10th Tamil Mozhiyodu Vilaiyadu All Chapters | Book Back Questions & Answers

மொழியோடு விளையாடு அனைத்து இயல்களும்

சொற்களை இணைத்துப் புதிய சொற்களை உருவாக்குக.

(தேன், விளக்கு, மழை, விண், மணி, விலங்கு, செய், மேகலை, வான், பொன், பூ)

எ.கா. பூமணி

1. மணிமேகலை
2. தேன் மழை
3. பூமழை
4. வான்மழை
5. பொன்மழை
6. செய்விளக்கு
7. பொன்செய்
8. செய்மணி
9. செய்தேன்
10. வான்விளக்கு
11. பொன்மணி
12. பூந்தேன்
13. பூத்தேன்

குறிப்புகளைக் கொண்டு வினாவிலேயே விடை இருப்பது போன்று வினாத்தொடர்கள் அமைக்க

(குறளின்பம், சுவைக்காத இளநீர், காப்பியச் சுவை, மனிதகுல மேன்மை, விடுமுறைநாள்)

எ.கா. குறளின்பத்தில் திளைக்காத புலவர் உண்டோ?

1. சுவை தராத இளநீர் உண்டோ?
2. காப்பியச் சுவை அறியாத தமிழ்ப்புலவர் உண்டோ?
3. அறிவியல் கண்டுபிடிப்புகள் யாவும் மனித குல மேன்மையே அன்றி வேறெதுவும் உண்டோ?
4. பாடும் பறவைகளுக்கு விடுமுறை நாள் உண்டோ?

எண்ணுப்பெயர்களைக் கண்டு, தமிழ் எண்களில் எழுதுக.

1. நாற்றிசையும் செல்லாத நாடில்லை: நான்கு - ச
2. எறும்புந்தன் கையால் எண்சாண்: எட்டு - அ
3. ஐந்துசால்பு ஊன்றிய தூண்: ஐந்து- ரு
4. நாலும் இரண்டும் சொல்லுக்கு உறுதி: நான்கு, இரண்டு- ச, உ
5. ஆனை ஆயிரம் அமரிடை வென்ற மானவனுக்கு வகுப்பது பரணி: ஆயிரம் - க000

அகராதியில் காண்க

1. அடவி-மரங்கள் அடர்ந்த நிலப்பகுதி, காடு, சோலை
2. அவல்(அகன்ற பள்ளம்)-பள்ளம், விளைநிலம், குளம், வயல்
3. சுவல்-மேட்டு நிலம், பிடரி, முதுகு, குதிரையின் கழுத்து மயிர், தொல்லை.
4. செறு(சேறு நிறைந்த நிலம்)-வயல், பாத்தி, செய்
5. பழனம்-பொய்கை, மருத நிலம், நீர்நிலச்சேறு, பொது நிலம், வயல்
6. புறவு-காடு, முல்லை நிலம், புறம்பு, புறா, முல்லைக்கொடி.

தலைப்பு : கல்வி

புத்தகம் வாசித்திடு; புதிதாய்ச் சுவாசித்திடு

தீமை துரத்திடும்; தூய்மை ஆக்கிடும்

வறுமை ஓட்டிடும்; வளமை கூட்டிடும்

விதியை விலக்கிடும்; விழியைத் திறந்திடும்

மதியை வளர்த்திடும்; மதிப்பை உயர்த்திடும்

அற்றம் காத்திடும்; நம் சுற்றம் காத்திடும்

உளியாய்ச் செதுக்கிடும்; பழியை அகற்றிடும்

இன்பம் ஊட்டிடும்; வீட்டைக் காட்டிடும்.

இயல் 2

சொல்லைக் கண்டுபிடித்துப் புதிரை விடுவிக்க.

1) முதல் இரண்டை நீக்கினாலும் வாசனை தரும்; நீக்காவிட்டாலும் வாசனை தரும்.

விடை: நறுமணம்

2) பழமைக்கு எதிரானது- எழுதுகோலில் பயன்படும்.

விடை: புதுமை

3) இருக்கும்பொழுது உருவமில்லை- இல்லாமல் உயிரினம் இல்லை.

விடை: காற்று

4) நாலெழுத்தில் கண் சிமிட்டும்- கடையிரண்டில் நீந்திச் செல்லும்

விடை: விண்மீன்

5) ஓரெழுத்தில் சோலை- இரண்டு எழுத்தில் வனம்.

விடை: காடு

நயமிகு தொடர்களைப் படித்து ஏற்ற தலைப்புகளை எடுத்து எழுதுக.

1) கொளுத்தும் வெயில் சட்டெனத் தணிந்தது. வானம் இருண்டது. வாடைக் காற்று வீசியது.

தலைப்பு: காற்றின் பாடல்

2) புவி சிலிர்த்து, மண்ணில் இருந்து சின்னஞ்சிறு மொட்டு முகிழ்த்தது; அச்செடியை வரவேற்கும் விதமாக பக்கத்துச் செடிகள் தலையாட்டி மகிழ்கின்றன.

தலைப்பு: மொட்டின் வருகை

3) சோலைக்குள் சத்தமில்லாமல் வீசியது தென்றல்; பூக்கள் அதன் வருகையை உணர்ந்து நறுமணத்துடன் வரவேற்கின்றன. பூ வாசம் கலந்த தென்றலில் வண்டுகள் மிதந்து சென்று மலர்களில் அமர்கின்றன.

தலைப்பு: மிதக்கும் வாசம்

4) இரவின் இருள் அமைதியில் இரைச்சலாய்ச் சில சுவர்க்கோழிகள். வறண்ட வானத்தின் இருண்ட புழுக்கம்; மழைக்கு ஏங்கும் புவி வெப்பப் பெருமூச்சு விடும். கசகசத்த உயிரினங்கள்.

தலைப்பு: உயிர்ப்பின் ஏக்கம்

5) நின்றுவிட்ட மழை தரும் குளிர். சொட்டுச் சொட்டாக விளிம்புகளிலிருந்தும் மரங்களிலிருந்தும் விழும் மழைநீர் பட்டுச் சிலிர்க்கும் உயிரினம்.

தலைப்பு: நீரின் சிலிர்ப்பு

6) குயில்களின் கூவலிசை. புள்ளினங்களின் மேய்ச்சலும் பாய்ச்சலும். இலைகளின் அசைவுகள், சூறைக் காற்றின் ஆலோலம்.

தலைப்பு: வனத்தின் நடனம்

இயல் 2

1. அகன்சுடர்-உயர்ந்த தீபம்(அகன்ற சுடர், பெரிய சுடர், உயர்ந்த சுடர்) கதிரவன்
2. ஆர்கலி- கடல்(ஆர்ப்பரிக்கும் கடல்), மழை(ஆரவாரத்துடன் பெய்யும் மழை), பறவை ம்ம்
3. கட்புள்-விழித்திருக்கும் பறவை(கண் விழித்திருக்கும் பறவை)கண்+புள்(பறவை)
4. திருவில்-வானவில்(பெரிய வில், அழகான வில்)
5. திரு-அழகு, செல்வம்
6. கொடுவாய் - வாள் முதலிய வற்றின் வளைந்த வாய், குறளை, பழிச்சொல், ஒருவகை மீன், புலி வகை, வாயில் இருந்து வடியும் நீர்;கொடு- வளைந்த, கொடுமையான

தலைப்பு: மரம் வளர்த்திடு

ஆறறிவு படைத்த மானிடா!

புல்லறிவு கொண்டது ஏனடா?!

சூழல் கெடுத்து சூனியம் வைத்தாய்!

முற்றும் மறந்து உற்றவை அழித்தாய்!

ஓரறிவு கொண்டது தானடா!

உலகிற்கு உயிரென்று ஆனதடா!

மழை தந்து வாழ வைக்கும்!

மன்னுயிர்க் கெல்லாம் உரமாய் நிற்கும்!

தவமிருந்து மரங்கள் வளர்த்திடு!

தலைமுறை தனைக் காத்திடு!

விடுபட்ட எழுத்துக்களை நிரப்பி அந்த எழுத்துக்களை மட்டும் இணைத்து ஒளிந்துள்ள ஒரு நூலின் பெயரைக் கண்டுபிடிக்க.

இ_கு (பறவையிடம் இருப்பது)

கு_தி (சிவப்பு நிறத்தில் இருக்கும்)

வா_ (மன்னரிடம் இருப்பது)

அ_கா (தங்கைக்கு மூத்தவள்)

ம_ (அறிவின் மறுபெயர்)

பட_ (நீரில் செல்வது)

இறகு, குருதி, வாள், அக்கா, மதி, படகு. (தி-ரு-க்-கு-ற-ள்)

நூலின் பெயர்: திருக்குறள்

இரு சொற்களையும் ஒரே தொடரில் அமைத்து எழுதுக

சிலை- சீலை

சிலையைத் திரைச்சீலையால் மறைத்திருக்கிறார்கள்.

தொடு-தோடு

காதில் தொங்கிய தோடு, தோளைத் தொட்டுக் கொண்டிருந்தது.

மடு-மாடு

மடுவில் மாடு குளித்தது. (மடு-குளம்)

மலை-மாலை

மாலையில் மலைமீது ஏறினார்.

