12th Tamil Public Exam June 2024 - Original Question Paper & Complete Answer Key

12th Tamil Public Exam - June 2024

Original Question Paper & Answer Key

கால அளவு: 3.00 மணி நேரம் | மதிப்பெண்கள் : 90

பகுதி - I (மதிப்பெண்கள்: 14)

அனைத்து வினாக்களுக்கும் விடை தருக. (14 × 1 = 14)

1. சங்க இலக்கியத்தில், அகத்திணை மாந்தர்களின் உள்ளத்து உணர்வுகளைக் குறிப்பாக உணர்த்தும் குறியீடுகள் :

• (அ) உவமை
• (ஆ) தண்டியலங்காரம்
• (இ) உத்தி
• (ஈ) உள்ளுறை உவமை ✓ Correct

2. இலக்கியத்தையும் மொழியையும் ஒருசேரப் பேசுகின்ற இலக்கண நூல் :

• (அ) யாப்பருங்கலக்காரிகை
• (ஆ) தண்டியலங்காரம்
• (இ) தொல்காப்பியம் ✓ Correct
• (ஈ) நன்னூல்

3. கடையெழு வள்ளல்களின் வரிசையைச் சாராத மன்னர்கள் :

• (அ) ஆய் அண்டிரனும் அதிகனும்
• (ஆ) நல்லியக்கோடனும் குமணனும் ✓ Correct
• (இ) நள்ளியும் ஓரியும்
• (ஈ) பாரியும் காரியும்

4. திண்ணியர் என்பதன் பொருள் :

• (அ) அறிவுடையவர்
• (ஆ) மனஉறுதியுடையவர் ✓ Correct
• (இ) தீக்காய்வார்
• (ஈ) அறிவினார்

5. கூற்று 1: காப்பியம் என்னும் சொல் காப்பு + இயம் எனப் பிரிந்து மரபைக் காப்பது, இயம்புவது, வெளிப்படுத்துவது. மொழியைச் சிதையாமல் காப்பது என்றெல்லாம் பொருள் தருகிறது.
கூற்று 2: ஐம்பெருங்காப்பியங்களுள் ஒன்று நீலகேசி.

• (அ) கூற்று (1) சரி, கூற்று (2) தவறு ✓ Correct
• (ஆ) கூற்று (2) சரி, கூற்று (1) தவறு
• (இ) இரண்டும் சரி
• (ஈ) இரண்டும் தவறு

விளக்கம்: நீலகேசி என்பது ஐஞ்சிறுங்காப்பியங்களுள் ஒன்றாகும். எனவே கூற்று 2 தவறு.

6. 'உள்ளொன்று வைத்துப் புறம்பொன்று பேசுவார்' - இத்தொடர் உணர்த்தும் பண்பு :

• (அ) நேர்மறைப் பண்பு
• (ஆ) எதிர்மறைப் பண்பு
• (இ) முரண் பண்பு ✓ Correct
• (ஈ) இவை அனைத்தும்

7. அதிசய மலரின் புன்னகை உணர்த்துவது:

• (அ) நம்பிக்கை ✓ Correct
• (ஆ) பெருமிதம்
• (இ) புகழ்
• (ஈ) அச்சம்

8. சுரதா நடத்திய கவிதை இதழ் :

• (அ) இலக்கியம்
• (ஆ) காவியம் ✓ Correct
• (இ) ஊர்வலம்
• (ஈ) விண்மீன்

9. 'குழிமாற்று' என்னும் சொல்லோடு தொடர்புடைய துறை :

• (அ) இலக்கியம்
• (ஆ) கணிதம் ✓ Correct
• (இ) புவியியல்
• (ஈ) வேளாண்மை

10. யார் ? எது? ஆகிய வினாச்சொற்கள் பயனிலையாய் அமைந்து, உணர்த்தும் திணைகள் முறையே:

• (அ) அஃறிணை, உயர்திணை
• (ஆ) உயர்திணை, அஃறிணை ✓ Correct
• (இ) விரவுத்திணை, அஃறிணை
• (ஈ) விரவுத்திணை, உயர்திணை

11. வெள்ளச் சமவெளிகள் அழியக் காரணம்:

• (அ) பருவநிலை மாற்றம்
• (ஆ) மணல் அள்ளுதல் ✓ Correct
• (இ) பாறைகள் இல்லாமை
• (ஈ) நிலத்தடிநீர் உறிஞ்சப்படுதல்

12. புதுப்பெயல் பொழிந்தென - இத்தொடரில் 'புதுப்பெயல்' என்பதன் இலக்கணக்குறிப்பு :

• (அ) வினைத்தொகை
• (ஆ) உரிச்சொல் தொடர்
• (இ) பண்புத்தொகை ✓ Correct
• (ஈ) ஈறுகெட்ட எதிர்மறைப் பெயரெச்சம்

13. வேறுபட்டதைத் தேர்வு செய்க.

• (அ) அண்மைக் காட்சித் துணிப்பு
• (ஆ) சேய்மைக் காட்சித் துணிப்பு
• (இ) நடுக் காட்சித் துணிப்பு
• (ஈ) காட்சி மறைவு ✓ Correct

14. படிமம் என்பதன் பொருள் :

• (அ) சொல்
• (ஆ) செயல்
• (இ) காட்சி ✓ Correct
• (ஈ) இவற்றில் ஏதுமில்லை

பகுதி - II

பிரிவு - 1 (எவையேனும் மூன்றனுக்கு விடை தருக) 3 × 2 = 6

15. எதிர்பாராத நிகழ்வுகளை ஜலாலுத்தீன் ரூமி எவ்வாறு உருவகப்படுத்துகிறார் ?

விடை: எதிர்பாராத நிகழ்வுகளை, நம் வீட்டிற்கு வரும் விருந்தினர்களாக ஜலாலுத்தீன் ரூமி உருவகப்படுத்துகிறார். ஒவ்வொரு நாளும் வரும் புதிய அனுபவங்களையும், உணர்வுகளையும் எதிர்பாராத விருந்தாளிகளைப் போல ஏற்று உபசரிக்க வேண்டும் என்கிறார்.

16. ஒருமுக எழினி, பொருமுக எழினி - குறிப்பு எழுதுக.

விடை:
ஒருமுக எழினி: மேடையின் ஒரு புறத்திலிருந்து மறுபுறத்திற்குச் சுருட்டி விடப்படும் திரை.
பொருமுக எழினி: மேடையின் இரண்டு புறங்களிலிருந்தும் வந்து நடுவில் ஒன்றோடொன்று பொருந்திச் சேரும் திரை.

17. அறிவுடை வேந்தனின் நெறி குறித்து, பிசிராந்தையார் கூறுவன யாவை ?

விடை: அறிவுடைய அரசன், மக்களிடம் முறைப்படி வரியை வசூலித்தால் நாடு செழிக்கும். யானை தான் உண்ணும் கவளத்தை முறையோடு உண்டால் பல நாட்களுக்கு உணவு கிடைக்கும்; ஆனால் யானை தானே வயலில் புகுந்து உண்டால், அது உண்ணும் அளவை விட அதன் கால்களால் மிபட்டு அழியும் நெற்பயிர்கள் அதிகம். அதுபோல அரசன் அதிக வரி விதித்தால் நாடும் கெடும், அரசனும் அழிவான்.

18. கவிஞர் சிற்பி எவற்றை வியந்து பாட, தமிழின் துணை வேண்டும் என்கிறார் ?

விடை: பாண்டியரின் சங்கத்தில் கொலுவிருந்த சிறப்பும், பாரியின் பரிம்பு மலையிலிருந்து பெருகிய அருவி போன்ற சிறப்பும் கொண்ட தமிழின் பெருமைகளையும், சீரிளமைத் திறத்தையும் வியந்து பாடத் தமிழின் துணை வேண்டும் என்கிறார் கவிஞர்.

பிரிவு - 2 (எவையேனும் இரண்டனுக்கு மட்டும் விடை தருக) 2 × 2 = 4

19. 'தமிழர் வளர்த்த அழகுக் கலைகள்' நூல் பற்றிக் குறிப்பு வரைக.

விடை: 'தமிழர் வளர்த்த அழகுக் கலைகள்' என்னும் நூலின் ஆசிரியர் மயிலை சீனி. வேங்கடசாமி ஆவார். இந்நூல் தமிழர்களின் கட்டடக் கலை, சிற்பக் கலை, ஓவியக் கலை, இசைக் கலை போன்ற பல்வேறு நுண்கலைகளின் சிறப்புகளை வரலாற்றுச் சான்றுகளுடன் விளக்குகிறது.

20. 'ஆளுக்கொரு மரம் வளர்ப்போம்' என்னும் முழக்கத்தொடர் வாயிலாக எவற்றை வலியுறுத்துவாய் ?

விடை:

• சுற்றுச்சூழல் பாதுகாப்பின் அவசியத்தை வலியுறுத்துவேன்.
• புவி வெப்பமடைவதைத் தடுத்து, தூய்மையான காற்றைப் பெறுவதை வலியுறுத்துவேன்.
• மழை வளத்தைப் பெருக்கி நிலத்தடி நீர்மட்டத்தை உயர்த்துவதன் தேவையை உணர்த்துவேன்.

21. சங்க காலத்தில் தாய்வழிச் சமூக முறையில் பெண்கள் பெற்றிருந்த உரிமைகள் யாவை ?

விடை: சங்க காலத்தில் தாய்வழிச் சமூகத்தில் குலத்தொடர்ச்சி பெண்களை மையமாகக் கொண்டே அமைந்திருந்தது. குடும்பத்தின் சொத்துரிமை பெண்களுக்கு மட்டுமே வழங்கப்பட்டிருந்தது. தாய்வழி வந்த சொத்துகள் அவளது மகளுக்கே சென்றடைந்தன.

பிரிவு - 3 (எவையேனும் ஏழனுக்கு விடை தருக) 7 × 2 = 14

22. வேறொரு பொருள் அமையுமாறு சொற்களைச் சேர்த்துத் தொடரமைக்க.
மாணவர்கள் வரிசையில் நின்று அறிவியல் கண்காட்சியைக் கண்டனர்.

விடை: அறிவியல் மாணவர்கள் வரிசையில் நின்று கண்காட்சியைக் கண்டனர்.

23. மயங்கொலிச் சொற்களை ஒரே தொடரில் அமைத்து எழுதுக.
அலை, அளை, அழை

விடை: கடல் அலையில் விளையாடிக் கொண்டிருந்தவனை, நண்டு அளையிலிருந்து வெளிவருவதைக் காண வருமாறு அழைத்தேன்.

24. பொருத்தமான வேற்றுமை உருபுகளைச் சேர்த்துத் தொடரமைக்க.
காலை எழுந்து படித்து நமக்கு நன்மை ஏற்படும்.

விடை: காலையில் எழுந்து படிப்பதனால் நமக்கு நன்மை ஏற்படும்.

25. தொடரில் உள்ள பிழைகளை நீக்கி எழுதுக.
நம் மானிலம் இந்த ஆண்டு வரட்சியால் பாதிக்கப்பட்டது.

விடை: நம் மாநிலம் இந்த ஆண்டு வறட்சியால் பாதிக்கப்பட்டது.

26. சொல்லைப் பிரித்தும் சேர்த்தும் தொடரமைக்க.
(அ) பலகை

விடை:
பலகை: தச்சர் மரப் பலகையில் நாற்காலி செய்தார். (சேர்த்து)
பல + கை: ஒரு செயலைச் செய்து முடிக்கப் பல கைகள் ஒன்றிணைய வேண்டும். (பிரித்து)

27. ஏதேனும் ஒன்றனுக்குப் பகுபத உறுப்பிலக்கணம் தருக.
(அ) சாற்றி (ஆ) அமர்ந்தனன்

விடை (அ) சாற்றி: சாற்று + இ
சாற்று - பகுதி
இ - வினையெச்ச விகுதி

விடை (ஆ) அமர்ந்தனன்: அமர் + த்(ந்) + த் + அன் + அன்
அமர் - பகுதி
த் - சந்தி ('ந்' ஆனது விகாரம்)
த் - இறந்தகால இடைநிலை
அன் - சாரியை
அன் - ஆண்பால் வினைமுற்று விகுதி

28. ஏதேனும் ஒன்றனுக்குப் புணர்ச்சி விதி தருக.
(அ) செந்தமிழே (ஆ) தலைக்கோல்

விடை (அ) செந்தமிழே: செம்மை + தமிழ் + ஏ
விதி 1: "ஈறுபோதல்" - இதன்படி 'மை' விகுதி கெட்டு (செம் + தமிழ் + ஏ) என்றானது.
விதி 2: "முன்னின்ற மெய்திரிதல்" - இதன்படி 'ம்' ஆனது 'ந்' ஆகத் திரிந்து (செந் + தமிழ் + ஏ) செந்தமிழே எனப் புணர்ந்தது.

விடை (ஆ) தலைக்கோல்: தலை + கோல்
விதி: "இயல்பினும் விதியினும் நின்ற உயிர்முன் கசதப மிகும்" - இதன்படி 'க்' தோன்றி தலைக்கோல் எனப் புணர்ந்தது.

29. தொடரில் இடம்பெற்றுள்ள மரபுப் பிழைகளை நீக்கி எழுதுக.
வன விலங்குக் காப்பகத்தில் சிங்கக்குட்டியும் யானைக் குட்டியும் கண்டேன்.

விடை: வன விலங்குக் காப்பகத்தில் சிங்கக் குருளையும் யானைக் குட்டியும்யும் கண்டேன்.

