3rd Grade Tamil Textbook Answers - Term 2 Chapter 8 - Natpe Uyarvu Solutions

3 ஆம் வகுப்பு தமிழ் : பருவம் 2 இயல் 8 : நட்பே உயர்வு

நட்பே உயர்வு: கேள்விகள் மற்றும் பதில்கள்

3 ஆம் வகுப்பு தமிழ் : பருவம் 2 இயல் 8 : நட்பே உயர்வு: புத்தக கேள்விகள் மற்றும் பதில்கள், தமிழ் முக்கியமான கேள்விகள்

பயிற்சி

வாங்க பேசலாம்

* உமக்குத் தெரிந்த புதிர் / விடுகதைகளை வகுப்பறையில் கலந்துரையாடுக.

1. ஒரு பொருளின் எல்லா பக்கமும் ஓட்டை. ஆனாலும் அது தண்ணீர் சேர்த்துவைக்கும் திறன் உடையது அது என்ன?

விடை : பஞ்சு

2. கிழக்குத் திசையில் இருந்து மேற்கு நோக்கிச் செல்லும் மின்சார ரயில் 100 கி.மீ வேகத்தில் செல்கிறது. அது வெளியிடும் புகை எந்தத் திசையில் செல்லும்?

விடை : மின்சார ரயிலில் புகை வராது.

3. ஆங்கில எழுத்துகளில் இரண்டு எழுத்துகள் எப்போதும் ஒன்றாகவே வரும். அவை யாவை?

விடை : QU

4. ஒரு டன் தங்கம், ஒரு டன் பஞ்சு இரண்டில் எது அதிக கனமானது?

விடை : இரண்டும் சமம்

5. பதினொன்றோடு இரண்டைச் சேர்த்தால் ஒன்றாகும் எப்படி?

விடை : 11 மணி + 2 மணி = 1 மணி

---

* அன்பை மறவா முயல் கதையை உமது சொந்த நடையில் கூறுக.

அடர்ந்த காட்டில் முயலும் மானும் நெடுநாள் நண்பர்களாக வாழ்ந்து வந்தனர். மானை வேட்டையாட விரும்பிய நரி ஒரு சூழ்ச்சிசெய்தது. மானை அழைத்து நீ முயல் மீது அன்பு வைத்திருக்கிறாய், ஆனால் முயல் உன்னைவிட அழகு என்று எல்லோரிடமும் கூறி வருகிறது என்றது. முயல் உன்னை ஒரு நாள் பெரிய ஆபத்தில் மாட்டிவிடும் என்று மானிடம் நரி கூறியது. பின் மானைக் வேட்டையாட நினைத்து தந்திரமாக அழைத்துச் சென்றது. நெடுநேரம் மானை காணாத முயல் அதனைத் தேடிச் சென்றது. நரியின் சூழ்ச்சியை அறிந்த முயல் மானை மீட்க முயன்றது. நரியின் புதிர்களுக்கு சரியான விடையைக் கூறி மானை, முயல் மீட்டுச் சென்றது. இதுவே உண்மையான நட்பின் அடையாளம் ஆகும்.

படிப்போம் சிந்திப்போம் எழுதுவோம்

சரியான விடையைத் தெரிவு செய்வோமா?

1. ‘இரை' என்ற சொல்லின் பொருள் _______.

அ) உணவு

ஆ) இருப்பிடம்

இ) மலை

ஈ) இறைவன்

விடை : அ) உணவு

2. ‘மகிழ்ச்சியுடன்’ - இச்சொல்லைப் பிரித்து எழுதக் கிடைப்பது ________.

அ) மகிழ்ச்சி + யுடன்

ஆ) மகிழ்ச்சி + உடன்

இ) மகிழ் + உடன்

ஈ) மகிழ்ச் + சியுடன்

விடை : ஆ) மகிழ்ச்சி + உடன்

3. சொல்லி + கொண்டு - இச்சொற்களைச் சேர்த்து எழுதக் கிடைப்பது _________.

அ) சொல்லிக்கொண்டு

ஆ) சொல்கொண்டு

இ) சொல்லக்கொண்டு

ஈ) சொல்லிகொண்டு

விடை : அ) சொல்லிக்கொண்டு

4. 'முதுமை' என்ற சொல்லின் எதிர்ச்சொல் ________.

அ) தீமை

ஆ) சிறுமை

இ) பெருமை

ஈ) இளமை

விடை : ஈ) இளமை

5. ‘சூழ்ச்சி' என்ற சொல்லுக்குக் கதையின்படி தொடர்புடைய விலங்கு _____________.

அ) மான்

ஆ) முயல்

இ) நரி

ஈ) சிங்கம்

விடை : இ) நரி

வினாக்களுக்கு விடையளி

1. முயல் எந்த விலங்குடன் நண்பனாகப் பழகியது?

முயல் மானுடன் நண்பனாகப் பழகியது.

2. மானை விட்டுவிடுவதற்காக நரி என்ன செய்தது?

மானை விட்டுவிடுவதற்காக நரி முயலுக்கு புதிர்கள் சொல்லியது.

3. மான் எதனால் மாட்டிக்கொண்டது?

மான் நரியின் சூழ்ச்சியை அறிந்துகொள்ளாததால் மாட்டிக் கொண்டது.

4. மற்ற விலங்குகள் நரியிடம் நட்பு கொள்வதை ஏன் தவிர்த்தன?

நரி தந்திரத்தால் மற்ற விலங்குகளைத் துன்புறுத்துவதால் மற்ற விலங்குகள் நரியிடம் நட்புக் கொள்வதைத் தவிர்த்தன.

புதிருக்குப் பொருத்தமான படத்தைப் பொருத்துக.

கீழே உள்ள புதிர்களைப் படித்து, விடை என்னவாக இருக்கும் என்று சிந்தியுங்கள். பின்பு விடையைக் காணுங்கள்.

1. உயரப் பறப்பேன்; ஆனால் நான் பறவை அல்ல. நான் யார்?
2. கையுண்டு; கால் இல்லை. ஆனால் நான் இடம் பெயர்வேன். நான் யார்?
3. காலுண்டு; தலையில்லை. உடல் உண்டு; உயிர் இல்லை. நான் யார்?

விடையைக் காண இங்கே சொடுக்கவும்

முறைமாறியுள்ள சொற்களை முறைப்படுத்தி எழுதுக

1. செல்லலாம் இரைதேடச் புல்வெளியில்

விடை : புல்வெளியில் இரை தேடச் செல்லலாம்.

2. அழைத்துச் நண்பனை செல்கிறாய் எங்கு

விடை : நண்பனை எங்கு அழைத்துச் செல்கிறாய்?

3. கட்டை முதுமையில் உயரம் இளமையில்

விடை : இளமையில் உயரம் முதுமையில் கட்டை

மொழி விளையாட்டு

மாணவர்களை இரு குழுக்களாகப் பிரிக்க வேண்டும். ஒரு குழுவிலிருந்து மாணவர்கள் இருவரை அழைத்து அதில் ஒருவரின் காதில் அவருக்கு மட்டும் கேட்கும்படியாக மெதுவாக ஒரு சொற்றொடரைக் கூறுக. இப்பொழுது அந்தமாணவர், சொல்லப்பட்ட சொற்றொடருக்கு ஏற்றாற்போல் எதிரே உள்ள மற்றொரு மாணவரிடம் நடித்துக்காட்ட வேண்டும். அதனை, அந்த மாணவன் கண்டுபிடிக்கவேண்டும். இவ்வாறு தொடர்ந்து விளையாடி மகிழச் செய்க.

