்ணும் இடைவேளையில் வணிகனின் குதிரை, வீரனின் குதிரையை எட்டி உதைத்துத் தள்ளிவிட்டது. அதனால், வீரனுடைய குதிரையின் கால் உடைந்துவிட்டது. வீரன் உடனே வணிகனை எழுப்பினான். "என் குதிரையின் கால் உன் குதிரையினால் உடைந்துவிட்டதால், எனக்கு நஷ்டஈடு கொடு" என்று வணிகனிடம் கேட்டான் . அதனை வணிகன் ஏற்றுக் கொள்ளவில்லை. "நான் கட்டும்போதே என் குதிரையை முரட்டுக் குதிரை என்றேன். நீ தானே நான் சொன்னதை கேட்காமல் கட்டினாய்?" என்று வணிகன் மறுத்துவிட்டான்.

வணிகனே வா! நீதிபதியிடம் செல்லலாம்," என்றான் வீரன். இருவரும் நீதிபதியிடம் சென்றனர். வீரன் அவரிடம் நடந்ததைச் சொன்னான். நீதிபதி, வீரன் சொன்னதைக் கேட்டுவிட்டு, வணிகனிடம் "என்ன நடந்தது?" எனக் கேட்டார். வணிகனோ, பதில் எதுவும் சொல்லாமல் மௌனமாக இருந்தான். உடனே நீதிபதி, "வணிகன் ஊமை போலிருக்கிறதே, காதும் கேட்கவில்லையோ, பலமுறை கேட்டும் பதில் சொல்லாமல் இருக்கிறானே" என்றார்.

அதற்கு வீரன், "அவன் பேசுவான், ஐயா. அவன்தான் எனது குதிரை முரட்டுத்தனமானது உனது குதிரையை அருகில் கட்டாமல் தூரத்தில் கட்டு எனக் கூறினான். நான்தான், எனது குதிரை வீரக்குதிரை என்று சொல்லிக் கட்டி வைத்தேன்” எனக் கூறி முடித்தான்.

வீரன் கூறியதைக் கேட்ட நீதிபதி. "வீரனே!" வணிகன் எதுவும் கூறத் தேவையில்லை. நீயே உனது குற்றத்தை ஒப்புக் கொண்டாய். "வீம்புக் குணம் படைத்த உனக்கு, வணிகன் எந்த வகையிலும் நஷ்ட ஈடு தரத் தேவையில்லை" என்று தீர்ப்பு கூறினார்.

நீதிபதியின் தீர்ப்பைக் கேட்டதும், வீம்புக் குணம் படைத்த வீரன் முகத்தில் அசடு வழிந்தது. அதைக்கேட்ட வணிகன், "ஐயா நீதிபதி அவர்களே! நான் மௌனமாய் இருந்ததற்கு மன்னித்துவிடுங்கள்; உண்மையைப் புரிந்துகொண்டு நல்ல தீர்ப்பளித்தீர்கள்; மிகவும் நன்றி!" என்று கூறினான்.

நீதிக் கருத்து

வீம்பு செய்தால் துன்பம் உண்டாகும்.

இலக்கணம்: உயர்திணையும் அஃறிணையும்

எழிலி: "அப்பா, அப்பா, இங்கே வாங்க, இந்தப் பூனையைப் பாருங்க. காலெல்லாம் ஒரே சேறு. அந்தச் சேற்றுக் காலோட நம்ம வீட்டுக்குள்ளும் வந்திருக்கு".

அப்பா: "அட, ஆமா! எங்கேயிருந்து சேற்றைப் பூசிக்கொண்டு வந்ததுன்னு தெரியலேயே?"

எழிலி: "என்னப்பா, இது? தரையில என்ன இருக்குன்னு இந்தப் பூனைக்குத் தெரியாதா? பார்த்து நடக்கலாம்ல."

அப்பா: "அது சரி, எழிலி, நீயா இருந்தா என்ன செய்வே?"