30. பத்தியைப் படித்துத் தேவையான இடங்களில் நிறுத்தக்குறிகளை இட்டு எழுதுக.
இளங்கோவடிகள் சாத்தனாரிடம் முன்செய்த வினை நிறைவேறும் காலம் என்றீர்களே அவர்களுடைய முந்தைய வினை யாது அதன் விளைவு என்ன நிகழ்ந்த காலம் யாது அதை நீங்கள் அறிந்திருந்தால் கூறுக எனக் கேட்டார்

விடை: இளங்கோவடிகள் சாத்தனாரிடம், "முன்செய்த வினை நிறைவேறும் காலம் என்றீர்களே, அவர்களுடைய முந்தைய வினை யாது? அதன் விளைவு என்ன? நிகழ்ந்த காலம் யாது? அதை நீங்கள் அறிந்திருந்தால் கூறுக!" எனக் கேட்டார்.

பகுதி - III

பிரிவு - 1 (எவையேனும் இரண்டு வினாக்களுக்கு விடை தருக) 2 × 4 = 8

31. குகனோடு ஐவராகி, வீடணனோடு எழுவரான நிகழ்வுகளைச் சுட்டிக் காட்டுக.

விடை: இராமன், இலக்குவன், பரதன், சத்துருக்கனன் ஆகிய நால்வரும் உடன்பிறந்தவர்கள். வனவாசம் சென்ற இராமன், கங்கைக் கரையில் வேட்டுவத் தலைவனான குகனைச் சந்தித்து, அவன் அன்பில் நெகிழ்ந்து அவனையும் தன் தம்பியாக ஏற்று "குகனோடு ஐவரானோம்" என்றான். பின்னர், இலங்கை போருக்கு முன் சரணடைந்த இராவணனின் தம்பி வீடணனை ஏற்று "வீடணனோடு எழுவரானோம்" என்று உரைத்தான். இது இராமனின் பரந்த அன்பையும், சகோதரத்துவத்தையும் உணர்த்துகிறது.

32. இடஞ்சுட்டிப் பொருள் விளக்குக.
எங்கிருந்தோ வருகிறது
வண்ணத்துப் பூச்சியொன்று
பறவைகளும் வரக் கூடும் நாளை

இடம்: இக்கவிதை வரிகள் 'ஆளுக்கொரு மரம் வளர்ப்போம்' என்ற பொருண்மையில் அமைந்த கவிதையில் இடம்பெற்றுள்ளன.
பொருள்: மரம் வளர்ப்பதன் பயனாகப் பல்லுயிர்ப் பெருக்கம் ஏற்படும் என்பதை உணர்த்துகிறது.
விளக்கம்: நட்ட மரம் துளிர்விட்டு வளரத் தொடங்கியவுடன், எங்கிருந்தோ ஒரு வண்ணத்துப்பூச்சி அதனைத் தேடி வருகிறது. மரம் இன்னும் பெரிதாக வளர்ந்தால், பல பறவைகளும் வந்து கூடுகட்டும் என்ற நம்பிக்கையை இத்தொடர் அழகாக உணர்த்துகிறது.

பிரிவு - 1 (எவையேனும் இரண்டு வினாக்களுக்கு விடை தருக) 2 × 4 = 8

33. அறிவின் மேன்மை பற்றித் திருக்குறள் வழி நீவிர் கருதுவன யாவை ?

விடை:

• அறிவு அரண்: அறிவு என்பது அழிவு வராமல் காக்கும் கருவியாகும். பகைவராலும் அழிக்க முடியாத உள்கோட்டையும் ஆகும்.
• மனத்தைக் கட்டுப்படுத்தல்: மனம் சென்ற வழியில் அதனைச் செல்ல விடாமல், தீமையானவற்றிலிருந்து விலக்கி நல்வழியில் செலுத்துவதே மெய்யான அறிவாகும்.
• மெய்ப்பொருள் காண்பது: எப்பொருளை யார் யாரிடம் கேட்டாலும், அப்பொருளின் மெய்யான பொருளைக் காண்பதே அறிவாகும்.
• உலகத்தோடு ஒட்ட ஒழுகல்: உயர்ந்தோர் உலகத்து வாழும் நெறியை அறிந்து, உலகத்தோடு பொருந்தி வாழ்வதே சிறந்த அறிவாகும்.

34. வாடைக் காலத்தில் கோவலர்கள் எவ்வாறு பாதுகாப்பைத் தேடினர் ?

விடை:

• கடுமையான வாடைக் காற்றில் இருந்து தங்களைப் பாதுகாத்துக் கொள்ள, கோவலர்கள் (இடையர்கள்) தங்கள் எருமைகள், பசுக்கள், ஆடுகள் ஆகியவற்றை மேடான நிலங்களுக்கு ஓட்டிச் சென்றனர்.
• தாங்கள் பழகிய நிலத்தை விட்டுப் பெயரும் துன்பத்தை அடைந்தனர்.
• பனிக்குளிரைத் தாங்க முடியாமல் பலரும் ஒன்றாகச் சேர்ந்து நெருப்பை மூட்டி, தங்கள் கைகளைக் காய்ச்சி குளிரைப் போக்கிக் கொண்டனர்.
• அப்படியும் குளிர் நீங்காமல், பற்கள் நடுங்கும்படி கைகளைக் கன்னத்தில் வைத்துக் கொண்டு நின்றனர்.

பிரிவு - 2 (எவையேனும் இரண்டு வினாக்களுக்கு விடை தருக) 2 × 4 = 8

35. நீங்கள் ஆசிரியரானால் மாணாக்கரை அன்பினால் எவ்வகையில் நெறிப்படுத்துவீர்கள்?

விடை:

• மாணவர்களிடம் கண்டிப்பைக் காட்டிலும் பரிவையும், அன்பையும் காட்டி அவர்கள் குறைகளைக் கேட்டறிவேன்.
• தவறு செய்யும் மாணவர்களைத் தண்டிக்காமல், அன்பால் அறிவுரை கூறித் திருத்துவேன்.
• ஒவ்வொரு மாணவனின் தனித்திறனை அறிந்து, அவர்களை ஊக்கப்படுத்தி நல்வழிப்படுத்துவேன்.
• அறநெறிக்கதைகள் மற்றும் உயர்ந்த மனிதர்களின் வாழ்க்கை வரலாறுகளைக் கூறி நற்பண்புகளை வளர்ப்பேன்.

36. மழைவெள்ளப் பாதிப்பிலிருந்து காத்துக்கொள்ளும் முன்னெச்சரிக்கை நடவடிக்கைகளைக் குறிப்பிடுக.

விடை:

• வானிலை அறிக்கை எச்சரிக்கைகளைத் தொடர்ந்து கவனித்துச் செயல்பட வேண்டும்.
• தாழ்வான பகுதிகளில் வசிப்பவர்கள், முன்கூட்டியே பாதுகாப்பான முகாம்களுக்கோ அல்லது மேடான இடங்களுக்கோ செல்ல வேண்டும்.
• குடிநீர், உணவுப் பொருட்கள், மெழுகுவர்த்தி, தீப்பெட்டி, மருந்துப் பொருட்கள் போன்ற அத்தியாவசியப் பொருட்களைப் போதிய அளவு சேமித்து வைக்க வேண்டும்.
• மழைக்காலத்தில் மின்கசிவு அபாயத்தைத் தவிர்க்க, தேவையற்ற மின் இணைப்புகளைத் துண்டித்து வைக்க வேண்டும்.

37. மயிலை சீனி. வேங்கடசாமி நினைவுச் சிறப்பிதழுக்குச் செய்திகள் உருவாக்கித் தருக.

விடை:
சிறப்பிதழ் தலைப்பு: ஆய்வுக் களஞ்சியம்
அறிமுகம்: தமிழ் ஆய்வில் புதிய தடங்களைப் பதித்தவர் மயிலை சீனி. வேங்கடசாமி.
படைப்புகள்: 'தமிழர் வளர்த்த அழகுக் கலைகள்', 'பௌத்தமும் தமிழும்', 'சமணமும் தமிழும்', 'கிறித்தவமும் தமிழும்' போன்ற நூல்களை எழுதித் தமிழுக்குப் பெருமை சேர்த்தார்.
சிறப்பு: கட்டடக் கலை, சிற்பக் கலை, ஓவியக் கலை ஆகிய நுண்கலைகள் குறித்துத் தமிழில் முதன்முதலில் நூல்களைப் படைத்தவர் இவரே.
பணி: ஆசிரியராகவும், இதழாளராகவும், ஆராய்ச்சியாளராகவும் விளங்கிய இவரது தமிழ்த்தொண்டைப் போற்றுவோம்!

38. திரைப்படத்தின் காட்சியின் ஆற்றலை எடுத்துக்காட்டுடன் புலப்படுத்துக.

விடை:

• திரைப்படத்தில் சொற்களை விட 'காட்சி மொழி'யே அதிக ஆற்றல் வாய்ந்தது.
• காட்சிகளின் மூலம் ஒரு கதையின் முழு உணர்வையும் பார்வையாளர்களுக்குக் கடத்த முடியும்.
• எடுத்துக்காட்டு: சார்லி சாப்ளின் படங்களில் வசனங்கள் கிடையாது. ஆனால், அவரது உடல் அசைவுகளும், முகபாவனைகளும், பின்னணிக் காட்சிகளும் பார்வையாளர்களைச் சிரிக்கவும் சிந்திக்கவும் வைக்கின்றன. வறுமையின் கொடுமையை ஒரு பழைய கிழிந்த காலணியை வேகவைத்து உண்ணும் காட்சியின் மூலம் ஆழமாகப் பதிய வைப்பார்.

பிரிவு - 3 (எவையேனும் மூன்றனுக்கு மட்டும் விடை தருக) 3 × 4 = 12

39. (அ) பொருள் வேற்றுமை அணியைச் சான்று தந்து விளக்குக.

விடை:
அணி இலக்கணம்: இரு வேறு பொருள்களுக்கு இடையே உள்ள ஒற்றுமையைக் கூறி, பின்பு அவற்றுள் ஒன்றை மற்றொன்றிலிருந்து வேறுபடுத்திக் காட்டுவது 'பொருள் வேற்றுமை அணி' எனப்படும்.
சான்று:
தீயினாற் சுட்டபுண் உள்ளாறும் ஆறாதே
நாவினாற் சுட்ட வடு.
விளக்கம்: தீ, கொடிய சொல் ஆகிய இரண்டும் சுடும் தன்மை உடையவை என ஒற்றுமைப்படுத்திக் கூறி, பின்னர் தீயினால் சுட்ட புண் ஆறிவிடும், ஆனால் கொடிய சொல்லால் சுட்ட வடு ஆறாது என வேறுபடுத்திக் காட்டுவதால் இது பொருள் வேற்றுமை அணி ஆயிற்று.

39. (ஆ) அன்பும் அறனும் உடைத்தாயின் இல்வாழ்க்கை பண்பும் பயனும் அது. - இக்குறட்பாவில் பயின்று வரும் அணியை விளக்குக.

விடை:
அணி: நிரல்நிறை அணி.
அணி இலக்கணம்: சொல்லையும் பொருளையும் வரிசையாக நிறுத்தி, அவ்வரிசைப்படியே இணைத்துப் பொருள் கொள்வது 'நிரல்நிறை அணி' எனப்படும்.
விளக்கம்: இக்குறளில் அன்பு, அறன் என்ற சொற்களை வரிசையாக நிறுத்தி, அவற்றுக்கு நேராகப் பண்பு, பயன் என்ற சொற்களை இணைத்துப் பொருள் கொள்ள வேண்டும். அதாவது, இல்வாழ்க்கையில் அன்பு இருந்தால் அதுவே அந்த வாழ்க்கையின் பண்பு ஆகும்; அறம் இருந்தால் அதுவே அந்த வாழ்க்கையின் பயன் ஆகும் என வரிசைப்படுத்திப் பொருள் கொள்வதால் இது நிரல்நிறை அணி ஆகும்.

40. இலக்கிய நயம் பாராட்டுக.
(பெற்றெடுத்த தமிழ்த்தாயைப் பின்னால் தள்ளி... தெய்வக்கவி பாரதிஓர் ஆசான் திண்ணம்.)

விடை:
திரண்ட கருத்து: பெற்றெடுத்த தமிழ்த்தாயைப் பின்னால் தள்ளிவிட்டுப் பிற மொழிக்குச் சிறப்பளிக்கும் பிழையை நீக்க, அன்பு மொழிகளால் இந்த உலகை உலுங்க வைத்தவர் பாரதியார். தமிழ் மொழிக்கு நிகரான மொழி உலகில் உண்டோ? எனத் தமிழின் இனிமையைக் காண்பாய் என்று கம்பனையும் வள்ளுவனையும் சுட்டிக்காட்டி நம் அகக்கண்ணைத் திறந்த தெய்வக் கவிஞரான பாரதியார் ஓர் ஆசான் என்பது உறுதி.
மோனை நயம் (முதல் எழுத்து ஒன்றி வருதல்):
பெற்றெடுத்த - பிறமொழிக்கு
கற்றுணர்ந்தே - கம்பனொடு
எதுகை நயம் (இரண்டாம் எழுத்து ஒன்றி வருதல்):
பெற்றெடுத்த - ஊற்றெடுத்தே
கற்றுணர்ந்தே - தெற்றெனநம்
இயைபு நயம் (இறுதி எழுத்து அல்லது ஓசை ஒன்றி வருதல்):
தள்ளி - நீக்க
காட்டி - விட்ட (ஓசை நயம்)

41. (அ) பாடாண் திணையைச் சான்று தந்து விளக்குக.

