3rd Class Tamil Term 3 Chapter 8 | Arivutum Tholaikatchi Seithigal | Questions and Answers

3 ஆம் வகுப்பு தமிழ் : பருவம் 3 இயல் 8 : அறிவூட்டும் தொலைக்காட்சிச் செய்திகள்

கேள்விகள் மற்றும் பதில்கள்

பயிற்சி

வாங்க பேசலாம்

தொலைக்காட்சி, நம் கண்ணுக்கும் காதுக்கும் மட்டுமல்ல, அறிவுக்கும் விருந்தளிக்கும் என்பதைப் பிறருக்கு நீங்கள் எப்படி உணர்த்துவீர்கள்?

* தொலைக்காட்சியில் பொழுதுபோக்கு நிகழ்ச்சிகளான திரைப்படம், திரையிசைப் பாடல்கள், தொடர் நாடகங்கள், விளம்பரங்கள் போன்றவற்றை மட்டும் நாம் காண்பதில்லை.

* நம் அறிவை வளர்க்கக்கூடிய கல்வி, வேளாண்மை, விளையாட்டு, மருத்துவம், பொறியியல், தகவல் தொழில்நுட்பம் மற்றும் சமையல் போன்றவற்றைப் பற்றிய அறிவையும் தொலைக்காட்சியின் மூலம் நாம் பெறலாம்.

* வெளிநாட்டில் நடைபெறும் நிகழ்வுகளையும் செய்திகள் மூலம் உடனுக்குடன் தெரிந்துகொள்ள தொலைக்காட்சிகள் பெரிதும் உதவுகின்றது.

படிப்போம்! சிந்திப்போம்! எழுதுவோம்!

சரியான விடையைத் தெரிவு செய்வோமா?

1. விமானம் பறப்பது பற்றிய செய்தியை __________ வாயிலாக இளவரசி அறிந்து கொண்டாள்.

அ) கணினி

ஆ) தொலைக்காட்சி

இ) வானொலி

ஈ) அலைபேசி

விடை : ஆ) தொலைக்காட்சி

2. ஆர்வம் - இச்சொல்லின் பொருள் _____________.

அ) வெறுப்பு

ஆ) மறுப்பு

இ) மகிழ்ச்சி

ஈ) விருப்பம்

விடை : ஈ) விருப்பம்

3. உயரம் என்ற சொல்லின் எதிர்ச்சொல் ______________.

அ) குட்டை

ஆ) நீளம்

இ) நெட்டை

ஈ) நீண்ட

விடை : அ) குட்டை

4. தொலைக்காட்சி – இச்சொல்லைப் பிரித்து எழுதக் கிடைப்பது __________.

அ) தொலை + காட்சி

ஆ) தொல்லை + காட்சி

இ) தொலைக் + காட்சி

ஈ) தொல் + காட்சி

விடை : அ) தொலை + காட்சி

5. குறுமை + படம் - இச்சொற்களைச் சேர்த்து எழுதக் கிடைப்பது _________.

அ) குறுபடம்

ஆ) குறுமை + படம்

இ) குறும்படம்

ஈ) குறுகியபடம்

விடை : இ) குறும்படம்

வினாக்களுக்கு விடையளிக்க.

1. பூங்குழலியும் இளவரசியும் வானத்தில் எதைக் கண்டனர்?

பூங்குழலியும், இளவரசியும் வானத்தில் விமானத்தைக் கண்டனர்.

2. வானில் பறக்கும் விமானம் எதனால் பாதிக்கப்படாது என்று இளவரசி கூறினாள்?

வானில் பறக்கும் விமானம் புயல், மேகமூட்டம், இடி, மழை போன்றவற்றால் பாதிக்கப்படாது என்று இளவரசி கூறினாள்.

3. இளவரசி தொலைக்காட்சியில் என்னவெல்லாம் பார்த்ததாகக் கூறினாள்?

இளவரசி தொலைக்காட்சியில் பொம்மைப் படங்கள், விளையாட்டு நிகழ்ச்சிகள் செய்து பார்ப்போம் போன்ற ஏராளமான நிகழ்ச்சிகளை இளவரசி பார்த்ததாகக் கூறினாள்.

