3rd Standard Tamil Term 3 Chapter 4: Malainir - Questions and Answers

பருவம் 3 இயல் 4: மழைநீர்

3 ஆம் வகுப்பு தமிழ்

மழைநீர்: கேள்விகள் மற்றும் பதில்கள்

3 ஆம் வகுப்பு தமிழ் : பருவம் 3 இயல் 4 : மழைநீர்: புத்தக கேள்விகள் மற்றும் பதில்கள், தமிழ் முக்கியமான கேள்விகள்

பயிற்சி

வாங்க பேசலாம்

1. பாடலை ஓசை நயத்துடன் பாடி மகிழ்க

2. மழை பற்றி ஏற்கெனவே நீ அறிந்த பாடலைப் பாடி மகிழ்க.

துளி துளி மழை துளி - அது

விழும் போது என் முகம் மலர்ந்ததே!

மழை மழை அடை மழை

மனமெல்லாம் உனக்குக் குடை

மானாட மயிலாட என்

மார்போடு மழையே நீயும் கவிபாடிட

சாரலாய் வந்து, நீயும் நனைக்கிறாய்

தென்றலாய்ச் சில்லிட்டு சிலிர்க்கிறாய்

இடியோடும், மின்னலோடும் தாலாட்டி

என் இதயத்திற்கு இன்பம் பொழிகிறாய்

வா மழையே! இயற்கைத் தந்த வரமே!

உன்னை நான் காண்பேன் தினமுமே!

இசையமுது

மழையே மழையே வா வா - நல்ல

வானப் புனலே வா வா – இவ்

வையத் தமுதே வா வா

தகரப் பந்தல் தணதண வென்ன

தாழும் கூரை சளசள வென்ன

நகரப் பெண்கள் செப்புக் குடங்கள்

நன்றெங் கும்கண கணகண வென்ன (மழையே மழையே)

ஏரிகுளங்கள் வழியும்படி, நாடு

எங்கும் இன்பம் பொழியும்படி, பொடி

வாரித்தூவும் பூவும் காயும்

மரமும் தழையும் நனைந்திடும்படி (மழையே மழையே)

- பாரதிதாசன்

3. மழை உனக்கு எவ்வளவு பிடிக்கும் என்று உம் சொந்த நடையில் பேசுக.

“விண்ணின் மழைநீர் மண்ணின் உயிர்நீர்” என்பர். மழை பெய்யும் போது இயற்கையான மரம் செடிகொடிகள் மட்டுமல்ல பறவை, விலங்குகள் மற்றும் மனிதர்கள் கூட மகிழ்கின்றனர்.

எனக்கும் மழையை அதிகம் பிடிக்கும், அதில் நனையவும் பிடிக்கும். மழைநீரில் காகிதக் கப்பல் செய்து விளையாடவும் பிடிக்கும்.

மழைபெய்யும் போது மண்ணிலிருந்து எழும் புழுதியின் மணம் எனக்கு அதிகம் பிடிக்கும். இதமான குளிர்ந்த காற்றுடன் மழைபெய்தால், அது மனதிற்கும் மகிழ்வைத் தரக்கூடியதாக இருக்கும். எனவே, எப்பொழுதெல்லாம் மழை பெய்கிறதோ, அப்பொழுதெல்லாம் என் மனதில் மகிழ்ச்சி என்னும் நீரூற்றுப் பாய்ந்தோடும்.

ஒரே ஓசையில் முடியும் சொற்களைப் பாடலிலிருந்து எழுதுக.

செல்லுதே, சேமித்தே

ஓடியே, இல்லையே, தேவையே

போலவே, செழிக்கவே, ஓங்கவே

வேண்டுமே, தீர்ப்பமே, செய்வமே

முதலெழுத்து ஒன்றி வரும் சொற்களை எழுதுக.

பொன்னும், பொழியும்

விண்ணின், வியப்பு

குளங்கள், குருவி

மழைநீர், மண்ணில்

வானின், வாழ்வைச்

உழைப்பின், உயர்வாய்

உழவும், உற்ற

இரண்டாவது எழுத்து ஒன்றி வரும் சொற்களை எழுதுக.

மனிதர், இனிவரும்

மழைநீர், உழைப்பின்

நாடும், வீடும்

அகரமுதலியைப் பார்த்துப் பொருள் எழுதுக.

பொழியும் - பெய்தல், நிறைந்துவழி

செம்மை - சிவப்பு, நேர்மை, பெருமை

ஓங்குதல் - வளர்தல், பெருமையடைதல்

இல்லம் - வீடு, தேற்றாமரம்

படிப்போம்! சிந்திப்போம்! எழுதுவோம்!

சரியான விடையைத் தெரிவு செய்வோமா?

1. தேக்குதல் - என்ற சொல்லின் எதிர்ச்சொல் ___________.

அ) நீக்குதல்

ஆ) தெளிதல்

இ) சேமித்தல்

ஈ) பாதுகாத்தல்

விடை : அ) நீக்குதல்

2. வானின் அமுதம் – இச்சொல் குறிப்பது ____________.