வளி-வாளி

வாளியில் வளியே நிறைந்திருக்கிறது

விடு-வீடு

வீடுபேறு அடைய தீய செயல்களைக் கைவிட வேண்டும்

இயல் 3

1. ஊன்-இறைச்சி
2. ஊண்-உணவு
3. திணை-ஒழுக்கம், பிரிவு; உயர்+திணை=உயர்திணை (கடவுள்,மனிதர்);அல்+திணை=அஃறிணை;(விலங்குகள் மற்றும் உயிரற்ற பொருள்கள்)
4. தினை-ஒருவகை தானியம்
5. அன்னம்(அன்னப்பறவை, சோறு)
6. அண்ணம்- வாயின் ‌‌‌‌‌‌‌‌‌‌‌‌‌‌‌‌‌ மேற்பகுதி
7. வெல்லம்- சருக்கரை, இனிப்புக் கட்டி
8. வெள்ளம்-நீர்

தலைப்பு: அன்பு

ஓலைக் குடிசையில் வாழ்ந்தாலும்...

ஒருவேளைக் கூழே உண்டாலும்...

உள்ளம் நிறைய அன்புடனே...

ஒருகை நீயும் அளித்தாயே!

கசங்கிய உடையை அணிந்தாலும்...

கலங்கா உள்ளம் படைத்தாயே!

இல்லா நிலையை அடைந்தாலும்...

இரங்கிய உள்ளம் படைத்தாயே!

உன்போல் ஒருவரைக் கண்டாலே...

ஊக்கத்தால் உள்ளம் துளிர்த்திடுமே!!

தொடரைப் படித்து விடையைக் கண்டறிக

1) நூலின் பயன் படித்தல் எனில், கல்வியின் பயன் ________(கற்றல்)

2) விதைக்கு தேவை எரு எனில், கதைக்குத் தேவை_______(கரு)

3. கல் சிலை ஆகுமெனில், நெல் ______ஆகும். (சோறு)

4) குரலில் இருந்து பேச்சு எனில், விரலில் இருந்து ______(எழுத்து)

5) மீன் இருப்பது நீரில்; தேன் இருப்பது_______(பூவில்)

இயல் 4

1. அவிர்தல்-பிரகாசித்தல்,ஒளிர்தல் விளங்குதல்
2. அழல்-நெருப்பு, கோபம், நஞ்சு
3. உவா -முழுநிலவு, கடல், இளமை, யானை
4. கங்குல்-இரவு
5. கனலி-சூரியன், நெருப்பு

பக்கம் 97

குறிப்பைப் பயன்படுத்தி விடை தருக

குறிப்பு: எதிர்மறையான சொற்கள்

1. மீளாத் துயர்- மீண்ட துயர்
2. கொடுத்துச் சிவந்த- கொடாது சிவந்த
3. மறைத்துக் காட்டு- மறையாது காட்டு
4. அருகில் அமர்க- தொலைவில் அமர்க
5. பெரியவரின் அமைதி- பெரியவரின் கூச்சல்
6. புயலுக்கு பின்- புயலுக்கு முன்.

தலைப்பு: தொழில்நுட்ப அடிமை

கிரகாம்பெல் கண்ட அற்புத விளக்கு!

மார்ட்டின் கூப்பரின் மந்திர விளக்கு!

பேஜ் பிரினின் கூகுள் தேடல்...

சூக்கர் பெர்கின் முகநூல் நட்பு...

ஆக்டன்- கௌமின் புலனப் பார்வை ...

ஆளை மயக்கும் ஆண்ட்ராய்டு பதிப்பு..!

ஆட் கொண்டதில் இல்லையே வியப்பு..!

ஆசை உறவை அலைபேசியில் கண்டாய்!

படிப்பும் பணியும் கைபேசியில் முடித்தாய்!

தொழில்நுட்பத் தொல்லையில் தொலைந்தேன் போனாய்?!

தொடுதிரை உலகில் அடிமை ஆனாய்..!

புதிர்ப்பாடலைப் படித்து விடையைக் கண்டுபிடிக்க

தார்போன்ற நிறமுண்டு கரியும் இல்லை

பார் முழுதும் பறந்து திரிவேன் மேகமும் இல்லை

சேர்ந்து அமர்ந்து ஒலிப்பேன் பள்ளியும் இல்லை

சோர்ந்து போகாமல் வீடு அமைப்பேன் பொறியாளரும் இல்லை

வீட்டுக்கு வரும் முன்னே, வருவதை கூறுவேன்.

நான் யார்?

விடை: காகம்

தொழில் பெயர்களின் பொருளைப் புரிந்துகொண்டு தொடர்களை முழுமை செய்க.

1) நிலத்துக்கு அடியில் கிடைக்கும் புதையல் யாவும் அரசுக்கே சொந்தம். நெகிழிப் பொருட்களை மண்ணுக்கு அடியில் புதைத்தல் நிலத்தடி நீர்வளத்தைக் குன்றச் செய்யும்.

2) காட்டு விலங்குகளைச் சுடுதல் தடை செய்யப்பட்டுள்ளது. செய்த தவறுகளைச் சுட்டல் திருந்த உதவுகிறது.

3) காற்றின் மெல்லிய தொடுதல் பூக்களைத் தலையாட்ட வைக்கிறது. கைகளின் நேர்த்தியான தொடுத்தல் பூக்களை மாலை ஆக்குகிறது

4) பசுமையான காட்சியைக் காணுதல் கண்ணுக்கு நல்லது.

5) பொதுவாழ்வில் நடித்தல் கூடாது. நடிப்பில் அவரை மிஞ்ச ஆள் கிடையாது.

இயல் 5

அகராதியில் காண்க

1. மன்றல்- திருமணம்
2. அகராதி- அகரமுதலி
3. மருள்- மயக்கம், வியப்பு
4. அடிச்சுவடு- காலடியின் அடையாளம்
5. தூவல்- மழை, இறகு, பேனா, ஓவியம்

தலைப்பு: மரம் வளர்த்திடுக!

மரம் அழித்த மானிடர்..!

வரம் இழந்து போயினர்..!

சோலைகள் பாலைகள் ஆயின...

சுவாசமும் சுவர்க்கமும் ஏகின...

கரும்பலகையில் மரம் வரைந்து

கற்பதில் ஏது பயன்?

உணவும் உயிரும் தந்திடும்!

உணர்வும் ஊக்கமும் தந்திடும்!

உள்ளம் தெளிந்து,

விருட்சம் வளர்த்து,

பெறுக நற்பயன்!

தொடரில் விடுபட்ட வண்ணங்களை உங்களின் எண்ணங்களால் நிரப்புக

1. வானம் கருக்கத் தொடங்கியது. மழை வரும் போலிருக்கிறது.
2. அனைவரின் பாராட்டுக்களால், வெட்கத்தில் பாடகரின் முகம் சிவந்தது.
3. வெள்ளை மனம் உள்ளவரை அப்பாவி என்கிறோம்.
4. கண்ணுக்குக் குளுமையாக இருக்கும் பசுமையான புல்வெளிகளில் கதிரவனின் மஞ்சள் வெயில் பரவிக்கிடக்கிறது.
5. வெயிலில் அலையாதே; உடல் கருக்கும்.

பொருத்தமானவற்றைச் சொற்பெட்டியில் கண்டு எழுதுக

(தங்கும், மரம் வீடு, அவிழும், தயங்கும், மரவீடு, தோற்பாவை, விருது, தோற்பவை, கவிழும், விருந்து).

1. விரட்டாதீர்கள்- பறவைக்கு மரம் வீடு. வெட்டாதீர்கள் -மனிதருக்கு அவை தரும் மரவீடு.
2. காலை ஒளியினில் மலரிதழ் அவிழும். சோலைப்பூவினில் வண்டினம் கவிழும்.
3. மலைமுகட்டில் மேகம் தங்கும்- அதைப் பார்க்கும் மனங்கள் செல்லத் தயங்கும்.
4. வாழ்க்கையில் தோற்பவை மீண்டும் வெல்லும்-இதைத் தத்துவமாய்த் தோற்பாவைக்கூத்து சொல்லும்.
5. தெருக்கூத்தில் நடிகருக்குக் கைதட்டலே விருது.- அதில் வரும் காசு குறைந்தாலும் அதுவேயவர் விருந்து.

இயல் 6

1. தால்- நாக்கு(தாலாட்டு -நாவால் பாடப்படும் பாட்டு)
2. அகவுதல்- அழைத்தல், ஒலித்தல், பாடுதல்
3. அணிமை- அண்மை, அருகு, பக்கம்
4. உழுவை- புலி
5. ஏந்தொழில்- மிகுந்த அழகு(ஏந்து+எழில், ஏந்து-மிக)

தலைப்பு: ஒயிலாட்டம்

காலின் சலங்கையில் கனவுகள் நில்லும்!

கைச்சிறு துணியில் காரியம் செல்லும்!

இடுப்பின் கச்சையில் ஈரம் சிந்தும்!

உருமியின் ஓசையில் உணர்ச்சிகள் உந்தும்!

ஒய்யார ஆட்டத்தில் வீரமே முந்தும்!

தாளத்தின் நீளத்தில் தாவலும் இருக்கும்!

ஒத்த அசைவில் ஓர்மை ஒளிரும்!

கலையின் நிறைவில் கண்கள் மிளிரும்!