பறவைகளின் ஒலிகளை அறிந்து கோடிட்ட இடங்களை நிரப்புவோம்.

கொடுக்கப்பட்ட சொற்கள்: கரையும், அகவும், பேசும், அலறும், கூவும்

1) காகம் __________

2) மயில் __________

3) கிளி __________

4) ஆந்தை __________

5) சேவல் __________

பதில்களைக் காண்க

1) காகம் கரையும்

2) மயில் அகவும்

3) கிளி பேசும்

4) ஆந்தை அலறும்

5) சேவல் கூவும்

பொருத்தமான சொல்லால் நிரப்புவோம்.

ஒளிர்மதி தோட்டத்தில் பூ பறித்துக்கொண்டு இருந்தாள். கையில் ஒரு பூக்கூடை இருந்தது. அப்போது அங்குப் பரணி வந்தான். கையில் இரண்டு பொம்மைகள் இருந்தன. பார்ப்பதற்கு அழகாக இருந்தன. ஒளிர்மதி, பொம்மையின் தலையில் செம்பருத்திப் பூ வைத்தாள். சிவப்பு வண்ணத்தில் அழகாக இருந்தது. பிறகு, மாமர ஊஞ்சலில் விளையாடினார்கள்.

கதையைப் படித்து கேட்கப்படும் வினாக்களுக்கு விடையளிக்க.

தவளை ஒன்று மிகவும் உடல்நலம் குன்றியிருந்தது. அதன் குட்டித் தவளை தன் தாயைக் காப்பாற்ற நினைத்தது. மாலைநேரம் முடிவதற்குள் மலைமேல் ஏறி, மூலிகை கொண்டு வர நினைத்தது. அந்த மலையில் ஏராளமான பாம்புகள் வாழ்ந்து வந்தன. பாம்புகளால் தனக்குத் தீங்கு நேரிடும் என்று நினைத்தது குட்டித் தவளை. தன் அறிவைப் பயன்படுத்திச் சென்றால்தான் மாலைக்குள் திரும்ப முடியும் என்று நினைத்தது. மலையில் ஏறத் தொடங்கியதும், அந்தக் குட்டித் தவளை பேசத் தொடங்கியது. “முன்னே செல்லும் பருந்தாரே! பின்னே பெரிய கீரியார் மெள்ள வருகிறார், சற்றுப் பொறுத்தே செல்லுங்கள்" என்று திரும்பத் திரும்பக் கூறிக்கொண்டே சென்றது. பாம்புகள் குட்டித்தவளை கூறுவதைக் கேட்டு ஓடி ஒளிந்துகொண்டன. குட்டித்தவளை, தன் கூர் சிந்தனைத்திறனால் காலம் கடத்தாமல் விரைந்து சென்று, மூலிகை கொண்டு வந்து தன் தாயைக் காப்பாற்றியது.

1. உடல்நலம் குன்றிய நிலையில் எது இருந்தது?

தவளை ஒன்று உடல்நலம் குன்றிய நிலையில் இருந்தது.

2. குட்டித்தவளை, தனக்கு யாரால் தீங்கு ஏற்படும் என நினைத்தது?

பாம்புகளால் தனக்கு தீங்கு நேரிடும் என்று குட்டித்தவளை நினைத்தது.

3. குட்டித்தவளை தன்னைக் காப்பாற்றிக் கொள்ள, எந்தெந்தப் பெயர்களைக் கூறியது?

குட்டித்தவளை தன்னைக் காப்பாற்றிக் கொள்ள கீரி, பருந்து போன்ற பெயர்களைக் கூறியது.

4. குறித்த நேரத்திற்குள் ஒரு செயலைச் செய்து முடிப்பது எதைக் குறிக்கும்?

அ) பணிவு

ஆ) காலந் தவிர்க்காமை

இ) நேர்மை

விடை : ஆ) காலந் தவிர்க்காமை.

அறிந்து கொள்வோம்

தொலைக்காட்சியைக் கண்டறிந்தவர் ஜான் லெகி பெயர்டு

விமானத்தைக் கண்டறிந்தவர்கள் ஆல்பர்ட் ரைட், வில்பர்ட் ரைட்

வானொலியைக் கண்டறிந்தவர் மார்க்கோனி

உன்னை அறிந்துகொள்.

