3rd Grade Maths: Time - Cyclic Events in a Year | Term 3 Unit 6

நேரம்

3 ஆம் வகுப்பு கணக்கு | மூன்றாம் பருவம் | அலகு 6

ஒரு வருடத்தின் கால சுழற்சி நிகழ்வுகள்

ஒவ்வொரு நாளும் நாம் காலையில் எழுத்து இரவில் உறங்கச் செல்கிறோம்.

இந்தச் செயல்பாடு தினமும் நிகழ்கிறது.

தினமும் காலையில் சூரியன் உதித்து மாலையில் மறைகிறது.

ஒரே மாதிரியாக அதிக மாற்றமில்லாமல் திரும்பத் திரும்ப நடைபெறும் நிகழ்வுகள் ஒரு சுழற்சியைக் குறிக்கின்றன.

பகலும் இரவும் மாறி மாறி வருவது ஒரு சுழற்சியை ஏற்படுத்துகிறது.

மரம் வளர்தல், வீடு கட்டுதல் போன்ற சில நிகழ்வுகள் மீளவும் நிகழாது. இவை சுழற்சியை ஏற்படுத்தாது.

1. சுழற்சியை ஏற்படுத்தும் மற்றும் ஏற்படுத்தாத நிகழ்வுகளைப் பட்டியலிடுக.

i. பள்ளிக்கு வருதல்

ii. கடிகாரத்தின் சுழற்சி

iii. வாரத்தின் நாட்கள்

iv. உங்கள் செல்லப் பிராணியின் வளர்ச்சி

v. வீடு கட்டுதல்

vi. இட்லி தயாரித்தல்

2. கொடுக்கப்பட்ட சுழற்சியின் நிகழ்வுகளை நிறைவு செய்க.

செயல்பாடு

ஒரு வருடத்தின் மாத சுழற்சியைத் தயாரித்தல்

❖ ஆசிரியர் மாதங்களின் பெயர் கொண்ட அட்டைகளைத் தயாரிக்கவும்.

❖ மாணவர்களின் எண்ணிக்கைக்கு ஏற்ப குழுவாகப் பிரிக்கவும்.

❖ ஒவ்வொரு குழுவிற்கும் ஒரு தொகுதி அட்டையைக் கொடுக்கவும். ஒவ்வொரு அட்டைத் தொகுதியையும் மாற்றி வைக்கவும்.

❖ குழுக்களைச் சரியான மாத சுழற்சியின் படி வரிசைப்படுத்துமாறு கூறவும்.

3rd Grade Maths: Time - Chronological Order | Term 3 Unit 6

3 ஆம் வகுப்பு கணக்கு : மூன்றாம் பருவம் அலகு 6 : நேரம் - கால முறை வரிசை

கால முறை வரிசை

உங்கள் தாய் இட்லி சமைப்பதைப் பார்த்திருக்கிறீர்களா? அவர்கள் எவ்வாறு அதனைச் சமைப்பார்கள்?

❖ முதலில் அரிசியையும் உளுந்தையும் தண்ணீரில் ஊர வைப்பார்.

❖ இரண்டாவதாக ஊறிய பொருள்களை அரைத்து உப்பு சேர்த்து மாவாக மாற்றுவார்.

❖ மூன்றாவதாகப் புளிப்பதற்காக மாவை ஓரிரவு அப்படியே வைப்பார்.

❖ நான்காவதாக மாவை வேக வைத்து இட்லி செய்வார்.

இட்லி சமைக்கும் செயலில் இந்த நிகழ்வுகள் ஒன்றன் பின் ஒன்றாக நடைபெறும்.

நிகழ்வுகளை அவை நடைபெறும் வரிசையில் வரிசைப்படுத்தும் முறையைக் கால முறை வரிசை என்று அழைப்போம்.

கால முறை வரிசையில் பொருள்களை வரிசைப்படுத்துவதற்கான எடுத்துக்காட்டு

❖ வரலாற்று நிகழ்வுகள்

❖ கல்வித் தகுதி

❖ குடும்ப வரைபடம்

1. முதலில் நடைபெறும் நிகழ்விற்கு ‘மு’ எனவும் அடுத்ததாக நடைபெறும் நிகழ்விற்கு ‘அ’ எனவும் எழுதுக.