அ) அமிழ்தம்

ஆ) அமிர்தம்

இ) சோறு

ஈ) மழைநீர்

விடை : ஈ) மழைநீர்

3. மழையாகுமே - இச்சொல்லைப் பிரிக்கக் கிடைப்பது

அ) மழை + யாகுமே

ஆ) மழையாய் + யாகுமே

இ) மழை + ஆகுமே

ஈ) மழையாய் + ஆகுமே

விடை : இ) மழை + ஆகுமே

4. நினைத்தல் - இச்சொல்லுக்குரிய எதிர்ச்சொல்

அ) கூறுதல்

ஆ) எண்ணுதல்

இ) மறத்தல்

ஈ) நனைத்தல்

விடை : இ) மறத்தல்

'பொன்னும் பொருளும்' இதுபோன்ற சொற்களைப் பாடலிலிருந்து எழுதுக.

உழவும் தொழிலும்

நாடும் வீடும்

வளமும் நலமும்

பொழியும் நீரும்

இணைந்து செய்வோம்.

பொருத்துவோமா?

முதலில் நீங்களாகப் பொருத்திப் பாருங்கள், பிறகு சரியான விடையைச் சரிபார்க்கவும்.

1. நாடும் வீடும்

2. வளமும் நலமும்

3. இல்லத்தில் நீரை

4. உற்ற துணை

5. உயிராய் எண்ண

- வேண்டும்

- சேர்ப்போம்

- மழையாகுமே

- செழிக்கவே

- நிறைத்திட

சரியான விடை

1. நாடும் வீடும் - செழிக்கவே

2. வளமும் நலமும் - நிறைத்திட

3. இல்லத்தில் நீரை - சேர்ப்போம்

4. உற்ற துணை - மழையாகுமே

5. உயிராய் எண்ண - வேண்டும்

சிந்திக்கலாமா?

மழை பொழியும் போது மழைநீரைப் பாத்திரங்களில் பிடித்து வைக்கச் சொல்வார் மான்விழியின் அம்மா. ஆனால், மான்விழியோ ஓடும் நீரில் கப்பல் செய்து விளையாடியபடியே இருப்பாள். மழைநீரைச் சேமிக்கச் சொல்லி, மான்விழியின் அம்மா ஏன் கூறுகிறார்?

கலையும் கைவண்ணமும்

தேவையான பொருள்கள்

மண் குவளை அல்லது மின்னட்டை

வண்ணக்குழம்பு - பல நிறம்

தண்ணீர் வாளி

முக்கால் பாகம் நீர் நிரம்பிய வாளியில் வண்ணக் குழம்புகளைத் தேவையான அளவு சேர்க்க வேண்டும். (விரும்பிய வண்ணங்கள் ஒவ்வொரு மூடி) அந்த வண்ணக் குழம்பை, ஒரு குச்சியால் கலக்கவேண்டும். அதில், குவளை அல்லது மின்னட்டையை மூழ்கச் செய்து எடுக்கவேண்டும். இப்போது, அழகான வண்ணங்களுடன் கூடிய குவளை அல்லது மின்னட்டையைக் கண்டு மகிழலாம்.

சொல்லக் கேட்டு எழுதுக

1) மழைநீர்

2) வெள்ளம்

3) குளங்கள்

4) தண்ணீர்

5) கொடை

6) வியர்வை

7) ஓங்குதல்

8) போற்றுவோம்

இடமிருந்து வலமாகவும் வலமிருந்து இடமாகவும் படித்துப் பார்ப்போம். விடுபட்ட இடத்தை நிரப்பி மகிழ்வோம்.

செயல் திட்டம்

மழைநீர் சேமிப்புத் தொட்டியுடன் கூடிய படத்தை வரைந்து வண்ணம் தீட்டுக.

3rd Grade Tamil: Term 2 Chapter 5 - Vaalu poyi Kathi vanthadu | Questions & Answers

வாலு போயி கத்தி வந்தது! டும்...டும்... டும்...டும்

பயிற்சி

வாங்க பேசலாம்

* ‘டும் .. டும் .. டும் .. டும்..' படக்கதையை உமது சொந்த நடையில் கூறுக.

• ஓணான் ஒன்று வேலியைத் தாண்டும்போது அதன் வாலில் முள் குத்திவிட்டது. அதனை எடுத்துவிடுமாறு உழவரிடம் வேண்டியது. உழவர் முள்ளை எடுக்கும்போது அதன் வால் அறுந்துவிட்டதால் கத்தியை ஓணான் பெற்றுக்கொண்டது.

• காட்டில் மரம் வெட்டியைப் பார்த்துக் கத்தியைக் கொடுத்தது. மரம் வெட்டி கத்தியை ஒடித்ததால் அதற்காக விறகுகளைப் பெற்றுக்கொண்டது.

• வழியில் தோசை சுடும் பாட்டியிடம் விறகுகளைக் கொடுத்துவிட்டு தோசையைப் பெற்றுச் சென்றது.