விடை:
திணை விளக்கம்: பாடு + ஆண் + திணை = பாடாண் திணை. பாடப்படுவதற்குத் தகுதியுடைய ஒரு ஆணின் வீரம், கல்வி, கொடை, புகழ், கருணை ஆகிய நற்பண்புகளைச் சிறப்பித்துப் பாடுவது பாடாண் திணை ஆகும்.
சான்று: 'வாயிலோயே! வாயிலோயே!' எனத் தொடங்கும் புறநானூற்றுப் பாடல்.
பொருத்தம்: அதியமான் நெடுமான் அஞ்சியின் புகழ், வீரம், கொடை ஆகியவற்றை ஔவையார் சிறப்பித்துப் பாடுவதால் இப்பாடல் பாடாண் திணைக்குச் சான்றாயிற்று.

41. (ஆ) பரிசில் துறையைச் சான்று தந்து விளக்குக.

விடை:
துறை விளக்கம்: பரிசில் வேண்டிப் புரவலனிடம் (அரசனிடம்) சென்று நிற்பது 'பரிசில் துறை' எனப்படும். தன் திறமையைக் காட்டிப் பரிசில் பெறும் நோக்கத்தோடு இரவலர் அரசனை நாடிச் செல்வதை இது குறிக்கும்.
சான்று: 'வாயிலோயே! வாயிலோயே!' எனத் தொடங்கும் புறநானூற்றுப் பாடல்.
பொருத்தம்: தன்னை நாடி வந்த புலவர்களுக்குப் பரிசில் வழங்கிக் காக்கும் வள்ளலான அதியமானிடம், ஔவையார் பரிசில் வேண்டி வாயிலில் வந்து நின்றதைப் பாடுவதால் இது பரிசில் துறை ஆயிற்று.

பிரிவு - 3 (எவையேனும் மூன்றனுக்கு மட்டும் விடை தருக) 3 × 4 = 12

(குறிப்பு: 42, 43 ஆம் வினாக்கள் கீழே கொடுக்கப்பட்டுள்ளன.)

42. தமிழாக்கம் தருக.
Periyar was not only a great social revolutionary; he was something more than that. His sphere of activity was underprivileged. When he took up any issue he went deep into it, understood all the aspects of it and did not rest until he had found a permanent solution to it. Communal differences in our society were deep-rooted and appeared to be permanent features of our society until Periyar came on the scene.

விடை: பெரியார் ஒரு சிறந்த சமூகப் புரட்சியாளர் மட்டுமல்ல; அவர் அதற்கும் மேலானவர். அவரது செயல்பாட்டுக் களம் அடித்தட்டு மக்களுக்கானதாகவே அமைந்தது. அவர் எந்த ஒரு பிரச்சினையை எடுத்துக் கொண்டாலும், அதன் ஆழத்திற்குச் சென்று, அதன் அனைத்து அம்சங்களையும் முழுமையாகப் புரிந்து கொண்டு, அதற்கு ஒரு நிரந்தரத் தீர்வு காணும் வரை ஓயமாட்டார். பெரியார் களத்தில் தோன்றும் வரை, நமது சமூகத்தில் சாதி வேற்றுமைகள் ஆழமாக வேரூன்றி, சமூகத்தின் நிரந்தரக் கூறுகளாகவே காணப்பட்டன.

43. செவி மாற்றுத் திறனாளர்களுக்கான மாற்று வினா.
கீழ்க்காணும் பத்தியைப் படித்து வினாக்களுக்கு விடை தருக.

வினாக்களும் விடைகளும்:
1. மொழி என்பது யாது?
மொழி என்பது மக்கள் படைத்துக் காக்கும் அரியதொரு கலை ஆகும்.
2. பெற்ற தாயின் முதல் வேட்கை யாது?
தன் குழந்தையுடன் பேசுதலே பெற்ற தாயின் முதல் வேட்கை ஆகும்.
3. மொழி வளர்ச்சி எதனோடு தொடர்புடையது ?
மொழி வளர்ச்சியானது, குழந்தையின் மனவளர்ச்சியோடு தொடர்புடையது ஆகும்.
4. இப்பத்திக்கு ஏற்ற தலைப்பு தருக.
மொழியும் மன வளர்ச்சியும் / மொழியின் சிறப்பு.

பகுதி - IV (6 மதிப்பெண் வினாக்கள்)

அனைத்து வினாக்களுக்கும் விடை தருக. (3 × 6 = 18)

44. (அ) தமிழின் சீரிளமைத் திறம் வியந்து கவிஞர் சிற்பி பாலசுப்பிரமணியம் கூறுவனவற்றைத் தொகுத்து எழுதுக.

விடை:

முன்னுரை:
'இளந்தமிழே' என்னும் கவிதைப் பேழையில் கவிஞர் சிற்பி பாலசுப்பிரமணியம், தமிழ் மொழியின் தொன்மை, பெருமை மற்றும் எக்காலத்தும் அழியாத அதன் சீரிளமைத் திறத்தை வியந்து பாடியுள்ளார். அவற்றை இக்கட்டுரையில் காண்போம்.

பாண்டியர் வளர்த்த தமிழ்:
செம்மையான தமிழே! நீ பழங்காலத்தில் பாண்டிய மன்னர்களின் அவையில் கொலுவிருந்தாய். சங்கம் அமைத்துத் தமிழ் வளர்த்த பாண்டியர்களின் சீரிய முயற்சியால் செழித்து வளர்ந்து பெருமையடைந்தாய்.

வள்ளல்களைத் தந்தவள்:
பாரி, காரி, ஓரி போன்ற கடையெழு வள்ளல்களை ஈன்று இத்தமிழகத்திற்குத் தந்தவள் நீயே. இரவலர்களின் வறுமையைப் போக்கும் வள்ளல்தன்மை கொண்ட மாமனிதர்களை உருவாக்கிய பெருமை தமிழ்த்தாயான உன்னையே சாரும்.

காலத்தை வென்றவள்:
பழமையான நல்வினைகள் அனைத்தையும் உன்னகத்தே கொண்டுள்ளாய். எத்தனையோ கால மாற்றங்கள், அயலவர் படையெடுப்புகள், இயற்கைச் சீற்றங்கள் வந்தபோதிலும், அவற்றையெல்லாம் தாண்டிப் பழமைக்குக் கொஞ்சமும் குறைவில்லாமல் இன்றும் இளமையோடு சீரிய திறத்துடன் விளங்குகிறாய்.

தமிழின் துணை தேவை:
இத்தகைய வீரமும், கொடைச் சிறப்பும், காலத்தை வென்ற தன்மையும் கொண்ட உன்னை வியந்து பாட, சாதாரண மனித மொழிகள் போதாது. எனவே, செந்தமிழே! உன்னைப் புகழ்ந்து பாட என் தமிழ்க் கவிதைக்கு நீயே துணையாக வர வேண்டும் என்று கவிஞர் சிற்பி உரிமையோடு கேட்கிறார்.

முடிவுரை:
இவ்வாறு தமிழின் தொன்மையையும், சங்கப் பெருமையையும், என்றுமே மூப்படையாமல் திகழும் அதன் சீரிளமைத் திறத்தையும் கவிஞர் சிற்பி பாலசுப்பிரமணியம் தம் கவிதையில் வியந்து போற்றுகிறார்.

44. (ஆ) சினத்தைக் காத்தல் வாழ்வை மேம்படுத்தும் - இக்கூற்றை முப்பால் வழி விரித்துரைக்க.

விடை:

முன்னுரை:
மனிதனை அழிவுப் பாதைக்கு இட்டுச் செல்லும் தீய குணங்களில் முதன்மையானது சினம் (கோபம்) ஆகும். சினம் கொள்ளாமல் அதைக் காத்து வாழ்வதே சிறந்த வாழ்வு என்பதைத் திருவள்ளுவர் 'வெகுளாமை' என்னும் அதிகாரத்தில் முப்பால் (திருக்குறள்) வழி மிகத் தெளிவாகச் சுட்டிக்காட்டியுள்ளார்.

தன்னைக் காக்கும் நெறி:
"தன்னைத்தான் காக்கின் சினங்காக்க காவாக்கால்
தன்னையே கொல்லும் சினம்"
ஒருவன் தன்னைத்தானே துன்பம் வராமல் காத்துக்கொள்ள விரும்பினால், தன்னிடம் சினம் வராமல் காத்துக்கொள்ள வேண்டும். அப்படிச் சினத்தைக் காக்கத் தவறினால், அந்தச் சினமே அவனையோ அழித்துவிடும்.

சேர்ந்தாரைக் கொல்லும் நெருப்பு:
"சினம் என்னும் சேர்ந்தாரைக் கொல்லி இனமென்னும்
ஏமப் புணையைச் சுடும்"
சினம் என்பது தன்னைச் சேர்ந்தவர்களையும் அழிக்கக்கூடிய பெரு நெருப்பு ஆகும். அது ஒருவனுக்குப் பாதுகாப்பான தெப்பம் போன்ற சுற்றத்தார் (உறவினர் மற்றும் நண்பர்கள்) என்னும் கூட்டத்தையும் சுட்டழித்து அவனது நல்வாழ்வைக் கெடுத்துவிடும்.

சினத்தால் வரும் கேடு:
சினத்தை விடக் கொடிய பகை மனிதனுக்கு வேறு எதுவும் இல்லை. முகமலர்ச்சியையும், அக மகிழ்ச்சியையும் ஒருங்கே அழிக்கும் கொடிய அரக்கன் சினம். ஒருவன் மனத்தில் சினம் எழும்போதே அதனை வேரோடு அழிக்காவிட்டால் அவனது நற்பெயரும் வாழ்வும் பாழாகும்.

வாழ்வை மேம்படுத்தும் வழி:
ஒருவன் தன் மனத்தில் சினம் எழாமல் தடுத்துக் காத்துக்கொண்டால், அவன் நினைத்ததை நினைத்தபடியே அடைவான். சினம் இல்லாதவனிடம் அன்பு, பொறுமை, அமைதி ஆகியவை நிரந்தரமாகக் குடிபெறும். அவனது வாழ்வு சமுதாயத்தில் மிக உயர்ந்த நிலையை அடையும்.

முடிவுரை:
எனவே, கொடியதான சினத்தை விடுத்து, பொறுமையைக் கையாண்டால் மனித வாழ்வு அனைத்துச் சிறப்புகளையும் பெற்று மேம்படும் என்பதைத் திருக்குறள் வழி நாம் உறுதியாக அறியலாம்.

45. (அ) 'நெகிழி தவிர்த்து நிலத்தை நிமிர்த்து' என்னும் தலைப்பில் சுற்றுச்சூழல் ஆர்வலர் பசுமைதாசனாருடன் நீங்கள் நடத்திய கற்பனைக் கலந்துரையாடலைத் தொகுத்து எழுதுக.

விடை:

முன்னுரை:
நெகிழியின் (Plastic) தீமைகளை உணர்த்தும் வகையில், சுற்றுச்சூழல் ஆர்வலர் ஐயா பசுமைதாசனார் அவர்களுடன் நான் நடத்திய நேர்காணல் இங்கே தொகுக்கப்பட்டுள்ளது.

மாணவன்: வணக்கம் ஐயா. 'நெகிழி தவிர்த்து நிலத்தை நிமிர்த்து' என்று கூறுகிறீர்களே, நெகிழியால் நிலத்திற்கு என்ன ஆபத்து?

பசுமைதாசனார்: வணக்கம் தம்பி. நெகிழி மட்காத ஒரு பொருளாகும். அதை நிலத்தில் வீசும்போது, அது மண்ணின் வளத்தைக் கெடுப்பதுடன், மழைநீர் பூமிக்குள் கசிவதைத் தடுத்து நிலத்தடி நீர்மட்டத்தை அதலபாதாளத்திற்குத் தள்ளுகிறது.

மாணவன்: அப்படியானால், நெகிழிப் பயன்பாட்டை நாம் முற்றிலுமாகத் தவிர்க்க முடியுமா?

பசுமைதாசனார்: நிச்சயமாக முடியும். ஒருமுறை மட்டுமே பயன்படுத்தித் தூக்கி எறியப்படும் நெகிழிப் பைகள், குவளைகளைத் தவிர்க்க வேண்டும். கடைகளுக்குச் செல்லும்போது துணிப்பைகளைக் கொண்டு செல்லும் பழக்கத்தை மீண்டும் நடைமுறைக்குக் கொண்டுவர வேண்டும்.

மாணவன்: விழாக்காலங்களில் நெகிழிக்கு மாற்றாக நாம் எதைப் பயன்படுத்தலாம்?

பசுமைதாசனார்: நம் முன்னோர்கள் பயன்படுத்திய வாழையிலை, பாக்குமட்டைத் தட்டுகள், மண் குவளைகள் ஆகியவற்றைப் பயன்படுத்தலாம். இது சுற்றுச்சூழலைக் காப்பது மட்டுமின்றி, குடிசைத் தொழில்களையும் ஊக்குவிக்கும்.

மாணவன்: நெகிழி ஒழிப்பில் மாணவர்களின் பங்கு என்னவாக இருக்க வேண்டும்?

பசுமைதாசனார்: மாணவர்கள் தங்கள் வீடுகளில் நெகிழிப் பயன்பாட்டைத் தவிர்ப்பதோடு, பொதுமக்களுக்கும் விழிப்புணர்வை ஏற்படுத்த வேண்டும். 'நெகிழியை ஒழிப்போம், நிலவளம் காப்போம்' என்ற உறுதியை அனைவரும் ஏற்க வேண்டும்.