நெடிலைக் குறில் ஆக்குக.

1. கானல் - கனல்

2. வாடை - வடை

3. ஆடை – அடை

4. தோடு - தொடு

5. கோடு - கொடு

6. பால் – பல்

மீண்டும் மீண்டும் சொல்லிப்பழகுவோம்

1. விண்ணுக்கும் மண்ணுக்கும் பெண்ணுக்கும் கண்ணுக்கும் டண்ணனகரம்

2. உளி கொண்டு சிலையொன்று வடித்தான். உலகின் தலைசிறந்த கலையென்று மலைத்தான்.

3. குட்டை மரமும் நெட்டைமரமும் மொட்டைத்தலையைத் தடவிக்கொண்டன.

ஒரு சொல் பல பொருள் அறிக.

கலையும் கைவண்ணமும்

விரல் பூக்கள் செய்வோமா

உங்களுக்குப் பிடித்த வண்ணத்தை ஆள்காட்டி விரலால் தொட்டு வையுங்கள். ஒரே ஒரு கோடு நடுவில் போடுங்கள். பூச்செடி தயார்.

செயல் திட்டம்

எவையேனும் பத்து விடுகதைகளை எழுதி, அவற்றிற்குப் பொருத்தமான படங்களை வரைந்து வருக.

1. கீழே வரும் ஆனால் மேலே போகாது. அது என்ன?

மழை

2. அடிப்பாதை இருக்கும். கால் இருக்காது. அது என்ன?

நத்தை

3. இளமையில் உயரம். முதுமையில் கட்டை. அது என்ன?

மெழுகுவர்த்தி

4. உலகம் முழுவதும் சுற்றும். ஆனால் ஒரே இடத்திலேயே இருக்கும். அது என்ன?

முத்திரை

5. கைகள் இருக்கும். ஆனால் தட்ட முடியாது? அது என்ன?

கடிகாரம்

6. கண் உண்டு. ஆனால் பார்க்க முடியாது. அது என்ன?

ஊசி

7. பச்சை பெட்டிக்குள் வெள்ளை முத்துகள். அது என்ன?

வெண்டை

8. தலையில் கிரீடம் வைத்த தங்கப்பழம். அது என்ன?

அன்னாசிப்பழம்

9. கை இல்லாமல் நீந்துவான். கால் இல்லாமல் ஓடுவான். அவன் யார்?

படகு

10. உயிரில்லாதவனுக்கு உடம்பெல்லாம் நரம்பு. அது என்ன?

பாய்

Friendship is Supreme: Grade 3 Tamil Lesson (Natpe Uyarvu) | Term 2, Chapter 8

நட்பே உயர்வு

3 ஆம் வகுப்பு தமிழ் | பருவம் 2 | இயல் 8

புதிர்க்கதை

அடர்ந்த காட்டில் முயலும் மானும் நெடுநாள் நண்பர்களாக வாழ்ந்து வந்தன. இரண்டு விலங்குகளும் அன்பாய்ப் பழகி வந்தன.மான் பார்ப்பதற்கு அழகாக இருந்ததால் எப்படியாவது வேட்டையாடி விடவேண்டும் என்ற எண்ணம் அங்குள்ள நரிக்குத் தோன்றியது. நரி ஒரு நாள் மானிடம் "நண்பனே! நீ உன் நண்பன் முயல்மீது அளவுக்கு மீறிய பாசம் வைத்துள்ளாய்! என்பதை நான் அறிவேன். ஆனால் முயலோ, உன்னைவிட நான்தான் அழகு என்று எல்லா விலங்குகளிடம் சொல்லிக்கொண்டு அலைகிறது.

முயலிடம் தொடர்ந்து நீ நட்பு வைத்துக்கொண்டால் உன்னை ஏதாவது ஆபத்தில் மாட்டிவிடும்" என்றது நரி. மானிற்கு நரியின் தந்திரம் புரியவில்லை . "அது எப்படி?" என்று கேட்டது. அதற்கு நரியானது, "அதோ தூரத்தில் தெரிகிற குகைக்கு முயல் உன்னை அழைத்துச் சென்று அங்கு வாழும் சிங்கத்திற்கு இரையாக்கிவிடும்" என்று பொய் கூறியது. மானும் நரியின் சூழ்ச்சியைப் புரிந்து கொள்ளாமல் அதனை நம்பி நடுகாட்டிற்குள் சென்றது. தனது நண்பனை வெகுநேரம் ஆகியும் காணவில்லையே என்று முயல் துடிதுடித்தது. காட்டிற்குள் அலைந்து திரிந்து தேட ஆரம்பித்தது. கடைசியில் நரி தந்திரமாக மானை வேட்டையாட அழைத்துச் சென்றதைப் பார்த்துவிட்டது. "நரியாரே! என் நண்பனை எங்கு அழைத்து செல்கிறாய்?" என்று கேட்டது. "இன்றிலிருந்து மான் உன் நண்பன் அல்ல. மான் என் நண்பன்" என்று நரி பதில் கூறியது "மானைவிட்டுவிடு!" என்று கதறியது முயல். அப்படியானால் என் மூன்று புதிர்களுக்கு விடைகூறு? பிறகு விட்டுவிடுகிறேன் என்றது நரி. சரி! புதிர்களைச் சொல் என்றது முயல்.

நரி புதிர்களைச் சொல்லத் தொடங்கியது

புதிர் 1: கீழே வரும் ஆனால் மேலே போகாது அது என்ன?

புதிர் 2: கைகள் இருக்கும், ஆனால் கைதட்டமுடியாது அது என்ன?

புதிர் 3: தொடக்கத்தில் உயரம் எரிந்து முடிந்தவுடன் குட்டை அது என்ன?

முயல்நரியிடம் இவ்வளவுதானே! இதோவிடை சொல்கிறேன் என்றது. முதல் புதிருக்கு 'மழை' என்பதே விடையாகும். இரண்டாவதற்கு 'கடிகாரம்' என்பதே விடையாகும். மூன்றாவதற்கு 'மெழுகுவத்தி' என்பதே விடையாகும் என்றது. முயல் விடை கூறியதைப் பார்த்துத் திகைத்து போனது நரி. நீ கூறியபடி புதிருக்கு விடை சொல்லிவிட்டேன் என் நண்பனை என்னிடம் அனுப்பி விடு! என்று கேட்டது முயல். நரியும் வேறுவழியில்லாமல் மானை விடுவித்தது. மான் மகிழ்ச்சியுடன் முயலுடன் ஒன்று சேர்ந்து வாழ்ந்தது.

நீதிக் கருத்து: கூடா நட்பு கேடாய் முடியும்

மொழி விளையாட்டு

மாணவர்களை இரு குழுக்களாகப் பிரிக்க வேண்டும். ஒரு குழுவிலிருந்து மாணவர்கள் இருவரை அழைத்து அதில் ஒருவரின் காதில் அவருக்கு மட்டும் கேட்கும்படியாக மெதுவாக ஒரு சொற்றொடரைக் கூறுக. இப்பொழுது அந்தமாணவர், சொல்லப்பட்ட சொற்றொடருக்கு ஏற்றாற்போல் எதிரே உள்ள மற்றொரு மாணவரிடம் நடித்துக்காட்ட வேண்டும். அதனை, அந்த மாணவன் கண்டுபிடிக்கவேண்டும். இவ்வாறு தொடர்ந்து விளையாடி மகிழச் செய்க.