ஊர்ப்பெயர்களின் மரூஉவை எழுதுக

1. புதுக்கோட்டை- புதுகை
2. திருச்சிராப்பள்ளி- திருச்சி
3. உதகமண்டலம் -உதகை
4. கோயம்புத்தூர் -கோவை
5. நாகப்பட்டினம்- நாகை
6. புதுச்சேரி -புதுவை
7. கும்பகோணம் -குடந்தை
8. திருநெல்வேலி -நெல்லை
9. மன்னார்குடி-மன்னை
10. மைலாப்பூர் -மயிலை
11. சைதாப்பேட்டை- சைதை

படம் தரும் செய்தியைப் பத்தியாகத் தருக

இந்தப் படம் திருநெல்வேலி மாவட்டம் திருப்புடைமருதூரில் கண்டுபிடிக்கப்பட்ட 17ஆம் நூற்றாண்டின் சுவர் ஓவியம் ஆகும். இப்படம் போருக்குச் செல்லும் குதிரைப்படை, காலாட்படை, யானைப் படை வீரர்களைக் காட்சிப்படுத்துகிறது. போருக்குச் செல்லும் வீரர்கள் வாள், வேல், வில்- அம்பு முதலியவற்றை ஏந்திச் செல்வர். தமிழர்கள் வீரத்தைத் உயிராகக் கருதினர். போரில் விழுப்புண் பட்டு உயிர் விடுவதை பெருமையாகக் கருதினர்.

இயல்-7

1. மிரியல்- மிளகு
2. அதசி- சணல்
3. வருத்தலை- பெருகுதல், தொழில்,சீவனம்
4. துரிஞ்சில்- வௌவால் வகை, சீக்கி மரம்

தலைப்பு : உழவன்

ஏர்பிடித்து உழுபவன்...

ஏற்றம்கட்டி இறைப்பவன்...

இறைவனுக்கு அடுத்தவன்...

இருதொழிலே தெரிந்தவன்...

வள்ளலாரின் மூத்தவன்...

வழுவாமல் காப்பவன்...

பசிப்பிணி அறிந்தவன்...

பயிர்களை ஆள்பவன்...

பேரிடரைப் பொறுப்பவன்...

பெருமைதான் சொல்லிடவோ..!

கண்டுபிடித்து எழுதுக

1 2 3 4 5 6 7 8 10 ஆகிய எண்ணுப்பெயர்கள் இடம்பெறும் திருக்குறள்களைக் கண்டுபிடித்து எழுதுக….

1. பேராண்மை என்ப தறுகண்ஒன் றுற்றக்கால் ஊராண்மை மற்றதன் எஃகு
2. கண்ணுடையர் என்பவர் கற்றோர் கல்லாதவர் முகத்திரண்டு புண்ணுடையர் கல்லா தவர்
3. தூங்காமை கல்வி துணிவுடைமை இம்மூன்றும் நீங்கா நிலன்ஆள் பவர்க்கு
4. அழுக்காறு அவாவெகுளி இன்னாச்சொல் நான்கும் இழுக்கா இயன்றது அறம்
5. வன்கண் குடிகாத்தல் கற்றறிதல் ஆள்வினையோடு ஐந்துடன் மாண்டது அமைச்சு
6. படைகுடி கூழ்அமைச்சு நட்பரண் ஆறும் உடையான் அரசருள் ஏறு
7. ஒருமைக்கண் தான்கற்ற கல்வி ஒருவற்கு எழுமையும் ஏமாப் புடைத்து
8. கோளில் பொறியில் குணமிலவே எண்குணத்தான் தாளை வணங்காத் தலை
9. பல்லார் பகைகொளலிற் பத்தடுத்த தீமைத்தே நல்லார் தொடர்கை விடல்

சொற்களைப் பிரித்துப் பார்த்துப் பொருள் தருக

1. கானடை

கான் அடை-காட்டைச் சேர்

கான்+நடை-காட்டுக்கு நடத்தல்

கால் +நடை-காலால் நடத்தல்

2. வருந்தாமரை

வரும்+தாமரை-வருகின்ற தாமரைமலர்

வருந்தா மரை-வருந்தாத மான்

வரும் தா மரை-வருகின்ற தாவுகின்ற மான்

3. பிண்ணாக்கு-

எண்ணெய் எடுத்த கழிவு

பிள்+நாக்கு-பிளவுபட்ட நாக்கு

4. பலகையொலி

பலகை ஒலி-பலகையின் ஓசை

பல கையொலி-பலருடைய கை ஓசை

பல கை ஒலி-பல்வேறு சிறிய ஓசைகள்

இயல்-8

1. ஆசுகவி- இன்னசொல் கொண்டு, இன்ன பொருள்படப் பாடுக என்றால் உடனே பாடுவது(கவி காளமேகப் புலவர் , பாடுக என்று சொன்னவுடனே பாடுவதில் வல்லவர்)
2. மதுரகவி - சொற்களையும் பொருட்களையும் சுவை ததும்பப் பாடுவது (கம்பராமாயணம் போன்ற இனிமையான பாடல்கள்)
3. சித்திரகவி -எழுத்தைச் சித்திராக வடிப்பது
4. வித்தாரகவி - விரித்து பாடப்பெறும் பாட்டு, விரிவாகப் பாடும் நூல்(ஐம்பெருஙகாப்பியங்களை எடுத்துக்காட்டாகச் சொல்லலாம்)

தலைப்பு : ஈகை

அன்பே அகிலம் ஆள வேண்டும்

ஆசை நிலவாய்த் தேய வேண்டும்

இன்பம் கடலாய்ப் பெருக வேண்டும்

ஈகை என்றும் நிலைக்க வேண்டும்

உழைப்பை யாவரும் மதிக்க வேண்டும்

ஊக்கம் கொண்டு உழைக்க வேண்டும்

உள்ளம் குளம் போல் இருக்க வேண்டும்

கைகள் கொடுத்துச் சிவக்க வேண்டும்

தானம், தருமம் வளர வேண்டும்

தடுப்போர் இல்லாமல் இருக்க வேண்டும்.

இயல்- 9

1. குணதரன்- முனிவன், நற்குணமுடையவள்
2. செவ்வை- நேர்மை, மிகுதி, வழி, சரியான நிலை
3. நகல்- நட்பு, படி, ஏளனம், மகிழ்ச்சி(நகுதல்)
4. பூட்கை- கொள்கை, மனவுறுதி, வலிமை, சிங்கம், யானை(உறுதி பூண்டார்)

இயல் 9 கவிதை

எல்லாம் இழந்த கணம்!

ஈயென இரங்கும் மனம்!

பணம் இடுவர் சிலர்!

சினம் இடுவர் சிலர்!

தன்பி எடுப்போரும் உளர்!!

வாடும் உடலும் தினம்!

வாழ்வும் சில்லறைப் பணம்!

காட்சியில் மனிதம் பிணம்!

காணும் என்மனம் கனம்!

பெருக வேண்டும் தானம்!

விளம்பரத்தை நாளிதழுக்கான செய்தியாக மாற்றியமைக்க .

விருதுநகர் மாவட்டம் போக்குவரத்துக் காவல் துறை சார்பாக சாலைப் பாதுகாப்பு விழிப்புணர்வு நிகழ்ச்சி நடைபெற்றது. "சாலை பாதுகாப்பு தொடர் அன்று -அது தொடரும் வாழ்க்கை முறை" என்ற குறிக்கோளை மையமாகக் கொண்ட இந்நிகழ்ச்சியில் சாலைப் பாதுகாப்பு தொடர்பான குறியீடுகள் விளக்கிக் கூறப்பட்டன.

கீழ்க்காணும் நாட்காட்டியில் புதன்கிழமையை 1-ஆம் தேதியாகக் கொண்டு தமிழெண்களால் நிரப்புக.

Karpavai Katrapin: Speech on the Greatness of Tamil Language | Class 10 Tamil | Iyal 1

இயல் 1, கற்பவை கற்றபின்

'எந்தமிழ்நா நின்பெருமை எடுத்தே உரைவிரிக்கும்' என்ற பாடல் அடியைக் கொண்டு வகுப்பறையில் ஐந்து நிமிட உரை நிகழ்த்துக.

எந்தமிழ்நா நின்பெருமை எடுத்தே உரைவிரிக்கும்

தமிழன்னையின் தூதுவரான தமிழ் ஆசிரியருக்கும், மனவானில் என்னுடன் சிறகசைத்துப் பறக்கும் அருமை நண்பர்களுக்கும் என் முதற்கண் வணக்கத்தைத் தெரிவித்துக் கொள்கிறேன். இப்போது உங்கள் முன்னால், 'எந்தமிழ்நா நின் பெருமை எடுத்தே உரைவிரிக்கும்' என்ற தலைப்பில் பேச வந்துள்ளேன்.

