1st Grade Maths Term 3 Unit 5: Information Processing | Following and Creating Instructions

1 ஆம் வகுப்பு கணக்கு : பருவம் 3 அலகு 5 : தகவல் செயலாக்கம்

வழிமுறைகளைப் பின்பற்றுதல் மற்றும் உருவாக்குதல்

ஆசிரியருக்கான குறிப்பு

ஆசிரியர் இந்த விளையாட்டை அறிமுகப்படுத்தும் முன் குழந்தைகளுக்குத் திசை சார்ந்த சொற்களான மேல்நோக்கி, கீழ்நோக்கி, இடது, வலது போன்றவற்றில் போதுமான பயிற்சியை அளிக்கவும்.

கற்றல்

வழி சொல்வோம்! பொருள் வெல்வோம்!

ஆசிரியருக்கான குறிப்பு

ஆசிரியர் இந்த விளையாட்டை அறிமுகப்படுத்தும் முன் குழந்தைகளுக்குத் திசை சார்ந்த சொற்களான மேல்நோக்கி, கீழ்நோக்கி, இடது, வலது போன்றவற்றில் போதுமான பயிற்சியை அளிக்கவும்.

வழிமுறை: இந்த விளையாட்டை உள்ளரங்க / வெளியரங்க விளையாட்டாக விளையாடலாம். படத்தில் உள்ளவாறு கட்டங்களை வரைந்து அதில் பொருள்கள் அல்லது பொம்மைகளை வைக்கவும். ஏதேனும் ஒரு மாணவரைத் தேர்வுசெய்து அவரின் மூலம் விளையாட்டைத் தொடங்கலாம்.

ஆசிரியர் : இரண்டு கட்டங்கள் வலதுபுறம் நகரவும். (தேவையான சைகையைப் பயன்படுத்தவும்)

மாணவர் : சரி! பிறகு

ஆசிரியர் : கீழ்நோக்கி ஒரு கட்டம் நகருக.

மாணவர் : ஆம்! எனக்குப் பந்து கிடைத்துவிட்டது.

மாணவர் நகர்ந்து சென்றடைந்த கட்டத்தில் உள்ள பொருளை எடுத்துக் காட்ட வேண்டும். இதே போல் மற்றொரு மாணவரைக் கொண்டு அடுத்த பொருளுக்கு மீண்டும் விளையாட்டைத் தொடரலாம்.

செயல்பாடு

எனக்குப் படக்கதைகள் பிடிக்கும்.

வழிமுறைகளைப் பின்பற்றுதல்

1. அலமாரிக்குச் சென்று உனக்கு விருப்பமான நூல் ஒன்றை எடு.

2. உன் இருக்கைக்குச் செல்.

3. நூலினைத் திற. படம் பார்த்து மகிழ்க,

4. நூலினை மூடு -.

5. நூலினை அலமாரியில் எடுத்த இடத்தில் வைக்கவும். யாரெல்லாம் சரியாகச் செய்தீர்களோ அவர்களுக்குப் பாராட்டுகள்.

ஆசிரியருக்கான குறிப்பு

மேற்கண்ட செயல்பாட்டைப் போன்று கை கழுவுதல், நீர் அருந்துதல், பென்சில் பெட்டியிலிருந்து பென்சில் எடுத்தல் போன்ற செயல்பாடுகளையும் வழிமுறைப்படி மாணவர்கள் செய்துபார்க்க வாய்ப்பளிக்கவும்.

(பள்ளிக்குச் செல்ல ஆயத்தமாதல், உணவு உண்ணுதல், கழிவறைப் பழக்கம் போன்ற செயல்பாடுகளையும் தனி நடிப்பு மூலம் ஒரு மாணவர் செய்து காண்பிக்க மற்றவர்கள் கூற வாய்ப்பளிக்கலாம்.)

முயன்று பார்

தேவாவின் வீடு எது? கண்டுபிடித்து வட்டமிடுக.

நேராகச் சென்று, இரண்டாவதாக வரும் இடது புறச் சாலையில் திரும்பு.