கலையும் கைவண்ணமும்

விரல் பூக்கள் செய்வோமா

உங்களுக்குப் பிடித்த வண்ணத்தை ஆள்காட்டி விரலால் தொட்டு வையுங்கள். ஒரே ஒரு கோடு நடுவில் போடுங்கள். பூச்செடி தயார்.

மீண்டும் மீண்டும் சொல்லிப்பழகுவோம்

(i) விண்ணுக்கும் மண்ணுக்கும் பெண்ணுக்கும் கண்ணுக்கும் டண்ணனகரம்

(ii) உளி கொண்டு சிலையொன்று வடித்தான். உலகின் தலைசிறந்த கலையென்று மலைத்தான்.

(iii) குட்டை மரமும் நெட்டைமரமும் மொட்டைத்தலையைத் தடவிக்கொண்டன.

3rd Std Tamil Term 2 Chapter 7 Guide: Naayum Onaayum Book Back Answers

3 ஆம் வகுப்பு தமிழ் : பருவம் 2 இயல் 7 : நாயும், ஓநாயும்

கேள்விகள் மற்றும் பதில்கள் | 3rd Tamil : Term 2 Chapter 7 : Naayum onaayum

பயிற்சி

வாங்க பேசலாம்

* ஓநாயும், நாயும் கதையை உம் சொந்த நடையில் கூறுக.

பசியால் வாடி மெலிந்த ஓநாய், தின்பதற்கு ஏதாவது கிடைக்குமா எனக் காடு முழுவதும் சுற்றித் திரிந்தது. அப்போது கொழுகொழு என்றிருந்த ஒரு நாய் மகிழ்வுடன் ஓடி வந்தது. நாயைத் தின்றுவிடலாம் என்று எண்ணிய ஓநாய்க்கு சோர்வு நிலையால் அதனோடு நட்பாகப் பேச ஆரம்பித்தது.

இருவரும் பேசிய பொழுது ஓநாயைத் தன்னுடன் வந்துவிடுமாறு நாய் கூறியது. ஆனால் வேலை செய்ய வேண்டுமோ என ஐயத்துடன் கேட்டது ஓநாய். வேலை செய்யத் தேவையில்லை. ஆனால் வீட்டுக்கு வருகின்ற அறிமுகமில்லாதவரை விரட்டிவிட்டால் போதும் நாயின் கழுத்தில் உள்ள கருப்புப் பட்டையைப் பார்த்து உன்னைக் கட்டிப் போடுவார்களோ என்று கேட்டது ஓநாய். ஆம் என்று நாய் கூறியதும், நம்மால் கட்டி ஒரே இடத்தில் இருக்க முடியாது. சுதந்திரமாக காட்டில் அலைவதே எனக்கு மகிழ்ச்சி என்று ஓநாய் கூறி அங்கிருந்து சென்றுவிட்டது.

* முகமூடி அணிந்து நடித்துக் காட்டுக.

மாணவர் செயல்பாடு

படிப்போம் சிந்திப்போம் எழுதுவோம்

சரியான விடையைத் தெரிவு செய்வோமா?

1. மகிழ்ச்சி - இச்சொல் உணர்த்தும் பொருள் __________.

அ) இன்பம்

ஆ) துன்பம்

இ) வருத்தம்

ஈ) அன்பு

அ) இன்பம்

2. ஒன்றுமில்லை - இச்சொல்லைப் பிரித்து எழுதக் கிடைப்பது __________.

அ) ஒன்று + இல்லை

ஆ) ஒன்றும் + இல்லை

இ) ஒன்றுமே + இல்லை

ஈ) ஒன்று + மில்லை

ஆ) ஒன்றும் + இல்லை

3. அப்படி + ஆனால் - இச்சொற்களைச் சேர்த்து எழுதக் கிடைப்பது ______.

அ) அப்படியானால்

ஆ) அப்படியனால்

இ) அப்படியினால்

ஈ) அப்படி ஆனால்

அ) அப்படியானால்

4. விருப்பு என்ற சொல்லின் எதிர்ச்சொல் __________.

அ) வெறுப்பு

ஆ) கருப்பு

இ) சிரிப்பு

ஈ) நடிப்பு

அ) வெறுப்பு

வினாக்களுக்கு விடையளி

1. பசியால் மெலிந்த ஓநாய் எங்குச் சுற்றித் திரிந்தது?

பசியால் மெலிந்த ஓநாய் காடு முழுவதும் சுற்றித் திரிந்தது.

2. நாய், ஓநாயை எங்கு வரச் சொன்னது?

நாய், ஓநாயை தன்னுடன் தன் முதலாளியின் வீட்டிற்கு வரச்சொன்னது.

3. நாயின் கழுத்தில் என்ன இருந்தது?

நாயின் கழுத்தில் கட்டிப் போடுவதற்கான கருப்பு நிறப் பட்டை இருந்தது.

அகர முதலியைப் பார்த்துப் பொருள் எழுதுக

1. விதவிதமான - வகைவகையான

2. சுதந்திரம் - விடுதலை

3. வருடுதல் - தடவுதல்

4. பிரமாதம் - மிகச்சிறப்பு

5. சந்தேகம் - ஐயம்

சரியான தொடரை ✓ எனவும் தவறான தொடரை X எனவும் குறியிடுக

1. ஓநாய் தின்பதற்கு எதுவும் கிடைக்காமல் மெலிந்திருந்தது. (✓)

2. நாய் புதியவர்களைக் கண்டால் விரட்டியடிக்காது. (X)

3. ஓநாயின் கழுத்தில் கருப்புப் பட்டை இருந்தது. (X)

4. ஓநாய் சுதந்திரமாக வாழ ஆசைப்படவில்லை. (X)

5. ஓநாயை நாய் வீட்டிற்கு அழைத்தது. (✓)

சரியான சொல்லால் நிரப்புக

1. நீ எவ்வளவு ________ இருக்கிறாய்?

அழகாக

2. நாயின் கழுத்தில் ________ இருந்தது.

கருப்புப்பட்டை

3. வீட்டுக்காரர்கள் நாயை ________ வருடிக்கொடுப்பார்கள்

அன்பாக

4. வீட்டில் மாட்டிக் கொள்வதைவிட ________ காட்டில் அலைவதே மேல்.

சுதந்திரமாகக்

5. என்னைத் தயவுசெய்து அழைத்துச் செல் என்று ________ கூறியது.

ஓநாய்

சொல்லக்கேட்டு எழுதுவோம்

1. நல்ல உணவு கிடைக்கும்

2. கழுத்தில் பட்டை எப்படி வந்தது?

3. நாய் மகிழ்ச்சியாய் ஓடிவந்தது.

4. ஆகா! என்ன சுகம் தெரியுமா!

சொற்களை இணைத்து எழுதுவோம்

1. நல்ல புத்தகம்

2. நல்ல எண்ணம்

3. நல்ல உணவு

1. மெலிந்த ஓநாய்

2. மெலிந்த உடல்

3. மெலிந்த சிறுவன்

உன்னை அறிந்துகொள்

நாம் பொருள் உணர்ந்து படிப்பதற்கு நிறுத்தக்குறிகள் உதவுகின்றன.