முடிவுரை:
சுற்றுச்சூழ ஆர்வலர் பசுமைதாசனார் கூறிய அறிவுரைகளைப் பின்பற்றி, நெகிழியைத் தவிர்த்து நம் தாய்நிலத்தை வளமாக்குவோம் என்று உறுதியேற்போம்.

45. (ஆ) நிருவாக மேலாண்மை குறித்து வெ. இறையன்பு கூறும் கருத்துகளைத் தொகுத்து எழுதுக.

விடை:

முன்னுரை:
'தலைமைச் செயலகம்' என்னும் நூலில் வெ. இறையன்பு இ.ஆ.ப. அவர்கள் நிருவாக மேலாண்மை (Administrative Management) குறித்துப் பல அரிய கருத்துகளைக் கூறியுள்ளார். அவற்றைக் காண்போம்.

திட்டமிடலும் செயலாக்கமும்:
சிறந்த நிருவாகம் என்பது சரியான திட்டமிடலில் தொடங்குகிறது. எதை, எப்படி, எப்போது செய்ய வேண்டும் எனத் திட்டமிட்டு, அதைத் தொய்வின்றிச் செயல்படுத்தும் திறனே சிறந்த மேலாண்மையாகும்.

கால மேலாண்மை:
நிருவாகத்தில் நேரத்தைக் கடைப்பிடிப்பது மிகவும் அவசியம். தன் நேரத்தையும் பிறர் நேரத்தையும் மதிப்பவனே சிறந்த மேலாளராக முடியும். காலதாமதம் நிருவாகத்தின் செயல்திறனைக் குறைத்துவிடும்.

மனிதவளப் பயன்பாடு:
ஒருவருடைய திறமை, ஆர்வம் ஆகியவற்றை அறிந்து, அதற்கேற்பப் பணிகளைப் பகிர்ந்தளிக்க வேண்டும். 'தகுதியான நபரைத் தகுதியான இடத்தில் அமர்த்துவதே' வெற்றியின் திறவுகோல்.

முடிவு எடுத்தலும் முடிவெடுக்கத் தவறாமையும்:
சிக்கலான நேரங்களில் சரியான முடிவுகளை விரைவாக எடுக்க வேண்டும். முடிவெடுக்கத் தயங்குவது நிருவாகக் கோளாறுக்கு வழிவகுக்கும்.

முடிவுரை:
அறன் சார்ந்த நிருவாகமே நிலைத்து நிற்கும். நேர்மை, வெளிப்படைத்தன்மை, அர்ப்பணிப்பு ஆகிய நற்பண்புகளுடன் செயல்படும் நிருவாக மேலாண்மையே ஒரு சமூகத்தையும் நாட்டையும் முன்னேற்றும் என்கிறார் வெ. இறையன்பு.

46. (அ) 'உரிமைத்தாகம்' கதையில் சகோதரர்கள் இருவரும் ஒன்றிணையாமல் இருந்திருந்தால் - கதையைத் தொடர்ந்து எழுதி முடிக்க.

விடை:

(கற்பனைப் படைப்பு - சகோதரர்கள் பிரிந்திருந்தால்...)

பங்காளிகளான முத்தையனும், வெள்ளையத்தேவனும் நிலச்சிக்கல் காரணமாக நீதிமன்றம் வரை சென்று, இறுதியில் பாசத்தால் ஒன்றிணைந்தனர். ஒருவேளை அவர்கள் ஒன்றிணையாமல் இருந்திருந்தால், கதை பின்வருமாறு முடிந்திருக்கும்:

பகையின் தொடர்ச்சி:
நிலத்தை யார் உழுவது என்ற வறட்டுப் பிடிவாதத்தால், அண்ணன் தம்பி இருவருக்கும் இடையேயான பகையின் நெருப்பு கொழுந்துவிட்டு எரிந்திருக்கும். ஊர்ப் பஞ்சாயத்தும், நீதிமன்ற வழக்குகளும் அவர்களின் மீதமிருந்த பணத்தையும், நிம்மதியையும் உறிஞ்சிக் குடித்திருக்கும்.

நிலம் தரிசாதல்:
வழக்கு நிலுவையில் இருப்பதால், வளம் கொழிக்கும் அந்தப் பூர்வீக நிலம் உழப்படாமல் முட்செடிகள் மண்டித் தரிசாக மாறியிருக்கும். விவசாயம் பொய்த்ததால் இரண்டு குடும்பங்களும் வறுமையின் பிடியில் சிக்கித் தவித்திருக்கும்.

தலைமுறைப் பகை:
பெரியவர்களின் பிடிவாதத்தால், அவர்களது குழந்தைகளும் ஒருவரோடு ஒருவர் பேசாமல், இரத்த உறவுகள் என்ற உணர்வே இல்லாமல், அடுத்த தலைமுறைக்கும் இந்தப் பகையைக் கடத்தியிருப்பார்கள்.

அந்நியர் கைக்கு மாறுதல்:
நீதிமன்றச் செலவுகளுக்காகப் பெற்ற கடனை அடைக்க முடியாமல், வேறு வழியின்றி அந்தப் பூர்வீக நிலத்தை அடிமாட்டு விலைக்கு வெளியூர்க்காரன் ஒருவனுக்கு விற்றிருப்பார்கள். தங்கள் கண் முன்னே தங்கள் நிலத்தை வேறு ஒருவன் உழுவதைப் பார்த்து இரு சகோதரர்களும் கண்ணீர் விட்டிருப்பார்கள்.

நீதி: விட்டுக்கொடுப்பவர்கள் கெட்டுப்போவதில்லை; பிடிவாதம் அழிவையே தரும்.

46. (ஆ) 'கிராமங்கள் தங்கள் முகவரியை இழந்து வருகின்றன' - இது குறித்து உங்கள் கருத்தை விவரிக்க.

விடை:

முன்னுரை:
"இந்தியாவின் ஆன்மா கிராமங்களில் வாழ்கிறது" என்றார் காந்தியடிகள். ஆனால், இன்றைய நவீனக் காலகட்டத்தில் கிராமங்கள் தங்களின் பாரம்பரிய அடையாளங்களையும் முகவரியையும் மெல்ல மெல்ல இழந்து வருகின்றன என்பது மறுக்க முடியாத உண்மையாகும்.

விவசாயம் குறைதல்:
கிராமத்தின் ஆணிவேரான விவசாயம் இன்று நலிவடைந்து வருகிறது. விளைநிலங்கள் எல்லாம் வீட்டு மனைகளாகவும், தொழிற்சாலைகளாகவும் மாறி வருகின்றன. உழவு மாடுகளும், ஏர்களும் இருந்த இடத்தில் இயந்திரங்கள் வந்துவிட்டன.

நகரம் நோக்கிய இடப்பெயர்வு:
கல்வி, வேலைவாய்ப்பு, மருத்துவ வசதி போன்ற தேவைகளுக்காகக் கிராமத்து இளைஞர்கள் பெருநகரங்களை நோக்கிப் படை எடுக்கின்றனர். இதனால் பல கிராமங்களில் முதியவர்கள் மட்டுமே தனித்து வாழும் அவலநிலை உருவாகியுள்ளது.

கலாச்சார மாற்றம்:
கூட்டுக் குடும்ப முறை சிதைந்து, தனிக்குடும்பங்கள் பெருகிவிட்டன. திண்ணை வைத்த வீடுகள் மறைந்து, அடுக்குமாடிக் குடியிருப்புகள் கிராமங்களிலும் முளைக்கத் தொடங்கிவிட்டன. ஊர்க் திருவிழாக்கள், நாட்டுப்புறக் கலைகள், பாரம்பரிய விளையாட்டுகள் ஆகியவை இணையத்தின் வரவால் காணாமல் போய்விட்டன.

முடிவுரை:
வளர்ச்சி என்பது அவசியம்தான். ஆனால், அது கிராமத்தின் ஆன்மாவை அழித்துவிடக் கூடாது. விவசாயத்தைக் காத்து, கிராமப்புறங்களில் வேலைவாய்ப்புகளை உருவாக்கி, நம் கிராமங்களின் முகவரியை மீட்டெடுக்க வேண்டியது நம் ஒவ்வொருவரின் கடமையாகும்.

பகுதி - V (அடிபிறழாமல் செய்யுள் வடிவில் விடை தருக) 4 + 2 = 6

47. (அ) ''இதில் வெற்றி பெற" என்னும் தலைப்பில் இடம்பெற்றுள்ள 'விண்வேறு' எனத் தொடங்கும் மனப்பாடப் பாடலை அடிபிறழாமல் எழுதுக.

விடை:
விண்வேறு விண்வெளியில் இயங்குகின்ற
வெண்மதியும் செங்கதிரும் முகிலும் வேறு
மண்வேறு மண்ணோடு கலந்திருக்கும்
மணல்வேறு பனித்துளியும் மழையும் வேறு
புண்வேறு வீரர்களின் விழுப்புண் வேறு
புகழ்வேறு செல்வாக்கு வேறு காணும்
கண்வேறு கல்விக்கண் வேறு கற்றார்
கவிதைபா டும்நிறையக் காட்டும் அன்றே!
- சுரதா

47. (ஆ) 'புகழ்' என முடியும் குறளை அடிபிறழாமல் எழுதுக. (குறிப்பு: வினாத்தாளில் 'புகின்' என அச்சுப்பிழையாக வந்துள்ளது.)

விடை:
ஒறுத்தார்க்கு ஒருநாளை இன்பம் பொறுத்தார்க்குப்
பொன்றுந் துணையும் புகழ்.
- திருவள்ளுவர்

12th Tamil Public Exam June 2025 Original Question Paper with Full Solutions

12th Tamil Public Exam Original Question Paper - June 2025

📥 Download Original PDF

குறிப்பு: கால அளவு: 3.00 மணி நேரம் | மதிப்பெண்கள்: 90

பகுதி - I (மதிப்பெண்கள்: 14)

குறிப்பு: அனைத்து வினாக்களுக்கும் விடை தருக.

1. சங்க இலக்கியத்தில் இல்லாத சொற்கள், சங்ககாலச் சமூகத்தில் நடைமுறையில் இருந்துள்ளன. அவை

• (அ) அறவோர், துறவோர்
• (ஆ) திருமணமும், குடும்பமும்
• (இ) மன்றங்களும், அவைகளும்
• (ஈ) நிதியமும், சுங்கமும்

விடை: (ஆ) திருமணமும், குடும்பமும் ✓ Correct

2. வந்தவர் யார்? சென்றது எது ? -அடிக்கோடிட்ட வினாச்சொற்கள் பயனிலையாய் அமைந்து, உணர்த்தும் திணைகள் முறையே

• (அ) அஃறிணை, உயர்திணை
• (ஆ) உயர்திணை, அஃறிணை
• (இ) விரவுத்திணை, அஃறிணை
• (ஈ) விரவுத்திணை, உயர்திணை

விடை: (ஆ) உயர்திணை, அஃறிணை ✓ Correct

3. கீழ்க்காணும் குறளில் வறுமை தருவது எது ?
"சிறுமை பலசெய்து சீர்அழிக்கும் சூதின்
வறுமை தருவது ஒன்று இல்."

• (அ) பகை
• (ஆ) சூது
• (இ) போர்
• (ஈ) சினம்

விடை: (ஆ) சூது ✓ Correct

4. பண்டைய கல்வி முறையில் கணிதத்தோடு தொடர்பில்லாத சொல்:

• (அ) நிகண்டு
• (ஆ) குழிமாற்று
• (இ) கீழ்வாயிலக்கம்
• (ஈ) மேல்வாயிலக்கம்

விடை: (அ) நிகண்டு ✓ Correct

5. கடையெழு வள்ளல்கள் வரிசையில் வராதவர்:

• (அ) பாரி
• (ஆ) அதியமான்
• (இ) நல்லியகோடன்
• (ஈ) பேகன்

விடை: (இ) நல்லியகோடன் ✓ Correct

6. பொய்யா வானம் புதுப்பெயல் பொழிந்தென - அடிக்கோடிட்ட சொல்லின் இலக்கணக் குறிப்பு :

• (அ) வினைத்தொகை
• (ஆ) உரிச்சொல் தொடர்
• (இ) இடைச்சொல் தொடர்
• (ஈ) ஈறுகெட்ட எதிர்மறைப் பெயரெச்சம்

விடை: (ஈ) ஈறுகெட்ட எதிர்மறைப் பெயரெச்சம் ✓ Correct

7. 'ஆழ்கடனீர்' - அசை பிரிப்பு முறை :

• (அ) நிரை நேர் நேர்
• (ஆ) நேர் நிரை நேர்
• (இ) நேர் நேர் நேர்
• (ஈ) நிரை நிரை நேர்

விடை: (ஆ) நேர் நிரை நேர் ✓ Correct (ஆழ் / கட / நீர்)

8. ச.த. சற்குணரின் உரையைக் கேட்டுத் தூண்டப்பெற்ற மயிலை சீனி. வேங்கடசாமி எழுதிய நூல் :

• (அ) பௌத்தமும் தமிழும்
• (ஆ) இசுலாமும் தமிழும்
• (இ) சமணமும் தமிழும்
• (ஈ) கிறித்துவமும் தமிழும்

விடை: (ஈ) கிறித்துவமும் தமிழும் ✓ Correct

9. 'காட்சி' என்பதைக் குறிக்கும் படைப்பாற்றல் உத்தி :

• (அ) தொன்மம்
• (ஆ) குறியீடு
• (இ) படிமம்
• (ஈ) மெய்ப்பாடு

விடை: (இ) படிமம் ✓ Correct

10. காப்பியச் சிற்றுறுப்பு அல்லாதது எது ?