கற்றல்

இலக்கினை அடைய வழிகாட்டுவோம்

ஆசிரியருக்கான குறிப்பு

மாணவர்களை இரண்டு குழுக்களாகப் பிரிக்கவும். படத்தில் சென்றடைய வேண்டிய இலக்கினை ஒரு குழு தெரிவு செய்யவும். (எடுத்துக்காட்டு: நூலகம்) மற்றொரு குழு உள்ள இடத்திலிருந்து, முதல் குழு கூறிய இலக்கினை அடைய வழியைக் கூற வேண்டும். மேற்காணும் செயல்பாட்டிற்குரிய குறிப்புகளை மாணவர்களே உருவாக்குவதில் ஆசிரியர் ஏதுவாளராகச் செயல்படவும்.

செயல்பாடு

எனக்குப் பிடித்த பொம்மை.

தேவையான பொருள்கள்

பஞ்சு, ரப்பர் பட்டைகள் (Rubber bands) பொட்டுகள்.

செய்முறை

1. படத்தில் கொடுக்கப்பட்டவாறு பஞ்சு ஒன்றினை எடுத்துக் கொள்க.

2. பஞ்சின் நடுப்பகுதியில் ஒரு ரப்பர் பட்டையைப் பொருத்துக.

3. மேலும் இரண்டு ரப்பர் பட்டைகளைப் படத்தில் காட்டியுள்ளபடி, பஞ்சின் மேல்பகுதியில் இரு ஓரங்களிலும் பொருத்தி, கரடி பொம்மையின் காதுகள் போல அமைக்க.

4. கரடி பொம்மையை மேலும் மெருகேற்ற, படத்தில் காண்பது போல பொட்டுகளை வைத்து அலங்கரிக்க.

5. கண் புருவங்கள், மூக்கு போன்றவற்றையும் வரைந்து அழகான கரடி பொம்மையைத் தயார் செய்க.

விளையாட்டு

போக்குவரத்து விளக்குகள்

பின்வரும் வழிமுறைகளை மாணவர்களுக்குச் செய்துகாட்டிப் பயிற்சி அளிக்க வேண்டும். பின்பு குழுச் செயல்பாடாக மாணவர்களைச் செய்ய வைத்து வலுவூட்டலாம்.

1. தலைக்கவசம் அணிந்து கொள்.

2. வண்டியை ஓட்டத் தொடங்கு.

3. சிவப்புக் குறியீடு - வண்டியை நிறுத்து,( நில்)

4. மஞ்சள் குறியீடு - வண்டியைச் செலுத்த ஆயத்தமாகு. (கவனி)

5. பச்சைக் குறியீடு – செல்.

செயல்பாடு

வேடிக்கை நேரம்

❖ தரையில் அங்குமிங்குமாகச் சில பொருள்களை வைக்கவும். வகுப்பை இரு குழுக்களாகப் பிரிக்கவும். முதல் குழுவில் ஒரு மாணவரின் கண்களைக் கைக்குட்டை கொண்டு கட்டவும்.

❖ மற்றொரு குழு தரையில் உள்ள ஏதேனும் ஒரு பொருளைத் தேர்வு செய்ய வேண்டும்.

❖ முதல் குழுவினர் வழிமுறைகள் மட்டுமே கொடுத்து, மற்ற குழு குறிப்பிட்ட பொருளை எடுக்க உதவ வேண்டும்.

❖ ஆசிரியர் மேற்காணும் செயல்பாட்டிற்கு வழிகாட்டியாகச் செயல்பட வேண்டும்.

1st Grade Maths Term 3 Unit 5: Information Processing - Assembling Parts

தகவல் செயலாக்கம் | பருவம் 3 அலகு 5 | 1 ஆம் வகுப்பு கணக்கு - பாகங்களைப் பொருத்துதல் | 1st Maths : Term 3 Unit 5 : Information Processing

1 ஆம் வகுப்பு கணக்கு : பருவம் 3 அலகு 5 : தகவல் செயலாக்கம்

பாகங்களைப் பொருத்துதல்

அலகு 5

தகவல் செயலாக்கம்

கலைச்சொற்கள்

பாகங்கள், பிரித்தல், பொருத்துதல், வழிமுறைகள்

பயணம் செய்வோம்

பாகங்களைப் பொருத்திப் பொம்மையை உருவாக்கலாமா?