? - வினாக்குறி

, - காற்புள்ளி

; - அரைப்புள்ளி

: - முக்காற்புள்ளி

. - முற்றுப்புள்ளி

! - வியப்புக்குறி

சொற்களை முறைப்படுத்திச் சரியான தொடரை உருவாக்குக

எ.கா. சுதந்திரத்தை கொடுக்க என் மாட்டேன் விட்டு

என் சுதந்திரத்தை விட்டுக்கொடுக்க மாட்டேன்

1. கொழு, கொழு அழகையும் புகழ்ந்தது நாயின் உடம்பயும்.

நாயின் கொழு கொழு உடம்பையும் அழகையும் புகழ்ந்தது.

2. பார்த்தால் வீட்டுக்காரர்களைப் ஆட்ட வாலை வேண்டும்.

வீட்டுக்காரர்களைப் பார்த்தால் வாலை ஆட்ட வேண்டும்

பொருத்தமான நிறுத்தக் குறியிடுக

எ.கா. நான் என்ன வேலை செய்ய வேண்டும்

நான் என்ன வேலை செய்ய வேண்டும்?

1. ஆகா என்ன சுகம் தெரியுமா

ஆகா! என்ன சுகம் தெரியுமா?

2. ஒன்றுமில்லை என்றால் கழுத்தில் எப்படி பட்டை ஏற்பட்டது.

ஒன்றுமில்லை என்றால், கழுத்தில் எப்படி பட்டை ஏற்பட்டது?

3. என்ன கட்டிப் போடுகிறார்களா

என்ன, கட்டிப் போடுகிறார்களா!

4. நம் விருப்பம் போல போக முடியாது அது என்ன பிரமாதம்

நம் விருப்பம் போல் போக முடியாது. அது என்ன பிரமாதம்?

5. நல்ல உணவு உனக்கும் கிடைக்கும் என்று சொன்னது

“நல்ல உணவு உனக்கு கிடைக்கும்” என்று சொன்னது.

விளையாடலாம், வாங்க! - சொன்னால் செய்வேன்!

குழந்தைகளை வட்டமாக ஓடவிட வேண்டும். ஆசிரியர் நடுவில் நிற்க வேண்டும். ஆசிரியர் ஒரு பாடலைப் பாட வேண்டும். ஆசிரியர் பாடுவதை நிறுத்தியவுடன் எல்லாக் குழந்தைகளும் அப்படியே நிற்க வேண்டும். உடனே ஆசிரியர் ஒரு விலங்கின் பெயரைச் சொல்ல, அந்த விலங்கு போல ஒலி எழுப்ப வேண்டும். எ.கா. பசு - என மா, மா என ஒலி எழுப்புதல், இவ்வாறு வேறு வேறு விலங்குகள் பெயர் சொல்லலாம். இவ்விளையாட்டில் அனைத்துக் குழந்தைகளையும் பங்கேற்கச் செய்தல் வேண்டும்.

சூழலுக்கேற்ற உணர்வைத் தெரிவு செய்க

(சிரிப்பு, மகிழ்ச்சி, வருத்தம், வியப்பு, அச்சம்)

1. பாட்டி புத்தாடை வாங்கித் தரும்போது ஏற்படுவது

மகிழ்ச்சி

2. மிகப்பெரிய யானையைப் பார்க்கும்போது

வியப்பு

3. கோமாளி செய்யும் செயல்களைக் காணும்போது

சிரிப்பு

4. நம்முடைய நண்பர் கீழே விழுவதைக் காணும்போது

வருத்தம்

5. திடீரென எதிரில் பாம்பைக் காணும்போது

அச்சம்

சிந்திக்கலாமா

எந்தக் கிளி மகிழ்ச்சியாக இருக்கும்? ஏன்?

மரக்கிளையில் உள்ள கிளி மகிழ்ச்சியாக இருக்கும். ஏனெனில், சுதந்திரமாக உற்சாகமாக இருக்கிறது.

செயல்திட்டம்

பல்வேறு விலங்குகள், பறவைகள் படங்களைத் திரட்டுக. அவற்றைத் தொகுப்பேட்டில் ஒட்டி, அவை எழுப்பும் ஒலிகளின் பெயர்களை எழுதி வருக.

சிங்கம் கர்ஜிக்கும் / முழங்கும்

குரங்கு அலப்பும்

குயில் கூவும்

குதிரை கனைக்கும்

பசு கதறும்

ஆந்தை அலறும்

காகம் கரையும்

நரி ஊளையிடும்

புலி உறுமும்

கோழி கொக்கரிக்கும்

3rd Grade Tamil Term 2 Chapter 6: Ezhil Konjum Aruvi - Questions & Answers

எழில் கொஞ்சும் அருவி: கேள்விகள் மற்றும் பதில்கள்

3 ஆம் வகுப்பு தமிழ் : பருவம் 2 இயல் 6 : எழில் கொஞ்சும் அருவி: புத்தக கேள்விகள் மற்றும் பதில்கள், தமிழ் முக்கியமான கேள்விகள்

பயிற்சி

வாங்க பேசலாம்

* நீ வசிக்கும் பகுதியில் அல்லது மாவட்டத்தில் ஏதேனும் சுற்றுலாத்தலம் சென்று வந்துள்ளாயா? உனது அனுபவத்தை வகுப்பில் பகிர்ந்துகொள்.

நான் வசிக்கும் திருநெல்வேலி மாவட்த்திலுள்ள தென்காசிக்கு அருகில் (மேற்குத் தொடர்ச்சி மலையில்) குற்றாலம் நான் சென்று வந்துள்ள இடமாகும்.

முதன்மை அருவி, ஐந்தருவி, புலியருவி, தேனருவி, அகத்தியர் அருவி போன்ற அருவிகளும், பழைய குற்றாலம் போன்ற இடங்களும் உள்ளன.

நானும் எனது குடும்பத்தினரும் ஐந்தருவிக்குச் சென்றோம். அந்த அருவியில் ஐந்து இடங்களில் நீர்வீழ்ச்சி இருப்பதால் மக்கள் கூட்டம் அதிகமாக இருந்தது. நானும் எனது குடும்பத்தினரும் நல்ல முறையில் நீராடி மகிழந்தோம். மூலிகைகள் நிறைந்த மலையிலிருந்து வரும் நீரில் குளித்ததால் உடலுக்கும் மனதிற்கும் புத்துணர்ச்சி கிடைத்த அனுபவம் நன்றாக அமைந்தது. இன்னும் எத்தனைமுறை வேண்டுமானாலும் அவ்விடத்திற்குச் செல்லலாம் என்ற எண்ணமே தோன்றுகிறது.

படிப்போம் சிந்திப்போம் எழுதுவோம்

சரியான விடையைத் தெரிவு செய்வோமா?

1. ஒகேனக்கல் அருவியில் நீர் வீழ்வது _______ உருக்கி ஊற்றுவது போல் இருந்தது.

அ) தங்கத்தை

ஆ) வெள்ளியை

இ) இரும்பை

ஈ) கற்பாறையை

விடை : ஆ) வெள்ளியை

2. 'ஒகேனக்கல்' என்ற சொல்லின் பொருள் ________.

அ) பவளப்பாறை

ஆ) வழுக்குப்பாறை

இ) பனிப்பாறை

ஈ) புகைப்பாறை

விடை : ஈ) புகைப்பாறை

3. 'வெண்புகை' என்ற சொல்லைப் பிரித்து எழுதக் கிடைப்பது __________.

அ) வெண் + புகை

ஆ) வெ + புகை

இ) வெண்மை + புகை

ஈ) வெம்மை + புகை

விடை : இ) வெண்மை + புகை

4. பாதை + அமைத்து – இச்சொற்களைச் சேர்த்து எழுதக் கிடைப்பது __________.

