6th Tamil - 2nd Mid Term Exam 2024 - Original Question Paper | Thiruvallur District

6th Standard Tamil 2nd Mid Term Exam 2024
Original Question Paper with Answer Key

இரண்டாம் இடைப்பருவத் தேர்வு – 2024
ஆறாம் வகுப்பு - தமிழ்

நேரம்: 1.30 மணி | மதிப்பெண்கள்: 50

I. சரியான விடையைத் தேர்ந்தெடுத்து எழுதுக (5x1=5)

1. மாணவர்கள் நூல்களை _____ கற்க வேண்டும்.

• அ) மேலோட்டமாக
• ஆ) மாசுற
• இ) மாசற
• ஈ) மயக்கமுற

இ) மாசற

2. கைப்பொருள் என்னும் சொல்லைப் பிரித்து எழுதக் கிடைப்பது

• அ) கையில் + பொருள்
• ஆ) கைப் + பொருள்
• இ) கை + பொருள்
• ஈ) கைப்பு + பொருள்

இ) கை + பொருள்

3. காடு + ஆறு என்பதனைச் சேர்த்து எழுதக் கிடைக்கும் சொல்

• அ) காட்டாறு
• ஆ) காடாறு
• இ) காட்டு ஆறு
• ஈ) காடு ஆறு

அ) காட்டாறு

4. மெல்லினத்திற்கான இன எழுத்து இடம் பெறாத சொல் எது ?

• அ) மஞ்சள்
• ஆ) வந்தான்
• இ) கண்ணில்
• ஈ) தம்பி

இ) கண்ணில்

5. நன்றியறிதல் என்னும் சொல்லைப் பிரித்து எழுதக் கிடைப்பது

• அ) நன்றி + யறிதல்
• ஆ) நன்றி + அறிதல்
• இ) நன்று + அறிதல்
• ஈ) நன்று + யறிதல்

இ) நன்று + அறிதல்

II. கோடிட்ட இடங்களை நிரப்புக (4x1=4)

6. பிறரிடம் நான் இன்சொல் பேசுவேன்.

7. கதிர் முற்றியதும் அறுவடை செய்வர்.

8. முக்கனிகள் மா, பலா, வாழை ஆகும்.

9. தை மாதத்தின் முதல் நாள் பொங்கல் பண்டிகை.

III. பொருத்துக (3x1=3)

வினா	விடை
10. தேசம்	நாடு
11. நெறி	வழி
12. பண்	இசை

IV. எவையேனும் 5 வினாக்களுக்கு மட்டும் விடையளி (5x2=10)

13. நாம் யாருடன் சேரக் கூடாது?

நாம் தீய எண்ணம் கொண்டவர்களுடனும், தீய பழக்கங்கள் உடையவர்களுடனும் சேரக் கூடாது.

14. இன எழுத்துக்கள் என்றால் என்ன?

சில எழுத்துகளுக்கு இடையே ஒலிக்கும் முயற்சி, பிறக்கும் இடம் ஆகியவற்றில் ஒற்றுமை உண்டு. இவ்வாறு ஒற்றுமை உள்ள எழுத்துகள் இன எழுத்துகள் எனப்படும்.

15. எந்த உயிருக்கும் செய்யக் கூடாதது எது?

நாம் எந்த உயிருக்கும் துன்பம் செய்யக் கூடாது.

16. நமது வீட்டிற்கு வந்தவரை உபசரிக்கும் முறையாக நாட்டுப்புறப்பாடல் கூறுவது யாது?

வீட்டிற்கு வந்த விருந்தினரை முகமலர்ச்சியுடன் வரவேற்று, அறுசுவை உணவளித்து உபசரிக்க வேண்டும் என நாட்டுப்புறப்பாடல் கூறுகிறது.

17. போகிப் பண்டிகை எதற்காகக் கொண்டாடப்படுகிறது?

பழையன கழிதலும் புதியன புகுதலும் என்பதற்கேற்ப, வாழ்க்கைக்குத் துன்பம் தரும் பழையனவற்றைக் கழிப்பதற்காகவும், புதியனவற்றைப் போற்றுவதற்காகவும் போகிப் பண்டிகை கொண்டாடப்படுகிறது.

18. உழவர்கள் ஏன் மாடுகளுக்கு நன்றி செலுத்துகின்றனர்?

உழவுத் தொழிலில் ஆண்டு முழுவதும் தங்களுக்குப் பேருதவியாக இருந்த மாடுகளுக்கு நன்றி செலுத்தும் விதமாக உழவர்கள் மாட்டுப் பொங்கல் கொண்டாடி நன்றி செலுத்துகின்றனர்.

19. மயங்கொலி எழுத்துகள் யாவை?

உச்சரிப்பில் சிறிதளவு மட்டுமே வேறுபாடு உள்ள ஒலிகள் மயங்கொலிகள் எனப்படும். மயங்கொலி எழுத்துகள் எட்டு. அவை: ந, ன, ண; ல, ள, ழ; ர, ற.