முதலில் பொம்மையின் அடிப்பாகத்தை வைப்பேன்.

அதன் மேல், அடுத்த பாகம்.

இப்பொழுது மூன்றாம் பாகம்.

ஆஹா! சரியான முறையில் அழகான பொம்மையை நாம் உருவாக்கிவிட்டோம்.

கற்றல்

பொருத்துதல்

தேவையான பொருள்கள்: எளிமையாகப் பிரித்தெடுத்து, மீண்டும் ஒன்று சேர்க்கக் கூடிய பாகங்கள் கொண்ட பொம்மைகள்.

செயல்முறை:

ஆசிரியர் பொம்மையை எடுத்து அதன் பாகங்களைப் பிரித்துக் கலைத்திட வேண்டும். வழிமுறையைக் கூறிக்கொண்டே கலைக்கப்பட்ட பாகங்களை ஒவ்வொரு பாகமாகச் சேர்த்து, மீண்டும் பொம்மையை உருவாக்க வேண்டும். கொடுக்கப்பட்ட எடுத்துக்காட்டைப் போல, மற்றொரு பொம்மை உருவாக்குதலைக் குழுச்செயல்பாடாக மாணவர்களைச் செய்ய வைத்துப் பாடக்கருத்தை வலுப்படுத்தலாம்.

எடுத்துக்காட்டு

நீயும் கணித மேதைதான்

பாகங்கள் இங்கே! வண்டி எங்கே?

மேற்காணும் பாகங்களைப் பொருத்தி உருவாக்கப்பட்ட சரியான வண்டியினை (✔) செய்க.

கற்றல்

செயல்பாடு

நானே பொருத்துவேன்.

1. வகுப்பை இரண்டு குழுக்களாகப் பிரிக்கவும்.

2. ஆசிரியர், குழுவினரை வார இதழ்கள் மற்றும் நாளிதழ்களில் உள்ள படங்களைச் சேகரிக்கச் செய்து, தனித்தனியே ஒவ்வொரு படத்தினையும் நான்கு சம பாகங்களாகப் பிரித்து வைக்க உதவி செய்யவும்.

3. ஒவ்வொரு குழுவும் மற்ற குழு கொடுக்கும் கலைக்கப்பட்ட படப் பாகங்களைப் பொருத்தி, சரியான படத்தை உருவாக்க வேண்டும்.

4. ஆசிரியர் இச்செயல்பாடுகளைப் பார்வையிட்டுப் பாராட்டி வலுவூட்ட வேண்டும்.

5. அடுத்த சுற்றில் குழுக்கள் இரண்டும் வேறு இரு சோடிப் படங்களைக் கொண்டு செயல்பாடுகளைத் தொடர்ந்து மேற்கொள்ள வேண்டும்.

செய்து பார்

படங்களைப் பொருத்தவும்.

படத்திற்குரிய பாகங்களைக் கோடிட்டு இணைக்கவும்.

முயன்று பார்

மறைந்துள்ள விலங்குகளைக் கண்டுபிடி.

ஆசிரியருக்கான குறிப்பு: மேற்கண்டது போல, மேலும் பட அட்டைகளைத் தயார்செய்து, மறைந்துள்ள விலங்குகளைக் கண்டுபிடிக்க ஊக்குவிக்கவும்.

செய்து பார்

விடுபட்ட பாகத்தை (✔) செய்க.

செயல்பாடு

விலங்குகளின் சரியான பாகத்தை வட்டமிடவும்.

செய்து பார்

கணித மாதிரிகளை அவற்றால் உருவாக்கப்பட்ட உருவத்துடன் பொருத்துக.

மகிழ்ச்சி நேரம்

சரியான முறையில் பொருத்தப்பட்ட பட அட்டைகளைக் கண்டுபிடித்து (✔) செய்க.

1st Grade Maths Term 3 Unit 4: Time | Samacheer Kalvi

1 ஆம் வகுப்பு கணக்கு : பருவம் 3 அலகு 4 : காலம்

கலைச்சொற்கள்

காலம், முன்னர், பின்னர், வேகமாக, மெதுவாக

பயணம் செய்வோம்

முகிலுடன் ஒரு நாள்

செய்து பார்

காலை நேரச் செயல்பாடுகளுக்கு வண்ணமும், மாலை நேரச் செயல்பாடுகளுக்கு வண்ணமும் தீட்டுக.