அ) பாதை அமைத்து

ஆ) பாதையமைத்து

இ) பாதம் அமைத்து

ஈ) பாதயமைத்து

விடை : ஆ) பாதையமைத்து

5. தோற்றம் - இச்சொல்லின் எதிர்ச்சொல்

அ) தொடக்கம்

ஆ) மறைவு

இ) முதல்

ஈ) ஆரம்பம்

விடை : ஆ) மறைவு

வினாக்களுக்கு விடையளி

1. ஒகேனக்கல் பகுதியில் நாம் பார்க்க வேண்டிய இடங்களைக் கூறுக.

ஒகேனக்கல் நீழ்வீழ்ச்சி, தொங்குபாலம், பரிசல் சவாரி, மான்பூங்கா, முதலைப் பண்ணை, தேசநாதீஸ்வரர் கோவில் போன்றவை பார்க்க வேண்டிய இடங்கள் ஆகும்.

2. ஒகேனக்கலில் அருவியில் நீர் விழும் காட்சி, பார்ப்பதற்கு எப்படி இருந்தது?

ஒகேனக்கலில் மலை நடுவே பாதையமைத்து அருவி நீர் ஓடும் காட்சி வெண்ணெய் உருகுவது போல தெரிந்தது.

3. சங்கவை பார்த்த மிகப்பழைமையான கோவிலின் பெயர் என்ன?

ஒகேனக்கல்லுக்கு அருகே மிகப் பழைமையான தேசநாதீஸ்வரர் கோவில் உள்ளது. அது அதியமான் காலத்தைச் சேர்ந்தது என்பதைக் கல்வெட்டைப் பார்த்து தெரிந்துகொள்ளலாம்.

4. ஒகேனக்கல் நீர்வீழ்ச்சி எங்கே அமைந்துள்ளது?

தருமபுரி மாவட்டத்தில் எழில் கொஞ்சும் மலையில் உள்ள ஒகேனக்கல் அருவி பொன்னகரம் ஊராட்சி ஒன்றியத்திலிருந்து 16 கி.மீ. தூரத்தில் கடல் மட்டத்திலிருந்து 1500 அடி உயரத்தில் உள்ளது.

சரியான தொடரை ✓ எனவும் தவறான தொடரை X எனவும் குறியிடுக

1. ஒகேனக்கல் திருச்சி மாவட்டத்தில் உள்ளது. ( X )

2. அருவியிலிருந்து விழும் நீர், பாறையில் பட்டு, வெண்புகை போலத் தோன்றும் (✓)

3. கடல் மட்டத்திலிருந்து ஒகேனக்கல் 1500 அடி உயரத்தில் உள்ளது. (✓)

அகர முதலியைப் பார்த்துப் பொருள் எழுதுக

1. எழில் - அழகு

2. களிப்பு - மகிழ்ச்சி

3. நீராடலம் - குளிக்கலாம்

4. பரவசம் - மகிழ்ச்சி

பொருத்தமான சொல்லால் நிரப்புக

1. கடற்கரையில் ________ (மனல் / மணல்) வீடு கட்டி விளையாடலாம்.

விடை : மணல்

2. மரத்தில் பழங்கள் ________ (குரைவாக / குறைவாக) உள்ளன.

விடை : குறைவாக

3. வலப்பக்க சுவரின் மேல் ________ (பல்லி / பள்ளி) இருக்கிறது.

விடை : பல்லி

4. ஆதிரைக்கு நல்ல ________ (வேலை / வேளை) கிடைத்துள்ளது.

விடை : வேலை

படங்களை இணைத்துச் சொற்களைக் கண்டுபிடிப்போமா?

தேன் நீர் - தேனீர்

கல் பாறை - கற்பாறை

பூ சூரியன் - சூரியகாந்திப்பூ

இடி ஆப்பம் - இடியாப்பம்

சிந்திக்கலாமா

படங்களை உற்றுநோக்கித் தூய்மையான காற்று எங்கே கிடைக்கிறது? உன் கருத்துகளை வெளிப்படுத்துக.

தூய்மையான காற்று மரம், செடி, கொடி சார்ந்த இயற்கையிலிருந்தே கிடைக்கிறது.

(i) வீட்டில் மரங்களை வளர்க்க வேண்டும்.

(ii) பூங்காக்களை தூய்மையாகப் பராமரிக்க வேண்டும்.

(iii) வீட்டிலிருந்து வெளியேற வேண்டிய கழிவுநீர் நடுத்தெருவில் ஓடாமல் பார்க்க வேண்டும்.

(iv) பொதுமக்களுக்கு ஊறு விளைவிக்கும் நீர், காற்று மாசுபடக்கூடிய தொழிற்சாலைகளை அனுமதிக்கக்கூடாது.

(v) மட்டுப்படுத்துதல், மறுபடி பயன்படுத்துதல், மறுசுழற்சி செய்ய வேண்டும்.

(vi) தடுப்பணைகள் கட்டி நீரைச் சேமிக்க வேண்டும். மழைநீர் சேமிப்பு அமைப்பை எல்லா வீடுகளிலும் உருவாக்க வேண்டும்.

பருப்பு அடை பாரம்மா

பதமாய் எடுத்து உண்ணம்மா

இனிப்புப் பணியாரம் வேணுமா

இங்கு வந்து பாரம்மா

வெள்ளை நிற உப்புமா

வேண்டும் மட்டும் தின்னும்மா

கரக் முரக் முறுக்கையே

கடித்துத் தின்னு நொறுக்கியே

சுவை மிகுந்த கொழுக்கட்டை

சூடாய் இருக்கு தட்டிலே!

வெல்லம் தேங்காய் சேர்த்துமே

வெண்ணெய் பிட்டும் ஈர்க்குமே!

பாடலிலிருந்து உணவுப் பொருள்களின் பெயர்களை எழுதுக.

பருப்பு அடை, பணியாரம், உப்புமா, முறுக்கு, கொழுக்கட்டை, வெல்லம், தேங்காய், வெண்ணெய், பிட்டு .

இன எழுத்துகள்

குழந்தைகளே! நண்பர்களோடு சேர்ந்திருப்பது உங்களுக்கு மிகவும் பிடிக்கும்தானே! உங்களைப் போலத்தான் சில எழுத்துகளும் ஒன்றாகவே இருக்க விரும்புகின்றன. அவற்றை இனஎழுத்துகள் என அழைக்கின்றனர்.

உங்களுக்கும் உங்கள் நண்பர்களுக்கும் அன்பாகப் பேசுவது, ஒரே மாதிரியாக ஆடை அணிவது என்று சில பண்புகள் பொதுவாக இருப்பதைப்போல, இனஎழுத்துகளும் பிறக்கும் இடம், ஒலிக்கும் முயற்சி, காலஅளவு, வடிவம் முதலியவற்றில் ஒத்துப்போகின்றன. சரி, எந்த எழுத்து எந்த எழுத்துக்கு இனமாக வரும்? தெரிந்து கொள்வோமா?

உயிரெழுத்துகள்

உயிரெழுத்துகள் பன்னிரண்டு அல்லவா! அவற்றை உயிர்க்குறில், உயிர்நெடில் எனப்பிரித்துப் படித்திருப்பீர்கள். ஆகையால், உயிர்க்குறில் எழுத்துகளுக்கு உயிர்நெடில் எழுத்துகள் இனமாக வரும். எப்படி?

அ - ஆ

இ - ஈ

உ - ஊ

எ - ஏ

ஐ - ?