• (அ) சருக்கம்
• (ஆ) இலம்பகம்
• (இ) காண்டம்
• (ஈ) படலம்

விடை: (இ) காண்டம் ✓ Correct

11. குறிப்புகளில் மறைந்திருக்கும் தமிழறிஞரைக் கண்டுபிடி: சிறுகதை ஆசிரியர்; முதல்பாதி நவீனம் :

• (அ) ஜெயகாந்தன்
• (ஆ) புதுமைப்பித்தன்
• (இ) அசோகமித்திரன்
• (ஈ) மறைமலை அடிகள்

விடை: (ஆ) புதுமைப்பித்தன் ✓ Correct (புதுமை = நவீனம்)

12. கீழ்க்காண்பவற்றுள் 'ஈறுபோதல்' விதி இடம்பெறாத சொல்:

• (அ) இனநிரை
• (ஆ) புதுப்பெயல்
• (இ) வெங்கதிர்
• (ஈ) செம்பரிதி

விடை: (அ) இனநிரை ✓ Correct (இனம் + நிரை; இது மவ்வீறு ஒற்றழிந்து விதியைப் பெற்றது)

13. பாரதிதாசன் மீது கொண்ட பற்றுதலால் தன்னுடைய இயற்பெயரை மாற்றிக் கொண்டவர்:

• (அ) சி.மணி
• (ஆ) பூமணி
• (இ) நகுலன்
• (ஈ) சுரதா

விடை: (ஈ) சுரதா ✓ Correct (சுப்புரத்தினதாசன்)

14. கபிலன் திறமையானவர் என்று (குமரன்) தெரியும்.

• (அ) குமரனை
• (ஆ) குமரனுக்கு
• (இ) குமரனால்
• (ஈ) குமரனது

விடை: (ஆ) குமரனுக்கு ✓ Correct

பகுதி - II

பிரிவு - 1 (எவையேனும் மூன்றனுக்கு விடை தருக - 3x2=6)

15. கவிஞர் சிற்பி எவற்றை வியந்து பாட, தமிழின் துணை வேண்டும் என்கிறார் ?

விடை: செம்பரிதி மலைமேட்டில் தலையைச் சாய்த்து சிவந்து காணப்படும் அந்தி வானத்தையும், வேலைகள் பல செய்ததால் வியர்வை சிந்தும் உழைப்பாளர்களின் சிவந்த கைகளையும் வியந்து பாடத் தமிழின் துணை வேண்டும் என்கிறார் கவிஞர் சிற்பி.

16. எதிர்பாராத நிகழ்வுகளை ஜலாலுத்தீன் ரூமி எவ்வாறு உருவகப்படுத்துகிறார் ?

விடை: எதிர்பாராத நிகழ்வுகளை, ஒரு விருந்தினர் இல்லத்திற்கு வரும் புதிய விருந்தினர்களாக ஜலாலுத்தீன் ரூமி உருவகப்படுத்துகிறார். ஆனந்தம், மனச்சோர்வு, சிறுமைத்தனம், விழிப்புணர்வு ஆகிய அனைத்தும் எதிர்பாராத விருந்தாளிகளாகவே வருகின்றன.

17. எண்வகை மெய்ப்பாடுகள் யாவை ?

விடை: தொல்காப்பியர் குறிப்பிடும் எண்வகை மெய்ப்பாடுகள்:

• நகை
• அழுகை
• இளிவரல்
• மருட்கை
• அச்சம்
• பெருமிதம்
• வெகுளி
• உவகை

18. படத்துக்குப் பொருத்தமான திருக்குறளைக் கண்டுபிடிக்க.

• (அ) அன்பும் அறனும் உடைத்தாயின் இல்வாழ்க்கை பண்பும் பயனும் அது.
• (ஆ) வையத்துள் வாழ்வாங்கு வாழ்பவன் வானுறையும் தெய்வத்துள் வைக்கப் படும்.
• (இ) சினம்என்னும் சேர்ந்தாரைக் கொல்லி இனம்என்னும் ஏமப் புணையைச் சுடும்.

விடை: (இ) சினம்என்னும் சேர்ந்தாரைக் கொல்லி இனம்என்னும் ஏமப் புணையைச் சுடும். ✓ Correct (படம் சினம் தன்னைச் சேர்ந்தவரையும் அழிக்கும் என்பதை உணர்த்துகிறது).

பிரிவு - 2 (எவையேனும் இரண்டனுக்கு விடை தருக - 2x2=4)

19. சங்ககாலத்தில் தாய்வழிச் சமூக முறையில் பெண்கள் பெற்றிருந்த உரிமைகள் யாவை ?

விடை:

• சங்க காலத்தில் குடும்பத்தின் சொத்துரிமை பெண்களுக்குரியதாக இருந்தது.
• குலத்தொடர்ச்சி பெண்களை மையமாக வைத்தே கணக்கிடப்பட்டது (தாய்வழி முறை).

20. 'மையாடல் விழா' குறிப்பு வரைக.

விடை: சுவடிகளை எழுதுவதற்கு முன், அவற்றில் பூச்சிகள் அரிக்காமல் இருப்பதற்கும், எழுத்துகள் தெளிவாகத் தெரிவதற்கும் வசம்பு, மஞ்சள், மணத்தக்காளி இலைச்சாறு ஆகியவற்றை மையுடன் கலந்து சுவடிகளில் பூசுவார்கள். இதற்கு 'மையாடல் விழா' என்று பெயர்.

21. பசுமைக்குடில் வாயுக்கள் எவை ?

விடை: கார்பன் டை ஆக்சைடு, மீத்தேன், நைட்ரஸ் ஆக்சைடு, ஓசோன், குளோரோ புளோரோ கார்பன் போன்றவை பசுமைக்குடில் வாயுக்கள் ஆகும்.

பிரிவு - 3 (எவையேனும் ஏழனுக்கு விடை தருக - 7x2=14)

22. மயங்கொலிச் சொற்களை ஒரே தொடரில் அமைத்து எழுதுக. பரவை, பறவை

விடை: அழகான பறவைகள் அகன்ற பரவை (கடல்) மீது பறந்து சென்றன.

23. வல்லின மெய்களை இட்டும் நீக்கியும் எழுதுக.
பூக்கள்தோறும் சென்றுத் தேனை தேடி அலையும் தேனீயை போன்று சுறுசுறுப்பாக இருப்பதேச் சிறப்பு ஆகும்.

விடை திருத்தம்: பூக்கள்தோறும் சென்று தேனைத் தேடி அலையும் தேனீயைப் போன்று சுறுசுறுப்பாக இருப்பதே சிறப்பு ஆகும்.

24. தொடரில் இடம் பெற்றுள்ள மரபுப் பிழைகளை நீக்கி எழுதுக.
தென்னந்தோட்டத்தில் அங்குமிங்கும் அணில்குட்டிகள் துள்ளித் திரிந்தன.

விடை திருத்தம்: தென்னந்தோப்பில் அங்குமிங்கும் அணிற்பிள்ளைகள் துள்ளித் திரிந்தன.

25. பேச்சு வழக்கை எழுத்து வழக்காக மாற்றுக.
குழந்தைகள், ஆத்துல வெளையாடும்போது பெரியவங்க பக்கத்தில் பாதுகாப்பாக இருக்கணும்.

விடை திருத்தம்: குழந்தைகள் ஆற்றில் விளையாடும்போது பெரியவர்கள் பக்கத்தில் பாதுகாப்பாக இருக்க வேண்டும்.

26. பொருள் வேறுபாடு அறிந்து தொடர் அமைக்க. கான் - காண்

விடை:

• கான் (காடு): முல்லை நில மக்கள் கான் வழியாகச் சென்றனர்.
• காண் (பார்): இயற்கையின் அழகைக் கண்ணாரக் காண்.

27. ஏதேனும் ஒன்றனுக்குப் பகுபத உறுப்பிலக்கணம் தருக. (அ) விம்முகின்ற (ஆ) மருட்கை

விடை:
(அ) விம்முகின்ற: விம்மு + கின்று + அ
விம்மு - பகுதி
கின்று - நிகழ்கால இடைநிலை
அ - பெயரெச்ச விகுதி

28. ஏதேனும் ஒன்றனுக்குப் புணர்ச்சி விதி தருக. (அ) எத்திசை (ஆ) உள்ளொன்று

விடை (அ) எத்திசை:
பிரிப்பு: எ + திசை
விதி: "இயல்பினும் விதியினும் நின்ற உயிர்முன் கசதப மிகும்" என்னும் விதிப்படி, 'த்' தோன்றி 'எத்திசை' எனப் புணர்ந்தது.

29. ஏதேனும் ஒரு சொல்லைப் பிரித்தும் சேர்த்தும் தொடரமைக்கவும். (அ) வைகை (ஆ) தலைமை

விடை (அ) வைகை:
சேர்த்துக் கூறுதல் (ஆறு): மதுரையில் வைகை ஆறு ஓடுகிறது.
பிரித்துக் கூறுதல் (வை + கை): உன் தட்டை அங்கே வை கை கழுவி வா.

30. கலைச் சொல்லாக்கம் தருக. (i) Lobby (ii) Conviction

விடை:
(i) Lobby - மக்கள் குழு / காத்திருப்பறை (சூழலுக்கு ஏற்ப)
(ii) Conviction - தண்டனை / திடநம்பிக்கை

பகுதி - III (பிரிவு - 1 & 2 & 3)

31. "புகல் அருங் கானம் தந்து,
புதல்வரால் பொலிந்தான் நுந்தை" - இடஞ்சுட்டிப் பொருள் விளக்குக.

இடம்: புறநானூற்றில் ஒக்கூர் மாசாத்தியார் பாடிய பாடலில் இடம்பெற்றுள்ளது.
பொருள்: உன்னுடைய தந்தை போர்க்களத்தில் சென்று, களிறு எறிந்து பட்டான். இது சங்ககாலப் பெண்களின் வீரத்தை உணர்த்துகிறது.

32. 'நெல்லின் நேரே வெண்கல் உப்பு' -இத்தொடரின் வழி பண்டமாற்று வணிகத்தை விளக்குக.

விடை: சங்க காலத்தில் நெல்லும் உப்பும் ஒரே மதிப்பை உடையவையாக இருந்தன. உப்பைக் கொடுத்து நெல்லைப் பண்டமாற்றாகப் பெற்றுச் சென்ற செய்தியை அகநானூற்றுப் பாடல் தெளிவுபடுத்துகிறது.

33. எவற்றையெல்லாம் தெரிந்துகொண்டு கவிதை எழுதத் தொடங்க வேண்டும் என்று சுரதா குறிப்பிடுகிறார் ?

விடை:
கவிதை எழுதத் தொடங்குவதற்கு முன் கீழ்க்காணும் செய்திகளைத் தெரிந்துகொள்ள வேண்டும் என்று கவிஞர் சுரதா குறிப்பிடுகிறார்:

• எழுத்துகளின் வடிவங்களையும் அவற்றின் ஒலிப்பு முறைகளையும் (ஓசை) முழுமையாகத் தெரிந்துகொள்ள வேண்டும்.
• சொற்களின் அகராதிப் பொருளையும், அவை உணர்த்தும் குறிப்புப் பொருளையும் தெளிவாக அறிய வேண்டும்.
• அசை, சீர், தளை, அடி, தொடை ஆகிய யாப்பிலக்கணக் கூறுகளைக் கற்றிருக்க வேண்டும்.
• எந்தச் சொல்லோடு எந்தச் சொல்லைச் சேர்த்தால் எத்தகைய ஓசை பிறக்கும் (இசைநயம்) என்பதை உணர்ந்திருக்க வேண்டும்.

இவற்றையெல்லாம் முழுமையாகத் தெரிந்துகொண்ட பிறகே ஒருவர் கவிதை எழுதத் தொடங்க வேண்டும்.

34. "யானை புக்க புலம் போலத்
தானும் உண்ணான், உலகமும் கெடுமே" - உவமையையும் பொருளையும் பொருத்தி விளக்குக.

விடை:
உவமை: விளைந்த நெல் வயலில் யானை புகுந்தால், அது தின்பதை விட அதன் கால்களில் மிதிபட்டு வீணாகும் நெல் அதிகமிருக்கும்.
பொருள்: அதுபோல, ஒரு மன்னன் முறை தவறி, மக்களிடம் வரி வசூலித்தால் அவன் நாடும் செல்வமும் அழிந்து போகும் என்று பிசிராந்தையார் அறிவுறுத்துகிறார்.

35. பேரிடர் மேலாண்மை ஆணையம் எப்பொழுது அமைக்கப்பட்டது ? அதன் செயல்பாடுகளை விவரிக்கவும்.

விடை:
அமைக்கப்பட்ட ஆண்டு: தேசியப் பேரிடர் மேலாண்மை ஆணையம் (NDMA) 2005-ஆம் ஆண்டு டிசம்பர் 23-ஆம் நாள் அமைக்கப்பட்டது.
செயல்பாடுகள்:

• புயல், வெள்ளம், நிலநடுக்கம், வறட்சி, சுனாமி போன்ற பேரிடர் காலங்களில் மக்களைக் காப்பாற்றுதல்.
• மாநில அளவிலும் மாவட்ட அளவிலும் பேரிடர் மேலாண்மைக் குழுக்களை அமைத்து ஒருங்கிணைத்தல்.
• பேரிடர் வருவதற்கு முன்பே முன்னெச்சரிக்கை நடவடிக்கைகளை மேற்கொள்ளுதல் மற்றும் மக்களிடம் விழிப்புணர்வு ஏற்படுத்துதல்.
• பாதிக்கப்பட்டவர்களுக்குத் தேவையான நிவாரணப் பொருள்களை வழங்குதல் மற்றும் மறுவாழ்வு அமைத்துக் கொடுத்தல்.