செயல்பாடு

❖ காலை முதல் இரவு வரை நிகழும் செயல்பாடுகளைப் பட மின்னட்டைகளாகத் தயாரிக்கவும்.

❖ குழந்தைகளை வட்டமாக அமர வைக்கவும்.

❖ ஒவ்வொரு மாணவருக்கும் ஒரு பட மின்னட்டையை வழங்க வேண்டும்.

❖ பட மின்னட்டையைப் பெற்ற மாணவர் அச்செயல்பாட்டினை சைகை மூலம் மட்டுமே வெளிப்படுத்த வேண்டும்.

❖ பிற மாணவர்கள் அவருடைய சைகையை உற்றுநோக்கி அச்செயல்பாட்டையும், அது எந்த வேளையில் நிகழும் என்பதையும் கூற வேண்டும்.

❖ சரியாகச் செய்தவரைப் பாராட்டி, மற்றவர்களுக்கும் இச்செயல்பாட்டினைத் தொடரலாம்.

கற்றல்

ஒரு நாளில் கால நேர பொழுதுகளில் ஏற்படும் மாற்றங்கள்.

செய்து பார்

செயல்பாடுகளை அதற்குரிய கால நேரப் பொழுதுகளுடன் பொருத்துக.

முயன்று பார்

அன்றாட நிகழ்வுகளின் படங்களை உற்றுநோக்குக. கீழே கொடுக்கப்பட்டுள்ளவாறு -இன் மேல் பொருத்தமான வண்ணம் தீட்டுக.

கற்றல்

முன்னர்-பின்னர்

முயன்று பார்

படங்களை உற்றுநோக்கி முன்னர் - பின்னர் நிகழ்வுகளின் அடிப்படையில் 1,2,3 என வரிசைப்படுத்துக.

செய்து பார்

படத்தை உற்றுநோக்கி முன்னர் - பின்னர் மாற்றத்திற்கேற்ப வண்ணமிடுக.

கற்றல்

பழையது – புதியது

செய்து பார்

பழைய பொருள்களை அதற்குரிய புதிய பொருள்களுடன் பொருத்துக.

கூடுதலாக அறிவோம்

பழங்காலத்தில் தகவல்களைப் பதிவு செய்ய ஓலைச்சுவடி பயன்படுத்தப்பட்டது. பின்னர் அதற்குப் பதிலாக புத்தகம் பயன்படுத்தப்படுகிறது.

கற்றல்

வேகமாக-மெதுவாக

நண்டு வேகமாகச் செல்லும்

நத்தை மெதுவாகச் செல்லும்,

செய்து பார்

வேகமாகச் செல்லும் வண்டியை (✔) செய்க

மகிழ்ச்சி நேரம்

வண்ணமிடலாமா?

எந்தப் படத்திற்கு விரைவாகவும் தெளிவாகவும் வண்ணமிட முடியும்? ஏன்?

கற்றல்

குறைந்த நேரம் - அதிக நேரம்

சிறிய வாளியில் நீர் நிரம்ப குறைந்த நேரமாகும்.

பெரிய வாளியில் நீர் நிரம்ப அதிக நேரமாகும்.

நீயும் கணித மேதைதான்

கிண்ணத்தில் உள்ள எண்ணெய்யைக் காலியாக உள்ள பாட்டிலுக்கு மாற்ற, இரண்டு கரண்டிகளில் எதனைத் தேர்ந்தெடுப்பாய்? ஏன்?

முயன்று பார்

யார் முதலில் பள்ளியைச் சென்றடைவார்? ஏன்?

பதில்: பையன் முதலில் அடைவார். ஏனெனில் பள்ளிக்கு அருகில் இருக்கிறார்.

1st Grade Maths: Term 3 Unit 2 - Skip Counting Explained

1 ஆம் வகுப்பு கணக்கு : பருவம் 3 அலகு 2 : எண்கள்

தாவி எண்ணுதல்

பயணம் செய்வோம்

'நண்பா! நான்' கற்களில் மட்டும் தாவி" இங்கு வந்துள்ளேன்.