ஒ - ஓ

ஔ - ?

என்ன இது? ஐ என்ற எழுத்துக்கும் ஔ என்ற எழுத்துக்கும் இன எழுத்து எங்கே? கண்டுபிடிக்கலாமா? ஐ - இந்த எழுத்தை நன்றாக ஒலித்துப் பாருங்கள். இறுதியில் என்ன ஓசையில் முடிகிறது? இ தானே. அதுபோல, ஔ என்னும் எழுத்தையும் ஒலித்துப் பாருங்கள். எந்த எழுத்தின் ஓசையில் முடிகிறது? உ என்னும் எழுத்தின் ஓசையல்லவா! இப்போது எழுதிப் பார்க்கலாமா?

ஐ - இ

ஒள - உ

மெய்யெழுத்துகள்

மெய்யெழுத்துகளை நாம் ஏற்கெனவே பெயரிட்டு அழைத்தோமே, நினைவிருக்கிறதா? என்ன அது? வல்லினம், மெல்லினம், இடையினம்.

வல்லின எழுத்துகளுக்கு மெல்லின எழுத்துகள்தாம் இனமாக வரும். கீழே இருப்பதைப் பாருங்கள்.

க் - ங்

ச் - ஞ்

ட் - ண்

த் - ந்

ப் - ம்

ற் - ன்

ய், ர், ல், வ், ழ், ள், இவை ஆறு எழுத்துகளும் இடையினம். இவற்றிற்கு இன எழுத்துகள் இல்லை. ஓர் எழுத்திற்கு அருகில் அதே எழுத்து வந்தாலும் அவை இன எழுத்துகள் அல்ல (பக்கம், அச்சம்...)

இன எழுத்துகள் சேர்ந்தே வருவதைக் கண்டுபிடிக்கலாம் வாருங்கள். கீழே உள்ள படங்களைப் பார்த்து, அவற்றின் பெயர்களைச் சொல்லி, எழுதிப் பாருங்கள்.

உங்கள் நண்பர்களின் பெயர்களிலுள்ள இன எழுத்துகளைக் கண்டுபிடியுங்கள்

மங்கை, கங்கா, இராமலிங்கம், மஞ்சுளா, அஞ்சலி, காஞ்சனா, அஞ்சனா, பாண்டியன், தண்டபாணி, காந்தி, சாந்தி, ஜெயந்தி, கந்தன், நந்தா, நந்தினி, வந்தனா, அம்பிகா, அம்பு, இளமாறன், மணிமாறன்.

இன எழுத்துகள்

விடுபட்ட இடங்களில் சரியான இனஎழுத்துகளை நிரப்பலாமா?

செம்பருத்தி

குன்று

சுண்டல்

தொங்கு பாலம்

இஞ்சி

ஆந்தை

1. இன எழுத்துகள் என்றால் என்ன?

தமிழ் எழுத்துகளில் சில எழுத்துகள் ஒன்றாக இருக்கும் அவற்றை இன எழுத்துகள் என அழைக்கிறோம்.

2. உயிர் எழுத்துகளின் இன எழுத்துகளை எழுதுக.

உயிர் எழுத்துகள் பன்னிரண்டில் உயிர்க்குறில் எழுத்துகளுக்கு உயிர்நெடில் எழுத்துகள் இனமாகும்.
எ.கா: அ-ஆ, இ-ஈ, உ-ஊ, எ-ஏ, ஒ-ஓ

3. உயிர் எழுத்துகளில் ஐ, ஔ எழுத்துகளின் இனஎழுத்துகள் யாவை?

'ஐ' – க்கு இனஎழுத்தாக இ’யும், 'ஔ' - க்கு இனஎழுத்தாக 'உ' வும் அமையும்.

4. மெய்யெழுத்துகளின் இன எழுத்துகள் யாவை?

மெய்யெழுத்துகளில் வல்லின எழுத்துகளுக்கு மெல்லின எழுத்துகள் தாம் இன எழுத்தாக வரும்.
எ.கா: க்-ங், ச்-ஞ், ட்-ண், த்-ந், ப்-ம், ற்-ன்.

5. இடையின மெய்யெழுத்துகளின் இன எழுத்துகள் யாவை?

ய், ர், ல், வ், ழ், ள் - ஆகிய ஆறும் இடையின மெய்யெழுத்துகள் அவற்றிற்கு இன எழுத்துகள் இல்லை.

செயல்திட்டம்

உங்கள் வீட்டில் நீங்கள் காணும் பொருள்களுள் இன எழுத்துகள் இடம்பெற்ற சொற்கள் 20 எழுதி வருக.

1. சங்கு

2. வெண்டை

3. பஞ்சு

4. தங்கம்

5. நூற்கண்டு

6. நுங்கு

7. தண்டு

8. பந்தல்

9. மிதிவண்டி

10. இடியாப்பம்

11. செங்கல்

12. கம்பு

3rd Grade Tamil: Term 2 Chapter 5 - Vaalu poyi Kathi vanthadu | Questions & Answers

வாலு போயி கத்தி வந்தது! டும்...டும்... டும்...டும்

பயிற்சி

வாங்க பேசலாம்

* ‘டும் .. டும் .. டும் .. டும்..' படக்கதையை உமது சொந்த நடையில் கூறுக.

• ஓணான் ஒன்று வேலியைத் தாண்டும்போது அதன் வாலில் முள் குத்திவிட்டது. அதனை எடுத்துவிடுமாறு உழவரிடம் வேண்டியது. உழவர் முள்ளை எடுக்கும்போது அதன் வால் அறுந்துவிட்டதால் கத்தியை ஓணான் பெற்றுக்கொண்டது.

• காட்டில் மரம் வெட்டியைப் பார்த்துக் கத்தியைக் கொடுத்தது. மரம் வெட்டி கத்தியை ஒடித்ததால் அதற்காக விறகுகளைப் பெற்றுக்கொண்டது.

• வழியில் தோசை சுடும் பாட்டியிடம் விறகுகளைக் கொடுத்துவிட்டு தோசையைப் பெற்றுச் சென்றது.

• தோசையை மோர் விற்கும் பெண்ணிடம் கொடுத்துவிட்டு மோரைப் பெற்றுச் சென்றது.

• மோர் பானையை தோட்டக்காரரிடம் கொடுத்துவிட்டு, பூக்களைப் பெற்றுச் சென்றது.

• பூவை மேளம் வாசிக்கும் பெண்ணிடம் கொடுத்துவிட்டு மேளத்தைப் பெற்றுச் சென்று மகிழ்வுடன் ஆடிப் பாடியது.

• வார இதழ்களில் வரும் படக்கதையைப் படித்த அனுபவம் உண்டா ? ஆம் எனில், அக்கதையைப் பற்றி கூறுக.

படிப்போம் சிந்திப்போம் எழுதுவோம்

சரியான விடையைத் தெரிவு செய்வோமா?

1. விறகெல்லாம் - இச்சொல்லைப் பிரித்து எழுதக் கிடைப்பது ___________.

அ) விறகு + எல்லாம்

ஆ) விறகு + கெல்லாம்

இ) விற + கெல்லாம்

ஈ) விறகு + எலாம்

விடை : அ) விறகு + எல்லாம்

2. 'படம் + கதை' - இச்சொற்களைச் சேர்த்து எழுதக் கிடைப்பது

அ) படம்கதை

ஆ) படக்கதை

இ) படகதை

ஈ) படகாதை

விடை : ஆ) படக்கதை

3. - இப்படத்திற்கு உரிய சொல்லைக் கண்டறிக.