• தோசையை மோர் விற்கும் பெண்ணிடம் கொடுத்துவிட்டு மோரைப் பெற்றுச் சென்றது.

• மோர் பானையை தோட்டக்காரரிடம் கொடுத்துவிட்டு, பூக்களைப் பெற்றுச் சென்றது.

• பூவை மேளம் வாசிக்கும் பெண்ணிடம் கொடுத்துவிட்டு மேளத்தைப் பெற்றுச் சென்று மகிழ்வுடன் ஆடிப் பாடியது.

• வார இதழ்களில் வரும் படக்கதையைப் படித்த அனுபவம் உண்டா ? ஆம் எனில், அக்கதையைப் பற்றி கூறுக.

படிப்போம் சிந்திப்போம் எழுதுவோம்

சரியான விடையைத் தெரிவு செய்வோமா?

1. விறகெல்லாம் - இச்சொல்லைப் பிரித்து எழுதக் கிடைப்பது ___________.

அ) விறகு + எல்லாம்

ஆ) விறகு + கெல்லாம்

இ) விற + கெல்லாம்

ஈ) விறகு + எலாம்

விடை : அ) விறகு + எல்லாம்

2. 'படம் + கதை' - இச்சொற்களைச் சேர்த்து எழுதக் கிடைப்பது

அ) படம்கதை

ஆ) படக்கதை

இ) படகதை

ஈ) படகாதை

விடை : ஆ) படக்கதை

3. - இப்படத்திற்கு உரிய சொல்லைக் கண்டறிக.

அ) ஓனான்

ஆ) ஓநான்

இ) ஓணான்

ஈ) ஓணன்

விடை : இ) ஓணான்

4. தோசை - இச்சொல்லின் ஒலிப்புடன் தொடர்பில்லாத சொல் எது?

அ) ஆசை

ஆ) மேசை

இ) பூசை

ஈ) இசை

விடை : ஈ) இசை

வினாக்களுக்கு விடையளி

1. ஓணான் எதற்காக மருத்துவரிடம் சென்றது?

ஓணான் மருத்துவரிடம் செல்லவில்லை.

2. தோட்டக்காரன் ஓணானிடம் என்ன கூறினான்?

தோட்டக்காரனிடம் ஓணான் இந்தப் பானையை வைத்துக்கொள் என்று கூறியது.

3. கதையில் ஓணான் பெற்று வந்த பொருள்களைக் கூறுக.

கத்தி, விறகு, தோசை, பானை, பூக்கள், மேளம் போன்ற பொருள்களை ஓணான் பெற்று வந்தது.

4. படக்கதையிலிருந்து நீ அறிந்து கொண்ட கருத்து யாது?

துன்பம் வரும் வேளையில் மனச்சோர்வு அடையக்கூடாது. ஒன்றுபோனால் மற்றொன்று வரும்.

புதிருக்குப் பொருத்தமான படத்தைப் பொருத்துக

ஊர் கூடி என்னை இழுத்தால்தான் நான் அசைந்து வருவேன். நான் யார்?

விடை : தேர்

இடிஇடிக்கும்; மின்னல் மின்னும்; மழை பெய்யாது. அது என்ன?

விடை : பட்டாசு

நிழல் தருவேன் காய் தருவேன் பழம் தருவேன். நான் யார்?

விடை : மரம்

'கலை' என்ற சொல்லில் முதல் எழுத்து
'படம்' என்ற சொல்லில் இடை எழுத்து
'மடல்' என்ற சொல்லில் இறுதி எழுத்து.
நான் யார்?

விடை : கடல்

சொல் விளையாட்டு

ஒரு சொல்லில் உள்ள ஏதாவது ஓர் எழுத்தைக்கொண்டு, புதிய சொற்களை உருவாக்கி மகிழ்க.

இதே போன்று ஒட்டகம், குருவி, சிங்கம், கவிதை போன்ற சொற்களைத் தொடக்கமாக வைத்துச் சொற்களை உருவாக்குக.

ஒட்டகம் → கதிர்வன் → வந்தன → தங்கம் → கழுகு

குருவி → விளக்கு → மிளகு → மின்னல் → கனவு

சிங்கம் → சிரிப்பு → குப்பை → குளம் → அளவு

கவிதை → கரம் → ரம்பம் → பட்டம் → குடம்

அறிந்து கொள்வோம்

உலக கதைசொல்லல் நாள் - மார்ச் 20

3rd Standard Tamil Term 1 Chapter 8 Nulagam | Questions and Answers

பருவம் 1 இயல் 8 | நூலகம்: கேள்விகள் மற்றும் பதில்கள்

3 ஆம் வகுப்பு தமிழ் : பருவம் 1 இயல் 8 : நூலகம்

நூலகம்: புத்தக கேள்விகள் மற்றும் பதில்கள், தமிழ் முக்கியமான கேள்விகள்

பயிற்சி

வாங்க பேசலாம்

1. உன் பள்ளி நூலகத்தில் உள்ள நூல்களுள் நீ படித்த ஏதேனும் ஒரு நூல் / கதை பற்றி வகுப்பறையில் கலந்துரையாடு.