1. தொலைக்காட்சியைக் கண்டறிந்தவர் யார்?

தொலைக்காட்சியைக் கண்டறிந்தவர் ஜான் லோக் போர்டு.

2. விமானத்தைக் கண்டறிந்தவர்கள் யார்?

விமானத்தைக் கண்டறிந்தவர்கள் ஆல்பர்ட்ரைட், வில்பர்ட்ரைட் சகோதரர்கள் (ரைட் சகோதரர்கள்).

3. வானொலியைக் கண்டறிந்தவர் யார்?

வானொலியைக் கண்டறிந்தவர் மார்க்கோனி.

கீழ்வரும் சொற்றொடர்களை சரியா? தவறா?

1. தொலைக்காட்சி நிகழ்ச்சிகளை அருகே அமர்ந்து பார்க்கலாம்.

2. வெண்மேகங்களால் மழை பொழியும்.

3. இடிமின்னலின் போது மரத்தடியில் நிற்கக்கூடாது.

4. புயல் அடிக்கும் போது மீனவர்கள் கடலுக்குள் செல்லலாம்.

பதில்களைக் காண்க

1. தொலைக்காட்சி நிகழ்ச்சிகளை அருகே அமர்ந்து பார்க்கலாம். தவறு

2. வெண்மேகங்களால் மழை பொழியும். தவறு

3. இடிமின்னலின் போது மரத்தடியில் நிற்கக்கூடாது. சரி

4. புயல் அடிக்கும் போது மீனவர்கள் கடலுக்குள் செல்லலாம். தவறு

சிந்திக்கலாமா?

பாவழகி அவளுடைய எழுதுகோலைக் கையிலேயே வைத்திருப்பதால் தவறித் தொலைத்து விடுவாள்... பாத்திமா தன் எழுதுகோலைப் பெட்டியில் வைத்துப் புத்தகப் பைக்குள் வைத்திருப்பாள் எனவே, அது பாதுகாப்பாக இருக்கிறது. உன் பொருள்களை நீ எவ்வாறு பாதுகாப்பாய்?

நீ எவ்வாறு உன் பொருள்களைப் பாதுகாப்பாய்?

நான் என் பொருள்களைப் பெட்டியில் வைத்து புத்தகப் பைக்குள் வைத்திருப்பேன்; தேவையான நேரத்தில் எடுத்துப் பயன்படுத்திவிட்டு மீண்டும் பத்திரமாக பைக்குள் வைத்துவிடுவேன்.

கலையும் கைவண்ணமும்

மின்அட்டையில் வாழ்த்து அட்டை உருவாக்குதல்

தேவையான பொருள்கள்

மின் அட்டை

பசை

வண்ண நூல்கள்

❖ மின் அட்டையின் ஓரங்களில் வண்ண நூல்களை ஒட்டி அலங்காரம் செய்யவேண்டும்.

❖ நாம் விரும்பும் படம் வரைந்து அதன் மேல் வண்ண நூல்களை ஒட்ட வேண்டும்.

❖ தேவையான வாழ்த்துச்செய்தியை அட்டையின் நடுப்பகுதியில் எழுதி, வாழ்த்து அட்டையை உருவாக்கவேண்டும்.

சொந்த நடையில் கூறுக.

தொலைக்காட்சியின் நன்மைகளைப் பற்றி உம் சொந்த நடையில் கூறுக.

* சொற்பொழிவு, இசை, நாடகம் போன்றவற்றை நேரில் கண்டுகளிக்கலாம்.

* வீட்டில் இருந்து கொண்டே பல வேலைகளின் நுணுக்கங்களையும் அறிந்துகொள்ள முடியும்.

* பல நாடுகளின் இயற்கைக் காட்சிகள், மிருகங்கள், பறவைகள் ஆகியவற்றை நேரில் பார்ப்பது போன்று கண்டு மகிழலாம்.

* வெகுதொலையில் நடக்கும் விளையாட்டுகளை வீட்டிலிருந்தே கண்டு மகிழலாம்.

* குடும்ப நலத்திட்டம், குழந்தை வளர்ப்பு, நோய் தடுப்பு முறைகள் ஆகியவற்றை நேரில் காட்டுவதால் மக்களுக்கு நன்றாக விளங்குகிறது.