அ) ஓனான்

ஆ) ஓநான்

இ) ஓணான்

ஈ) ஓணன்

விடை : இ) ஓணான்

4. தோசை - இச்சொல்லின் ஒலிப்புடன் தொடர்பில்லாத சொல் எது?

அ) ஆசை

ஆ) மேசை

இ) பூசை

ஈ) இசை

விடை : ஈ) இசை

வினாக்களுக்கு விடையளி

1. ஓணான் எதற்காக மருத்துவரிடம் சென்றது?

ஓணான் மருத்துவரிடம் செல்லவில்லை.

2. தோட்டக்காரன் ஓணானிடம் என்ன கூறினான்?

தோட்டக்காரனிடம் ஓணான் இந்தப் பானையை வைத்துக்கொள் என்று கூறியது.

3. கதையில் ஓணான் பெற்று வந்த பொருள்களைக் கூறுக.

கத்தி, விறகு, தோசை, பானை, பூக்கள், மேளம் போன்ற பொருள்களை ஓணான் பெற்று வந்தது.

4. படக்கதையிலிருந்து நீ அறிந்து கொண்ட கருத்து யாது?

துன்பம் வரும் வேளையில் மனச்சோர்வு அடையக்கூடாது. ஒன்றுபோனால் மற்றொன்று வரும்.

புதிருக்குப் பொருத்தமான படத்தைப் பொருத்துக

ஊர் கூடி என்னை இழுத்தால்தான் நான் அசைந்து வருவேன். நான் யார்?

விடை : தேர்

இடிஇடிக்கும்; மின்னல் மின்னும்; மழை பெய்யாது. அது என்ன?

விடை : பட்டாசு

நிழல் தருவேன் காய் தருவேன் பழம் தருவேன். நான் யார்?

விடை : மரம்

'கலை' என்ற சொல்லில் முதல் எழுத்து
'படம்' என்ற சொல்லில் இடை எழுத்து
'மடல்' என்ற சொல்லில் இறுதி எழுத்து.
நான் யார்?

விடை : கடல்

சொல் விளையாட்டு

ஒரு சொல்லில் உள்ள ஏதாவது ஓர் எழுத்தைக்கொண்டு, புதிய சொற்களை உருவாக்கி மகிழ்க.

இதே போன்று ஒட்டகம், குருவி, சிங்கம், கவிதை போன்ற சொற்களைத் தொடக்கமாக வைத்துச் சொற்களை உருவாக்குக.

ஒட்டகம் → கதிர்வன் → வந்தன → தங்கம் → கழுகு

குருவி → விளக்கு → மிளகு → மின்னல் → கனவு

சிங்கம் → சிரிப்பு → குப்பை → குளம் → அளவு

கவிதை → கரம் → ரம்பம் → பட்டம் → குடம்

அறிந்து கொள்வோம்

உலக கதைசொல்லல் நாள் - மார்ச் 20

3rd Std Tamil Term 2 Chapter 4 | Thirukkural Kathaigal: Sariyana Theerpu Questions and Answers

3 ஆம் வகுப்பு தமிழ் : பருவம் 2 இயல் 4 : திருக்குறள் கதைகள் : சரியான தீர்ப்பு

வாங்க பேசலாம்

· உமக்குப் பிடித்த திருக்குறள் கதையை உமது சொந்த நடையில் கூறுக.

ஓர் ஊரில் முத்தன் என்பவர் வாழ்ந்து வந்தார். தன்னுடைய சொந்த உழைப்பால் செல்வந்தராக உயர்ந்தவர். அவர்களுக்கு புகழினி, மதியழகன் என்று இரண்டு பிள்ளைகள் இருந்தார்கள். பிள்ளைகள் இருவருக்கும் கல்வியை முதன்மைப்படுத்தாது தன்னுடைய தொழிலில் அவர்களை ஈடுபடுத்த எண்ணினார். ஆனால், தந்தையின் ஆலோசனையும் மீறி கல்லூரி வரை இருவரும் படித்து முடித்தனர்.

முத்தனுக்கு கல்வி அறிவு போதுமானதாக இல்லாததால் அவனுடைய வியாபாரக் கூட்டாளிகள் அவனை ஏமாற்றிவிட்டனர். இதனால் தன்னுடைய சொத்துகள் அனைத்தையும் இழந்து, உணவுக்கே துன்பப்படும் நிலைக்குக் குடும்பம் ஆளாகியது. முத்தனின் குழந்தைகள் இதை அறிந்து பல நிறுவனங்களில் வேலை தேடினர். உரிய கல்வித் தகுதி இருந்ததால் நல்ல வேலை கிடைக்கப்பெற்று குடும்பத்தின் வறுமை நிலையை மாற்றினர். முத்தன் அப்பொழுதுதான் கல்வியின் சிறப்பை அறிந்து கொண்டான். ஏனெனில்,

கேடில் விழுச்செல்வம் கல்வி ஒருவற்கு

மாடல்ல மற்றை யவை. குறள் - 400

படிப்போம் சிந்திப்போம் எழுதுவோம்

சரியான விடையைத் தெரிவு செய்வோமா?

1. ஞாலம் - இச்சொல்லுடன் பொருந்தாத சொல் __________.

அ) உலகம்

ஆ) வையகம்

இ) புவி

ஈ) மலை

விடை : ஈ) மலை

---

2. கீழ்க்காணும் சொற்களுள் மாறுபட்ட பொருள் தருவது __________.

அ) அறம்

ஆ) தீமை

இ) கொடை

ஈ) ஈகை

விடை : ஆ) தீமை

---

3. 'என்பு’ இச்சொல்லிற்குப் பொருத்தமான சொல் __________.

அ) முகம்

ஆ) எலும்பு

இ) கை

ஈ) கால்

விடை : ஆ) எலும்பு

---

4. ‘நல்ல + செயல்’ இச்சொற்களைச் சேர்த்து எழுதக் கிடைப்பது __________.

அ) நல்லசெயல்

ஆ) நல்செயல்

இ) நற்செயல்

ஈ) நல்லச்செயல்

விடை : இ) நற்செயல்

---

5. “இன்சொல்' இச்சொல்லைப் பிரித்து எழுதக் கிடைப்பது __________.

அ) இனிமை + சொல்

ஆ) இன் + சொல்

இ) இன்மை + சொல்

ஈ) இனிமை + செல்

விடை : அ) இனிமை + சொல்

குறட்பாக்களில் இரண்டாம் எழுத்து ஒன்றுபோல் வரும் சொற்களை எடுத்து எழுதுக

என்பி

அன்பி

பணிவுடையன்

அணியல்ல

முறைமாறி உள்ள சீர்களை வரிசைப்படுத்தி எழுதுக

இன்சொலன் பணிவுடையன் ஒருவற்கு ஆதல்
பிற மற்றுப் அணியல்ல.

பணிவுடையன் இன்சொலன் ஆதல் ஒருவற்கு
அணியல்ல மற்றுப் பிற

---

தகவிலர் தக்கார் அவரவர் என்பது
படும் எச்சத்தாற் காணப்

தக்கார் தகவிலர் என்பது அவரவர்
எச்சத்தாற் காணப் படும்.

பாடி மகிழ்வோம்

கடலோரத்தில் அலை உருளுது பிரளுது

தத்தளிக்குது தாளம் போடுது.