காளி : நான் நேற்று நூலகத்திற்கு என் தந்தையுடன் சென்று சிறுவர் நீதிக் கதைகள் என்னும் புத்தகம் படித்தேன்.

இசக்கி : புத்தகத்தில் படித்த கதையொன்றை சொல்லேன்.

காளி : ஓர் அழகிய கிராமம். அங்கு முத்து என்ற விவசாயி தன் குடும்பத்துடன் வாழ்ந்து வந்தான். முத்து தினமும் தன்னுடைய ஆடுகளை காட்டிற்கு கூட்டிச்சென்று மேய்ப்பது வழக்கம். காலையில் சென்றால் மாலையில் தான் வீடு திரும்புவான். முத்து சில நாள்கள் தன்னுடைய சொந்த வேலையின் காரணமாக வெளியூர் செல்ல வேண்டி இருந்தது. தன் மகனான ராமுவிடம் ஆடு மேய்க்கும் பொறுப்பை கொடுத்தான். பள்ளி விடுமுறைக் காலம் என்பதால் ராமுவும் ஆடுகளை ஓட்டிச் சென்றான்.

ராமு முதல் நாள் காலையில் பக்கத்தில் உள்ள காட்டிற்கு ஆடுகளை ஓட்டிச் சென்றான். காட்டை அடைந்ததும் ஆடுகள் புற்களை மேயத் தொடங்கின. ராமு ஒரு பாறை மேல் அமர்ந்தான். பொழுது போகவில்லை. தூரத்தில் ஒரு சிலர் வயல் வேலை செய்து கொண்டிருந்தனர். வேலை செய்பவர்களின் கவனத்தை ஈர்க்க எண்ணிய ராமு, திடீரென “புலி வருது, புலி வருது” என்று கூச்சிலிட்டான்.

ராமுவின் அலறலைக் கேட்டு வயலில் வேலை செய்து கொண்டிருந்த அனைவரும் புலியை விரட்ட கைகளில் கட்டை ஒன்றை எடுத்துக்கொண்டு ராமு இருக்கும் இடத்தை நோக்கி விரைவாக வந்தனர்.

வந்தவர்கள் அனைவரும் புலி எங்கே? புலி எங்கே? என்று ராமுவிடம் கேட்டனர். ராமுவோ புலியும் வரவில்லை கிளியும் வரவில்லை எனக்குப் பொழுது போகவில்லை. அதனால் பொய் கூறி உங்களை அழைத்தேன் என்றான்.

மறுநாள் ராமு ஆடுகளை மேய்க்க விட்டு அதே பாறையின் மேல் அமர்ந்தான். சிறிது நேரம் கழித்து சற்று தொலைவில் உண்மையாகவே ஒரு புலி வருவதைப் பார்த்தான். ஒரு பாறையின் பின்னால் ஒளிந்து கொண்டு “புலி, புலி” என்று அலறினான். ஆனால் உதவிக்கு யாரும் வரவில்லை. பாய்ந்து வந்த புலி ஓர் ஆட்டுக்குட்டியை தூக்கிக் கொண்டு காட்டிற்குள் சென்று விட்டது.

சேகர் : கதை அருமையாக இருந்தது.

சஞ்சய் : கதை உணர்த்தும் நீதி என்ன?

காளி : ஒருவன் வார்ததையில் உண்மை இல்லை என தெரிந்தால் அவன் எப்போது உண்மை சொன்னாலும் அதை யாரும் உண்மை என நம்ப மாட்டார்கள்.

பிரியா : நூலகத்தில் வேறு என்னென்ன பார்த்தாய்?

காளி : நூலகத்தில் இலக்கியம், கதைகள், வரலாறு, அறிவியல், கண்டுபிடிப்புகள், சுகாதாரம், சட்டம், சிறுவர் இலக்கியம் என பல தலைப்புகளின் கீழ் புத்தகங்களை அலமாரிகளில் அடுக்கி வைத்திருக்கின்றனர். நாளிதழ்கள், வார இதழ்கள், மாத இதழ்கள் தனித்தனியாக அடுக்கப்பட்டு உள்ளன.

பிரபா : வேறு சிறப்புகள் ஏதாவது உண்டா ?

காளி : மின் நூலகம், போட்டித் தேர்வுகளுக்கு தயாரக்க உதவும் புத்தகங்கள் தனியாக இருந்தது. என் தந்தையார் பொன்னியின் செல்வன், கொற்கை போன்ற நூல்களை படிப்பதற்காக பதிவு செய்து எடுத்து வந்தார். அமைதியாக படிக்க நூலகத்தில் பல வசதிகள் செய்யப்பட்டு இருந்தன.

படிப்போம் சிந்திப்போம் எழுதுவோம்

சரியான விடையைத் தெரிவு செய்வோமா?

1. நூல் இச்சொல் உணர்த்தும் பொருள்_____________.