36. பண்டைய விரிந்த குடும்பத்தின் தொடர்ச்சியே இன்றைய கூட்டுக் குடும்பம் - விளக்கம் எழுதுக.

விடை:
சங்க காலச் சமூகத்தில் தாய், தந்தை, குழந்தைகள் ஆகியோருடன் தாத்தா, பாட்டி மற்றும் உறவினர்களும் இணைந்து ஒரே வீட்டில் வாழ்ந்தனர். இதுவே 'விரிந்த குடும்பம்' எனப்பட்டது. இக்குடும்ப முறையில் முதியோர்கள் பெரிதும் மதிக்கப்பட்டனர்; குழந்தைகளின் வளர்ப்புப் பொறுப்பை அனைவரும் பகிர்ந்து கொண்டனர். இந்த பண்டைய விரிந்த குடும்ப முறையின் சற்று சுருங்கிய வடிவமே இன்றைய 'கூட்டுக் குடும்பம்' ஆகும். காலமாற்றத்தால் சில மாற்றங்கள் ஏற்பட்டாலும், பல தலைமுறையினர் ஒன்றுகூடி வாழும் பண்பாடு தொடர்வதையே இது உணர்த்துகிறது.

37. சென்னையின் பண்பாட்டு அடையாளங்களில், இன்றும் நிலைத்து இருப்பனவற்றைக் குறிப்பிடுக.

விடை:
சென்னையின் பண்பாட்டு அடையாளங்களில் இன்றும் நிலைத்திருப்பவை:

• கட்டடங்கள்: இந்தோ-சாரசானிக் கட்டடக்கலையில் அமைந்த சென்னை உயர்நீதிமன்றம், எழும்பூர் ரயில் நிலையம், சென்ட்ரல் ரயில் நிலையம், ரிப்பன் கட்டடம் மற்றும் விக்டோரியா அரங்கம்.
• கல்வி மற்றும் அறிவு மையங்கள்: எழும்பூர் அருங்காட்சியகம், கன்னிமாரா பொது நூலகம், சென்னைப் பல்கலைக்கழகம், மற்றும் அண்ணா நூற்றாண்டு நூலகம்.
• இயற்கை அடையாளங்கள்: உலகின் இரண்டாவது நீண்ட கடற்கரையான மெரினா கடற்கரை.

38. நேர மேலாண்மை குறித்து நீங்கள் பரிந்துரைப்பனவற்றை எழுதுக.

விடை:
நேர மேலாண்மைக்கு நான் பரிந்துரைப்பவை:

• பட்டியலிடுதல்: ஒவ்வொரு நாளும் செய்ய வேண்டிய பணிகளை முன்னுரிமை அடிப்படையில் முன்கூட்டியே பட்டியலிட வேண்டும்.
• நேரம் ஒதுக்குதல்: ஒவ்வொரு செயலுக்கும் இவ்வளவு நேரம் என்று திட்டமிட்டு, அந்த நேரத்திற்குள் செய்து முடிக்கப் பழக வேண்டும்.
• காலதாமதத்தைத் தவிர்த்தல்: 'நாளை பார்த்துக்கொள்ளலாம்' எனத் தள்ளிப்போடும் பழக்கத்தை அறவே தவிர்க்க வேண்டும்.
• கவனச்சிதறலைக் குறைத்தல்: படிக்கும்போதோ, வேலை செய்யும்போதோ அலைபேசி, சமூக வலைத்தளங்கள் பயன்பாட்டைக் குறைத்து நேரத்தை மிச்சப்படுத்த வேண்டும்.

39. (அ) நிரல்நிறை அணியைச் சான்றுடன் விளக்குக.
அல்லது
(ஆ) “அகலாது அணுகாது தீக்காய்வார் போல்க
இகல்வேந்தர்ச் சேர்ந்துஒழுகு வார்"
இக்குறட்பாவில் பயின்றுவரும் அணியை விளக்குக.

(அ) நிரல்நிறை அணி:
விளக்கம்: 'நிரல்' என்றால் வரிசை; 'நிறை' என்றால் நிறுத்துதல். சொல்லையும் பொருளையும் வரிசையாக நிறுத்தி, அவ்வரிசைப்படியே இணைத்துப் பொருள் கொள்வது நிரல்நிறை அணி எனப்படும்.
சான்று: "அன்பும் அறனும் உடைத்தாயின் இல்வாழ்க்கை பண்பும் பயனும் அது."
பொருத்தம்: இக்குறளில் அன்பு, அறன் என்ற சொற்களை வரிசையாக நிறுத்தி, அவற்றிற்குப் பொருளாகப் பண்பு, பயன் என்று வரிசையாகப் பொருத்தியுள்ளதால் இது நிரல்நிறை அணி ஆயிற்று.

---

(ஆ) உவமையணி (தொழில் உவமையணி):
விளக்கம்: குளிர் காய்பவர்கள் தீயை விட்டு அகலாமலும், மிக நெருங்காமலும் அளவோடு இருப்பதைப் போல, அரசனைச் சார்ந்திருப்பவர்கள் அரசனை விட்டுப் பிரியாமலும், மிக நெருங்காமலும் பக்குவமாக நடந்துகொள்ள வேண்டும்.
பொருத்தம்: தீக்காய்பவரின் செயலை (தொழிலை), அரசனைச் சேர்ந்து ஒழுகுபவர்களுக்கு ஒப்பிட்டுக் கூறியுள்ளதாலும், 'போல்க' என்ற உவம உருபு வெளிப்படையாக வந்துள்ளதாலும் இது உவமையணி ஆயிற்று.

40. இலக்கிய நயம் பாராட்டுக.
(பாடலின் மையக்கருத்தையும், எவையேனும் மூன்று நயங்களையும் எழுதுக)
வெட்டி யடிக்குது மின்னல் - கடல்
வீரத் திரைகொண்டு விண்ணை யிடிக்குது;
கொட்டி யிடிக்குது மேகம் கூ
கூவென்று விண்ணைக் குடையுது காற்று
சட்டச்சட சட்டச்சட டட்டா -என்று
தாளங்கள் கொட்டிக் கனைக்குது வானம்
எட்டுத்திசையும் இடிய - மழை
எங்ஙனம் வந்ததடா தம்பி வீரா!
பாரதியார்

விடை:
மையக்கருத்து: மழையின் வருகையையும், அப்போது ஏற்படும் இடி, மின்னல், சூறாவளிக் காற்று, மேகம் ஆகியவற்றின் ஆரவாரத்தையும் இயற்கையின் சீற்றமாக இப்பாடல் அழகாகப் படம்பிடித்துக் காட்டுகிறது.

நயங்கள்:

• மோனை நயம்: சீர்களின் அல்லது அடிகளின் முதல் எழுத்து ஒன்றி வருவது மோனை ஆகும்.
  எ.கா: வெட்டி - விண்ணை; கொட்டி - குடையுது.
• எதுகை நயம்: சீர்களின் அல்லது அடிகளின் இரண்டாம் எழுத்து ஒன்றி வருவது எதுகை ஆகும்.
  எ.கா: வெட்டி - கொட்டி - சட்ட.
• இயைபு நயம்: பாடலின் இறுதி எழுத்தோ, அசையோ, சீரோ ஒன்றி வருவது இயைபு ஆகும்.
  எ.கா: இடிக்குது - குடையுது - கனைக்குது.
• சந்த நயம் (ஒலியணி): "சட்டச்சட சட்டச்சட டட்டா" என இயற்கையின் ஓசையைக் குறிக்கும் சொற்கள் சந்த நயத்தைச் சிறப்பிக்கின்றன.

41. (அ) 'வாயி லோயே!...எனத் தொடங்கும் புறநானூற்றுப் பாடல் பாடாண் திணைக்குப் பொருந்துவதைச் சான்றுடன் விளக்குக.
அல்லது
(ஆ) செவியறிவுறூஉ - துறையைச் சான்றுடன் விளக்குக.

(அ) பாடாண் திணை:
விளக்கம்: பாடு + ஆண் + திணை = பாடாண் திணை. ஒரு ஆணின் புகழ், வலிமை, கொடை, அருள் ஆகிய நற்பண்புகளைச் சிறப்பித்துப் பாடுவது பாடாண் திணை ஆகும்.
பொருத்தம்: "வாயிலோயே..." எனத் தொடங்கும் பாடலில், ஒளவையார் அதியமானின் கொடைச் சிறப்பையும், தன்னைப்போன்ற புலவர்களைப் புரக்கும் அவனது வள்ளல்தன்மையையும் புகழ்ந்து பாடியுள்ளதால் இப்பாடல் பாடாண் திணைக்குப் பொருந்தியது.

---

(ஆ) செவியறிவுறூஉ துறை:
விளக்கம்: அரசன் செய்ய வேண்டிய கடமைகளை அவனுக்குத் தெளிவாக எடுத்துக்கூறி, நல்வழிப்படுத்துவது (அவன் செவியில் அறிவுரை கூறுவது) செவியறிவுறூஉ துறையாகும்.
சான்று: "காய்நெல் அறுத்துக் கவளம் கொளினே..." என்ற பிசிராந்தையார் பாடல்.
பொருத்தம்: அறிவுடைய பாண்டியன் அறிவுடைநம்பிக்கு, 'யானை புக்க புலம் போல' வரியை கட்டாயப்படுத்தி வசூலிக்கக் கூடாது என்றும், மக்கள் விரும்பித் தரும் வரியே நாட்டைச் செழிக்கச் செய்யும் என்றும் பிசிராந்தையார் அறிவுரை கூறுவதால் இது செவியறிவுறூஉ துறை ஆயிற்று.

42. பழமொழியை வாழ்க்கை நிகழ்வோடு பொருத்தி எழுதுக.
(அ) ஊழி பெயரினும் தாம் பெயரார்
அல்லது
(ஆ) யானைக்கும் அடி சறுக்கும்.

(அ) ஊழி பெயரினும் தாம் பெயரார்:
பொருள்: உலகம் அழியும் காலம் வந்தாலும், சான்றோர்கள் தம் நேர்மையான நிலையில் இருந்து சற்றும் மாறமாட்டார்கள்.
வாழ்க்கை நிகழ்வு: அரசு அலுவலகத்தில் பணிபுரியும் நேர்மையான அதிகாரியான திரு. வேலனுக்கு, ஒரு தவறான கோப்பில் கையெழுத்திட பல கோடி ரூபாய் லஞ்சம் கொடுக்க ஒரு நிறுவனத்தார் முற்பட்டனர். ஆனால் அவர் அதை மறுத்து, தன் நேர்மையிலிருந்து சற்றும் விலகாமல் அவர்களை வெளியேற்றினார். இது "ஊழி பெயரினும் தாம் பெயரார்" என்ற பழமொழிக்குச் சிறந்த உதாரணமாகும்.

---

(ஆ) யானைக்கும் அடி சறுக்கும்:
பொருள்: எவ்வளவு பெரிய வலிமையான விலங்கான யானையாக இருந்தாலும் அதற்கும் ஒரு நாள் அடி சறுக்கிக் கீழே விழும் நிலை ஏற்படும். அதுபோல, அறிவில் சிறந்தவர்களுக்கும் சில நேரங்களில் சிறு தவறு நேரிடும்.
வாழ்க்கை நிகழ்வு: என் நண்பன் கபிலன் கணிதத்தில் எப்பொழுதும் நூற்றுக்கு நூறு மதிப்பெண்கள் வாங்கும் மிகச் சிறந்த மாணவன். ஆனால் இறுதிப் பொதுத்தேர்வில், ஒரு சிறிய கூட்டல் தவறால் அவன் ஒரு மதிப்பெண்ணை இழக்க நேரிட்டது. இதைப் பார்த்த ஆசிரியர், கவலைப்பட வேண்டாம் "யானைக்கும் அடி சறுக்கும்" என்று கூறி அவனைத் தேற்றினார்.

43. கருத்துப்படத்தைப் புரிந்துகொண்டு பத்தியாக எழுதுக.

எட்டுத்தொகை, பத்துப்பாட்டு - சங்க இலக்கியங்கள்

விடை: சங்க இலக்கியங்கள் எட்டுத்தொகை மற்றும் பத்துப்பாட்டு என இரு வகைகளாகப் பிரிக்கப்பட்டுள்ளன. எட்டுத்தொகையில் உள்ள நூல்கள் அகம், புறம், அகமும் புறமும் எனப் பிரிக்கப்பட்டுள்ளன. நற்றிணை, குறுந்தொகை, ஐங்குறுநூறு, அகநானூறு, கலித்தொகை ஆகியவை அக நூல்கள்; புறநானூறு, பதிற்றுப்பத்து ஆகியவை புற நூல்கள்; பரிபாடல் அகமும் புறமும் கலந்த நூல். பத்துப்பாட்டில் குறிஞ்சிப்பாட்டு, முல்லைப்பாட்டு, நெடுநல்வாடை, பட்டினப்பாலை ஆகியவை அக நூல்கள்; மதுரைக்காஞ்சி, திருமுருகாற்றுப்படை, பொருநராற்றுப்படை, பெரும்பாணாற்றுப்படை, சிறுபாணாற்றுப்படை, கூத்தராற்றுப்படை ஆகியவை புற நூல்கள் ஆகும்.