எழிலி: ஐ! நானா இருந்தா, கால்ல சேறு படாம ஒரே தாண்டா தாண்டி ஓடி வந்திருப்பேனே"

அப்பா: அதைத்தான் நானும் சொல்ல வர்றேன். சேற்றில் கால் பட்டால் அழுக்காகும்னு உனக்குத் தெரியுது. ஆனால், பூனைக்குத் தெரியலே. ஏன் தெரியுமா?

எழிலி: தெரியலயே, நீங்களே சொல்லுங்கப்பா.

அப்பா: ஏன்னா, நாமெல்லாம் உயர்திணை. விலங்கு, பறவையெல்லாம் அஃறிணை. அதனாலதான், என்ன நடக்கப்போகுதுன்னு நமக்குத் தெரியுது. ஆனா, விலங்கு, பறவைக்கு நாம என்ன செய்றோம்? செய்தா என்னாகும்னு புரிந்துகொள்ள முடியல.

எழிலி: ஓ! அதுதானா? அது சரிப்பா, உயர்திணை, அஃறிணைன்னு சொன்னீர்களே, அப்படின்னா என்னப்பா?

அப்பா: நான் கேட்கிறதுக்கு முதல்ல விடை சொல்லு, உன்னைச் சுற்றி யாரெல்லாம் இருக்காங்க?

எழிலி: இம். இம்... நீங்க, அம்மா, அண்ணா , அக்கா, தம்பி, சிற்றப்பா, பெரியப்பா, அத்தை அப்புறம்...என்கூட விளையாடுவாங்களே மீனா, ரோசி, கம்ரூன், பாபு, சுரேஷ், கௌதம், சீனு, ராதிகா, ரம்யா, ஐசு, சிருஷ்டி, பாரு, வித்யூன்.....

அப்பா: போதும்....போதும். உனக்கு நிறைய நண்பர்கள் இருக்காங்கன்னு எனக்குத் தெரியும். உன்னைச் சுற்றி இருக்கிறவங்கன்னு நீ இப்ப சொன்னேல, இவங்க எல்லாருக்கும் உயிரிருக்கு. அதுமட்டுமா? நல்லது எது? தீயது எதுன்னு பகுத்துப் பார்க்கும் பண்பும் இருக்கு. இவங்க மட்டுமில்லாம நம்மைப்போலவே பண்புகள் இருக்கிற மக்கள், தேவர், நரகர் இவங்களையெல்லாம் உயர்திணைன்னுதான் சொல்றாங்க. அதுசரி, எழிலி. நீ இன்னும் வேறெ என்னல்லாம் உன்னைச் சுற்றி இருக்குன்னு சொல்லலியே?

எழிலி: வேறே என்னப்பா இருக்கு?

அப்பா: இதோ இந்த நாற்காலி, மேசை, குடம், மின்விசிறி, புத்தகம் இதுமட்டுமல்லாம பூனை, நாய், மாடு, ஆடு முதலான விலங்குகள், கோழி, காகம், குயில், மயில், கிளி முதலான பறவைகள் அப்படின்னு நிறைய பார்க்கிறாய் அல்லவா! இவற்றில் பறவை, விலங்குகளுக்கு எல்லாம் உயிர் இருக்கு. ஆனால் நாற்காலி, மின்விசிறி இவை போன்றவற்றிற்கு உயிரில்லை. அதனால, இந்த மாதிரி உயிருள்ள, உயிரற்ற பொருள்களெல்லாம் உயர்திணைல சேர்க்க முடியாது. இவையெல்லாம் உயர்திணை அல்லாத திணை. அதனாலதான் அஃறிணைன்னு சொல்றோம். நிலம், நீர், மலை, மரம், கடல் இவையெல்லாம்கூட அஃறிணைதான்.

எழிலி: ஆனா நான் பார்க்கிற பொருள்ல இதுதான் உயர்திணை, இதுதான் அஃறிணைன்னு எப்படிப்பா கண்டுபிடிக்கறது?