உலகில் தோன்றிய முதல் மனிதன் பேசிய மொழி, தமிழ் மொழி. எத்துணை கால மாற்றத்திற்குப் பிறகும் தன் இயல்பு மாறாமல் என்றும் இளமையாய்த் திகழும் மொழி, தமிழ் மொழி. வளமான இலக்கியங்களும் வழுவாத இலக்கணங்களும் நிறைந்த மொழி; பாவாணர் சுட்டும் பதினாறு செவ்வியல் தன்மைகளும் வாய்ந்த நன்மொழி; அயல் நாட்டவரும் எளிதில் கற்கும் வகையில் அமைந்த தேன்மொழி; ஏராளமான வேர்ச் சொற்களைக் கொண்ட மொழி; பிறமொழிச் சொற்களை நீக்கினாலும் தனித்தியங்கும் வல்லமை உடைய மொழி; திராவிட மொழிகளுக்கெல்லாம் தாய்மொழி;

மக்களின் வாழ்வியலுக்கு இலக்கணம் வகுத்த மொழி; முத்தமிழாய் வளர்ந்த மொழி; ஐம்பெருங்காப்பியங்களை அணிகலன்களாக அணிந்த மொழி; உயர்ந்த பண்பாட்டைப் பறைசாற்றும் இலக்கியங்களை ஆட்கொண்ட மொழி; உலகப் பொதுமறையான திருக்குறளையும் அறிவியல் முறையில் அமைந்த தொல்காப்பியத்தையும் மணிமுடியாய்த் தரித்த மொழி; தமிழரின் வாழ்வியல் அறங்களைப் பாடும் மொழி; வாழ்க்கை நெறிகளைப் பாடும் மொழி; நீதி நெறிகளை நோக்கி நெறிப்படுத்தும் மொழி; பக்திப் பரவசமூட்டும் தெய்வ மொழி; இன்னிசைச் சந்தமொழி; பாமரரின் வாய்ப்பாட்டு மொழி;

புதுவழி இலக்கிய வடிவங்களை ஏற்றுப் புத்தெழுச்சி பெற்ற மொழி; கணினி மொழி; கன்னி மொழி; எதிர்கால உலகை ஆளும் உலக மொழி, தமிழ் மொழி. உனது பெருமையை உரைவிரித்திட ஒருவராலும் இயலாது. ஓதியுணர்ந்து மகிழ்ச்சிக் கடலில் நீந்துவதைத் தவிர வேறு வழி இல்லை எங்களுக்கு. ஆகவே, உன்னை வாழ்த்தி வணங்குகிறோம், தாயே! தமிழே!

இதுவரை என்னுடைய பேச்சைக் கேட்டு மகிழ்ந்த என் நண்பர்களுக்கு, என் மனமார்ந்த நன்றியைத் தெரிவித்துக் கொள்கிறேன். நன்றி, வணக்கம்!

Class 10 Tamil Nirk Atharku Thaga | Moral and Ethical Values Guide

நிற்க அதற்குத் தக

இயல் 1

இதில் நீங்கள் செல்லும் வழி யாது?

இன்சொல் பேசுவதே எமது வழியாகும்

உங்கள் நண்பருக்குக் காட்டும் வழி யாது?

இன்சொல் பேச முடியாத சூழலில் அமைதியாக இருந்து விடு. வன்சொல் பேசி விடாதே. பேசிய வார்த்தைகளை ஒருபோதும் திரும்பப் பெற இயலாது என நண்பருக்கு வழிகாட்டுவேன்.

இயல் 2

மேற்கண்ட அறிவிப்பை கேட்ட நீங்கள் உங்களையும் உங்கள் குடும்பத்தாரையும் காப்பாற்றும் வகையில் செய்யும் செயல்களை வரிசைப்படுத்தி எழுதுக.

1. வானொலி அறிவிப்பைக் கேட்டுப் பின்பற்றச் செய்வேன்
2. புயலின் போது வெளியே செல்வதைத் தவிர்ப்பேன்
3. தொலைபேசி, மின் சாதனங்கள் பயன்படுத்துவதைத் தடுப்பேன்
4. மீனவ நண்பர்களைக் கடலுக்குச் செல்வதைத் தவிர்க்கச் செய்வேன்
5. மாடியில் இருப்பதைத் தவிர்த்து தளப் பகுதியிலேயே தங்கச் செய்வேன்
6. வாகனத்தை ஓட்ட நேர்ந்தால் கடற்கரைப் பகுதிகளுக்கு தொலைவிலும், மரங்கள் மின் கம்பிகள் உள்ள பாதைகள், நீர்வழிகள் ஆகியவற்றில் இருந்து விலகியும் வாகனங்களைச் செலுத்தச் செய்வேன்.
7. காற்று அடிப்பது நின்றாலும் மறுபடி எதிர் திசையில் இருந்து வேகமாக வீச ஆரம்பிக்கும். எனவே, காற்று அடிப்பது முடிந்து விட்டதாக நினைக்க வேண்டாம் என அறிவுறுத்துவேன்.

இயல் 3

1. துரித உணவுகளால் புதிது புதிதாக புற்றுநோய்கள் வருகின்றன.
2. துரித உணவுகளில் மிகுதியான கார்போஹைட்ரேட்டுகள் உள்ளதால் உடல் பருமனுக்கு வித்திடுகிறது
3. உடலுக்குத் தேவையான சத்துக்கள் அதில் இருப்பதில்லை
4. அதில், அளவுக்கதிகமான வேதிப்பொருட்கள், நிறமிகள், சுவையூட்டிகள் சேர்க்கப்படுகின்றன
5. அவை, குழந்தைகளின் சுவை நரம்புகளைத் தூண்டி துரித உணவுகளுக்கு அடிமையாகும் நிலையை வளர்த்துள்ளன.
6. எண்ணெயில் பொரித்த உணவுகளைத் தவிர்ப்பது நல்லது.
7. பழங்கள், பச்சைக் காய்கறிகள், முளை கட்டிய தானியங்கள், கீரைகள், பால், முட்டை உள்ளிட்ட சமச்சீர் உணவையே உட்கொள்ள வேண்டும்.
8. உணவுமுறை பேணுவோம்; உடல்நலம் காப்போம்.

இயல் 4

1. விளையாட்டு மைதானத்திற்கு சென்று சிறிது நேரம் நண்பர்களுடன் விளையாடி விட்டு வரச் சொல்லுவேன்
2. ஓரிடத்தில் அமர்ந்து திறன்பேசியில் விளையாடுவதால் கண் பாதிப்படையும்; உடல் சோர்வடையும்; படிப்பில் கவனம் செலுத்த முடியாது; நல்ல மதிப்பெண்களை பெற இயலாது; நம்முடைய லட்சியத்தை அடைவதில் தொய்வு ஏற்படும் என்பதை எடுத்துக் கூறுவேன்.
3. காணொளி விளையாட்டுகள் நமது நிலையை மறக்க செய்பவை. நிலை உலகில் நமது மனம் இல்லாமையால் தீங்கு வந்து சேரும். பெற்றோருக்கு உதவி செய்ய இயலாது. இந்த நிலை தொடர்ந்தால் உடல்நலக்குறைவு ஏற்படுவதுடன் மனநலம் பாதிப்படையும்; மனச் சிதைவு ஏற்பட்டு உயிருக்கு ஆபத்தாக முடியலாம் என்று அறிவுரை வழங்குவேன்.
4. மனநலம் பேண யோகா செய்யச் சொல்வேன்.
5. தாத்தா பாட்டியைச் சந்தித்து மகிழுமாறு கூறுவேன்.

இயல் 5

பள்ளியில் நான்

1. உடன் பயிலும் மாணவரின் திறமையைப் பாராட்டுவேன்
2. நண்பர்களுக்கு உதவி செய்வேன்
3. வகுப்பறைத் தூய்மை காப்பேன்

வீட்டில் நான்

1. அங்காடிக்கு சென்று வருவேன்
2. செடி கொடிகளுக்கு நீர் ஊற்றுவேன்
3. வீட்டின் தூய்மை காப்பேன்.

இயல் 6

1. நாட்டுப்புற கலைகளைக் கற்றுக்கொள்ள முயல்வேன்.
2. ஊர்த் திருவிழாக்களில் நாட்டுப்புறக் கலைகள் நடைபெறுவதற்கு ஏற்பாடு செய்வேன்
3. பள்ளி நிகழ்ச்சிகளில் நாட்டுப்புறக் கலைகளின் பெருமை பற்றி எடுத்துரைப்பேன்
4. நாட்டுப்புறக் கலைகள் நமது பண்பாட்டின் விழுமியங்களாகத் திகழ்வதை நண்பர்களிடம் எடுத்துரைப்பேன்
5. நாட்டுப்புறக் கலைஞர்களுக்கு ஆதரவளிப்பேன்.

இயல் 7

1. கல்வெட்டுச் செய்திகளைக் கட்டுரை ஆக்குவேன்
2. கல்வெட்டுச் செய்திகள் மூலமாக நமது பண்பாட்டுப் பெருமையை வெளிக் கொணர்வேன்
3. கல்வெட்டுகளைப் பாதுகாப்பேன்
4. கல்வெட்டுச் செய்திகளை படியெடுத்து கணினியில் சேர்ப்பேன்

இயல் 8

நாம் செய்ய வேண்டுவன

1. ஒருவரைப் பற்றி இன்னொருவரிடம் மாற்றிப் பேசாதிருத்தல்
2. பழிவாங்கும் எண்ணத்தைக் கைவிடல்
3. எப்போதும் பிறருக்கு உதவத் தயாராக இருத்தல்

அறங்கள் தரும் நன்மைகள்

1. எல்லாரும் விரும்புவர்
2. எதையும் தாங்கும் மனவலிமை பெறலாம்
3. தனக்குரிய செயலை உடனே முடிக்கும் வலிமை வளரும்.

இயல் 9

உதவி

விண்ணப்பப் படிவம் பூர்த்தி செய்யத் தெரியாதவருக்கு பூர்த்தி செய்து கொடுத்தேன்

மனநிலை

மகிழ்ச்சி அடைந்தேன்.

