6th Tamil - 2nd Mid Term Exam 2024 - Original Question Paper | Virudhunagar District

6th Tamil 2nd Mid Term Exam Paper 2024 - Solutions

விடைகள் (Solutions)

I. சரியான விடையைத் தேர்ந்தெடுத்து எழுதுக: (5x1=5)

1) மாணவர்கள் நூல்களை __________ கற்க வேண்டும்.

இ) மாசற

2) காடு+ஆறு என்பதனைச் சேர்த்து எழுதக் கிடைக்கும் சொல் __________

ஆ) காடாறு

3) உதித்த என்ற சொல்லிற்குரிய எதிர்ச்சொல் __________

அ) மறைந்த

4) கதிர் முற்றியதும் __________ செய்வர்.

அ) அறுவடை

5) நிலையான செல்வம் __________

இ) ஊக்கம்

II. குறுவினா: (ஏதேனும் மூன்றனுக்கு மட்டும் விடையளி) (3x2=6)

6) நாம் எவ்வாறு வாழ்ந்தால் பெருமை பெறலாம்?

உள்ளத்தில் குற்றம் இல்லாமல் உண்மையுடனும் நேர்மையுடனும் வாழ்ந்தால் பெருமை பெறலாம்.

7) காமராசர் காலத்தில் தொடங்கப்பட்ட கல்வி நிறுவனங்கள் யாவை?

காமராசர் காலத்தில் இலவசக் கட்டாயக் கல்வி, மதிய உணவுத் திட்டம், சீருடைத் திட்டம் போன்றவை தொடங்கப்பட்டன. மேலும், பல புதிய பள்ளிகள், பொறியியல் கல்லூரிகள், மருத்துவக் கல்லூரிகள், கால்நடை மருத்துவக் கல்லூரிகள், ஆசிரியர் பயிற்சி நிறுவனங்கள் தொடங்கப்பட்டன.

8) இன எழுத்துக்கள் என்றால் என்ன?

ஒலிக்கும் முயற்சி, பிறக்கும் இடம் ஆகியவற்றில் ஒற்றுமை உள்ள எழுத்துக்கள் இன எழுத்துக்கள் எனப்படும். (எ.கா: க் - ங், ச் - ஞ்).

9) உழவர்கள் ஏன் மாடுகளுக்கு நன்றி செலுத்துகின்றனர்?

உழவுத்தொழிலில் தங்களுக்குப் பெரிதும் உதவி செய்யும் கால்நடைகளுக்கு நன்றி தெரிவிக்கும் விதமாக உழவர்கள் மாடுகளுக்கு நன்றி செலுத்துகின்றனர்.

10) எந்த உயிருக்கும் செய்யக்கூடாதது எது?

பிற உயிர்களுக்குத் துன்பம் தருவதை எந்த உயிருக்கும் செய்யக்கூடாது.

III. சிறுவினா: (ஏதேனும் ஒன்றனுக்கு மட்டும் விடையளி) (1x4=4)

11) காணும் பொங்கலை மக்கள் எவ்வாறு கொண்டாடுகின்றனர்?

காணும் பொங்கலன்று மக்கள் தங்கள் உற்றார் உறவினர்களையும், நண்பர்களையும் கண்டு மகிழ்வர். குடும்பத்தினருடன் விரும்பிய இடங்களுக்குச் சென்று பொழுதைக் கழிப்பர். பெரியோரிடம் ஆசி பெறுவர். இதுவே காணும் பொங்கல் ஆகும்.

12) கல்லாதவருக்கு ஏற்படும் இழப்புகளைப் பட்டியலிடுக.

கல்லாதவர்களுக்கு ஏற்படும் இழப்புகள்:

• நல்லதை எது, தீயது எது என்று பகுத்தறிய முடியாது.
• அறிவு வளர்ச்சி பெறாமல் இருப்பர்.
• உலக நடப்புகளை அறிந்து கொள்ள முடியாது.
• சமூகத்தில் உரிய மதிப்பும் மரியாதையும் கிடைக்காது.
• ஏமாற்றப்படுபவராகவும், பிறரைச் சார்ந்து வாழும் நிலைக்கும் தள்ளப்படுவர்.

IV. மனப்பாடப் பகுதி: (3+2=5)

13) ‘மன்னனும்' எனத் தொடங்கும் மூதுரைப் பாடலை அடிபிறழாமல் எழுதுக.

மன்னனும் மாசறக் கற்றோனும் சீர்தூக்கின்
மன்னனின் கற்றோன் சிறப்புடையன் - மன்னர்க்குத்
தன்தேசம் அல்லால் சிறப்பில்லை கற்றோர்க்குச்
சென்றஇடம் எல்லாம் சிறப்பு.

14) ‘சொல்லுக' எனத் தொடங்கும் குறளை எழுதுக.

சொல்லுக சொல்லைப் பிறிதோர்சொல் அச்சொல்லை
வெல்லும்சொல் இன்மை அறிந்து.