1. சாப்பிடுதல் ____ சமைத்தல் ____

2. தொடர்வண்டி அல்லது பேருந்தில் ஏறுவது ____ செல்ல வேண்டிய இடத்தைச் சென்றடைதல் ____

3. வரைபடம் வரைதல் ____ வண்ணம் தீட்டுதல் ____

4. பையிலிருந்து புத்தகத்தை எடுத்தல் ____ வாசித்தல் ____

5. கதவைத் திறப்பது ____ அறையினுள் நுழைதல் ____

விடைகளைக் காண்க

1. சாப்பிடுதல் (அ) சமைத்தல் (மு)

2. தொடர்வண்டி அல்லது பேருந்தில் ஏறுவது (மு) செல்ல வேண்டிய இடத்தைச் சென்றடைதல் (அ)

3. வரைபடம் வரைதல் (மு) வண்ணம் தீட்டுதல் (அ)

4. பையிலிருந்து புத்தகத்தை எடுத்தல் (மு) வாசித்தல் (அ)

5. கதவைத் திறப்பது (மு) அறையினுள் நுழைதல் (அ)

இது கயல்விழியின் குடும்பம்

தாத்தா, பாட்டி, தந்தை, தாய், கயல்விழி மற்றும் அவளது இளைய சகோதரன் எனும் வரிசையே கயல்விழி குடும்பத்தின் கால முறை வரிசை ஆகும்.

2. பின்வரும் நிகழ்வுகளைக் கால முறை வரிசையில் வரிசைப்படுத்துக.

i. நடக்க ஆரம்பித்தல், பிறப்பு, பள்ளியில் முதல் வகுப்பில் சேர்த்தல், மூன்றாம் வகுப்பில் பயிலுதல், இரண்டாம் வகுப்பில் பயிலுதல்.

விடையைக் காண்க

1. பிறப்பு,

2. நடக்க ஆரம்பித்தல்,

3. பள்ளியில் முதல் வகுப்பில் சோத்தல்,

4. இரண்டாம் வகுப்பில் பயிலுதல்,

5. மூன்றாம் வகுப்பில் பயிலுதல்.

ii. விதை விதைத்தல், காய் காய்த்தல், பழம் பழுத்தல், பூ பூத்தல், செடி வளர்தல்.

விடையைக் காண்க

1. விதை விதைத்தல்,

2. செடி வளர்தல்,

3. காய் காத்தல்,

4. பூ பூத்தல்,

5. பழம் பழுத்தல்.

3. உங்கள் குடும்ப உறுப்பினர்களின் பெயர்களைக் காலமுறை வரிசைப்படி எழுதுக.

உங்கள் குடும்ப உறுப்பினர்களின் பிறந்த வருடங்களைக் கேட்டறிந்து கால முறையில் வரிசைப்படுத்தவும்.

1. (தாத்தாவின் பெயர்)

2. (பாட்டியின் பெயர்)

3. (அப்பா பெயர்)

4. (அம்மா பெயர்)

5. (அண்ணன் / அக்கா பெயர்)

6. (உன் பெயர்)

7. (தம்பி / தங்கை பெயர்)

3rd Maths: Term 3 Unit 6 - Time | A Day's Timeline Explained

அலகு 6: நேரம்

3 ஆம் வகுப்பு கணக்கு - மூன்றாம் பருவம்

ஒரு நாளிலுள்ள நேரங்கள்

வானத்தைப் பாருங்கள். ஒரு நாள் முழுவதும் ஒரே மாதிரி உள்ளதா?

சில சமயங்களில் (நேரங்களில்) சூரியன் பளிச்சிடுகிறது. சில நேரங்களில் நிலவும் நட்சத்திரங்களும் மின்னுகின்றன.

சூரியன் பளிச்சிடும் பொழுதைப் பகல் எனவும் நிலவும் நட்சத்திரங்களும் மின்னும் பொழுதை இரவு எனவும் அழைக்கிறோம்.

பகல் பொழுது 12 மணி நேரமும் இரவுப் பொழுது 12 மணிநேரமும் சேர்ந்து 24 மணி நேரம் கொண்டது ஒரு நாள் ஆகிறது.

1. பின்வரும் நிகழ்வுகள் நிகழும் நேரத்தைப் பொருத்து வகைப்படுத்துக.

1. சூரிய உதயம்

2. சூரியன் மறையும் நேரம்

3. பள்ளிக்கு வரும் நேரம்

4. பள்ளியிலிருந்து வீட்டிற்குச் செல்லும் நேரம்

5. காலைச் சிற்றுண்டி

6. இரவு உணவு

7. இருளாக இருக்கும் நேரம்

8. நாம் காலை வணக்கம் சொல்லும் நேரம்

9. நாம் மாலை வணக்கம் சொல்லும் நேரம்