அப்பா: அடடே, நீ நல்லாவே யோசிக்கிற எழிலி. ஒவ்வொரு பொருளுக்கும் ஒரு பேரு இருக்குல்லே, அதை வைத்து நீ எளிதாக் கண்டுபிடிக்கலாம். அந்தப் பெயரை வைத்தே அதற்கு உயிரிருக்கா, நம்மைப்போல அது சிந்திக்குமா? வேலை செய்யுமான்னு கண்டுபிடிக்கலாம்ல. பெயரை வைத்தே என்ன திணை, பால், எண், இடம்னு எல்லாத்தையும் கண்டுபிடிக்கலாம். இதைப்பற்றி இன்னும் விரிவா நாளைக்குச் சொல்றேன். இதுவரைக்கும் சொன்னதில என்ன புரிஞ்சுக்கிட்டன்னு எனக்கும் தெரியணும்ல தென்னை மரம் உயர்திணையா, அஃறிணையா, எங்கே சொல்லு பார்க்கலாம்.

எழிலி: இம்... இம். மரமெல்லாம் அஃறிணைதானே. தென்னைமரம் அஃறிணைதாம்பா. இப்ப நல்லாப் புரிந்துகொண்டேன் அப்பா.

திணை என்பது, ஒழுக்கம். அதன் அடிப்படையில் உயர்திணை, அஃறிணை என இரண்டாகக் கூறுவர்.

பயிற்சி

எது உயர்திணை? எது அஃறிணை? பிரித்து அறிவோமா?

3rd Grade Tamil Term 3 Chapter 2: The Weaver Bird and the Giraffe - Questions and Answers

தூக்கணாங்குருவியும் ஒட்டகச்சிவிங்கியும்

பயிற்சி

வாங்க பேசலாம்

நட்பை வலியுறுத்தும் கதையை வகுப்பறையில் அங்க அசைவுகளுடனும் சரியான ஒலிப்புடனும் கூறுக.

மார்க் டிவெய்ன் ஒரு சமயம் குதிரைப் பந்தயத்தில் தோற்றுப் போய் வந்துகொண்டிருந்த தனது முன்னாள் நண்பரைச் சந்திக்க நேரிட்டது. அந்த நண்பர் குதிரைப் பந்தயத்தில் எல்லாவற்றையும் இழந்துவிட்டதாகவும், ஊருக்குப் போகக்கூடப் பணமில்லை என்றும் கூறி மார்க் டிவெய்னிடம் உதவுமாறு வேண்டினார். மார்க் டிவெய்ன் அவரிடமும் என்னிடமும் அவ்வளவு பணமில்லை . ஆனால், ஓர் உதவி செய்யலாம் என்றார்.

இரயிலில் எனது சீட்டுக்கு கீழே என் காலுக்கடியில் நீ ஒளிந்துகொள்ளலாம் என்று ஐடியாக் கொடுத்தார். நண்பரும் ஒத்துக் கொண்டு பயணம் செய்ய ஆரம்பித்தார்கள், டிக்கெட் பரிசோதகர் வந்தார். மார்க் டிவெய்ன் தன்னிடமிருந்த இரண்டு டிக்கெட்டுகளைக் கொடுத்தார். பரிசோதகர், “மற்றொருவர் எங்கே”? என்று கேட்க, “அவர் கொஞ்சம் வித்தியாசமானவர். அவரது செயல்களும் வித்தியாசமானது. அதனால் என் காலுக்குக் கீழே உட்கார்ந்து இருக்கிறார்” என்று சொல்லி அறிமுகப்படுத்தினார். மார்க் டிவெய்னின் நண்பருக்குத் தனது சூதாட்டப் பழக்கத்தின் வேதனை இப்போது புரிந்தது. மீண்டும் இருவரும் உற்ற நண்பர்களாக மாறினர்.

தவளையின் நற்குணத்தை உன் சொந்த நடையில் கூறுக.

தூக்கணாங்குருவியும், தேனீயும் ஒட்டகச்சிவிங்கியின் செயலைத் தவளையிடம் கூறியதும், தவளை அவர்களுக்கு உதவி செய்ய எண்ணியது.