செயல் திட்டம்

தொலைக்காட்சியில் இடம்பெறும் கல்வி பற்றிய செய்திகளைத் தொகுத்து வருக.

உம் சுற்றுப்புறத்திலுள்ள பொருள்களை வரைந்து அவற்றின் பெயர்களை எழுதி வருக.

3rd Std Tamil Term 1 Chapter 2 Kannan Seitha Uthavi Questions and Answers

கண்ணன் செய்த உதவி: கேள்விகள் மற்றும் பதில்கள்

3 ஆம் வகுப்பு தமிழ் : பருவம் 1 இயல் 2

வாங்க பேசலாம்

1. கண்ணனைப் போல நீ யாருக்காவது உதவி செய்திருக்கிறாயா? உனது அனுபவத்தைக் கூறு.

நான் ஒருமுறை பள்ளிக்கு வரும்போது இருசக்கர வாகனம் ஒன்று பழுதாகி நின்று கொண்டு இருந்தது. வாகனத்தை ஓட்டி வந்த பெண்மணி ஒருவர் என்ன செய்வது? என்று தவித்து கொண்டிருந்தார்கள். அந்த வழியாக சென்ற யாரும் அப்பெண்மணிக்கு உதவி செய்ய முன்வரவில்லை. நான் வரும் பாதை அந்தப் பெண்மணிக்கு புதியது போல் தெரிந்தது. நான் உடனே அப்பெண்மணியிடம் வண்டி என்ன பஞ்சரா? என்று கேட்டேன். அப்பெண்மணியும் ஆம்! அவசரமாக ஆட்சியர் அலுவலகத்துக்கு செல்ல வேண்டும். குறுக்குப் பாதை என்பதால் இப்படி வந்தேன். ஆனால் பஞ்சராகி விட்டது. எனக்கு பக்கத்தில் ஏதேனும் ஒர்க்ஷாப் (இருசக்கர வாகன பழுது நீக்குமிடம்) உள்ளதா? உனக்கு தெரியுமா? என்று கேட்டார்கள். நான் உடனே பக்கத்தில் தான் உள்ளது. எனக்கு மெக்கானிக் அண்ணனைத் தெரியும் என்று கூறி விரைந்து ஓடி அன்னை ஆட்டோ ஒர்க்ஸ் மெக்கானிக் வேல்பாண்டி அண்ணனை கூட்டி வந்தேன். 10 நிமிடத்தில் வண்டியை சரிசெய்து கொடுத்தார்கள். அந்தப் பெண்மணி மிகவும் மகிழ்ந்தார்கள்.

2. உனது ஊரில் 108 வாகனத்தைப் பார்த்திருக்கிறாயா? எதற்காக வந்தது? கலந்துரையாடு.

முகிலன் : 108 வாகனத்தை பார்த்திருக்கிறேன்.

செல்வி : 108 வாகனம் என்றால் என்ன?

முருகன் : அவசர கால ஆம்புலன்ஸ் அழைக்கும் எண் 108

மாரி : எதற்கெல்லாம் 108 வாகனத்தை அழைக்கலாம்?

பாத்திமா : 24 × 7 மணிநேரமும் சேவை கட்டணமில்லாத சேவை. உயிரைக் காப்பாற்றவும், விபத்துகளின் போது அடிபட்டவரைக் காப்பாற்றவும், தீ விபத்தின் போது தீக்காயம் பட்டவரை காப்பாற்றவும் தமிழகத்தில் 6800 மருத்துவமனைகளில் 24 மணிநேர இலவச சிகிச்சை வழங்க 108 ஆம்புலன்ஸ் உதவுகிறது என்று என் ஆசிரியர் கூறினார்.

செல்வன் : வேறு என்னென்ன தேவைகளுக்கு 108 எண்ணை தொடர்பு கொள்ளலாம்?

கந்தன் : மாரடைப்பு, தாய் / சிசு பிரச்சனைகள், காக்கா வலிப்பு, பாம்பு கடி, சுவாசக் கோளாறுகள் போன்ற அதிதீவிர உடல்நோய் பிரச்சனைக்கும் 108 எண்ணை அழைக்கலாம் என்று என் தந்தை கூறியுள்ளார்.