V. எவையேனும் இரண்டனுக்கு மட்டும் விடையளி: (2x2=4)

15) முறை மாறியுள்ள சொற்களைச் சரியான இடத்தில் பொருத்திச் சொற்றொடரை நிறைவு செய்க:

அ) முளையிலே தெரியும் பயிர்

ஆ) கல்லாமையை இல்லாமை ஆக்குவோம்

16) தொடர்களில் உள்ள மயங்கொலிப் பிழைகளைத் திருத்தி எழுதுக:

அ) தேர்த் திருவிழாவிற்குச் சென்றனர்.

ஆ) வாழைப்பழம் உடலுக்கு மிகவும் நல்லது.

17) கலைச்சொல் தருக:

அ) E-Mail - மின்னஞ்சல்

ஆ) Sculptures - சிற்பங்கள்

VI. கட்டுரை வினா: (ஏதேனும் ஒன்றனுக்கு மட்டும்) (1x6=6)

18) அண்ணா நூற்றாண்டு நூலகத்தைப் பற்றிச் சுருக்கமாக எழுதுக.

முன்னுரை:
சென்னையில் அமைந்துள்ள அண்ணா நூற்றாண்டு நூலகம் ஆசியாவிலேயே இரண்டாவது பெரிய நூலகம் ஆகும். இது எட்டு அடுக்குகளைக் கொண்டது. இதன் பரப்பளவு எட்டு ஏக்கர் ஆகும்.

நூலகத்தின் பிரிவுகள்:
தரைத்தளத்தில் பார்வைத் திறன் குறைபாடு உடையோருக்கான பிரெய்லி நூல்கள் உள்ளன. முதல் தளத்தில் குழந்தைகளுக்கான பிரிவு உள்ளது. இங்கு 20,000க்கும் மேற்பட்ட பல்லூடகக் குறுந்தகடுகள் உள்ளன. பிற தளங்களில் தமிழ் நூல்கள், கணினி அறிவியல், தத்துவம், பொருளாதாரம், சட்டம், வணிகவியல், கல்வி போன்ற பல்வேறு துறை சார்ந்த நூல்கள் உள்ளன.

சிறப்பம்சங்கள்:
நூலகத்தின் எட்டுத் தளங்களிலும் துறைவாரியாக நூல்கள் பிரிக்கப்பட்டுள்ளன. இங்கு குளிர்சாதன வசதி செய்யப்பட்டுள்ளது. மேலும், சொந்த நூல்களைக் கொண்டுவந்து படிக்கவும் வசதி உள்ளது.

முடிவுரை:
அறிவுப்பசியைப் போக்கும் கருவூலமாகத் திகழும் அண்ணா நூற்றாண்டு நூலகம், மாணவர்கள் மற்றும் பொதுமக்களுக்கு ஒரு சிறந்த வரப்பிரசாதமாகும்.

19) பொங்கல் திருநாள் - கட்டுரை எழுதுக.

முன்னுரை:
'தமிழர் திருநாள்' என்று போற்றப்படும் பொங்கல் விழா, உழவுத் தொழிலுக்கு நன்றி செலுத்தும் விழாவாகும். இது தை மாதத்தின் முதல் நாளில் கொண்டாடப்படுகிறது. இது போகி, தைப் பொங்கல், மாட்டுப் பொங்கல், காணும் பொங்கல் என நான்கு நாட்கள் கொண்டாடப்படுகிறது.

போகிப் பண்டிகை:
'பழையன கழிதலும் புதியன புகுதலும்' என்பதற்கேற்ப, மார்கழி மாதத்தின் கடைசி நாளன்று போகிப் பண்டிகை கொண்டாடப்படுகிறது. மக்கள் தங்கள் வீடுகளில் உள்ள தேவையற்ற பொருட்களை எரித்து, வீட்டைச் சுத்தம் செய்வார்கள்.

தைப் பொங்கல்:
தை முதல் நாளன்று தைப் பொங்கல் கொண்டாடப்படுகிறது. அன்று மக்கள் புத்தாடை அணிந்து, புதுப் பானையில் புத்தரிசி இட்டு, வெல்லம், முந்திரி சேர்த்துப் பொங்கலிடுவர். 'பொங்கலோ பொங்கல்' எனக் கூறி, இயற்கைத் தெய்வமான கதிரவனுக்கு நன்றி செலுத்தி வழிபடுவர்.

மாட்டுப் பொங்கல்:
தை இரண்டாம் நாள், உழவுத் தொழிலுக்கு உறுதுணையாக இருக்கும் மாடுகளுக்கு நன்றி செலுத்தும் விதமாக மாட்டுப் பொங்கல் கொண்டாடப்படுகிறது. மாடுகளைக் குளிப்பாட்டி, அவற்றின் கொம்புகளுக்கு வண்ணம் தீட்டி, பொங்கல் ஊட்டி மகிழ்வர்.

காணும் பொங்கல்:
தை மூன்றாம் நாள் காணும் பொங்கல் ஆகும். மக்கள் தங்கள் உற்றார், உறவினர், நண்பர்களைக் கண்டு மகிழ்வர். சுற்றுலாத் தலங்களுக்குச் சென்று பொழுதைக் கழிப்பர்.

முடிவுரை:
இயற்கையோடு இயைந்து வாழும் தமிழர்களின் பண்பாட்டையும், உழவின் சிறப்பையும் உணர்த்தும் பொங்கல் விழா, என்றும் போற்றுதலுக்குரியது.