கொக்கு நெட்ட கொக்கு

நெட்ட கொக்கு இட்ட

முட்ட கட்ட முட்ட

இலந்தப் பழத்திற்கு ஆசப்பட்ட கொழந்த

வாழப்பழம் தின்றது.

குழு விளையாட்டு

பொருத்துக:

சொல்

ஞாலம்

அறம்

அணி

என்பு

கேடில்

பொருள்

அழிவில்லாத

எலும்பு

அணிகலன்

உலகம்

தருமம்

சரியான விடைகளைக் காண இங்கே சொடுக்கவும்

ஞாலம் - உலகம்

அறம் - தருமம்

அணி - அணிகலன்

என்பு - எலும்பு

கேடில் - அழிவில்லாத

மேற்கண்ட சொற்களை ஓர் அட்டையிலும் அவற்றிற்குரிய பொருள்களை வேறு அட்டையிலும் எழுதி வைத்துக் கொள்க. மாணவர்களை இரு குழுவாகப் பிரிக்க. ஒரு குழு அட்டையில் எழுதிய சொற்களைக் கூற, மற்றொரு குழு அவற்றிற்குரிய சரியான பொருளைக் கூறவேண்டும்.

இதே போல் குழுக்களை மாற்றிச் சொற்களைக் கூறச்செய்து, அவற்றின் பொருளைக் கூறச்செய்க.

சரியாகச் செய்யும் குழுவைக் கைகளைத் தட்டி பாராட்டச் செய்க. இதுபோன்று தொடர்ந்து புதிய சொற்களை வைத்து விளையாடச் செய்க.

செயல் திட்டம்

திருக்குறள் ஓலைச்சுவடி உருவாக்கி, அதில் பத்துக் குறள்களை எழுதி வருக.

3rd Tamil Term 2 Chapter 3: Kalvi Kan Pondrathu | கல்வி கண் போன்றது

3 ஆம் வகுப்பு தமிழ் : பருவம் 2 இயல் 3 : கல்வி கண் போன்றது

3. கல்வி கண் போன்றது

விரியூர் கிராமத்திலுள்ள பஞ்சாயத்து அலுவலகத்தில் அன்று கிராமசபைக் கூட்டம். வீட்டிற்கு ஒருவர் கூட்டத்தில் கட்டாயம் கலந்து கொள்ளவேண்டும் என்று தண்டோரா போட்டு அறிவிக்கப்பட்டிருந்தது. அறிவிப்பைக் கேட்ட பொன்வண்ணன், தம் கடையைப் பூட்டிவிட்டுக் கூட்டத்திற்குச் சென்றார்.

பஞ்சாயத்துத் தலைவர் கூட்டத்திற்கு வந்திருந்தவர்களை வரவேற்றுப் பேசினார். அரசின் சிறுதொழில் தொடங்குவதற்கான உதவித்தொகை வழங்கும் திட்டம் குறித்துப் பேசினார். இத்திட்டத்தின்கீழ் யார் யாருக்கெல்லாம் உதவித்தொகை வந்திருக்கிறதோ அவர்களின் பெயர்களைப் படித்தார்.

பொன்வண்ணன் தம்முடைய பெயர் வருகிறதா என ஆவலோடு எதிர்பார்த்துக் கொண்டிருந்தார்.

ஆனால், கடைசி வரை அவர் பெயர் வரவேயில்லை.

பொன்வண்ணன், தலைவரிடம் சென்றார். "ஐயா! எனக்கு ஏன் உதவித்தொகை இல்லை? நானும் பண வசதியில்லாமல் மிகவும் துன்பப்படுகிறேனே......” என்று கேட்டார்.

"யாருக்கெல்லாம் பண உதவி தேவையோ, அவர்களுக்கான கூட்டம் பற்றி உங்களுக்குத் அஞ்சல் மூலம் தெரிவித்து இருந்தோமே.! நீங்கள் ஏன் கலந்து கொள்ளவில்லை?" என்றார் தலைவர்.

"ஆமாம். போன வாரம் அஞ்சல்காரர் கொடுத்தார். படிக்கத் தெரியாததால் அப்படியே வைத்துவிட்டேன்".

"என்னப்பா! உனக்குத்தான் படிக்கத் தெரியல, ஆனா, உம்பையன்தான் பள்ளியிலே படிக்கிறானே, அது எப்படி தெரியாமல் போகும்?”

பொன்வண்ணன் சற்றுக் குற்ற உணர்வோடு தலை குனிந்தபடி கூறினார், "ஐயா! நான் மிதிவண்டி பழுதுபார்க்கும் கடை வைத்திருக்கிறேன். எனக்கு உதவி செய்வதற்காக, அவனை அடிக்கடி பள்ளிக்கு விடுப்பு எடுக்கச் சொல்வேன். சில சமயங்களில் தொடர்ந்து பள்ளிக்குச் செல்ல இயலாத சூழ்நிலை ஏற்பட்டுவிடும். அதனால்தானோ என்னவோ அவனுக்குச் சரியாக எழுதவும் படிக்கவுமே தெரியாமலே போய்விட்டது. அவனுடைய ஆசிரியரும் இதைப்பற்றி என்னிடம் அடிக்கடி சொல்லி வருத்தப்படுவார். பள்ளிக்குத் தொடர்ந்து அனுப்புமாறு அறிவுரையும் கூறுவார். நான்தான் தப்பு செய்துவிட்டேன். என் மகனை இப்படிப் படிக்கத் தெரியாதவனாக ஆக்கிவிட்டேன்." என்று வருத்தத்துடன் கூறினார் பொன்வண்ணன்.

"உங்கள் அறியாமையால் இப்போது என்னவாயிற்று பார்த்தீர்களா? அரசின் உதவித் தொகையை உங்களால் பெற முடியாமல் போய்விட்டதே. கல்வி அறிவு இருந்தால்தான் நாள்தோறும் நம்மைச் சுற்றி நடக்கும் நிகழ்ச்சிகளையும் அறிவியல் மாற்றங்களையும் அறிந்துகொள்ள முடியும். நம்மையும் மேம்படுத்திக் கொள்ள முடியும். கல்வி, தொழிலுக்கு வழிகாட்டுகிறது. வாழ்க்கையை நெறிப்படுத்த உதவுகிறது. இப்போதாவது புரிந்து கொண்டீர்களா?”

"ஐயா! இப்ப நான் நன்கு புரிந்து கொண்டேன். நான்தான் கல்வி கற்காமல் இருந்து விட்டேன். என் மகனாவது நன்கு படித்து வாழ்வில் முன்னேறட்டும். இனி நான் என் மகனை வேலைக்காகப் பள்ளியைவிட்டு நிறுத்த மாட்டேன். இப்போதே என் மகனை அழைத்துச் சென்று தலைமை ஆசிரியரிடம் மீண்டும் பள்ளியில் சேர்த்துக்கொள்ளுமாறு நான் வேண்டிக்கொள்வேன்.”

புரிந்து கொண்டால் சரிதான். உங்களுக்கு ஏற்பட்ட இந்த அனுபவத்தால நீங்க மட்டும் தெரிந்துகொண்டால் போதாது. நம் கிராமத்தினர் அனைவருமே அறியாமை நீங்கி, கல்வி குறித்த விழிப்புணர்வு பெறவேண்டும்.

கல்வியின் தேவையை எடுத்துக்கூறிய கிராம சபைத் தலைவருக்கு, நன்றி கூறிவிட்டு அங்கிருந்து சென்றார் பொன்வண்ணன்.

உன்னை அறிந்துகொள்