V. எவையேனும் 2 வினாக்களுக்கு விடையளி (2x4=8)

20. கற்றவரின் பெருமைகளாக மூதுரை கூறுவன யாவை?

மன்னனையும் குறையில்லாமல் கற்றவரையும் ஒப்பிட்டு ஆராய்ந்து பார்த்தால், மன்னனை விடக் கற்றவரே சிறந்தவர். மன்னனுக்குத் தன் நாட்டில் மட்டுமே சிறப்பு. கல்வி கற்றவருக்கோ, அவர் சென்ற இடங்களிலெல்லாம் சிறப்பு உண்டு.

21. காமராசர் காலத்தில் தொடங்கப்பட்ட கல்வி நிறுவனங்கள் யாவை?

காமராசர் காலத்தில் பின்வரும் கல்வி நிறுவனங்கள் தொடங்கப்பட்டன:

• பொறியியல் கல்லூரிகள்
• மருத்துவக் கல்லூரிகள்
• கால்நடை மருத்துவக் கல்லூரிகள்
• ஆசிரியர் பயிற்சி நிறுவனங்கள்

22. ஆசாரக்கோவை கூறும் எட்டு வித்துகள் யாவை?

ஆசாரக்கோவை கூறும் நல்லொழுக்கத்திற்கான எட்டு விதைகள்:

1. பிறர் செய்யும் உதவியை மறவாதிருத்தல்.
2. பிறர் செய்யும் தீமையைப் பொறுத்துக் கொள்ளுதல்.
3. இனிய சொற்களைப் பேசுதல்.
4. எவ்வுயிர்க்கும் துன்பம் செய்யாதிருத்தல்.
5. கல்வி அறிவு பெறுதல்.
6. அனைவரையும் சமமாகப் பேணுதல்.
7. அறிவுடையவராய் இருத்தல்.
8. நற்பண்புகள் உடையவரோடு நட்பு கொள்ளுதல்.

23. காணும் பொங்கலை மக்கள் எவ்வாறு கொண்டாடுகின்றனர்?

மாட்டுப் பொங்கலுக்கு அடுத்த நாள் காணும் பொங்கல் ஆகும். இந்நாளில் உற்றார் உறவினர் மற்றும் நண்பர் வீடுகளுக்குச் சென்று அவர்களைக் கண்டு மகிழ்வர். குடும்பத்தினருடன் விரும்பிய இடங்களுக்குச் சென்று மகிழ்வர். மேலும், பெரியோரிடம் ஆசி பெறுவர்.

VI. அனைத்து வினாக்களுக்கும் விடையளி (5x2=10)

24. பின்வரும் சொற்களைத் திருத்தி எழுதுக:

அ) நன்ரி - நன்றி
ஆ) மன்டபம் - மண்டபம்

25. சொற்றொடரில் அமைத்து எழுதுக:

அ) ஏட்டுக்கல்வி: ஏட்டுக்கல்வி மட்டும் வாழ்க்கைக்குப் போதாது, அனுபவக் கல்வியும் வேண்டும்.
ஆ) வகுப்பு: நான் ஆறாம் வகுப்பில் படிக்கிறேன்.

26. கலைச்சொல் தருக:

அ) Education - கல்வி
ஆ) Library - நூலகம்

27. கீழ்க்காணும் சொற்களில் உள்ள எழுத்துக்களைக் கொண்டு புதிய சொற்களை உருவாக்குக:

அ) மண்டபம் - மடம், படம், பண், பம், பண்டம்
ஆ) கல்வி - கல், கவி, வில்

28. எதிர்ச்சொல் தருக:

அ) இன்பம் x துன்பம்
ஆ) சிறுவன் x பெரியவன்

VII. அடிமாறாமல் எழுதுக (1x4=4)

29. “மன்னனும்” எனத் தொடங்கும் மூதுரை பாடலை எழுதுக.

மன்னனும் மாசறக் கற்றோனும் சீர்தூக்கின்
மன்னனின் கற்றோன் சிறப்புடையன் - மன்னற்குத்
தன்தேசம் அல்லால் சிறப்பில்லை கற்றோர்க்குச்
சென்றஇடம் எல்லாம் சிறப்பு.

VIII. கட்டுரை வடிவில் விடையளி (1x6=6)

30. அ) “காமராசர்” என்ற தலைப்பில் கட்டுரை எழுதுக. (அல்லது) ஆ) பொங்கல் திருநாள்

அ) காமராசர்

முன்னுரை:
கல்விக்கண் திறந்த காமராசர் என்று மக்களால் அன்புடன் அழைக்கப்படும் பெருந்தலைவர் காமராசர், தமிழ்நாட்டின் முதலமைச்சராகப் பணியாற்றி, கல்வி, தொழில், விவசாயம் எனப் பல துறைகளில் பெரும் புரட்சியை ஏற்படுத்தியவர். அவரைப் பற்றி இக்கட்டுரையில் காண்போம்.