மறுநாள் ஒட்டகச்சிவிங்கி அவர்களைத் துன்புறுத்தியதும் தேனீக்கள் அதன் காதைக் கடித்தன. ஒட்டகச்சிவிங்கி வலிதாங்க முடியாமல் அருகிலுள்ள குளத்தில் விழுந்தது. குளத்திலிருந்த தவளைகள் ஒட்டகச்சிவிங்கியின் மீது ஏறி இறங்கின, மீண்டும் வெளிவந்த ஒட்டகச்சிங்கியை தேனீக்கள் கொட்ட அது மீண்டும் தண்ணீரில் விழ தவளைகள் அதன் மீது ஏறின. இச்செயலைக் கண்ட ஒட்டகச்சிவிங்கி தன் செயலை எண்ணி வருந்தியது. அவர்களிடம் மன்னிப்புக் கேட்டு அவர்களுடன் இணைந்து மகிழ்வாய் வாழத் தொடங்கியது.

சிந்திக்கலாமா?

* உன் வீட்டுத்தோட்டத்தில் உள்ள மரத்தில் பறவையோ, அணிலோ கூடு கட்டினால் அதற்குத் தொல்லை தராமல் எவ்விதம் நடந்துகொள்ளலாம்? சிந்தித்து விடை கூறுக.

வீட்டுத் தோட்டத்தில் உள்ள மரத்தில் பறவையோ, அணிலோ கூடு கட்டினால் அதற்குத் தொல்லை தராமல் அதன் அருகில் செல்லவோ, பட்டாசு போன்றவற்றை வெடிக்காமலோ பார்த்துக்கொண்டாலே போதும். அவை மகிழ்வுடன் வாழும்.

படிப்போம்! சிந்திப்போம்! எழுதுவோம்!

சரியான விடையைத் தெரிவு செய்வோமா?

1. மரக்கிளையை உலுக்கியது ______________.

அ) தேனீ

ஆ) ஒட்டகச்சிவிங்கி

இ) தவளை

ஈ) சிட்டுக்குருவி

விடை : ஆ) ஒட்டகச்சிவிங்கி

2. மரத்தூள் என்ற சொல்லைப் பிரித்து எழுதக் கிடைப்பது ____________.

அ) மரம் + தூள்

ஆ) மர + தூள்

இ) மரத்து + தூள்

ஈ) மரத் + தூள்

விடை : அ) மரம் + தூள்

3. திட்டம் + படி – இச்சொல்லைச் சேர்த்து எழுதக் கிடைப்பது ____________.

அ) திட்டபடி

ஆ) திட்டப்படி

இ) திட்டம்படி

ஈ) திட்டுபடி

விடை : ஆ) திட்டப்படி

4. மிதிபட்டு – இச்சொல்லைப் பிரித்து எழுதக் கிடைப்பது ________________.

அ) மிதி + பட்டு

ஆ) மிதிப் + பட்டு

இ) மீதி + பட்டு

ஈ) மீதிப் + பட்டு

விடை : அ) மிதி + பட்டு

5. இணைந்து என்ற சொல்லின் எதிர்ச்சொல் ___________.

அ) மகிழ்ந்து

ஆ) பிரிந்து

இ) சேர்ந்து

ஈ) சிறந்து

விடை : ஆ) பிரிந்து

வினாக்களுக்கு விடையளிக்க.

1. தூக்கணாங்குருவிக் குஞ்சுகள் ஏன் கத்தின?

ஒட்டகச்சிவிங்கி மரக்கிளையை உலுக்கியதால் தூக்கணாங்குருவி குஞ்சுகள் கத்தின.

2. தூக்கணாங்குருவிக்கு உதவி செய்தவர்கள் யார் யார்?

தவளையும் தேனீயும் தூக்கணாங்குருவிக்கு உதவி செய்தவர்கள் ஆவர்.

3. தேனீ எதன் காதருகே சென்று கடித்தது?

தேனீ ஒட்டகச்சிவிங்கியின் காதருகே சென்று கடித்தது.

4. இக்கதையின் மூலம் நீ அறியும் நீதிக்கருத்து யாது?

நல்லதே நினைப்போம்! நன்மை பெறுவோம்!

அகர முதலியைப் பார்த்து பொருள் அறிக.

புத்திசாலி - அறிவாளி

அடாத செயல் - முறையற்ற செயல்

குருவிக்கேற்ற கூட்டைத் தேர்ந்தெடுப்போமா?