படிப்போம் சிந்திப்போம் எழுதுவோம்

சரியான விடையைத் தெரிவு செய்வோமா?

1. கதிரவன் இச்சொல் உணர்த்தும் பொருள் ___________.

அ) சந்திரன்

ஆ) சூரியன்

இ) விண்மீன்

ஈ) நெற்கதிர்

விடை : ஆ) சூரியன்

2. மகிழ்ச்சியடைந்தான் இச்சொல்லைப் பிரித்து எழுதக் கிடைப்பது _______.

அ) மகிழ்ச்சி + அடைந்தான்

ஆ) மகிழ்ச்சி + யடைந்தான்

இ) மகிழ்ச்சியை + அடைந்தான்

ஈ) மகிழ்ச்சியை + யடைந்தான்

விடை : அ) மகிழ்ச்சி + அடைந்தான்

3. ஒலியெழுப்பி இச்சொல்லைப் பிரித்து எழுதக் கிடைப்பது _________.

அ) ஒலி + யெழுப்பி

ஆ) ஒலி + எழுப்பி

இ) ஒலியை + யெழுப்பி

ஈ) ஒலியை + எழுப்பி

விடை : ஆ) ஒலி + எழுப்பி

பொருத்தமான குறியிடுக. (✓) சரி, ( X ) தவறு.

1. கண்ணன் பெரியவருக்குச் சாலையைக் கடக்க உதவினான். (✓)

2. கண்ணன் பள்ளிக்கு நேரத்தோடு வந்து விட்டான். ( X )

3. பெரியவர் அலைபேசியில் 107 ஐ அழைத்தார். ( X )

4. ஆசிரியரும் மாணவர்களும் கண்ணனைப் பாராட்டினர். (✓)

அகர முதலியைப் பார்த்துப் பொருள் வேறுபாடு அறிக

1. ஒலி : சத்தம்

2. ஒளி : வெளிச்சம்

3. பள்ளி : பள்ளிக்கூடம்

4. பல்லி : ஒரு சிறிய உயிரி

5. காலை : அதிகாலை

6. காளை : காளை மாடு

சரியான சொல்லால் நிரப்பிப் படி

1. ஒட்டகச்சிவிங்கி மிகவும் உயரமானது.

2. அதன் கழுத்து நீளமாக இருக்கும்.

3. ஒட்டகசிவிங்கிகுக்குக் குரல்நாண் இருந்தாலும் அதனால் சத்தம் போட்டு கத்த முடியாது.

4. ஒரு சிங்கத்தையே காலால் தாக்கிக் கொல்லும் அளவுக்கு வலிமை வாய்ந்தது.

5. ஒட்டகச்சிவிங்கி இலைதழைகளைத் தின்னும்.

( வலிமை, கத்த, இலைதழைகளைத், நீளமாக, உயரமானது )

வினாக்களுக்கு விடையளி

1. கண்ணன் எங்குப் புறப்பட்டான்?

கண்ணன் பள்ளிக்குப் புறப்பட்டான்.

2. பள்ளி செல்லும் வழியில் கண்ணன் யாரைப் பார்த்தான்?

பள்ளி செல்லும் வழியில் கண்ணன் ஒரு பெரியவரைப் பார்த்தான்.

3. பேருந்து எதில் மோதியது?

பேருந்து பக்கத்தில் இருந்த மரத்தில் மோதியது.

4. பெரியவர் எந்த எண்ணிற்குச் செல்பேசியில் பேசினார்?

பெரியவர் 108 என்ற எண்ணிற்குத் தொடர்பு கொண்டு பேசினார்.

5. ஆசிரியர் கண்ணனை எதற்காகப் பாராட்டினார்?

கண்ணன் விபத்தில் சிக்கிய பேருந்தில் இருந்தவர்களுக்கு உதவினான். அதனால் ஆசிரியர் பாராட்டினார்.

உன்னை அறிந்துகொள்

நீ உன் வீட்டில் யாருக்கு என்ன உதவிகளைச் செய்கிறாய்? வகுப்பறையில் கலந்துரையாடு.

அசோக் : அம்மாவுக்கு காயப் போட்ட துணிகளை மடித்து வைப்பேன்.

