Patterns in Sound: 2nd Grade Maths Term 1 Unit 3 | Samacheer Kalvi

அலகு 3 : அமைப்புகள்

ஆசிரியருக்கான குறிப்பு : ஆசிரியர் பாடலைப் பாடக் குழந்தைகளை ஊக்குவித்தல் வேண்டும். குழந்தைகளுடன் சேர்ந்து ஆசிரியர் பாடலைச் செய்கைகளோடு பாட வேண்டும்.

ஒலிகளில் அமைப்புகள்

பயணம் செய்வோம்

போகும் வழியெல்லாம் ...

மாட்டு வண்டியின் சத்தம்

கட முட கட கட முட கட கட முட கட

மாட்டு வண்டியின் சத்தம் கட முட கட

போகும் வழியெல்லாம் ....

குதிரை வண்டியின் சத்தம்

டக் டக் டிக் டக் டக் டிக் டக் டக் டிக்

குதிரை வண்டியின் சத்தம் டக் டக் டிக்

போகும் வழியெல்லாம் ....

மிதிவண்டி மணிச் சத்தம்

ட்ரிங் கிளிங் ட்ரிங் ட்ரிங் கிளிங் ட்ரிங் ட்ரிங் கிளிங் ட்ரிங்

மிதிவண்டி மணிச் சத்தம் ட்ரிங் கிளிங் ட்ரிங்

போகும் வழியெல்லாம் ....

மோட்டார் வண்டியின் சத்தம்

டப்டப்டுப் டப்டப்டுப் டப்டப்டுப்

மோட்டார் வண்டியின் சத்தம் டப்டப்டுப்

போகும் வழியெல்லாம் ..

தொடர் வண்டியின் சத்தம்

சிக்கு புக்கு சிக் சிக்கு புக்கு சிக் சிக்கு புக்கு சிக்

தொடர் வண்டியின் சத்தம் சிக்கு புக்கு சிக்

போகும் வழியெல்லாம் ......

கலைச் சொற்கள் : ஒலிகள், மிதிவண்டி, தொடர் வண்டி

ஆசிரியருக்கான குறிப்பு

ஆசிரியர் பாடலைப் பாடக் குழந்தைகளை ஊக்குவித்தல் வேண்டும். குழந்தைகளுடன் சேர்ந்து ஆசிரியர் பாடலைச் செய்கைகளோடு பாட வேண்டும்.

கற்றல்

ஒலி அமைப்புகளை உற்று நோக்கி மீண்டும் செய்க.

மேலே உள்ளவாறு பல வழிகளில் ஒலி அமைப்புகளை உருவாக்கலாம்.

செய்து பார்

வேறுபட்ட எண்ணிக்கையில் கை தட்டுதல், மேசை தட்டுதல், சொடுக்குதல் வழியாக ஒலி அமைப்புகளை நீங்களே உருவாக்குங்கள்.

கூடுதலாக அறிவோம்

இசை என்பது ஓர் ஒழுங்கமைவில் பல்வேறு இசைக்கருவிகளால் எழுப்பப்படும் ஒலி அமைப்புகளே ஆகும்.

செயல்பாடு

பாத்திரங்களைக் கொண்டு ஒலி அமைப்புகளை உருவாக்குதல்

வழிமுறை :

* குழந்தைகளை இரு குழுக்களாகப் பிரிக்கவும்.

* முதல் குழுவில் உள்ள குழந்தைகள் தட்டையும், கரண்டியையும் இரண்டாம் குழுவில் உள்ள குழந்தைகள் டிபன் பாக்சையும், கரண்டியையும் எடுத்துக்கொள்ளவும்.

* ஆசிரியர் 1, 3 எனக் கூறினால், முதல் குழு ஒரு முறையும் இரண்டாம் குழு மூன்று முறையும் பாத்திரத்தைக் கரண்டியால் தட்டி ஒலி எழுப்ப வேண்டும். இவ்வாறு ஆசிரியர் அடுத்த இரு எண்களைக் கூறும் வரை இது போலத் தொடரலாம்.

முயன்று பார்

என் சொந்த இசை

அருகாமையில் கிடைக்கும் பொம்மைகள், குச்சிகள் ஆகியவற்றைக்கொண்டு உங்களுக்கான ஒலி அமைப்புகளை உருவாக்குக.

மகிழ்ச்சி நேரம்

நமக்குச் சொந்தமான இசைக்கருவியைக் கீழே கொடுக்கப்பட்டுள்ள படிகளைக் கொண்டு நாமே உருவாக்குவோம்.

படி 1

ஒரு டின், பலூன், கத்தரிக்கோல் இரப்பர் பேண்ட் மற்றும் 2 குச்சிகளை எடுத்துக்கொள்வோம்.

படி 2

பலூனைப் படத்தில் உள்ளவாறு வெட்டவும்

படி 3

டின்னின் மீது பலூனைப் பொருத்தவும்.

படி 4

உங்களுக்குப் பிடித்தமான ஒலி அமைப்பை உருவாக்கி நண்பர்களுடன் பகிரவும்.