Your Task:

படத்தில் உள்ள உயிரினங்களுக்கு பொருத்தமான சொற்றொடரைத் தேர்ந்தெடுக்கவும்.

Answers:

(1) பறவைகள் பறந்தன

(2) ஆடு மேய்ந்தது

(3) மாணவர்கள் வந்தனர்

(4) மீன் நீந்தியது

சரியான சொல்லை நிரப்பிப் படித்துக்காட்டுக.

1. தூக்கணாங்குருவிக் குஞ்சுகள் __________ என ஒலியெழுப்பி மகிழ்ச்சியாக இருந்தன. (கீச்... கீச்... / கூக்கு... கூக்கு)

விடை : கீச்... கீச்...

2. மரத்தின் அடியில் ___________ ஒதுங்கியது. (ஒட்டகம் / ஒட்டகச்சிவிங்கி)

விடை : ஒட்டகச்சிவிங்கி

3. 'தூக்கணாங்குருவிக்கு முதலில் _________ உதவிக்கு வந்தது. (மரங்கொத்தி / மீன்கொத்தி)

விடை : மரங்கொத்தி

4. ஒட்டகச்சிவிங்கி அருகில் இருந்த __________ தொப்பென்று விழுந்தது. (ஆற்றில் / குளத்தில்)

விடை : குளத்தில்

வினைமரபினை அறிந்துகொள்வோமா?

Your Task:

பொருத்தமான வினைமரபினை உரிய கோட்டில் எழுதுக.

Options: (மாத்திரை விழுங்குதல், உணவு உண்ணுதல், பழம் தின்னுதல், பால் பருகுதல். தண்ணீர்குடித்தல்)

Answers:

(1) தண்ணீர் குடித்தல்

(2) பழம் தின்னுதல்

(3) உணவு உண்ணுதல்

(4) மாத்திரை விழுங்குதல்

(5) பால் பருகுதல்

சொல் விளையாட்டு.

ஒன்றை மாற்றினால் மற்றொன்று கிடைக்குமே!

1. 'வெயில்' - இச்சொல்லில் “வெ” வை மாற்றி ‘ம' வை நிரப்பு. ஆடும் பறவை வரும் அழகாய் இருக்கும்.

மயில்

2. 'மரம்' இச்சொல்லில் ‘ம' வை மாற்றி 'அ' வை நிரப்பு. அறுக்க உதவும் கருவியைப் பெறுவாய்.

அரம்

3. 'கூச்சம்' இச்சொல்லில் 'கூ' வை மாற்றி ‘ம' வை நிரப்பு. உன் அடையாளங்களில் ஒன்றைப் பெறுவாய்.

மச்சம்

4. 'குருவி' இச்சொல்லில் 'கு' வை மாற்றி 'அ' வை நிரப்பு. குளித்து மகிழ்ந்து குளிர்ச்சி அடைவாய்.

அருவி

5. 'பணம்' இச்சொல்லில் ‘ப' வை மாற்றி ‘ம' வை நிரப்பு. மூக்கின் வழியே நுகர்ந்து மகிழ்வாய்.

மணம்

உன்னை அறிந்துகொள்.

தலைகீழாகக் கூடுகட்டி வாழும் பறவை எது?

தலைகீழாக கூடுகட்டி வாழும் பறவை தூக்கணாங்குருவியாகும்.

கலையும் கைவண்ணம்

வண்ண நூலினைப் படத்தின் மேல் ஒட்டி வண்ணம் தீட்டி வரைக.

அறிந்து கொள்வோம்

தலைகீழாகக் கூடுகட்டி வாழும் பறவை தூக்கணாங்குருவியாகும்

சிந்திக்கலாமா?

உன் வீட்டுத்தோட்டத்தில் உள்ள மரத்தில் பறவையோ, அணிலோ கூடு கட்டினால் அதற்குத் தொல்லை தராமல் எவ்விதம் நடந்துகொள்வாய்? சிந்தித்து விடை கூறுக.

செயல் திட்டம்

நாளிதழ்களில் வெளிவரும் விலங்குகளின் படங்களை ஒட்டிப் படத்தொகுப்பு ஒன்றை உருவாக்குக.