அ) புத்தகம்

ஆ) கட்டகம்

இ) ஒட்டகம்

ஈ) கோல்

விடை : அ) புத்தகம்

2. அறிஞர் இச்சொல் உணர்த்தும் பொருள் __________________.

அ) அறிவில் சிறந்தவர்

ஆ) கவிதை எழுதுபவர்

இ) பாடல் பாடுபவர்

ஈ) மருத்துவம் பார்ப்பவர்

விடை : அ) அறிவில் சிறந்தவர்

3. தேனருவி இச்சொல்லைப் பிரித்து எழுதக் கிடைப்பது _____________.

அ) தேன் + அருவி

ஆ) தே + னருவி

இ) தே + அருவி

ஈ) தேனி + அருவி

விடை : அ) தேன் + அருவி

4. புத்துணர்ச்சி இச்சொல்லைப் பிரித்து எழுதக் கிடைப்பது ___________.

அ) புதுமை + உணர்ச்சி

ஆ) புத்து + உணர்ச்சி

இ) புதிய + உணர்ச்சி

ஈ) புது + உணர்ச்சி

விடை : அ) புதுமை + உணர்ச்சி

5. அகம் இச்சொல்லின் எதிர்ச்சொல் ___________.

அ) உள்ளே

ஆ) தனியே

இ) புறம்

ஈ) சிறப்பு

விடை : இ) புறம்

6. தேன் + இருக்கும் இதனைச் சேர்த்து எழுதக் கிடைக்கும் சொல் ___________.

அ) தேன் இருக்கும்

ஆ) தேனிருக்கும்

இ) தேனிறுக்கும்

ஈ) தேனி இருக்கும்

விடை : ஆ) தேனிருக்கும்

வினாக்களுக்கு விடையளி

1. நூலகத்தின் வேறு பெயர்கள் யாவை?

வாசக சாலை, படிப்பகம், புத்தகச்சாலை, சுவடிச்சாலை நூல்நிலையம், சுவடியகம்.

2. நூலகத்தின் பயன்கள் யாவை?

(i) நம் அறிவு வளர்கிறது.
(ii) நம்முடைய நேரம் பயனுள்ள முறையில் அமைகிறது.
(iii) வேலைவாய்ப்புத் தொடர்பான நூல்களைப் படிப்பதால் நல்ல வேலையில் சேரவும் முடிகிறது.
(iv) மூளை புத்துணர்ச்சி பெறுகிறது.
(v) தன்னம்பிக்கை ஏற்படுகிறது.

3. நூலகத்தில் குழந்தைகளுக்கான சிறப்பம்சங்கள் என்னென்ன உள்ளன?

(i) குழந்தைகளுக்கான பிரிவு தனியாகவே உள்ளது.
(ii) நூலகத்தில் உள்ள “வாசகர் வட்டம்” மூலமாக “நூலக தினத்தன்று” குழந்தைகளுக்கான போட்டிகள் அனைத்து நூலகங்களிலும் நடத்தப் படுகின்றன.
(iii) போட்டிகளில் கலந்து கொள்வோருக்காகவும், போட்டித் தேர்வினை எழுதுவோருக்காகவும் தனியே பயிற்சிகள் வழங்கப்படுகின்றன.
(iv) ஒவ்வொரு குழந்தையும் அவரவர் வீட்டில் நூலகம் அமைக்க வேண்டும் அதில் நிறைய புத்தகங்களைச் சேமித்து வைத்து புத்தகம் படிக்கும் பழக்கத்தினை வளர்த்துக் கொள்ள வேண்டும்.

4. நீ நூலகத்திற்குச் சென்று வந்ததைப் பற்றி எழுதுக.

நான் எங்கள் ஊரில் உள்ள ஊர்ப்புற நூலகத்திற்குச் சென்றேன். அம்புலிமாமா, யானைச்சவாரி, சிறுவர்மலர், தங்கமலர் நூல்களைப் படித்தேன். சிறுவர் மலர், தங்கமலர் பழைய புத்தகங்களில் நூலகரிடம் கேட்டு வண்ணமிட்டு மகிழ்ந்தேன். மிகவும் அமைதியாக படிக்கச் சொன்னார்கள். தெனாலிராமன் கதைகள், பீர்பால் கதைகள், மரியாதை ராமன் கதைகளைப் படித்தேன். மகிழ்ச்சியாய் இருந்தது. என் நண்பர்களுக்கு கதைகள் கூறினேன்.

சொற்களை உருவாக்குவோமா?

எ.கா: வரிக்குதிரை - வரி, குதிரை, குதி, திரை, வரை.

1. திருநெல்வேலி -

திரு, நெல், வேலி, வேதி, வேல், நெல்லி.

2. பனிப்புயல் -

பனி, புயல், பல், புல்.

எழுத்துகளை முறைப்படுத்தி சொல் உருவாக்குக

விடைகள்: 1. நூலகம், 2. குழந்தைகள், 3. புத்தகங்கள்

நிறுத்தக் குறியீடுகளைப் பயன்படுத்திப் படிப்போமா?