சரி. அப்போ நான் கற்களில் மட்டும் தாவி' அங்கு வருவேன்.

தாவிச் சென்ற கற்களின் மேல் உள்ள எண்களைக் கூறுக.

விடை : 9 7 5 3 1

தாவிச் செல்ல இருக்கின்ற கற்களின் மேல் உள்ள எண்களைக் கூறுக.

விடை : 2 4 6 8 10

கற்றல்

இரண்டிரண்டாக முன்னோக்கி எண்ணுதல்.

எண்கோட்டினைப் பயன்படுத்திப் பின்வருவனவற்றை நிரப்புக.

1 3 5 7 9 11 13 15 17 19 21

மூன்று மூன்றாக முன்னோக்கி எண்ணுதல்.

எண்கோட்டினைப் பயன்படுத்திப் பின்வருவனவற்றை நிரப்புக.

1 4 7 10 13 16 19

இரண்டிரண்டாகப் பின்னோக்கி எண்ணுதல்.

எண்கோட்டினைப் பயன்படுத்திப் பின்வருவனவற்றை நிரப்புக.

20 18 16 14 12 10 8 6 4 2

மூன்று மூன்றாகப்பின்னோக்கி எண்ணுதல்.

எண்கோட்டினைப் பயன்படுத்திப் பின்வருவனவற்றை நிரப்புக.

20 17 14 11 8 5 2

செய்து பார்

இரண்டிரண்டாக எண்ணி நிரப்புக.

மூன்று மூன்றாக எண்ணி நிரப்புக.

செயல்பாடு

❖ மாணவர்களின் எண்ணிக்கைக்கேற்பக் குழுக்களாகப் பிரிக்கவும்.

❖ ஒவ்வொரு குழுவினருக்கும் ஒவ்வொரு மாத நாள்காட்டியைக் கொடுக்கவும்.

❖ இருவேறு வண்ணங்களில் பொட்டுகளைக் கொடுக்கவும். (எடுத்துக்காட்டு: 2-களுக்கு வண்ணப் பொட்டும், 3-களுக்கு வண்ணப் பொட்டும் பயன்படுத்துமாறு அளித்தல்.)

❖ ஒரு குழு இரண்டிரண்டாக முன்னோக்கி எண்ணும் செயல்பாட்டிற்கு, 2-இல் தொடங்கி ஒவ்வொரு தாவுதலுக்கும் வண்ணப் பொட்டுகளை ஒட்ட வேண்டும்.

❖ இதேபோல் மற்ற குழு மூன்று மூன்றாக முன்னோக்கி எண்ணும் செயல்பாட்டிற்கு, 3-இல் தொடங்கி ஒவ்வொரு தாவுதலுக்கும் வண்ணப் பொட்டுகளை ஒட்ட வேண்டும்.

❖ குழுவை மாற்றியும் இச்செயல்பாட்டினைச் செய்துபார்க்கலாம் .

நீயும் கணித மேதைதான்

விடுபட்ட எண்களை எழுதுக.

❖ 2, 4, 6, 8, 10, 12, 14, 16, 18, 20

❖ 3, 6, 9, 12, 15, 18, 21, 24, 27, 30

❖ மேற்காணும் தொடரில் உள்ள அமைப்புகளை உற்றுநோக்குக. அதில் பயன்படுத்தப்பட்டுள்ள விதியினைக் கூறுக.

மகிழ்ச்சி நேரம்

இரண்டிரண்டாக, மூன்று மூன்றாகத் தாவி வரும் எண்களைக் கண்டறிந்து, அவற்றில் இரண்டிரண்டாகத் தாவி வரும் எண்ணிற்கு வண்ணமும், மூன்று மூன்றாகத் தாவி வரும் எண்ணிற்கு வண்ணமும் தீட்டுக.

எந்த எண்களுக்காவது ஒன்றுக்கும் மேற்பட்ட வண்ணம் தீட்டப்பட்டுள்ளதா? ஆம் எனில், அவை எந்தெந்த எண்கள்? பட்டியலிடுக.