இளமைப் பருவம்:
காமராசர் விருதுநகரில் குமாரசாமி - சிவகாமி அம்மையாருக்கு மகனாகப் பிறந்தார். வறுமையின் காரணமாகத் தனது பள்ளிப்படிப்பைப் பாதியிலேயே நிறுத்தினார்.

கல்விப் பணிகள்:
முதலமைச்சராகப் பொறுப்பேற்ற காமராசர், தமிழ்நாட்டில் கல்விப் புரட்சியை ஏற்படுத்தினார். மூடப்பட்டிருந்த ஆறாயிரம் பள்ளிகளைத் திறந்தார். குழந்தைகள் பள்ளிக்கு வருவதை ஊக்குவிக்க மதிய உணவுத் திட்டத்தைக் கொண்டுவந்தார். ஏழை மாணவர்களுக்குச் சீருடைத் திட்டத்தை அறிமுகப்படுத்தினார். பொறியியல், மருத்துவக் கல்லூரிகள் எனப் பல கல்வி நிறுவனங்களைத் தொடங்கினார்.

பிற சாதனைகள்:
விவசாயிகளின் நலனுக்காகப் பல அணைகளைக் கட்டினார். தொழில் வளர்ச்சியைப் பெருக்கப் பல தொழிற்சாலைகளைத் தொடங்கினார். இவரது தன்னலமற்ற சேவையைப் பாராட்டி இந்திய அரசு "பாரத ரத்னா" விருதை வழங்கியது.

முடிவுரை:
தன் வாழ்நாள் முழுவதும் மக்களுக்காகவே உழைத்த கர்மவீரர் காமராசர். அவரது எளிமையும், நேர்மையும், உழைப்பும் என்றும் நமக்கு ஒரு வழிகாட்டியாகும்.

---

ஆ) பொங்கல் திருநாள்

முன்னுரை:
"தை பிறந்தால் வழி பிறக்கும்" என்பது பழமொழி. தமிழர்களின் தலையாய பண்பாடான உழவுத் தொழிலைப் போற்றும் திருநாளே பொங்கல். உழவர்கள் இயற்கைக்கு நன்றி செலுத்தும் விழாவாக இது கொண்டாடப்படுகிறது. இது தமிழர் திருநாள் என்றும் அழைக்கப்படுகிறது.

போகிப் பண்டிகை:
பொங்கலுக்கு முதல் நாள் போகிப் பண்டிகை. அன்று "பழையன கழிதலும் புதியன புகுதலும்" என்ற அடிப்படையில், வீட்டில் உள்ள தேவையற்ற பழைய பொருட்களை எரித்து, வீட்டைச் சுத்தம் செய்வர். இது மனதில் உள்ள தீய எண்ணங்களை அகற்றுவதைக் குறிக்கிறது.

தைப்பொங்கல்:
தை மாதம் முதல் நாள் தைப்பொங்கல் கொண்டாடப்படுகிறது. அன்று மக்கள் அதிகாலையில் எழுந்து, நீராடி, புத்தாடை அணிவர். வீட்டு முற்றத்தில் புதுப் பானையில் புத்தரிசியிட்டு, வெல்லம், பால் சேர்த்துப் பொங்கல் வைப்பர். பொங்கல் பொங்கி வரும்போது "பொங்கலோ பொங்கல்" என்று கூறி மகிழ்வர். விளைச்சலுக்கு உதவிய கதிரவனுக்கும், பிற உயிர்களுக்கும் படையலிட்டு நன்றி தெரிவிப்பர்.

மாட்டுப் பொங்கல்:
அடுத்த நாள் மாட்டுப் பொங்கல். உழவுக்கு உதவிய மாடுகளுக்கு நன்றி தெரிவிக்கும் நாள் இது. மாடுகளைக் குளிப்பாட்டி, அவற்றின் கொம்புகளுக்கு வண்ணம் தீட்டி, மாலை அணிவித்து அழகுபடுத்துவர். அவற்றுக்குப் பொங்கல் மற்றும் கரும்பு கொடுத்து வணங்குவர்.

காணும் பொங்கல்:
நான்காம் நாள் காணும் பொங்கல். இந்நாளில் மக்கள் தங்கள் உற்றார் உறவினர்களையும் நண்பர்களையும் கண்டு மகிழ்வர். பெரியோர்களிடம் ஆசி பெறுவர். சுற்றுலாத் தலங்களுக்குச் சென்று பொழுதைக் கழிப்பர்.

முடிவுரை:
பொங்கல் விழா, உழவையும், இயற்கையையும், உழைப்பையும் போற்றும் உன்னத விழா. இது தமிழர்களின் ஒற்றுமையையும் பண்பாட்டையும் வெளிப்படுத்தும் திருவிழாவாகும்.