Katchiyai Kandu Kavinura Ezhuthuga | Maram Valarthiduga Poem Explanation | Iyal 5

காட்சியைக் கண்டு கவினுற எழுதுக

இயல் 5

தலைப்பு: மரம் வளர்த்திடுக!

மரம் அழித்த மானிடர்..!

வரம் இழந்து போயினர்..!

சோலைகள் பாலைகள் ஆயின...

சுவாசமும் சுவர்க்கமும் ஏகின...

கரும்பலகையில் மரம் வரைந்து

கற்பதில் ஏது பயன்?

உணவும் உயிரும் தந்திடும்!

உணர்வும் ஊக்கமும் தந்திடும்!

உள்ளம் தெளிந்து,

விருட்சம் வளர்த்து,

பெறுக நற்பயன்!

சுவாசமும் சுவர்க்கமும் ஏகின- முன்னர் மரங்கள் அடர்ந்து இருந்தமையால் உண்டான இளம் தென்றலின் நல்ல சுவாசமும், அதனால் உண்டான இனிய சுவர்க்கமும் பூமியை விட்டு நீங்கின.

Tamil Creative Writing Answer Key: Katchiyai Kandu Kavinura Ezhuthuga (Iyal 3 - Anbu)

காட்சியைக் கண்டு கவினுற எழுதுக

இயல் 3

தலைப்பு: அன்பு

ஓலைக் குடிசையில் வாழ்ந்தாலும்...

ஒருவேளைக் கூழே உண்டாலும்...

உள்ளம் நிறைய அன்புடனே...

ஒருகை நீயும் அளித்தாயே!

கசங்கிய உடையை அணிந்தாலும்...

கலங்கா உள்ளம் படைத்தாயே!

இல்லா நிலையை அடைந்தாலும்...

இரங்கிய உள்ளம் படைத்தாயே!

உன்போல் ஒருவரைக் கண்டாலே...

ஊக்கத்தால் உள்ளம் துளிர்த்திடுமே!!

விளக்கம்

ஒருவேளைக் கூழே உண்டாலும்- ஒரு வேளைதான் உணவு கிடைக்கிறது. அதுவும் கூழ்தான்.

உள்ளம் நிறைய அன்புடனே ஒருகை நீயும் அளித்தாயே- ஒரு கை அளவுதான் உணவு என்றாலும் நீ அளித்தது உள்ளம் நிறைய அன்புடன்... அந்த உணவு இவ்வுலகில் விலைமதிப்பற்றது.

கலங்கா உள்ளம் படைத்தாயே- தனது ஏழ்மை நிலையைக் கண்டு மனம் சிறிதும் கலங்கவில்லை.

உன்போல் ஒருவரை காணும்போதெல்லாம் அத்தகைய இரங்கிய உள்ளம் தனக்கும் வர வேண்டும் என்ற எண்ணமும் பிறருக்கு உதவி செய்யும் மனப்பாங்கும் உள்ளத்தில் துளிர்க்கிறது. இது, ஒரு தீக்குச்சி ஓராயிரம் விளக்குகளை ஏற்றுவதற்குச் சமமானது.

-Omtex Classes

Katchiyai Kandu Kavinura Ezhuthuga Answer Key | Chapter 4 | Technology Addiction

காட்சியைக் கண்டு கவினுற எழுதுக

இயல் 4

தலைப்பு: தொழில்நுட்ப அடிமை

கிரகாம்பெல் கண்ட அற்புத விளக்கு!

மார்ட்டின் கூப்பரின் மந்திர விளக்கு!

பேஜ் பிரினின் கூகுள் தேடல்...

சூக்கர் பெர்கின் முகநூல் நட்பு...

ஆக்டன்- கௌமின் புலனப் பார்வை ...

ஆளை மயக்கும் ஆண்ட்ராய்டு பதிப்பு..!

ஆட் கொண்டதில் இல்லையே வியப்பு..!

ஆசை உறவை அலைபேசியில் கண்டாய்!

படிப்பும் பணியும் கைபேசியில் முடித்தாய்!

தொழில்நுட்பத் தொல்லையில் தொலைந்தேன் போனாய்?!

தொடுதிரை உலகில் அடிமை ஆனாய்..!

தொலைபேசியைக் கண்டறிந்தவர், அலெக்சாண்டர் கிரகாம்பெல்.

செல்போனைக் கண்டறிந்தவர் மார்ட்டின் கூப்பர்.

கூகுளைக் கண்டறிந்தவர்கள் லாரி பேஜ், செர்ஜி பிரின்

முகநூலைக் கண்டறிந்தவர் மார்க் ஸுக்கர்பெர்க்.

புலனத்தைக் கண்டறிந்தவர்கள் ஜன் கௌம், பிரையன் ஆக்டன்

தொழில்நுட்பத் தொல்லையில் மறைந்து ஏன் போனாய்- ஒவ்வொரு நாளும் புதுப்புது தொழில்நுட்பங்கள் வந்து கொண்டே இருக்கின்றன. அவை, நமது கவனத்தைத் திசை திருப்பி, நம்மை ஆசையில் விழவைத்து, நாம் அதில் மறைந்து போகின்றோம். அவ்வாறு 'தொழில்நுட்பத் தொல்லையால்' நம்மை நாம் இழப்பது தவறு. 'அது' தவறு என்று கேள்வி எழுப்பப்படுகிறது.