நூலகத்திற்கு நீ சென்றுள்ளாயா? அங்குப் பலவகையான நூல்கள் வைக்கப்பட்டுள்ளன. சிறுகதைப் புத்தகங்கள், புதினங்கள், வரலாற்று நூல்கள், இலக்கிய நூல்கள், இலக்கண நூல்கள் என வரிசைப்படுத்தி வைத்திருப்பர். சிறுவர் இதழ்கள் செய்தித்தாள்கள், வார இதழ்கள், மாத இதழ்கள் போன்ற இதழ்களும் உண்டு. ஆஹா! அங்குச் சென்று படிக்கத் தொடங்கினால் நேரம் போவதே தெரியாது. நூலகத்தின் பொறுப்பாளர் நூலகர் ஆவார். நூலகத்தில் அமைதி காத்திடல் வேண்டும்.

பத்தியைப் படித்து வினாக்களுக்கு விடையளி

பள்ளி முடிந்து வீட்டிற்கு வந்தாள் பூமலர். விளையாடுவதற்காகத் தன் தோழி மாலதி வீட்டிற்குச் சென்றாள் வழியில் இரண்டு சிறுவர்கள் வேலியில் உள்ள ஓணானை அடிப்பதற்குக் கையில் கல்லோடு குறிபார்த்துக் கொண்டிருந்தனர். பூமலர் அவர்களிடம், ஓணானை அடிக்காதீர்கள், உங்களை அடித்தால் உங்களுக்கு வலிக்கும் அல்லவா? அது போல அதற்கும் வலிக்கும். எனவே உயிர்களைத் துன்புறுத்தக் கூடாது என்றாள். சிறிது யோசித்த அச்சிறுவர்கள் கற்களைக் கீழே போட்டுவிட்டுத் தங்களது செயலுக்கு வருத்தம் தெரிவித்தனர்.

1. பூமலர் யார் வீட்டிற்கு விளையாடச் சென்றாள்?

பூமலர் தன் தோழி மாலதி வீட்டிற்கு விளையாடச் சென்றாள்.

2. சிறுவர்கள் என்ன செய்து கொண்டிருந்தனர்?

சிறுவர்கள் வேலியில் உள்ள ஓணானை அடிப்பதற்குக் கையில் கல்லோடு குறிபார்த்துக் கொண்டிருந்தனர்.

3. உயிர்களைத் துன்புறுத்தக் கூடாது என்று கூறியவர் யார்?

வள்ளுவர், வள்ளலார், புத்தர்.

4. இப்பத்தியில் இருந்து நீ அறிந்து கொண்டது என்ன?

எவ்வுயிருக்கும் தீங்கு செய்யக் கூடாது.

பொருத்தமான சொல்லால் நிரப்புக

1. தீ இல்லாமல் சமைக்க முடியாது.

2. விதை இல்லாமல் செடி வளராது.

3. டயர் இல்லாமல் வண்டி ஓடாது.

செயல் திட்டம்

அருகில் உள்ள நூலகத்திற்குச் சென்று உனக்கு விருப்பமான சிறுவர் இதழ்களைப் படித்து அதில் உனக்குப் பிடித்த இரண்டினை எழுதி வரவும்.

(i) சுட்டி விகடன்
(ii) தங்க மலர்

3rd Grade Tamil - Thani Thiramai | Term 1 Chapter 3 Questions and Answers

3 ஆம் வகுப்பு தமிழ்: பருவம் 1 இயல் 3 : தனித்திறமை

பயிற்சி

வாங்க பேசலாம்

1. காட்டின் அரசனாக சிங்கமே இருக்க வேண்டுமா? புலி காட்டுக்கு அரசனாக இருப்பது குறித்து உனது கருத்து என்ன? வகுப்பறையில் விவாதிக்க.

ஈஸ்வரன் : புலி தான் சிங்கத்தைக் காட்டிலும் வீரம் மிகுந்தது.   வேட்டையாடுதலில் புலி தான் சிறந்தது. 

அருண் : சிங்கம்  தான் ராசா! சிங்கத்தின் கர்ஜனை கேட்டிருக்கிறாயா? 

அய்யனார் : வண்டலூர்  பூங்காவில்  கேட்டிருக்கிறேன்.  

கோமளா : நான் நேற்று தொலைக்காட்சியில் பார்த்தேன். புலி ஒன்று மானை வேட்டையாடியது. ஒரே பாய்ச்சல்தான் ஆனால் சிங்கமோ பாவம் பாய்ந்தோடி விட்டது. 

யூசப் : ஆண்  சிங்கம் நடந்து வரும் கம்பீரத்துக்கு  புலி  இணையாகுமா! 

லஷ்மணன் : காட்டுக்கு  ராஜா என்றால் சிங்கம் தான்! 

இசக்கிமுத்து : நம்ம ஊர் காட்டுப் பகுதிகளில் தான்  சிங்கம் கிடையாதே. 

மாயாண்டி : அப்ப நம்ம ஊர் காடுகளில் அரசன் புலி தான்.

படிப்போம் சிந்திப்போம் எழுதுவோம்

சரியான விடையைத் தெரிவு செய்வோமா?