Patterns in Sounds | Term 1 Unit 3 | Class 1 Maths in Tamil

அமைப்புகள்: ஒலி அமைப்புகள்

1 ஆம் வகுப்பு கணக்கு | பருவம் 1 | அலகு 3

ஆசிரியருக்கான குறிப்பு

ஒலி எழுப்பியவாறே பாடலைப் பாடவும். மீண்டும் ஆசிரியர் பாடும்பொழுது கைதட்டு, விரல்சொடுக்கு, காலால்தட்டு, மேசையில் தட்டு போன்ற வார்த்தைகளைப் பயன்படுத்துவதற்குப் பதிலாக அவற்றிற்குரிய ஒலிகளை எழுப்பிப் பாடவும். இத்தகைய செயல் ஒலி அமைப்பினை மெருகேற்றும்.

அலகு 3: அமைப்புகள்

ஒலி அமைப்புகள்

கலைச்சொற்கள்:

அமைப்பு, ஒலி, வண்ணம்

பயணம் செய்வோம்

பள்ளி செல்லும் வழியில் ...

மதி பள்ளிக்குச் செல்கிறாள். அவள் செல்லும் வழியில் பல ஒலிகளைக் கேட்கிறாள். அந்த ஒலிகளில் உள்ள அமைப்புகளைக் கேட்டு மகிழ்கிறாள். வாருங்கள் நாமும் அவளுடன் சேர்ந்து பயணித்து மகிழ்வோம்.

ஆசிரியருக்கான குறிப்பு

● மேற்காணும் சூழலில் ஏற்படக்கூடிய ஒலிகளை வகுப்பறையில் ஒலிக்கச் செய்து நடித்துக் காண்பித்தல்.

● அன்றாட வாழ்வியல் சூழ்நிலைகளில் கேட்டு மகிழ்ந்த மற்ற ஒலிகளையும் ஒலிக்க மாணவர்களை ஊக்கப்படுத்துதல். எடுத்துக்காட்டு: பறவைகள், விலங்குகள், போக்குவரத்துச் சாதனங்கள் போன்றவற்றின் ஒலிகள்.

நான் மகிழ்ச்சியாய் உள்ளேன்.

கற்றல்

கைதட்டு, கைதட்டு, கைதட்டு

வீட்டில் நான் மகிழ்ச்சியாய் உள்ளேன்;

எனவே, கைதட்டு, கைதட்டு, கைதட்டு.

விரல்சொடுக்கு, விரல்சொடுக்கு, விரல்சொடுக்கு

பள்ளியில் நான் மகிழ்ச்சியாய் உள்ளேன்;

எனவே, விரல்சொடுக்கு, விரல்சொடுக்கு, விரல்சொடுக்கு.

காலால் தட்டு, காலால் தட்டு, காலால் தட்டு

வகுப்பில் நான் மகிழ்ச்சியாய் உள்ளேன்;

எனவே, காலால் தட்டு, காலால் தட்டு, காலால் தட்டு.

மேசையில் தட்டு, மேசையில் தட்டு, மேசையில் தட்டு

எங்கும் நான் மகிழ்ச்சியாய் உள்ளேன்;

எனவே, மேசையில் தட்டு, மேசையில் தட்டு, மேசையில் தட்டு.

ஆசிரியருக்கான குறிப்பு

ஒலி எழுப்பியவாறே பாடலைப் பாடவும். மீண்டும் ஆசிரியர் பாடும்பொழுது கைதட்டு, விரல்சொடுக்கு, காலால்தட்டு, மேசையில் தட்டு போன்ற வார்த்தைகளைப் பயன்படுத்துவதற்குப் பதிலாக அவற்றிற்குரிய ஒலிகளை எழுப்பிப் பாடவும். இத்தகைய செயல் ஒலி அமைப்பினை மெருகேற்றும்.

செய்து பார்

கைதட்டி மகிழ்வோம்

கைதட்டி ஒலி எழுப்புவதில், கீழ்காணும் வரையறுத்த ஒலி அமைப்பினை ஏற்படுத்த ஆசிரியர் முனையலாம்.

1 முறை கைதட்டு - 1 முறை கைதட்டு - 1 முறை கைதட்டு,...

2 முறை கைதட்டு - 2 முறை கைதட்டு – 2 முறை கைதட்டு,...

1 முறை கைதட்டு - 1 முறை கைதட்டு – 3 முறை கைதட்டு,...

3 முறை கைதட்டு - 3 முறை கைதட்டு, - 1 முறை கைதட்டு,...

1 முறை கைதட்டு, - 1 முறை கைதட்டு,.. –

முயன்று பார்

மியாவ்வும், லொள்-லொள்ளும் நண்பர்கள். நீண்ட நாட்களுக்குப் பிறகு அவை சந்தித்துக்கொள்கின்றன. மியாவ்வும் லொள்-லொள்ளும் எவ்வாறு பேசிக்கொள்ளும் என்பதை நினைத்துச் செய்து பார்க்கவும்.

செயல்பாடு

செய்து மகிழவும்

நோக்கம்: ஒலி அமைப்புகளை உருவாக்குதல்

தேவையான பொருட்கள்: பென்சில், கரண்டி, அளவுகோல், அழிப்பான், குவளை

செய்முறை: மேற்காணும் பொருட்களை மேசையில் தட்டுவதால் எழும்பும் ஒலி அமைப்புகளைக் கேட்டு மகிழ்க.

கீழ்க்கண்ட அமைப்புகளையும் பின்பற்றிச் செய்து பார். மேலும், சில அமைப்புகளை உருவாக்கிப் பார்.

ஆகா! எங்கும் ஒலி அமைப்புகள் உள்ளன. எங்கெல்லாம் ஒலி அமைப்புகளைக் கேட்க முடிகிறது? பகிரவும்.