மணி : கடைக்குச் சென்று பொருள்கள் வாங்கி வருவேன்.

ராம் : துணிக்கு சோப்பு போடும் போது தண்ணீர் பிடித்துக் கொடுப்பேன்.

மார்ட்டின் : என் அண்ணனுக்கு ஷூ பாலிஷ் போட்டுக் கொடுப்பேன்.

கோமதி : என் அக்காவின் மிதிவண்டியை துடைத்து வைப்பேன்.

கார்த்திக் : என் அப்பாவின் இருசக்கர வாகனத்தை துடைப்பேன்.

ராஜேஷ் : என் அம்மாவுடன் சேர்ந்து வீட்டை சுத்தம் செய்வேன்.

சங்கரி : என் அக்காவிற்கு கூந்தலில் சடை பின்னி விடுவேன்.

ரமேஷ் : என் தம்பிக்கு வண்ணம் தீட்ட சொல்லிக் கொடுப்பேன்.

சித்ரா : என் தம்பியின் விளையாட்டுப் பொருளை சரிசெய்து தருவேன்.

நாகராஜன் : என் அம்மாவுக்கு உதவியாக பாய், தலையணைகளை மடித்து வைப்பேன்.

சொல் விளையாட்டு

வாத்தில் உள்ள எழுத்துகளைக் கொண்டு புதிய சொற்களை உருவாக்குக.

எ.கா: நகை

1. புகை

2. நரி

3. சிரிப்பு

4. நடிப்பு

5. நகைப்பு

6. திகைப்பு

சிந்திக்கலாமா?

அகில் பள்ளியில் படிக்கும் சிறுவன். அவனுக்கு உயிர்களிடத்தில் அன்பு காட்டுவதும். பிறருக்கு உதவி செய்வதும் பிடிக்கும். ஆனால் அவன் பெற்றோர்கள், அகில் சிறுவன் என்பதால், அவனுக்கு ஆபத்து ஏதேனும் ஏற்பட்டு விடுமோ என்று பயப்படுகின்றனர்.

அவர்களின் பயம் சரியானதா? இல்லையா? ஏன்?

இல்லை

Tamil Iyal 1 Karpavai Katrapin | Land Types & Synonyms Answers

இயல் 1, கற்பவை கற்றபின்

1. பின்வரும் நிலவகைகளின் பெயர்களுக்கான காரணங்களைக் கேட்டறிந்து வகுப்பறையில் பகிர்க.

தரிசு, சிவல், கரிசல், முரம்பு, புறம்போக்கு, சுவல், அவல்.

தரிசு: பயிரிடப்படாத நிலம்

சிவல்: செந்நிலம்

கரிசல்: கரிய நிறமுடைய கரிசல்மண்

முரம்பு: பருக்கைக் கற்கள் உள்ள மேட்டுநிலம்

புறம்போக்கு: ஊர்ப்புறத்தில் குடிகள் வசம் இல்லாத நிலப்பகுதி

சுவல்: மேடு

அவல்: அகன்ற பள்ளம், விளைநிலம்

2. ஒரு பொருள் தரும் பல சொற்களைப் பட்டியலிடுக.

எடுத்துக்காட்டு: சொல்லுதல்: பேசுதல், விளம்புதல், செப்புதல், உரைத்தல், கூறல், இயம்பல், மொழிதல்.

ஒருபொருட்பன்மொழி

சொல்: பதம், மொழி, கிளவி.

காற்று: வளி, வாயு

அம்மா: தாய், அன்னை.

குழந்தை: குழவி, பிள்ளை.

விடை: செப்பு, இறை.

போல: புரைய, ஒப்ப, உறழ, மான, கடுப்ப, நேர, நிகர, அன்ன.

பெரிய: மா, நனி, கழி, கடி, கூர், சால, தவ, உறு, குரு

துயில்: உறக்கம், தூக்கம்.

கதிரவன்: வெய்யோன், பகலவன், ஞாயிறு, பரிதி.

நிலா: மதி, திங்கள், அம்புலி.

அழகு: அணி, வனப்பு, எழில், கவின்.

இன்பம்: உவகை, மகிழ்ச்சி களிப்பு.

வீடு: இல்லம், உறையுள், மனை.

சோலை: பொதும்பர், கா, பொழில்