1. தகுதி இச்சொல் உணர்த்தும் பொருள் __________.

அ) தரம்

ஆ) மரம்

இ) கரம்

ஈ) வரம்

விடை : அ) தரம்

2. பகைவர்கள் இச்சொல்லின் எதிர்ச்சொல் ____________.

அ) நண்பர்கள்

ஆ) எதிரிகள்

இ) அயலவர்கள்

ஈ) சகோதரர்கள்

விடை : அ) நண்பர்கள்

3. பணி இச்சொல் உணர்த்தும் பொருள்

அ) வாழை

ஆ) வேளை

இ) வேலை

ஈ) வாளை

விடை : இ) வேலை

4. படைத்தளபதி இச்சொல்லைப் பிரித்து எழுதக் கிடைப்பது

அ) படைத் + தளபதி

ஆ) படை + தளபதி

இ) படையின் + தளபதி

ஈ) படைத்த + தளபதி

விடை : ஆ) படை + தளபதி

5. எதை + பார்த்தாலும் இதனைச் சேர்த்து எழுதக் கிடைக்கும் சொல்

அ) எதைபார்த்தாலும்

ஆ) எதபார்த்தாலும்

இ) எதைப்பார்த்தாலும்

ஈ) எதைபார்த்தாலும்

விடை : இ) எதைப்பார்த்தாலும்

வினாக்களுக்கு விடையளி

1. காட்டில் விலங்குகளின் கூட்டம் யார் தலைமையில் நடைபெற்றது?

காட்டில் விலங்குகளின் கூட்டம் புலியின் தலைமையில் நடைபெற்றது.

2. புலிராஜா, படைத்தளபதி பொறுப்பை யாருக்குக் கொடுத்தார்?

புலிராஜா, சிங்கக்குட்டிக்கு படைத்தளபதி பொறுப்பைக் கொடுத்தார்.

3. ஆந்தைக்கு என்ன பதவி கொடுக்கப்பட்டது?

ஆந்தைக்கு இரவுக்காவல் அமைச்சர் பதவி கொடுக்கப்பட்டது.

4. கரடி எந்தெந்த விலங்குகள் தகுதியற்றவை எனக் கூறியது?

கரடி ஆமை, முயல், கழுதை போன்ற விலங்குகள் தகுதியற்றவை எனக் கூறியது.

5. இந்தக் கதையின் மூலம் நீ அறிந்து கொள்வது யாது?

"யாரையும் குறைவாக எடை போடக் கூடாது.

புதிருக்குப் பொருத்தமான படத்தைப் பொருத்துக.

1. பதுங்கிச் செல்வேன். பாய்ந்து இரையைப் பிடிப்பேன், நான் யார்?

புலி

2. இரவில் விழித்தும் பகலில் தூங்கியும் வாழ்வேன், என் கண்களை எல்லாத்திசையிலும் திருப்புவேன், நான் யார்?

ஆந்தை

3. என் காதுகள் நீண்டிருக்கும் வேகமாக ஓடுவேன், கேரட் எனக்கு மிகவும் பிடிக்கும், நான் யார்?

முயல்

முறைமாறியுள்ள சொற்களை முறைப்படுத்தித் தொடர் உருவாக்குக

1. காட்டில் விலங்குகள் நடந்தது கூட்டம்

காட்டில் விலங்குகள் கூட்டம் நடந்தது.

2. இரவுக்காவல் நீங்கள்தாம் அமைச்சர் ஆந்தையாரே

ஆந்தையாரே நீங்கள்தாம் இரவுக்காவல் அமைச்சர்

3. முயல் ஓடும் வேகமாக அதி

முயல் அதிவேகமாக ஓடும்

4. கூடாது யாரையும் போடக் எடை குறைவாக

யாரையும் குறைவாக எடை போடக் கூடாது

எந்த விலங்கிற்கு, எந்தப் பணி?

கீழே கொடுக்கப்பட்டுள்ள விலங்குகளையும் பணிகளையும் சரியாகப் பொருத்துங்கள்.

பொருத்தப்பட்ட விடைகளைக் காண்க

1. சிங்கம்

: படைத்தளபதி

2. ஆந்தை

: இரவுக்காவல்

3. ஆமை

: சமையல் வேலை

4. முயல்

: பொருள்களைச் சேகரிக்கும் வேலை

5. கழுதை

: எச்சரிக்கைப் பணி

பெயர் எது? செயல் எது?