44. (அ) சினத்தைக் காத்தல் வாழ்வை மேன்மைப்படுத்தும் - இக்கூற்றை முப்பால் வழி விரித்துரைக்கவும்.
அல்லது
(ஆ) எச்.ஏ. கிருட்டிணனார் 'கிறித்தவக் கம்பரே' என்பதை நும் பாடப்பகுதி வழி நிறுவுக.

(அ) சினத்தைக் காத்தல் வாழ்வை மேன்மைப்படுத்தும்:
முன்னுரை:
மனிதனின் மிகப் பெரிய பகை சினம் ஆகும். அச்சினத்தைக் காத்துக் கொண்டால் மனித வாழ்வு மேன்மை அடையும் என்பதைத் திருவள்ளுவர் முப்பாலில் எவ்வாறு விளக்குகிறார் என்பதைக் காண்போம்.

தன்னைத் தான் காத்தல்:
ஒருவன் தன்னைத்தானே காத்துக்கொள்ள விரும்பினால், தன்னுள் சினம் வராமல் காத்துக்கொள்ள வேண்டும். அப்படி காக்காவிட்டால், அந்தச் சினம் அவனையே அழித்துவிடும். ("தன்னைத்தான் காக்கின் சினம்காக்க...")

சேர்ந்தாரைக் கொல்லும் தீ:
சினம் என்பது தன்னைச் சேர்ந்தவர்களையும் சுட்டெரிக்கும் நெருப்பாகும். அது ஒருவனுக்குப் பாதுகாப்பாக இருக்கும் சுற்றத்தார் என்னும் தெப்பத்தையும் சுட்டெரித்துவிடும். ("சினம்என்னும் சேர்ந்தாரைக் கொல்லி...")

சினத்தின் விளைவு:
சினம் ஒருவனுடைய முகமலர்ச்சியையும், அக மகிழ்ச்சியையும் அழித்துவிடும். சினத்தைவிட கொடிய பகை வேறு எதுவும் இல்லை. எனவே, எக்காரணம் கொண்டும் சினம் கொள்ளக்கூடாது.

முடிவுரை:
ஒருவன் தன் மனத்தில் சினம் எழாமல் தடுத்துக் காத்துக்கொண்டால், அவன் நினைத்ததை நினைத்தபடியே அடைவான். சினத்தைக் காப்பதே வாழ்வை மேன்மைப்படுத்தும் உயர்ந்த நெறியாகும் என்பதை வள்ளுவம் உணர்த்துகிறது.

---

(ஆ) எச்.ஏ. கிருட்டிணனார் 'கிறித்தவக் கம்பர்':
முன்னுரை:
எச்.ஏ. கிருட்டிணனார் இயற்றிய 'இரட்சணிய யாத்திரிகம்' என்னும் நூல், ஜான் பனியன் எழுதிய 'பில்கிரிம்ஸ் ப்ராக்ரஸ்' என்னும் ஆங்கில நூலின் தழுவலாகும். இவரைப் பேரறிஞர் அண்ணா 'கிறித்தவக் கம்பர்' என்று போற்றினார்.

சொல்லாட்சித் திறன்:
கம்பரைப் போலவே கிருட்டிணனாரும் தமிழ்ச் சொற்களைக் கையாளுவதில் வல்லவர். இயேசு பெருமானின் சிலுவைப் பாடுகளை விவரிக்கும்போது, கல் நெஞ்சமும் கரையக்கூடிய வகையில் ஆழமான சொற்களைப் பயன்படுத்தியுள்ளார்.

உவமைச் சிறப்பு:
கம்பராமாயணத்தில் காணப்படும் உவமை நயங்களுக்கு இணையான உவமைகளை இரட்சணிய யாத்திரிகத்திலும் காண முடிகிறது. இயேசுவின் பொறுமையையும், அவரைத் துன்புறுத்தியவர்களின் கொடுமையையும் தகுந்த உவமைகள் மூலம் விளக்கியுள்ளார்.

பக்திச் சுவை:
இயேசுவின் மீது அவர் கொண்டிருந்த அளவற்ற பக்தியானது ஒவ்வொரு பாடலிலும் வெளிப்படுகிறது. மனித குலத்தின் பாவங்களைப் போக்க வந்த இறைமகன் படும் துன்பங்களைக் கண்டு இயற்கையே அழுதது எனப் பாடும் திறன் கம்பருக்கு ஒப்பானது.

முடிவுரை:
கவிநயம், பொருள் ஆழம், பக்திச் சுவை, சிறந்த சொல்லாட்சி ஆகிய பண்புகளைக் கொண்டுள்ளதால், எச்.ஏ. கிருட்டிணனார் 'கிறித்தவக் கம்பர்' என்று அழைக்கப்படுவது முற்றிலும் பொருத்தமே ஆகும்.

45. (அ) குடும்பம் என்னும் சிறிய அமைப்பிலிருந்தே மனித சமூகம் என்னும் பரந்த அமைப்பு கட்டமைக்கப்படுகிறது - எவ்வாறு ? விளக்குக.
அல்லது
(ஆ) திரைப்படத்துறை என்பது ஆயிரம் பேரைக் காப்பாற்றும் தொழிலா ? அல்லது கலைகளின் சங்கமமா ? உங்கள் கருத்தைக் கட்டுரையாக்குக.

(அ) குடும்பமும் சமூகமும்:
முன்னுரை:
சமூகம் என்ற மாபெரும் மரத்தின் ஆணிவேராகத் திகழ்வது 'குடும்பம்' என்னும் சிறிய அமைப்பேயாகும். பக்தவத்சல பாரதி தம் கட்டுரையில் குடும்பம் சமூகமாக எவ்வாறு விரிவடைகிறது என்பதைப் பல சான்றுகளுடன் விளக்குகிறார்.

அடிப்படை அலகு:
குடும்பம் என்பது சமூகம் என்ற பரந்த அமைப்பின் அடிப்படை அலகாகும். ஒரு ஆணும் பெண்ணும் திருமணம் செய்து கொண்டு வாழும் தொடக்க நிலையே குடும்பம். அங்கிருந்துதான் மனித சமூகம் கிளைவிடத் தொடங்குகிறது.

உறவுகளின் விரிவு:
கணவன், மனைவி, குழந்தைகள் எனத் தொடங்கும் தனிக்குடும்பம், பின்னர் தாத்தா, பாட்டி என விரிந்து கூட்டுக் குடும்பமாகிறது. பல குடும்பங்கள் சேர்ந்ததே ஒரு சமூகமாக உருவெடுக்கிறது.

பண்பாட்டுக் கடத்தல்:
சமூகத்தின் பண்பாடு, அறநெறிகள், பழக்கவழக்கங்கள் ஆகியவை ஒரு தலைமுறையிலிருந்து அடுத்த தலைமுறைக்குக் குடும்பத்தின் மூலமாகவே கடத்தப்படுகின்றன. குழந்தைகள் சமூகத்தின் விதிகளை முதன்முதலில் குடும்பத்தில்தான் கற்றுக்கொள்கிறார்கள்.

முடிவுரை:
ஆகவே, தனிமனிதர்களாக இருப்பவர்களைச் சமூகப் பிராணிகளாக மாற்றுவது குடும்பமே. எனவே, "குடும்பம் என்னும் சிறிய அமைப்பிலிருந்தே மனித சமூகம் என்னும் பரந்த அமைப்பு கட்டமைக்கப்படுகிறது" என்பது முற்றிலும் உண்மையாகும்.

---

(ஆ) திரைப்படத்துறை - தொழிலா? கலைகளின் சங்கமமா?:
முன்னுரை:
நவீன காலத்தில் மக்களின் வாழ்வில் தவிர்க்க முடியாத அங்கமாகத் திரைப்படத்துறை மாறிவிட்டது. இது ஒருபுறம் ஆயிரக்கணக்கானவர்களின் வாழ்வாதாரமாகவும், மறுபுறம் பல கலைகளின் உறைவிடமாகவும் திகழ்கிறது.

கலைகளின் சங்கமம்:
திரைப்படம் என்பது ஒற்றைக் கலையல்ல; அது பல கலைகளின் கூட்டு. எழுத்து (கதை, வசனம்), நடிப்பு, இசை, ஒளிப்பதிவு, அரங்க அமைப்பு, நடனம், ஒப்பனை எனப் பல்வேறு கலைகள் ஒன்றிணைந்தால் மட்டுமே ஒரு சிறந்த திரைப்படம் உருவாக முடியும். எனவே இது ஒரு உன்னதமான 'கலைகளின் சங்கமம்' ஆகும்.

ஆயிரம் பேரைக் காப்பாற்றும் தொழில்:
ஒரு திரைப்படம் உருவாகப் பல நூறு தொழிலாளர்களின் வியர்வை தேவைப்படுகிறது. தயாரிப்பாளர்கள், விநியோகஸ்தர்கள், திரையரங்கு உரிமையாளர்கள் தொடங்கி, தச்சுத் தொழிலாளிகள், விளக்கு அமைப்பாளர்கள், வாகன ஓட்டிகள் வரை பல ஆயிரக்கணக்கான குடும்பங்களுக்குத் திரைப்படத்துறை உணவளிக்கிறது.

பொருளாதாரப் பங்களிப்பு:
நாட்டு வருமானத்தில் திரைப்படத்துறை பெரும் பங்கு வகிக்கிறது. கேளிக்கை வரி மூலமாக அரசுக்குப் பெரும் வருவாயை ஈட்டித் தருகிறது.

முடிவுரை:
எனவே, திரைப்படத்துறை என்பதை வெறும் 'தொழில்' என்றோ அல்லது வெறும் 'கலை' என்றோ தனித்துப் பிரிக்க முடியாது. அது கலைத்தாகத்தைத் தீர்க்கும் ஒரு 'கலைகளின் சங்கமம்', அதே வேளையில் ஆயிரக்கணக்கான ஏழைகளின் பசியைப் போக்கும் 'மாபெரும் தொழில்' என்பதே நிதர்சனமான உண்மையாகும்.

46. (அ) 'சாலை விபத்தில்லாத் தமிழ்நாடு' - இக்கூற்று நனவாக நாம் செய்ய வேண்டியன யாவை ?
அல்லது
(ஆ) சங்ககாலக் கல்வெட்டு குறித்த ஐராவதம் மகாதேவன் அவர்களின் நினைவுகளைத் தொகுத்து எழுதுக.

(அ) சாலை விபத்தில்லாத் தமிழ்நாடு:
முன்னுரை:
தற்காலத்தில் அன்றாடம் பெருகிவரும் சாலை விபத்துகளால் பல உயிர்கள் பலியாகின்றன. 'சாலை விபத்தில்லாத் தமிழ்நாடு' என்ற இலக்கை அடைய மக்கள் ஒவ்வொருவரும் கீழ்க்காணும் விதிகளையும் கடமைகளையும் பின்பற்ற வேண்டும்.

போக்குவரத்து விதிகளைப் பின்பற்றுதல்:
இருசக்கர வாகனங்களில் செல்வோர் கட்டாயம் தரமான தலைக்கவசம் (ஹெல்மெட்) அணிய வேண்டும். நான்கு சக்கர வாகனங்களில் செல்வோர் இருக்கை வார் (சீட் பெல்ட்) அணிவது கட்டாயமாகும்.

அதிவேகம் தவிர்த்தல்:
சாலைகளில் நிர்ணயிக்கப்பட்ட வேக வரம்பிற்குள் வாகனங்களை இயக்க வேண்டும். முந்துவதற்கு முயலும்போதும், வளைவுகளில் திரும்பும்போதும் மிகுந்த கவனத்துடன் செயல்பட வேண்டும்.

மது அருந்திக் வாகனம் ஓட்டாமை:
மது அருந்திவிட்டு வாகனங்களை இயக்குவது பல கொடிய விபத்துகளுக்குக் காரணமாக அமைகிறது. இதை முற்றிலும் தவிர்க்க வேண்டும். வாகனம் ஓட்டும்போது அலைபேசியில் பேசுவதைத் தவிர்க்க வேண்டும்.

சாலைப் பராமரிப்பு மற்றும் விழிப்புணர்வு:
அரசு சாலைகளைச் செப்பனிட்டு, உரிய எச்சரிக்கைப் பலகைகளை வைக்க வேண்டும். பள்ளிகள் மற்றும் கல்லூரிகளில் சாலைப் பாதுகாப்பு குறித்த விழிப்புணர்வை மாணவர்களிடம் ஏற்படுத்த வேண்டும்.

முடிவுரை:
சாலை விதிகளைச் சுமையாகக் கருதாமல், அது நம் பாதுகாப்பிற்கான கவசம் என்பதை உணர்ந்து செயல்பட்டால் 'சாலை விபத்தில்லாத் தமிழ்நாடு' என்ற கனவு நிச்சயம் நனவாகும்.

---

(ஆ) சங்ககாலக் கல்வெட்டு - ஐராவதம் மகாதேவன் நினைவுகள்:
முன்னுரை:
தமிழ்நாட்டின் தொன்மை வரலாற்றைக் கல்வெட்டுகளின் வாயிலாக உலகிற்கு உணர்த்தியவர் ஐராவதம் மகாதேவன். புகழூர்க் கல்வெட்டு குறித்த அவரது நினைவுகளைப் பாடப்பகுதி வாயிலாக அறிவோம்.