10th Tamil Quarterly Exam 2024 Question Paper & Answer Key | Samacheer Kalvi Guide

www.omtexclasses.com www.omtex.co.in

காலாண்டுப் பொதுத் தேர்வு-2024

தேர்வு விவரங்கள்

• மொழிப்பாடம்: தமிழ் (பகுதி-1)
• வகுப்பு: பத்தாம் வகுப்பு
• கால அளவு: 3.00 மணி
• பெரும மதிப்பெண்கள்: 100

குறிப்பு: விடைகள் தெளிவாகவும் குறித்த அளவினதாகவும் சொந்த நடையிலும் அமைதல் வேண்டும்.

வினாத்தாள்

பகுதி-1 (மதிப்பெண்கள்: 15x1=15)

சரியான விடையைக் குறியீட்டுடன் சேர்த்து எழுதவும்.

1) எந்தமிழ்நா என்பதைப் பிரித்தால் இவ்வாறு வரும்-

• அ) எந் + தமிழ் + நா
• ஆ) எந்த + தமிழ் + நா
• இ) எம் +தமிழ்+நா
• ஈ) எந்தம் +தமிழ்+நா

2) முல்லைப்பாட்டு ---பாவகையால் பாடப்பட்டது.

• அ) ஆசிரியப்பா
• ஆ) வெண்பா
• இ) வஞ்சிப்பா
• ஈ) கலிப்பா

3) வேர்க்கடலை, மிளகாய் விதை, மாங்கொட்டை ஆகியவற்றைக் குறிக்கும் பயிர்வகை -

• அ) குலை வகை
• ஆ) மணி வகை
• இ) கொழுந்து வகை
• ஈ) இலை வகை

4) 'மாபாரதம் தமிழ்ப்படுத்தும் மதுராபுரிச் சங்கம்வைத்தும்' என்னும் சின்னமனூர்ச் செப்பேட்டுக் குறிப்பு உணர்த்தும் செய்தி

• அ) சங்க காலத்தில் மொழிபெயர்ப்பு இருந்தது
• ஆ) பக்தி இலக்கியக் காலத்தில் மொழிபெயர்ப்பு இருந்தது
• இ) காப்பியக் காலத்தில் மொழிபெயர்ப்பு இருந்தது
• ஈ) சங்கம் மருவிய காலத்தில் மொழிபெயர்ப்பு இருந்தது

5) எய்துவர் எய்தாப் பழி - இக்குறளடிக்குப் பொருந்தும் வாய்பாடு எது?

• அ) கூவிளம் தேமா மலர்
• ஆ) கூவிளம் புளிமா நாள்
• இ) தேமா புளிமா காசு
• ஈ) புளிமா தேமா பிறப்பு

6) பின்வருவனவற்றுள் முறையான தொடர் எது?

• அ) தமிழர் பண்பாட்டில் தனித்த வாழை இலைக்கு இடமுண்டு.
• ஆ) தமிழர் வாழை இலைக்குப் பண்பாட்டில் தனித்த இடமுண்டு.
• இ) தமிழர் பண்பாட்டில் வாழை இலைக்குத் தனித்த இடமுண்டு.
• ஈ) தமிழர் வாழை பண்பாட்டில் தனித்த இலைக்கு இடமுண்டு.

7) குளிர்காலத்தைப் பொழுதாகக் கொண்ட நிலங்கள் ---

• அ) முல்லை, குறிஞ்சி, மருத நிலங்கள்
• ஆ) குறிஞ்சி, பாலை, நெய்தல் நிலங்கள்
• இ) குறிஞ்சி, மருதம், நெய்தல் நிலங்கள்
• ஈ) மருதம், நெய்தல், பாலை நிலங்கள்

8) ”இங்கு நகரப் பேருந்து நிற்குமா?" என்று வழிப்போக்கர் கேட்டது --- வினா. “அதோ, அங்கே நிற்கும்.” என்று மற்றொருவர் கூறியது --- விடை.

• அ) ஐயவினா, வினா எதிர் வினாதல்
• ஆ) அறிவினா, மறை விடை
• இ) அறியா வினா, சுட்டு விடை
• ஈ) கொளல் வினா, இனமொழி விடை

9) கோசல நாட்டில் கொடை இல்லாத காரணம் என்ன?

• அ) நல்ல உள்ளம் உடையவர்கள் இல்லாததால்
• ஆ) ஊரில் விளைச்சல் இல்லாததால்
• இ) அரசன் கொடுங்கோல் ஆட்சி புரிவதால்
• ஈ) அங்கு வறுமை இல்லாததால்

10) காலம் கரந்த பெயரெச்சம் என்பது ---

• அ) பண்புத்தொகை
• ஆ) வினைத்தொகை
• இ) உவமைத்தொகை
• ஈ) வேற்றுமைத்தொகை

11) பரிபாடல் அடியில் 'விசும்பும் இசையும்' என்னும் தொடர் எதனைக் குறிக்கிறது?

• அ) வானத்தையும் பாட்டையும்
• ஆ) வானத்தையும் புகழையும்
• இ) வானத்தையும் பூமியையும்
• ஈ) வானத்தையும் பேரொலியையும்

பாடலைப்படித்து பின்வரும் வினாக்களுக்கு (12, 13, 14, 15) விடை தருக.

அருளைப் பெருக்கி அறிவைத் திருத்தி
மருளை அகற்றி மதிக்கும் தெருளை
அருத்துவதும் ஆவிக்கு அருந்துணையாய் இன்பம்
பொருத்துவதும் கல்வியென்றே போற்று.

12) இச்செய்யுளை இயற்றியவர்-----

• அ) செய்குதம்பிப் பாவலர்
• ஆ) கம்பர்
• இ) சந்தக்கவிமணி
• ஈ) குமரகுருபரர்

13) ‘மதி' என்ற சொல்லின் பொருள்------

• அ) மறதி
• ஆ) உயிர்
• இ) அறிவு
• ஈ) அருள்

14) அருந்துணை -இலக்கணக்குறிப்பு தருக.

• அ) பண்புத்தொகை
• ஆ) வினைத்தொகை
• இ) உவமைத்தொகை
• ஈ) பண்புப்பெயர்

15) இச்செய்யுள் அடிகள் இடம்பெற்ற நூல் -----

• அ) காசிக்காண்டம்
• ஆ) நீதிவெண்பா
• இ) தனிப்பாடல்
• ஈ) பரிபாடல்

பகுதி II (மதிப்பெண்கள்: 4x2=8 + 5x2=10)

பிரிவு-1

குறிப்பு: எவையேனும் நான்கு வினாக்களுக்கு மட்டும் விடை அளிக்கவும். வினா எண் 21க்கு கட்டாயமாக விடை அளிக்கவும்.

16. 'எட்டு' என்பதைத் தொடர்மொழியாகவும் பொதுமொழியாகவும் வேறுபடுத்திக் காட்டுக.

17. விடைகளுக்கு ஏற்ற வினாத் தொடர் அமைக்க.
அ) ஜப்பானில் சாப்ட் வங்கி உருவாக்கிய இயந்திர மனிதனின் பெயர் பெப்பர்.
ஆ) வளி, தென்றல், புயல், சூறாவளி எனப் பல்வேறு பெயர்களால் காற்று அழைக்கப்படுகிறது.

18. வசன கவிதை - குறிப்பு வரைக.

19. 'உறங்குகின்ற கும்பகன்ன 'எழுந்திராய் எழுந்திராய்’ காலதூதர் கையிலே 'உறங்குவாய் உறங்குவாய்'
அ) கும்பகன்னனை என்ன சொல்லி எழுப்புகிறார்கள்?
ஆ) எங்கு அவனை உறங்கச் சொல்கிறார்கள்?

20. செய்குதம்பிப் பாவலரின் கல்வி பற்றிய கருத்தினை முழக்கத் தொடர்களாக்குக.

21. ‘விடல்...’ என முடியும் குறளை எழுதுக. (கட்டாய வினா)

பிரிவு-2

எவையேனும் ஐந்து வினாக்களுக்கு மட்டும் விடை அளிக்கவும்.

22. சொற்களில் மறைந்துள்ள தொகைகளை அடையாளம் கண்டு தொடரில் அமைக்க. (அ) இன்சொல் ஆ) கீரிபாம்பு)

23. அகராதியில் காண்க. (அ) தால் ஆ) உழுவை)

24. மயங்கிய – பகுபத உறுப்பிலக்கணம் தருக.

25. கலைச்சொற்கள் தருக: அ) Discussion ஆ) Infrared rays

26. இரு சொற்களையும் பயன்படுத்தி ஒரு தொடர் அமைக்க. (அ) கொடு – கோடு ஆ) மடு – மாடு)

27. பழமொழிகளை நிறைவு செய்க. (அ) விருந்தும் ---------- ஆ) அளவுக்கு ----------)

28. தொடர்களில் உள்ள எழுவாயைச் செழுமை செய்க.
அ. கடம்பவனத்தை விட்டு இறைவன் நீங்கினான்.
ஆ. மரத்தை வளர்ப்பது நன்மை பயக்கும்.

பகுதி-III (மதிப்பெண்கள்: 2X3=6 + 2X3=6 + 2X3=6)

பிரிவு-1

எவையேனும் இரண்டு வினாக்களுக்கு மட்டும் சுருக்கமாக விடை அளிக்கவும்.