1. குழலி பாடம் படித்தாள்

பெயர்: குழலி, பாடம்
செயல்: படித்தாள்

2. அமுதன் பந்து விளையாடினான்

பெயர்: அமுதன், பந்து
செயல்: விளையாடினான்

3. மரம் செழித்து வளர்ந்தது

பெயர்: மரம்
செயல்: செழித்து, வளர்ந்தது

மொழியோடு விளையாடு

மாணவர்களை இரு குழுக்களாகப் பிரிக்கவேண்டும் முதல் குழுவினருக்கு விலங்குகள் மற்றும் பறவைகளின் பெயர் எழுதப்பட்ட அட்டையினை ஒவ்வொரு மாணவனுக்கும் ஒன்று வீதம் கொடுக்க வேண்டும். ஆசிரியர் ஒலிப்பான் மூலம் ஒலி எழுப்பியவுடன் முதல் குழுவில் இருந்து ஒரு மாணவன் தனது அட்டையில் எழுதப்பட்டு உள்ள விலங்கு (அ) பறவை போல நடித்து (அ) ஒலி எழுப்பிக் காட்ட வேண்டும். நடிக்கும் விதத்தை (அ) ஒலியைக் கேட்டு அது என்ன விலங்கு? (அ) பறவை? என்பதனை இரண்டாவது குழுவினர் கண்டறிந்து கூறவேண்டும். இவ்வாறே அனைத்து மாணவர்களுக்கும் வாய்ப்புகள் வழங்கப்பட வேண்டும்.

எழுத்துகளின் வகைகள் அறிவோமா?

குழந்தைகளே! நமக்கெல்லாம் பெயர் இருக்கிறது அல்லவா... அதுபோல எழுத்துகளுக்கும் பெயர் வைக்கலாமா..

தமிழில் உள்ள உயிரெழுத்துகள் மொத்தம் - 12

குறில் / குற்றெழுத்துகள்

இந்த ஐந்து எழுத்துகளும் ஓசையில் குறுகி ஒலிக்கின்றன எனவே இவற்றிற்குக் குறில் அல்லது குற்றெழுத்துகள் என்று பெயரிடுவோம்.

நெடில் / நெட்டெழுத்துகள்

இந்த ஏழு எழுத்துகளும் ஓசையில் நீண்டு ஒலிக்கின்றன இவற்றிற்கு நெடில் அல்லது நெட்டெழுத்துகள் என்று பெயரிடுவோம்..

மெய்யெழுத்துகள்

இப்பொழுது மெய்யெழுத்துகளுக்குப் பெயரிடுவோமா... தமிழில் உள்ள மெய்யெழுத்துகள் மொத்தம் - 18.

இவை ஒலிக்கும் தன்மையை வைத்து மூன்று வகைகளாகப் பிரித்துப் பெயரிடுவோம்.

வல்லினம்

யானைகள் எப்படி வலிமையாக இருக்கின்றனவோ அப்படியே க், ச், ட், த், ப், ற் - என்ற எழுத்துகளும் வலிய ஓசை உடையவை, எனவே இவற்றுக்கு வல்லினம் என்று பெயரிடுவோம்.

மெல்லினம்

முயல்கள் எப்படி மென்மையாக இருக்கின்றனவோ அப்படியே ங், ஞ், ண், ந், ம், ன் - என்ற எழுத்துகளும் மெல்லிய ஓசை உடையவை. எனவே இவற்றுக்கு மெல்லினம் என்று பெயரிடுவோம்.

இடையினம்

மான்கள் யானையைப் போன்று வலிமையாகவும் இல்லை, முயலைப் போன்று மென்மையாகவும் இல்லை, இடைப்பட்ட நிலையில் இருக்கின்றன.

அது போல ய், ர், ல், வ், ழ், ள் - என்ற எழுத்துகளும், வன்மையாகவும் இல்லாமல் மென்மையாகவும் இல்லாமல் இடைப்பட்ட ஓசை உடையதால் இவற்றுக்கு இடையினம் என்று பெயரிடுவோம்.

ஃ என்பது ஆய்த எழுத்து அல்லது தனிநிலை எனப்படும். எழுத்துகளின் பெயர்கள் இனிமையாக இருக்கின்றன அப்படித்தானே.

2nd Tamil Term 3 Chapter 2 | Small Form, Big World! | Questions & Answers

பருவம் 3 இயல் 2 | 2 ஆம் வகுப்பு தமிழ் - சிறிய உருவம்! பெரிய உலகம்!

வாய்மொழியாக விடை கூறு

1. கண்மணி எங்கெங்கே சென்றாள்? என்னவெல்லாம் பார்த்தாள்?

2. கண்மணிக்கு என்னென்ன மாற்றங்கள் ஏற்பட்டன?

3. கண்மணியைப் போல உனக்கு எங்கெல்லாம் சென்று பார்க்க ஆசை?

விடை எழுதுக

1. கண்மணி எங்கெங்கே சென்றாள்?

விடை: கண்மணி முதலில் எறும்பு புற்றுக்குச் சென்றாள். பின்னர் தேன் கூட்டிற்கு சென்றாள்.

2nd Grade Tamil: Term 1 Chapter 8 - Iraku | Questions and Answers

இறகு: கேள்விகள் மற்றும் பதில்கள்

2 ஆம் வகுப்பு தமிழ் : பருவம் 1 இயல் 8 : இறகு

ஆசிரியர்: அழ. வள்ளியப்பா

பேசுவோம் வாங்க!

இறகைக் கண்டெடுத்த குழந்தை என்ன செய்ய நினைத்தது? ஏன்?