புகழூர்க் கல்வெட்டுக் கண்டுபிடிப்பு:
கரூர் அருகே உள்ள புகழூர் (ஆறுநாட்டான் மலை) குகையில் பண்டைய தமிழ் பிராமிக் கல்வெட்டுகள் இருப்பதைக் கண்டறிந்தார். அது சேர மன்னர்களின் வரலாற்றைக் கூறும் மிக முக்கியமான கல்வெட்டாகும்.

கோபன் மாதேவி:
அக்கல்வெட்டில் 'கோ ஆதன் செல்லிரும்பொறை' என்ற சேர மன்னனின் பெயரும், அவனது மகனான 'பெருங்கடுங்கோ' மற்றும் பேரன் 'இளங்கடுங்கோ' ஆகியோரின் பெயர்களும் பொறிக்கப்பட்டிருந்தன. இது சங்க இலக்கியமான பதிற்றுப்பத்தில் கூறப்படும் சேர மன்னர்களின் வம்சாவளியோடு சரியாகப் பொருந்திப் போனதை எண்ணி அவர் வியந்தார்.

வரலாற்றுச் சான்று:
சங்க இலக்கியங்களில் கூறப்படும் சேர அரசர்கள் கற்பனையானவர்கள் அல்ல, அவர்கள் உண்மையில் வாழ்ந்தவர்கள் என்பதைப் புகழூர்க் கல்வெட்டு அறிவியல் பூர்வமாக நிரூபித்தது. இது தனது வாழ்நாளில் தனக்குக் கிடைத்த மிகப் பெரிய வரலாற்றுப் பொக்கிஷம் என்று ஐராவதம் மகாதேவன் நெகிழ்ந்து குறிப்பிடுகிறார்.

முடிவுரை:
சங்ககாலக் கல்வெட்டுகளைப் படித்துத் தமிழர்களின் தொன்மையான வரலாற்றை உறுதி செய்ததில் ஐராவதம் மகாதேவனின் அர்ப்பணிப்பு அளப்பரியது.

பகுதி - V (மனப்பாடப்பகுதி)

47. அடிபிறழாமல் செய்யுள் வடிவில் விடை தருக. (அ) ‘காய்நெல் அறுத்து' - எனத் தொடங்கும் புறநானூற்றுப் பாடலை எழுதுக.

விடை:
காய்நெல் அறுத்துக் கவளம் கொளினே,
மாநிறைவு இல்லதும், பன்னாட்கு ஆகும்;
நூறுசெறு ஆயினும், தமித்துப்புக்கு உணினே,
வாய்புகு வதனினும் கால்பெரிது கெடுக்கும்;

Urainadaiyin Aninilangal: A Deep Dive into Tamil Prose Stylistics

8 மதிப்பெண் வினா, உரைநடையின் அணிகநலன்கள், விரிவானம்

உரைநடையின் அணிநலன்கள்

ஒரு பக்க அளவில் உரையாடல் எழுதுக

சூழல்: வெளிநாட்டிலிருந்து உங்கள் இல்லத்திற்கு வந்திருக்கும் உறவினரின் மகளுக்குத் தமிழ் மொழியைப் பேச மட்டுமே தெரியும். ஆங்கில இலக்கியம் படித்த அவரிடம் தமிழ் உரைநடையின் சிறப்புப் பற்றி உரையாடுதல்.

(வெளிநாட்டிலிருந்து பாரதி வீட்டிற்கு மலர் வந்திருக்கிறார். பாரதிக்கும் மலருக்குமான உரையாடல் இது)

பாரதி: வாங்க மலர். எப்படி இருக்கீங்க? பத்து ஆண்டுகளுக்குப் பின் இப்போது தான் வந்திருக்கீங்க...

மலர்: நலமுடன் இருக்கிறேன். நீங்கள் நலமா? என்ன படிக்கிறீர்கள்?

பாரதி: நலம். தமிழ் இலக்கியம் படித்து இருக்கிறேன். நீங்க என்ன படித்திருக்கிறீர்கள்?

மலர்: ஆங்கில இலக்கியம் படித்து இருக்கிறேன். எனக்கு தமிழைப் பேச மட்டுமே தெரியும். தமிழில் எழுதத் தெரியாது. தமிழ் இலக்கியத்தைப் படிக்க ஆசைப்படுகிறேன். அதுபற்றிக் கூறுங்களேன்.

பாரதி: தமிழ் இலக்கியம் கடல் போன்றது. தற்போது உரைநடையைப் பற்றி மட்டும் உங்களுக்குக் கூறுகிறேன், கேளுங்கள்.

மலர்: மிக்க மகிழ்ச்சி!

உவமை (Parable)

பாரதி: ஆங்கில இலக்கியத்தில் parable என்று சொல்வார்களே, அது தமிழில் 'உவமை' எனப்படுகிறது. உணர்ச்சியைக் காட்ட உவமை கொண்ட மொழிநடையே ஏற்ற கருவி.

"திருப்பரங்குன்றத்தின் அழகைப் பார்ப்பதற்கென்றே இயற்கை பதித்துவைத்த இரண்டு பெரிய நிலைக்கண்ணாடிகளைப் போல் வடபுறமும் தென்புறமும் நீர்நிறைந்த கண்மாய்கள்" என்று 'குறிஞ்சிமலரில்' நா. பார்த்தசாரதி உவமையைப் பயன்படுத்தியுள்ளார்.

மலர்: அட... என்னே கற்பனை!

உருவகம் (Metaphor)

பாரதி: ஆங்கில இலக்கியத்தில் 'metaphor' என்று சொல்லக்கூடிய உருவகம், உவமையைவிட உணர்வைத் தூண்டும்.

முகநிலவில் வியர்வை முத்துக்கள் துளிர்த்தன. இதில் 'முகநிலவு' என்பது உருவகம்.

மலர்: மிக இனிமை. ஆவலாக இருக்கிறதே!

இணை ஒப்பு (Co-op)

பாரதி: எடுத்துக்காட்டு உவமையணியை உரைநடையில் பயன்படுத்தும்போது 'இணை ஒப்பு', ஆங்கிலத்தில் 'co-op' என்று சொல்வார்கள்.

எடுத்துக்காட்டாக, எழுத்தாளர் வ.ராமசாமி 'மழையும் புயலும்' என்ற நூலில் குறிப்பிட்டுள்ள உரைநடையைச் சொல்லலாம்.

"ஊர்கூடிச் செக்கு தள்ள முடியுமா? என்று கேட்கிறார்கள், ஊர் கூடின பிறகுதான் செக்கு தள்ள வேண்டும் என்று நினைப்பவர்களின் காரியம் கைகூடாது, புரோகிதருக்காக அமாவாசை காத்திருப்பதில்லை"

இலக்கணை

பாரதி: உயிர் இல்லாத பொருள்களை உயிர் உள்ளன போலவும், உணர்வு இல்லாத பொருள்களை உணர்வு உள்ளன போலவும் கற்பனை செய்வது இலக்கணை.

தமிழ்த்தென்றல் திரு. வி. க. அவர்களின் உரைநடை

"சோலையில் புகுவேன்; மரங்கள் கூப்பிடும், விருந்து வைக்கும்; ஆல், 'என் விழுதைப் பார், அந்த அரசுக்கு இஃது உண்டா?' என்னும். அரசு கண்ணில் படும், 'யான் விழுது இன்றி ஓங்கி உயர்ந்து நிற்கிறேன், என்னை மக்கள் சுற்றிச் செல்கிறார்கள், காண்' என்னும். வேம்பு, 'என் நிழல் நலம் செய்யும், என் பூவின் குணங்களைச் சொல்கிறேன், வா' என்னும். அத்தி, நாகை, விளா, மா, வில்வம் முதலிய மரங்கள் விளியாமல் இருக்குமோ? சிந்தனையில் அவைகளின் நுட்பங்கள் விளங்கும். மலை என்னை அடிக்கடி அழைக்கும். மலைமீது இவர்வேன்; ஓரிடத்தில் அமர்வேன்; மேலும் கீழும் பார்ப்பேன்; சுற்றுமுற்றும் பார்ப்பேன்; மனம் அமைதி எய்தும்."

மோனை, எதுகை (Rhyme)

பாரதி: மோனையும் எதுகையும் செய்யுளில் வருமாயின் இனிய ஓசை இன்பம் விளையும். ஆங்கிலத்தில் 'rhyme' என்பார்கள்.

எடுத்துக்காட்டு

சொல்லின் செல்வர் ரா.பி. சேதுபிள்ளை அவர்களின் 'தமிழ் இன்பம்' என்ற நூலிலிருந்து....

"தென்றல் தவழ்ந்துவரும் தென்தமிழ் நாட்டில் அமைந்த திருக்குற்றாலம், மழைவளம் படைத்த பழம்பதி ஆகும் ; கோங்கும் வேங்கையும் ஓங்கி வளரும்; குரவமும் முல்லையும் நறுமணம் கமழும்; கோலமாமயில் தோகை விரித்தாடும்; தேனுண்ட வண்டுகள் தமிழ்ப்பாட்டிசைக்கும். இத்தகைய மலையினின்று விரைந்து வழிந்து இறங்கும் வெள்ளருவி வட்டச் சுனையிலே விழுந்து பொங்கும்போது சிதறும் நீர்த்திவலைகள் பாலாவிபோல் பரந்து எழுந்து மஞ்சினோடு சேர்ந்து கொஞ்சிக் குலாவும்"

திரும்பத் திரும்பச் சொல்லுதல்

பாரதி: உணர்வு வெளிப்பாட்டிற்கும் சொல்லப்படும் கருத்துக்கு அழுத்தம் தரவும் பயன்படுத்தப்படும் உத்தி, "சொல்லையோ கருத்தையோ திரும்பத் திரும்பச் சொல்வது."

எடுத்துக்காட்டு:

டாக்டர் மு.வ. வின் தம் நாட்டுப்பற்று என்ற கட்டுரைத் தொகுப்பிலிருந்து...

"வாழ்க்கை நடத்துவதற்கு பொருள்கள் பல வேண்டும்; அரிசி, காய், கனி முதலியவை வேண்டும். உடை, வீடு முதலியவை வேண்டும்; காசும் காகிதநோட்டும் வேண்டும்; இன்னும் பல வேண்டும்; இவற்றை ஆளும் அறிவு வேண்டும்".

முரண்படு மெய்ம்மை (Contradictory Reality)

பாரதி: படிப்பவருக்கு முரண்படுவது போல் இருக்கும். ஆனால், உண்மையில் முரண்படாத மெய்ம்மையைச் சொல்வது முரண்படு மெய்ம்மை.

அதாவது 'contradictory reality'.

எடுத்துக்காட்டு:

"இந்த உலகத்தில் பயம் என்ற ஒன்றிற்குத் தவிர வேறு எதற்கு நாம் பயப்பட வேண்டும்?"

சொல் முரண் (Contradictory)

பாரதி: முரண்பட்ட சொற்களைச் சேர்த்து எழுதுவது சொல் முரண்.

இது 'contradictory'.

எடுத்துக்காட்டு:

'கலப்பில்லாத பொய்'

எதிரிணை இசைவு (Opposite Consent)

பாரதி: சொல்லும் முறையில் அழுத்தம் கொடுப்பதற்காக எதிரும் புதிருமான முரண்படும் கருத்துக்களை அமைத்து எழுதுவது எதிரிணை இசைவு.

ஆங்கிலத்தில் 'opposite consent'.

எடுத்துக்காட்டு:

தோழர் ப.ஜீவானந்தம் எழுதியிருப்பது....

"குடிசைகள் ஒருபக்கம்; கோபுரங்கள் மறுபக்கம் ; பசித்தவர்கள் ஒருபக்கம் ; புளிச்சேப்பக்காரர்கள் மறுபக்கம்; மெலிந்த எலும்புக்கூடுகள் ஒருபக்கம்; பருத்த தொந்திகள் மறுபக்கம்; கேடுகெட்ட இந்தச் சமுதாயத்திற்கு என்றைக்கு விமோசனம்? தோழர்களே, சிந்தியுங்கள்!"

கேள்வியிலேயே பதில் இருப்பது

பாரதி: அண்ணா பேசியது...

"அவர் பேசாத நாள் உண்டா? குரல் கேட்காத ஊர் உண்டா? அவர் தாக்குதலைப் பெறாத பழமை உண்டா? எதைக் கண்டு அவர் திகைத்தார்? எந்தப் புராணம் அவரிடம் தாக்குதலைப் பெறாதது?... எனவேதான், பெரியாருடைய பெரும் பணியை தனிமனிதனின் வரலாறு என்றல்ல ஒரு சகாப்தம் - ஒரு காலகட்டம் - ஒரு திருப்பம் - என்று கூறுகிறேன்".

உச்சநிலை (Climax / Peak)

பாரதி: உச்சநிலை.  அதாவது, climax அல்லது peak.

சொல்லையோ, கருத்தையோ அடுத்தடுத்து வைக்கும் முறையிலே உள்ள சிறப்பு தான்...

எடுத்துக்காட்டு:

பாரதியின் வரிகள்...

"இந்தியா தான் என்னுடைய மோட்சம்; இந்தியாவின் நன்மைதான் என் நன்மை; இந்தியாதான் என் இளமையின் மெத்தை; என் யௌவனத்தின் நந்தவனம்; என் கிழக்காலத்தின் காசி"

மலர்: மிகவும் சுவையாக இருக்கிறது. தமிழ் உரைநடையின் சிறப்புகளைப் பற்றி உரையாடியதற்கு நன்றி!