29. சோலைக் (பூங்கா) காற்றும் மின்விசிறிக் காற்றும் பேசிக்கொள்வதுபோல் ஓர் உரையாடல் அமைக்க.

30. உரைப்பத்தியைப் படித்து வினாக்களுக்கு விடை தருக.

பருப்பொருள்கள் சிதறும்படியாக பல ஊழி காலங்கள் கடந்து சென்றன. புவி உருவானபோது நெருப்புப் பந்து போல் விளங்கிய ஊழிக்காலம் தோன்றியது. பின்னர் புவி குளிரும்படியாகத் தொடர்ந்து மழை பொழிந்த ஊழிக் காலம் கடந்தது. அவ்வாறு தொடர்ந்து பெய்த மழையால் புவி வெள்ளத்தில் மூழ்கியது. இப்படி மீண்டும் மீண்டும் சிறப்பாக ஆற்றல் மிகுந்து செறிந்து திரண்டு இப்படியாக (வெள்ளத்தில் மூழ்குதல்) நடந்த இந்தப் பெரிய உலகத்தில் உயிர்கள் வாழ்வதற்கு ஏற்ற சூழல் ஆகிய உள்ளீடு தோன்றியது.

அ) பத்தியில் உள்ள அடுக்குத் தொடர்களை எடுத்து எழுதுக.
ஆ) புவி ஏன் வெள்ளத்தில் மூழ்கியது?
இ) பெய்தமழை - இத்தொடரை வினைத்தொகையாக மாற்றுக.

31. ’புளியங்கன்று ஆழமாக நடப்பட்டுள்ளது.’ - இது போல் இளம் பயிர் வகை ஐந்தின் பெயர்களைத் தொடர்களில் அமைக்க.

பிரிவு-2

குறிப்பு: எவையேனும் இரண்டு வினாக்களுக்கு மட்டும் விடை அளிக்கவும். வினா எண் 34 க்கு கட்டாயமாக விடை அளிக்க வேண்டும்.

32. வைத்தியநாதபுரி முருகன் குழந்தையாக அணிந்திருக்கும் அணிகலன்களுடன் செங்கீரை ஆடிய நயத்தை விளக்குக.

33. கூத்தனைக் கூத்தன் ஆற்றுப்படுத்தலைக் கூத்தராற்றுப்படை எவ்வாறு காட்டுகிறது?

34. அடிபிறழாமல் எழுதுக. (கட்டாய வினா)
அ) 'வாளால் அறுத்து...' எனத் தொடங்கும் குலசேகர ஆழ்வாரின் பாடலை எழுதுக. (அல்லது)
ஆ) ‘சிறுதாம்பு...’ எனத்தொடங்கும் நப்பூதனாரின் பாடலை எழுதுக.

பிரிவு-3

குறிப்பு: எவையேனும் இரண்டு வினாக்களுக்கு மட்டும் சுருக்கமாக விடை அளிக்கவும்.

35. தோட்டத்தில் மல்லிகைப்பூ பறித்த பூங்கொடி, வரும்வழியில் ஆடுமாடுகளுக்குத் தண்ணீர்த்தொட்டியில் குடிநீர் நிரப்பினாள். வீட்டினுள் வந்தவள் சுவர்க்கடிகாரத்தில் மணி பார்த்தாள். - இப்பத்தியில் உள்ள தொகைநிலைத் தொடர்களின் வகைகளைக் குறிப்பிட்டு விரித்து எழுதுக.

36. உவமையணியைச் சான்றுடன் விளக்குக.

37. கருவியும் காலமும் செய்கையும் செய்யும்
அருவினையும் மாண்ட தமைச்சு. - இக்குறட்பாவினை அலகிட்டு வாய்பாடு தருக.

பகுதி-IV (மதிப்பெண்கள்: 5X5=25)

அனைத்து வினாக்களுக்கும் விடை அளிக்கவும்.

38. அ) தமிழழகனார் தமிழையும் கடலையும் இரட்டுற மொழியும் பாங்கினை விளக்குக. (அல்லது)
ஆ) தமிழ் மொழிக்காகக் கலைஞர் செய்த சிறப்புகளுள் நீங்கள் அறிந்து கொண்ட இரண்டினை எழுதுக.

39. அ) உணவு விடுதியொன்றில் வழங்கப்பட்ட உணவு தரமற்றதாகவும் விலைகூடுதலாகவும் இருந்தது குறித்து உரிய சான்றுகளுடன் உணவுப் பாதுகாப்பு ஆணையருக்குக் கடிதம் எழுதுக. (அல்லது)
ஆ) உமது கிராமத்தில் கடந்த வாரம் பெய்த கனமழையால் பழுதுபட்ட சாலைகளை மாற்றித்தருமாறும் சாலையில் நடந்து செல்வோருக்கு ஏற்படும் இடையூறுகளை எழுதியும் உரிய அலுவலருக்குக் கூட்டு விண்ணப்பம் எழுதுக.

40. காட்சியைக் கண்டு கவினுற எழுதுக.

41. மதுரை மாவட்டம் 1/23, அன்னை நகர், மேலூர் கிராமத்தில் குடியிருக்கும் கவிமணியின் மகள் மலர்விழி என்பவர் ஊர்ப்புற நூலகத்தில் உறுப்பினராகச் சேர விரும்புகிறார். தேர்வர் தம்மை மலர்விழியாகக் கருதி, கொடுக்கப்பட்ட விண்ணப்பப் படிவத்தினை நிரப்புக.

42. அ) மொழிபெயர்க்க:

The Golden sun gets up early in the morning and starts its bright rays to fade away the dark. The milky clouds start their wandering. The colourful birds start twitting their morning melodies in percussion. The cute butterflies dance around the flowers. The flowers fragrance fills the breeze. The breeze gently blows everywhere and makes everything pleasant.

(அல்லது)

ஆ) உணவு, விருந்து சார்ந்த பழமொழிகளையும் விழிப்புணர்வுத் தொடர்களையும் அகர வரிசைப்படுத்தி எழுதுக.

பகுதி-V (மதிப்பெண்கள்: 3X8=24)

அனைத்து வினாக்களுக்கும் விரிவான விடை அளிக்கவும்.

43. அ) இறைவன், புலவர் இடைக்காடனின் குரலுக்குச் செவிசாய்த்த நிகழ்வை நயத்துடன் எழுதுக. (அல்லது)
ஆ) உங்கள் இல்லத்துக்கு வந்த உறவினருக்கு நீங்கள் செய்த விருந்தோம்பலை அழகுற விவரித்து எழுதுக.

44. அ) ‘புயலிலே ஒரு தோணி' கதையில் இடம்பெற்றுள்ள வருணனைகளும் அடுக்குத் தொடர்களும் ஒலிக் குறிப்புச் சொற்களும் புயலில் தோணி படும்பாட்டை எவ்வாறு விவரிக்கின்றன? (அல்லது)
ஆ) சா.கந்தசாமியின் 'பாய்ச்சல்” என்னும் சிறுகதையை அழகு என்ற சிறுவன் கூறுவதைப் போல் சுவைபட எழுதுக.

45. அ) ‘சான்றோர் வளர்த்த தமிழ்' என்னும் தலைப்பில் கட்டுரை எழுதுக. (அல்லது)
ஆ) 'விண்வெளியும் கல்பனா சாவ்லாவும்' என்னும் தலைப்பில் கட்டுரை எழுதுக.

உத்தேச விடைக்குறிப்புகள்

பகுதி-I

வினா எண்	விடை	மதிப்பெண்
1	இ) எம் + தமிழ் + நா	1
2	அ) ஆசிரியப்பா	1
3	ஆ) மணி வகை	1
4	அ) சங்க காலத்தில் மொழிபெயர்ப்பு இருந்தது	1
5	ஈ) கூவிளம் தேமா மலர்	1
6	இ) தமிழர் பண்பாட்டில் வாழை இலைக்குத் தனித்த இடமுண்டு	1
7	இ) குறிஞ்சி, மருதம், நெய்தல் நிலங்கள்	1
8	இ) அறியா வினா, சுட்டு விடை	1
9	ஈ) அங்கு வறுமை இல்லாததால்	1
10	ஆ) வினைத்தொகை	1
11	ஈ) வானத்தையும் பேரொலியையும்	1
12	அ) செய்குதம்பிப் பாவலர்	1
13	இ) அறிவு	1
14	அ) பண்புத்தொகை	1
15	ஆ) நீதிவெண்பா	1

பகுதி-II

பிரிவு-1

16. 'எட்டு':
பொதுமொழி: எட்டு - எட்டு என்னும் எண்ணைக் குறிக்கும்.
தொடர்மொழி: எள் + து - எள்ளை உண் என்னும் பொருளைத் தருகிறது.

17. வினாக்கள்:
அ) ஜப்பானில் சாப்ட் வங்கி உருவாக்கிய இயந்திர மனிதனின் பெயர் என்ன?
ஆ) காற்று எவ்வாறு பல்வேறு பெயர்களால் அழைக்கப்படுகிறது?

18. வசன கவிதை:
உரைநடையும் கவிதையும் இணைந்து யாப்புக் கட்டுகளுக்கு அப்பாற்பட்டு உருவாக்கப்படும் கவிதை வடிவம் வசனகவிதை எனப்படுகிறது.

19. கும்பகர்ணன்:
அ) கும்பகருணனே உம்முடைய பொய்யான வாழ்வு எல்லாம் இன்றிலிருந்து இறங்கத் தொடங்கிவிட்டது. அதனைக் காண்பதற்கு எழுந்திடுவாய் எழுந்திடுவாய் என்று சொல்லி எழுப்பினார்கள்.
ஆ) எமனுக்குத் தூதுவரான வில்லைப்பிடித்த இராமன் கையில் உறங்கப் போ என்றனர்.

20. செய்குதம்பிப் பாவலரின் கல்வி:
அருளைப் பெருக்கு! அறிவைத் திருத்து! மருளை அகற்றி கல்வியைப் போற்று!

21. திருக்குறள் (கட்டாய வினா):
பல்லார் பகைகொளலின் பத்தடுத்த தீமைத்தே
நல்லார் தொடர்கை விடல். - திருவள்ளுவர்

பிரிவு-2

22. தொகைநிலைத் தொடர்:
அ) இன்சொல் - பண்புத்தொகை (இன்சொல் பேசி விருந்தினரை வரவேற்க வேண்டும்.)
ஆ) கீரிபாம்பு - உம்மைத்தொகை (கீரியும் பாம்பும் போல சண்டையிடக் கூடாது.)

23. அகராதி:
அ) தால் - நாக்கு, தாலாட்டு
ஆ) உழுவை - புலி, மீன் வகை

24. பகுபத உறுப்பிலக்கணம் (மயங்கிய):
மயங்கிய = மயங்கு + இ(ன்) + ய் + அ
மயங்கு – பகுதி
இன் – இறந்த கால இடைநிலை, புணர்ந்து 'ன்' கெட்டது
ய் – உடம்படுமெய்
அ – பெயரெச்ச விகுதி

25. கலைச்சொற்கள்:
அ) Discussion - கலந்துரையாடல்
ஆ) Infrared rays - அகச்சிவப்புக் கதிர்கள்

26. தொடர் அமைத்தல்:
அ) கொடு - கோடு: கொடுப்பதற்கு எல்லைக்கோடு கிடையாது.
ஆ) மடு - மாடு: மடுவில் மாடுகள் குளித்தன.

27. பழமொழிகள்:
அ) விருந்தும் மருந்தும் மூன்று நாள்.
ஆ) அளவுக்கு விஞ்சினால் அமுதமும் நஞ்சு.

28. எழுவாய் செழுமை செய்தல்:
அ) குளிர்ந்த கடம்பவனத்தை விட்டு இறைவன் நீங்கினான்.
ஆ) நிழல் தரும் மரத்தை வளர்ப்பது நன்மை பயக்கும்.

பகுதி-III

பிரிவு-1

29. உரையாடல் (சோலைக்காற்று - மின்விசிறிக்காற்று):
சோலைக்காற்று: நான் வாழும் இடம் சோலைகளும் வனங்களும். நீ?
மின்விசிறிக் காற்று: நான் வாழும் இடம் வீடுகளும் அலுவலகங்களும்.
சோலைக்காற்று: மாலை நேரங்களில் என்னைத் தேடி மக்கள் வருவர்.
மின்விசிறிக் காற்று: வீட்டுக்குள்ளே இருப்பவர்களுக்குக் குளிர்ந்தக் காற்றை நான் தருவேன்.
சோலைக்காற்று: மின்சாரம் இல்லை எனில் நீ இல்லை. நான் இயற்கையானவன்.
மின்விசிறிக் காற்று: ஆம். எனக்கு விலை உண்டு. நீ விலை மதிப்பற்றவன். நீயே சிறந்தவன்.

பிரிவு-2

32. வைத்தியநாதபுரி முருகன் செங்கீரை ஆடல்:
திருவடியில் அணிந்த சிறு செம்பொன் கிண்கிணிகளோடு சிலம்புகளும் சேர்ந்து ஆடட்டும். இடையில் அரைஞாண் மணியோடு ஒளி வீசுகின்ற அரைவடங்கள் ஆடட்டும். தொந்தியுடன் கூடிய சிறு வயிறும் ஆடட்டும். பொட்டுடன் கூடிய நெற்றிச்சுட்டியும் பதிந்தாடட்டும். கம்பிகளால் உருவான குண்டலங்களும், காதின் குழைகளும் அசைந்தாடட்டும். கொண்டையும் அதனைச் சுற்றியுள்ள முத்துகளும் சேர்ந்தாடட்டும். பழமையான வைத்தியநாதபுரியில் எழுந்தருளி இருக்கும் முருகப்பெருமானே, பவளம் போன்ற அழகிய மேனியும் ஆடும்படி செங்கீரை ஆடுவாயாக.

பிரிவு-3

35. தொகைநிலைத் தொடர்கள்:

சொற்றொடர்	தொடர்வகை	விளக்கம்
மல்லிகைப் பூ	இருபெயரொட்டுப் பண்புத்தொகை	மல்லிகை (சிறப்புப் பெயர்), பூ (பொதுப்பெயர்)
ஆடுமாடுகள்	உம்மைத்தொகை	ஆடுகளும் மாடுகளும்
குடிநீர்	வினைத்தொகை	குடித்த நீர், குடிக்கின்ற நீர், குடிக்கும் நீர் என முக்காலத்திற்கும் பொருந்தும்.
சுவர்க்கடிகாரம்	ஏழாம் வேற்றுமை உருபும் பயனும் உடன் தொக்கத் தொகை	சுவரின் கண் மாட்டப்படும் கடிகாரம்
தண்ணீர்த் தொட்டி	இரண்டாம் வேற்றுமை உருபும் பயனும் உடன் தொக்கத் தொகை	தண்ணீரை உடைய தொட்டி
மணி பார்த்தான்	இரண்டாம் வேற்றுமைத் தொகை	மணியைப் பார்த்தான்

37. அலகிட்டு வாய்பாடு:

சீர்	அசை	வாய்பாடு
கருவியும்	நிரை நிரை	கருவிளம்
காலமும்	நேர் நிரை	கூவிளம்
செய்கையும்	நேர் நேர் நேர்	தேமாங்காய்
செய்யும்	நேர் நேர்	தேமா
அருவினையும்	நிரை நிரை நேர்	கருவிளங்காய்
மாண்ட	நேர் நேர்	தேமா
தமைச்சு	நிரைபு	பிறப்பு

இக்குறட்பா பிறப்பு என்னும் வாய்பாட்டைக் கொண்டு முடிந்துள்ளது.

பகுதி-IV

38. அ) தமிழையும் கடலையும் இரட்டுற மொழிதல்:

தமிழ்	கடல்
இயல், இசை, நாடகம் என்னும் முத்தமிழ் கொண்டது.	முத்தினை அமிழ்ந்து எடுக்கின்றனர்.
முதல், இடை, கடை ஆகிய முச்சங்கம் வளர்த்தது.	மூன்று வகையான சங்குகளைத் தருகிறது.
ஐம்பெருங்காப்பியங்களை மெத்த அணிகலன்களாகப் பெற்றது.	மிகுதியான வணிகக் கப்பல்கள் (வணிகலன்) செல்லும்படி உள்ளது.
சங்கப் பலகையிலிருந்து சங்கப் புலவர்களால் காக்கப்பட்டது.	தன் அலைகளால் சங்கினைத் தடுத்து நிறுத்திக் காக்கிறது.

38. ஆ) தமிழ் மொழிக்குக் கலைஞர் செய்த சிறப்புகள்:

1. மனோன்மணீயம் சுந்தரனார் எழுதிய "நீராருங் கடலுடுத்த" என்ற பாடலைத் தமிழ்த்தாய் வாழ்த்துப் பாடலாக அறிவித்து, அரசு விழாக்களில் பாட வழிவகுத்தார்.
2. 2010 ஆம் ஆண்டு கோயம்புத்தூரில் உலகத் தமிழ்ச் செம்மொழி மாநாட்டை மிகச் சிறப்பாக நடத்தி, தமிழின் பெருமையை உலகறியச் செய்தார்.

39. அ) உணவுப் பாதுகாப்பு ஆணையருக்குக் கடிதம்:

தரமற்ற உணவு குறித்துப் புகார் கடிதம்

அனுப்புநர்
(உங்கள் பெயர்),
(உங்கள் முகவரி),
(ஊர்).

பெறுநர்
உணவுப் பாதுகாப்பு ஆணையர் அவர்கள்,
உணவுப் பாதுகாப்பு ஆணையரகம்,
(மாவட்டத்தின் பெயர்).

பொருள்: தரமற்ற உணவு வழங்கிய விடுதி மீது நடவடிக்கை எடுக்க வேண்டுதல் சார்பு.

மதிப்பிற்குரிய ஐயா/அம்மா,
வணக்கம். நான் கடந்த வாரம் (தேதி) அன்று (ஊரின் பெயர்)-இல் உள்ள '(விடுதியின் பெயர்)' என்ற உணவு விடுதிக்குச் சென்றிருந்தேன். அங்கு வழங்கப்பட்ட உணவு மிகவும் தரமற்றதாகவும், சுகாதாரமின்றியும் இருந்தது. மேலும், உணவின் விலையும் மிக அதிகமாக இருந்தது. இது குறித்து அங்கிருந்த ব্যবস্থাপாளரிடம் கேட்டபோது, அவர் முறையான பதில் அளிக்கவில்லை.
எனவே, தாங்கள் உடனடியாக அந்த உணவு விடுதியில் ஆய்வு செய்து, பொதுமக்களின் உடல்நலத்தைக் கருத்தில் கொண்டு, உரிய நடவடிக்கை எடுக்குமாறு பணிவுடன் கேட்டுக்கொள்கிறேன். இத்துடன், அன்று நான் செலுத்திய கட்டண இரசீது நகலை இணைத்துள்ளேன்.

நன்றி.

இடம்: (உங்கள் ஊர்)
நாள்: (தேதி)

இப்படிக்கு,
தங்கள் உண்மையுள்ள,
(உங்கள் கையொப்பம்).

உறைமேல் முகவரி:
பெறுநர்,
உணவுப் பாதுகாப்பு ஆணையர் அவர்கள்,
(மாவட்டத்தின் பெயர்).

40. காட்சியைக் கண்டு கவினுற எழுதுக:

ஒற்றைச் சக்கரத்தில் ஒரு பயணம்!
உயிர் மேல் இல்லை ஒரு கவனம்!
செல்பேசி வழியே சிதறும் சிந்தனை!
தடுமாறி விழுந்தால் தீரா வேதனை!
அலைபேசி அழைப்பைச் சற்று நிறுத்து!
அருகில் வரும் ஆபத்தை உணர்ந்து திருத்து!

42. அ) மொழிபெயர்க்க:

தங்கக் கதிரவன் காலையில் விழித்தெழுந்து, தன் ஒளிக்கதிர்களால் இருளை அகற்றத் தொடங்குகிறது. வெண்மேகங்கள் அலைந்து திரிகின்றன. வண்ணப் பறவைகள் தாளக்கட்டுடன் தங்கள் காலைப் கீதங்களை இசைக்கின்றன. அழகிய வண்ணத்துப்பூச்சிகள் மலர்களைச் சுற்றி நடனமாடுகின்றன. மலர்களின் நறுமணம் மென்காற்றை நிரப்புகிறது. அக்காற்று எங்கும் மென்மையாக வீசி, எல்லாவற்றையும் இனிமையாக்குகிறது.

பகுதி-V

43. அ) இறைவன், புலவர் இடைக்காடனின் குரலுக்குச் செவிசாய்த்த நிகழ்வு:

முன்னுரை:
பாண்டிய நாட்டின் தலைநகரான மதுரையில் இறைவன் அறுபத்து நான்கு திருவிளையாடல்களைப் புரிந்ததாகத் திருவிளையாடற் புராணம் கூறுகிறது. அவற்றுள் ஒன்று, தன் அடியவரான இடைக்காடனார் பொருட்டு இறைவன் வழக்காடிய நிகழ்வாகும்.

புலவரின் வருத்தம்:
பாண்டிய நாட்டை ஆண்டுவந்த குசேலபாண்டியன் என்னும் மன்னனின் அவையில், கபிலரின் நண்பரான இடைக்காடனார் என்னும் புலவர் கவிதை பாடினார். மன்னன் அவரது கவிதையைப் பொருட்படுத்தாமல் அவமதித்தான். இதனால் மனம் வருந்திய இடைக்காடனார், இறைவனிடம் சென்று, "மன்னன் என்னை அவமதித்தது, சொல்லின் வடிவமான உமையம்மையையும், பொருளின் வடிவமான உன்னையும் அவமதித்தது போலாகும்" என்று முறையிட்டார்.

இறைவனின் திருவிளையாடல்:
தன் அடியவரின் வருத்தத்தைக் கேட்ட இறைவன், அவருக்கு ஒரு திருவிளையாடலைப் புரிய எண்ணினார். அவர், மதுரை கடம்பவனக் கோவிலை விட்டு நீங்கி, நேர் வடக்கே வைகை ஆற்றின் தென்கரையில் ஒரு கோவிலை உண்டாக்கி அங்கு சென்று தங்கினார்.

மன்னனின் தவிப்பு:
காலையில் கோவிலுக்குச் சென்ற மன்னன், இறைவன் அங்கு இல்லாததைக் கண்டு அதிர்ச்சியடைந்தான். "இறைவா, நான் ஏதேனும் தவறு செய்துவிட்டேனா? என் ஆட்சியில் அறநெறி தவறியதா?" என்று புலம்பி வருந்தினான். அப்போது, "மன்னா, நீ இடைக்காடனார் எனும் புலவரை அவமதித்தாய். புலவர்களைப் பேணுவதே அரசின் கடமை. அந்தப் பிழையை நீ உணரும்வரை இங்கு வரமாட்டேன்" என்றொரு அசரீரி ஒலித்தது.

தவறை உணர்ந்து திருந்துதல்:
தன் தவற்றை உணர்ந்த மன்னன், உடனடியாக இடைக்காடனாரைத் தேடிச் சென்று, அவரிடம் தன் பிழையை மன்னிக்குமாறு வேண்டினான். புலவருக்குப் பொன்னும் பொருளும் தந்து சிறப்பு செய்தான். புலவர் மனம் மகிழ்ந்தார். அதன் பிறகு மன்னன், புலவருடன் இறைவனிடம் சென்று வேண்ட, இறைவனும் மீண்டும் கடம்பவனக் கோவிலுக்குத் திரும்பினார்.

முடிவுரை:
இறைவன் தன் அடியவர்களின் துயரைத் தாங்கிக்கொள்ள மாட்டான் என்பதையும், அறிவையும் புலமையையும் அவமதிப்பது இறைவனையே அவமதிப்பதற்குச் சமம் என்பதையும் இந்நிகழ்வு உணர்த்துகிறது.

45. அ) ‘சான்றோர் வளர்த்த தமிழ்' கட்டுரை:

முன்னுரை:

கல் தோன்றி மண் தோன்றாக் காலத்தே முன் தோன்றிய மூத்த மொழி தமிழ். அத்தகைய சிறப்பு வாய்ந்த தமிழ் மொழியை காலந்தோறும் பல சான்றோர்கள் தங்கள் அறிவாலும், ஆற்றலாலும், படைப்புகளாலும் வளர்த்தெடுத்துள்ளனர். அவர்கள் வளர்த்த தமிழ் குறித்து இக்கட்டுரையில் காண்போம்.

சங்க காலம்:

மூன்று சங்கங்கள் அமைத்து தமிழ் வளர்த்த பெருமை பாண்டிய மன்னர்களுக்கு உண்டு. தொல்காப்பியர், 'தொல்காப்பியம்' என்ற இலக்கண நூலைத் தந்து தமிழின் கட்டமைப்பை வரையறுத்தார். கபிலர், பரணர், அவ்வையார் போன்ற எண்ணற்ற சங்கப் புலவர்கள் தங்கள் அக, புறப் பாடல்களால் தமிழின் இலக்கிய வளத்தைச் செம்மைப்படுத்தினர்.

காப்பியங்களும் அறநூல்களும்:

இளங்கோவடிகள் ‘சிலப்பதிகாரம்’ மூலமும், சீத்தலைச் சாத்தனார் ‘மணிமேகலை’ மூலமும் காப்பிய வளர்ச்சிக்கு வித்திட்டனர். கம்பர் 'கம்பராமாயணம்' படைத்து கவிச்சக்கரவர்த்தி ஆனார். திருவள்ளுவர் 'திருக்குறள்' தந்து உலகப் பொதுமறையால் தமிழுக்குப் பெருமை சேர்த்தார்.

பக்தி இலக்கிய காலம்:

நாயன்மார்கள் தேவார, திருவாசகப் பாடல்களாலும், ஆழ்வார்கள் நாலாயிரத் திவ்வியப் பிரபந்தத்தாலும் பக்தித் தமிழைப் பரப்பினர். எளிய சொற்களில் இறைவனைப் பாடி, இசையோடு தமிழை மக்கள் மத்தியில் கொண்டு சேர்த்தனர்.

தற்காலம்:

பாரதியார், பாரதிதாசன் போன்ற புரட்சிக் கவிஞர்கள் தங்கள் கவிதைகள் மூலம் மக்களிடையே விடுதலை உணர்வையும், தமிழ் உணர்வையும் ஊட்டினர். உ.வே. சாமிநாதைய்யர் ஓலைச்சுவடிகளைத் தேடித் தொகுத்து, அழிந்து கொண்டிருந்த பல தமிழ் நூல்களை அச்சேற்றி ‘தமிழ்த்தாத்தா’ ஆனார். ஜி.யு.போப், வீரமாமுனிவர் போன்ற அயல்நாட்டினரும் தமிழின் சிறப்பை உணர்ந்து இலக்கண, இலக்கியப் பங்களிப்பைச் செய்துள்ளனர்.

முடிவுரை:

இவ்வாறு, காலந்தோறும் பல சான்றோர்களின் அயராத உழைப்பால் தமிழ்மொழி தழைத்தோங்கியுள்ளது. "சாகும்போதும் தமிழ்படித்துச் சாகவேண்டும் - என்றன் சாம்பலும் தமிழ்மணந்து வேகவேண்டும்" என்ற சச்சிதானந்தன் கூற்றுக்கிணங்க, நாமும் சான்றோர் வளர்த்த தமிழைப் போற்றி, வளர்ப்பது நமது கடமையாகும்.

குறிப்பு: இங்கு மாதிரி விடைகள் மட்டுமே வழங்கப்பட்டுள்ளன. மாணவர்கள் தங்களின் சொந்த நடையில் தொடர்புடைய சரியான விடைகளை எழுதலாம்.